اصحاب ليسانس كلاسيكي

houssam attia · 2013-10-15, 16:10

ياجماعة احنا اصحاب النظام الكلاسيكي لازم نلقاو حل قبل مايخرجونا للتقاعد كل الفروع خاصة في الثانوي اصبح يشارك فيها الماستر والاولوية ليه فقط واحنا واش نخدمو خاصة ليعندهم ليسانس الفلسفة فهمونا لكان فهمتو حاجة ولازم نتوحد ونديرو كلمة وحدا رانا كرهنا الوضع هدا

manina16 · 2013-10-15, 20:42

يقريونا و يحطونا في الستوك

ريمة14 · 2013-10-15, 20:44

مليناااااااا

~~غليزاني 26 سنة~~ · 2013-10-16, 00:56

من التعاقد الى التقاعد
نفس الشيء بطالة

هاجر المدانية · 2013-10-16, 10:50

صح عيدكم يا جماعة الخير مش غير في مجال تعليمي لي فيه هاك فالإدارة ثان راهم غير الصغار لي يخدمو ماراهم فاهمين فيها والو لا خبرة لا والو بصح بمعارفهم انا دبلوم تاعي راني دايراتو فوق الخزانة نسيتو سايي 12 سنة مسكين مادارلي والو الله يهدينا وخلاص مالقينا مانقولو.

houssam attia · 2013-10-16, 11:22

ياخاوتي كامل في الهم واحد بصح لازم مانيأسوش ونظمو انفسنا امام كل مديريات التربية ونطالبو بحقنا ويرجعولنا قيمتنا لكان بقينا ساكتين ويائسين واحد مايسمعنا

imad nour · 2013-10-16, 11:52

الحل هو ان كل واحد يروح يرجع الديبلوم للجامعة نتاعه و يقول ليهم : يكثر خيركم على الثقة مي ما نحتاجوش دركا

عاشقة الهلال · 2013-10-16, 21:05

انا قريت فبلو واني قاعدة نسنتر لا خدمة لا والو

mourad ali · 2013-10-16, 21:35

هكدا ومازال غدوا ايزيدوا ايعادل الماستر بالماجستير واصحاب الكلاسيك مع احتراماتي وانا واحد منهم ابقانا نشارك في العمال المهنيين والمتفوقين في مراقب اداري

samalg · 2013-10-17, 09:46

سايييييييييييييي حنا أصحاب نظام الكلاسيك راحت علينا وعندنا ما نديروا ياخي حراوبية بغاها فينا دخلت نظام lmd وعطاه الأولوية علينا حنا ماعلينا إلا أن نوكلوا ربي

بنت النخلة · 2013-10-17, 19:19

اقتباس:

المشاركة الأصلية كتبت بواسطة houssam attia

ياجماعة احنا اصحاب النظام الكلاسيكي لازم نلقاو حل قبل مايخرجونا للتقاعد كل الفروع خاصة في الثانوي اصبح يشارك فيها الماستر والاولوية ليه فقط واحنا واش نخدمو خاصة ليعندهم ليسانس الفلسفة فهمونا لكان فهمتو حاجة ولازم نتوحد ونديرو كلمة وحدا رانا كرهنا الوضع هدا

يا اخي عندك حق يدي على يدك انا متخرجة بيولوجي وداروها بينا في مسابقات التربية والتعليم الي فاتو في الابتدائي ماعندناش الحق باش نحطو فيه وفي الثانوي هزو غير لماسترحتى لي ماجور وعندهم مجيستير مانجحوهمش وجودنا كان شكلي فقط والحل هو لازم نتحدو كيما قلت ونديرو موقف واحد في كل ولايات الوطن وتلحق هدرتنا الى مديريات التربية والى الوزير المكلف ويعرفوا بلي رانا مظلومين وما نبقاوش نندبوا في حضنا وندعيو على المسؤولين ونقولوا ربي كتبلنا هكا وهذا ماهوش صحيح على خاطراش ربي ما يرضاش بالظلم ولازم ناخذوا بالاسباب ونهدروا على رواحنا

houssam attia · 2013-10-18, 09:06

نعم الكلام الصحيح ان نتخد مبادرة فعالة لان الايام علمتنا أن حكومتنا متتولهش بالمطالب الا بالاحتجاجات المرفوعة والوقوف يد وحدا في كل مديريات التربية حتى نوصلو رسالة ان الوزارة تجاوزت الخطوط الحمراء مع الشباب المتخرج نظام كلاسيكي لازم نبداو درك نتفاهم قبل فوات الاوان

بنت النخلة · 2013-10-18, 10:05

اقتباس:

المشاركة الأصلية كتبت بواسطة houssam attia

نعم الكلام الصحيح ان نتخد مبادرة فعالة لان الايام علمتنا أن حكومتنا متتولهش بالمطالب الا بالاحتجاجات المرفوعة والوقوف يد وحدا في كل مديريات التربية حتى نوصلو رسالة ان الوزارة تجاوزت الخطوط الحمراء مع الشباب المتخرج نظام كلاسيكي لازم نبداو درك نتفاهم قبل فوات الاوان

فعلا اخي علا خاطر مازالت الفرصة سانحة باش نهدروا ويلبولنا المطالب ولاكن اذا فاتت هته الفرصة وتم الغاءنا تماما في هذاك الوقت لا ينفع الندم
انا ماعلاباليش وشيه هو سر هذا السكوت المخيم على متخرجين الكلاسيك من جهة يحبو يخدموا وراهم مهمشين كامل ومن جهة اخرى لا يحركون ساكن و تلقى لا مبلات من جهتهم وكان الامر لا يعنيهم وكأن لسان حالهم يقول مانهدرو ماوالو اكيد الدولة درك تلقالنا حلول.... ولاكن مع السكات الحكومة تقول بلي راهم راضيين بهذا الوضع كون جاو مظلومين وحارقتهم البطالة راهم هدروا على رواحهم..

بنت النخلة · 2013-10-20, 20:34

وين راهم اصحاب الكلاسيك.............

~~bellar~~ · 2013-10-20, 23:37

...............................