بداية مخيبة والباقي ربي يستر

صاحبة السمو الفكري · 2013-10-12, 09:26

السلام عليكم ورحمة الله وبركاته
عندكم شوي وقت؟؟ باه نحكي خيبتي من من الالف للياء
انا نمووت على البريووش ونحب نشرب بيه القهوة لكن عمري ولا درتو ولا جربتو
في هذا العيد قررت نديرو وشفت بريوش اختي ام أنس زاادني الحمااااااااااس
البارح رسلت زوجي شرالي عتاد الحرب وكي قلت لو رح ندير البريوش قالي :" علاه نتي تعرفي تديري البريوش؟؟"
قلت لالالا بصح نجرب ورح يخرج شباااااااااااب >>>زعمة وااااثقة
المهم كي قاللي هكاك قلت لاااااااااااااااااااااازم نديرو ويخرجلي شباب
وبديت قبل قليل من الحماس نتااعي رحت حطيت باطة فرينة كاملة تع كيلو وحسبت فيها رطل برك ههههههههه وشفت ان الوصفة ماخرجتليش
وععععععععععع واش ندير بكيلو فرينة وزوج بيض والملح والسكر والخمار والحليب؟؟>>>>>>>>>> راني لميتها بالمااء وخليتها على جيهة تنتظر فرج الله
وعاودت جبت الصوالح من جديد >>>>الحمد لله زوجي ماكانش هنا
وراني درتو الان وخليتو يخمر لكن قلبي راه مقبوش >>>تقول فوت البااااااااااااااااك
العجينة ما خرجتللليش رطبة كيما في الصورة تع ام انس>>>>ندلكها؟؟
وفيها ريييييييييحة الزبدة
>>>من بعد تروح
وفي الاخير اختم قولي بجملتي المشهورة ههههههههه " الناس خيبتها السبت والاحد وانا خيبتي ماشااااااافها احد"
>>>في انتظار ردودو مطلعة للمورال هههههههههه

oum anas 69 · 2013-10-12, 09:34

ههههههههه خلي ثقتك في ربي مادام دخلتي في التحدي مع روحك وزوجك كملي ههههه
العجينة ماهيش رطبة مادلكتيهاش مليح عاودي أدلكيها حتى ترطاب حطيها فوق سطح عمل و حاولي تطبقيها و دخليها في بعضاها حتى ترطاب مليح
حقى العجينة الأولى بسيها بشوية زيتو دريها خبز دار ماترميهاش

صاحبة السمو الفكري · 2013-10-12, 09:38

يعني ندلكها كيما تع المسمن؟؟

ساندي 28 · 2013-10-12, 09:39

شوفي اختى انا جربت بريوش ام انس اول واحده خخخخخخخ غير شفت الوصفه مباشه للمطبخ تبعي فقط الطريقه وحاولي تدخلى الزبده ممليح في العجين مع الدلك ادا بقاتلك خشنه من فوق دريها في ساشي وعبزي بايديك مليح العجينه مهي داخل الساشي خليهها مده ووشوفيها اكيد تلقايها رطبه
شوفي صورة تطبيقى نتمنى تنجحي فيها اختى واهم حاجه متخافيش ديريها وانتى واثقه بنفسك

صاحبة السمو الفكري · 2013-10-12, 09:45

حاليا دخلت الزبدة وخلااص ذابت تماما في العجينة لكن حسيت العجينة باقي فيها حبيبباتتت
وثان فيها ريحة الزبدة
سؤالي برك هل نعجنو عجينة البريوش كيما نعجنو المسمن؟؟

عطر و مطر · 2013-10-12, 09:59

اختي دلكيها مليح وان شاء الله راح تنجح و تربحي التحدي
و كي يطيب حطيلنا الورة تاعو باش نقيموك

صاحبة السمو الفكري · 2013-10-12, 10:14

ان شاااااااااااااااااااااء الله
واكييد غير يطييب نحط الصور
لكن راه في نص سااعة يخمر وما دلكتوش كيما المسمن يعني شوي شوي
ان شااااااااااااااااء الله برك يصلح ديجا انا راني تبريزيت وطاحت الباتري من دروك