الجزء 32من واش طيبتي اليوم ? تحضيرات العيد

[*رفيقة الدرب*]

فيوووزة ايه شفتو و هبلني شكرا حبيبة في ميزان حسناتك نشاله حنونة

[راجية غفران ربها]

أم إناس, أم ماجد, أم محمد تاج, hamida2012, oum ibrahim, فايزة44 *أم كوثر*, أم سراج الدين, dadou mascarienne, حيهتى كلها امل, ladymillion, sim1, touta2010 الدنيا

لبنات صبحتو تهبلو من العيا يعطيكم الصحة يا الشاطرات ماتنساوش الذكر في هذ اليوم و الاستغفار و لي صايمات ربي يتقبل و لي فاطرة كيفي الله غالب فوق طاقتي ربي يغفرلنا و يستجيب الدعاء يااااااارب

لي عازبة ربي يناوللها ولد الحلال لي يهنيها و لي مريضة ربي يشافيها و يشافي قاع المومنين و لي محرومة ربي يرزقها لولاد و الذرية الصالحة يااا رب عاجلا غير اجل و ربي يباركلنا في الرزق و يحفظلنا ازواجنا و امهاتنا و اباءنا و اولادنا و يرحم امواتنا خاصة والدينا و يلاقينا بيهم في جنات النعييم ياااااااااااااااااا رب العالمين

[أم إناس]

المشاركة الأصلية كتبت بواسطة فايزة44

السلام علييييييييييكم كطلكم

يومكم مبارك سعيييييييييييييييييييييييد ما تنساوناش في الدعاء ولكن بالمثل


الصراحة سخفتني ام رامي الغالية بعد ما دارت حلوة التاج بشكلها الانيق ههههههههههههه وراني جربتها شوفوها وقيموني هههههههههههههه علابالي تاع الشاف احسن لكن معليش هههههه:




وهنا بالشكلاطة السوداء لكن للاسف المول تاع الوردة عندي كبيييييييير درتها لكن ما عجبنيش مرة اخرى انشاء الله




وراني ما زلت ساخفة على غريبية ام كوثر الغالية واش الحل نديرها او لا هههههههههههههههههههههههه

تحفى تحفة فنية ماشاء الله

[راجية غفران ربها]

لبنات شفت الهام دارت حلوة التاج بصح في لي مول تاع القلوب قولولي يجي ملييييح و لا لالا وكاش نصائح راني نستنى في الكشرودة و مابانتش عسى المانع خيييييييييير لهومة اللهلوبة

[راجية غفران ربها]

فيوزة التحفة لي درتيها فوق حلوة التاج بات داموند ولا من نفس العجينة ؟؟؟؟؟؟

[طير الرحمة]

صبحكم الله بالخير والهناء كل سنة وانتم طيبييين وعلى عرفات مجتمعين ومن نهر الكوثر شاربين وفى جنة الفردوووووووووس مجتمعيين

قووووووولووووووو معي اااااااااااااااامين

[ladymillion]

داااااااااااادو بوركتي اختي لعزيزة وشكراااااا ليك ولصديقاتك ربي يسعدكم يارب انا تاني نتوحشك ياغالية والله تعزوا على قلبي بزاااااااف الكل الكل


فيوزة طلباتك اوامر حبيبتي

الدجاجة بعد ما تنقيها وتشوطيها على النار واغسليها بالماء والخل مليييييح

التتبيلة : راس ثوم ، ملح حسب الحاجة ، م ص ونصف فلفل اسود ، م ص كمون ، م ص فلفل عكري ، رشة قرفة ، رشة جوزة الطيب ، م ص موطارد ، عصير حبة ليمون أو يمكن تعويضها بالخل الابيض ، 2 م ك زيت ، م ك هريسة انا درت نتاع بروقة مممممم ))

هاذو كامل هرسيهم مع الثوم مليييح

طيبي شوي روز مص طياب قيس 3 م ك ارز خلطيه مع اللحم المفروم وديري م ك من التتبيلة لي قتلك عليها + بيضة وخلطي مليييح هاذ المكونات

حضري ورق الالمنيوم ودهنيه بشوي مارغارين حطي فوقو الدجاجة بعد ماتكوني حليتيها شوي بالسكين على ظهرها وتبليها ملييح وحاولي دخلي التتبيلة في هاذوك التشققات وحطي 2 ورق رند وحطيها كيما قتلك فوق ورق الامنيوم مدهون الان الصدر حليه بالسكين هو والارجل وتبليها كيما معروف حتى تخلص التتبيلة وحطي اوراق الرند 2 على الصدر والحشو حطيه داخل يعني في كريشتها هههههه واضغطي ملييييح واغلقي ورق الالمنيوم روليه على الدجاجة لــ 5 مرات اغلقي ملييييييييح عليها وحطيها في الثلاجة ليلة كاملة وهاديك الغدوة طيبيها على كل جهة ساعة ونصف درجة الحرارة عالية والرف يكون في الوسط راح تتحمر مليح

ممممممممممم تهبل مجربة ديما نديروها

[أم محمد تاج]

رووووووووووووووووعة فيووووووزة ماشاء الله
أنا شريت لي مول تاع التاج بصح شوي كبااار وتاعك؟؟؟؟؟
أم أنوووسة أرواحي للصالون رانا مع التجميل هههههه

[طير الرحمة]

انا عملت قاطو العييييد عملت غريبية ام كوثررر رووووووووووعة ماما عجبتها كثييييير وعملت معمووووول لمسة يدووووب فى الفم وعملت الملفوف لام امانى لكن يا فرحة ماكملت ماجنى ملييح تفتحو الحبات وتنفخووو وااااااع طبقت الوصفة على اصولها لكن لا عارف لمادا لم تنجح معي لكن دبرت راسي سويت الحبات الملاح وغطيتهم بالشكولا والباقى المفتت من القاطو رحيتة وعملت له شوية حلوة ترك وبيص وزبدة وعملت عجينة سطاط الرييييح مقلدة ههههههههه وغطيتها بالميرانق وقسمتها حبااااات واصبحت قاطووووووو جدييييييييد اعطوووووولو اسم هههههههههه

[طير الرحمة]

المشاركة الأصلية كتبت بواسطة فايزة44

السلام علييييييييييكم كطلكم

يومكم مبارك سعيييييييييييييييييييييييد ما تنساوناش في الدعاء ولكن بالمثل


الصراحة سخفتني ام رامي الغالية بعد ما دارت حلوة التاج بشكلها الانيق ههههههههههههه وراني جربتها شوفوها وقيموني هههههههههههههه علابالي تاع الشاف احسن لكن معليش هههههه:




وهنا بالشكلاطة السوداء لكن للاسف المول تاع الوردة عندي كبيييييييير درتها لكن ما عجبنيش مرة اخرى انشاء الله




وراني ما زلت ساخفة على غريبية ام كوثر الغالية واش الحل نديرها او لا هههههههههههههههههههههههه

ماشااااااء الله يعطيييك الصحة الصور راح تتكلم

[أم ماجد]

فايزة لعزيزة قاطوك اممم يهبي يهبل من بعد نعاند
تسمحلي الاستاذة ام رامي والله تاعك رايح ينطق وقد يتفوق التلميذ على الاستاذ احيانا
انا الان راني ندير في هريسة بروقة لكن الوصفة الثانية ورايحة نرحي البصل والطماطم حب نوججدهم

[طير الرحمة]

المشاركة الأصلية كتبت بواسطة لمسة حنية

السلام عليكم ورحمة الله وشراكم لبااس؟
قطواتكم تهبل بصحتكم هذا واش طيبت
شوفو حلويات العيد اول مره منكثرش ههه
منعرف علاش مالفا ندير خمسة سته مره هاذي 3 ومدرتهمش مليح

ياعينى على هدا القااااااااطو ربي يلم ايييديك درت المعموووووول تاعك والكل يشكر فييييييه يدوووب فى الفم تسلمي

[راجية غفران ربها]

امييييييييييييين يا طير الرحمة و ربي يتقبل منا و منكم يا رب

[طير الرحمة]

المشاركة الأصلية كتبت بواسطة أم إناس

هذوين كملت تزين الحلوة ودرته في ليكيسات

رووووووووووووعة كان فى بالى يجى كيما هكدا لكن للاسف لكن المرة القادمة راح اعمل مثلو تاكلوه بالصحة

[راجية غفران ربها]

طير الجنة ماعليش المرة الجاية تصلحلك ان شاء الله ديري نتاع حفيظة تانيك مليييح و اقنصادي روووووووووووعة