الجزء 27 من : واش طيبتي اليوم *** - الصفحة 47

souma.f · 2013-09-13, 23:08

اقتباس:

المشاركة الأصلية كتبت بواسطة touta2010

اهلا حنونة كراكي؟؟

الحمد لله راني نستنى تحطي موضوع الكسكسي باه نجرب

اقتباس:

المشاركة الأصلية كتبت بواسطة إلهام07

ألو ألو ............ راني هنا وشفتك وراني نحمل في صور طيابي باش نحطهم مشاء الخير..................حول :d

رانا نستناو طياباتك يا لالة

اقتباس:

المشاركة الأصلية كتبت بواسطة إلهام07

منال هاهي صورة لابوش

حتى أنا شريت واحد

عطرالذهب · 2013-09-13, 23:10

مساء الخير راني نستنى في وليدي الصغير يرقد قلت نضرب عليكم طلة كانش جديد

souma.f · 2013-09-13, 23:10

أم اسلام و اية وين راهي صور الشخشوخة ما شفتهاش المهم يعطيك الصحة

islam1aya · 2013-09-13, 23:14

اقتباس:

المشاركة الأصلية كتبت بواسطة tokio hotel

واش من انتقادات اختى الله يبارك فى داك اليدين بصحتكم شهتينى فيه مى اختى احنا نحمروه شوية و تانى ما نحطوش فيه القرعة

تسلميلي عزيزتي انا تبعت وصفة ام رامي اجي هكذا وحتى ككون محمر اجي هايل يعني تقوي للنار ولا كيفاه والقرعة اجي بنينة في المرقة

islam1aya · 2013-09-13, 23:15

اقتباس:

المشاركة الأصلية كتبت بواسطة souma.f

أم اسلام و اية وين راهي صور الشخشوخة ما شفتهاش المهم يعطيك الصحة

سومة على سلامتك راه في صفحة 42 تسلميلي حنونة

souma.f · 2013-09-13, 23:16

تصبحو على خير

إلهام07 · 2013-09-13, 23:18

شراو جاجة محمرة كبيرة كلاو كل شيء وخلاو الصدر واحد ماحب ياكلو قالو شايح ديما هكذا وليت درت سوفلي نينا فرات رققت العجين مانحبش يجي العجين خشين هبلو عليه وذوقت منو معارف لينا قالولي عمرنا لاذقنا سوفلي كيما هذا أنا والله جاني عادي مليح وخفيف وخلاص الحشو صدر جاج وكثرت الفرماج

وهذي خلاصلي الفرماج درتها بالكامومبير ليا من منطلق المومن يبدى بنفسو هههههههههههههههههههه

هبلتني اختي ديريلي تارت بالشكلاطة وتزيين شكلاطة وحشو شكلاطة لازم شكلاطة في شكلاطة كي حطيتها طيب لقيت روحي نسيت غلطت درتها فاني وليت درت هذي بطعم الكابوتشينو وعاودت وحدة اخرى بالشكلاطة والقاناش اول مرة ندير قاناش التزيين مالفة ندير غير القاناش العادي هايل وبنيييييييييييييييين هاني زينت بيه التارت في زوج يهبل قلت المرة الجاية ندير بيه غير هو جي تارت صاروخ

هذوك الورود والاوراق قوفريط اللي يتباع عند محل لوازم الحلويات بصراحة باهي بصح الطعم ماعجبنيش يجي مطاطي ورقيق
وهذي التارت الثانية روووووعة في البنة

ودرت بيتزا للعشاء كي العادة ياخي حفظتو الدرس هههههههههههههه بالكامومبير وجبن المثلثات وكرام فراش وفرماج روج ولحم مفروم
غير وجدت هجمو علينا ضياف الغفلة ( ضيافنا كامل ضياف غفلة يجيوك على غفلة ياكلولك عشاك ويروحو يتعشاو في ديارهم ويخليوك تباتي بالشر وكي تحطيلهم الصينية يقولو والله شبعانين )

وهذي القطعة اليتيمة اللي طارتلي :

وسهرانين بآيس تي الله الله راني خايفة يرجعلنا إدمان
هذا كي درتو العشية وقاعدة نصور فيه باش نحطو موضوع في المنتدى مازال ماذقتش السكر نتاعو جاتنا ضيفة على غفلة زربت قدمتلها كاس ماكان والو في الدار شربت الكاس لآخر قطرة وقاتلي ناقص شوية سكر ( تتمسخر هذي علاه خلصاتو )

إلهام07 · 2013-09-13, 23:23

أم إسلام حنا مانيدوش الجريوات في المرق لانها تطلق الماء فيه ويرجه مايه ماشي ثقيل ومرق الشخشوخة بالذات لازم جي ثقيل باش ماتعجنش

عطرالذهب · 2013-09-13, 23:30

والله العظيم غير راني حايرة الرجالة فرغوا في جيهتكم الزين والعين والشطارة والراجل ماكانش الله غالب خاوتي كامل متزوجين والا نقفزو بيك قبل ما تطيري يعطيك 10000000000000000000صحة مش غير على هاذو على كلش من يوم بديت نشوف في ابداعاتك ما شاء الله

*أم كوثر* · 2013-09-13, 23:33

اقتباس:

المشاركة الأصلية كتبت بواسطة manel1977

ام كوثر شكرااااا و هذاك المحقن لصفر هو لي دارلي باطوار في داري كي جيت نجرب وصفة ام رامي خرج صبعي و بدا الدم يسيل حتان بعدت السنين ديالو بالموس و فسدتو باه خرجلي صبعي يا يمااااااااااااااااااااااااااااااااااا واش صرا فيا

هههههههههههه والله تخيلت الموقف
الحقيقة لاتحسدين عليه
راني نعرفهم هادوك الطوابع
كي تمسيهم يطبقوا
لي حطيتوا انا وخدمت بيه الغريبيه نحاس حر عندو مدة وسنين ماشفتيش حالتو كفاه؟ ههههههههه
كي تشري المرة الجاية احكميه بيدك مليح ادا طري ماكلاه تشريه
عموما هادو لكمبار يكون ملاح واصليين
لي تحكي عليهم انت تع لي كرام لي يتحطو في لابوش

اقتباس:

المشاركة الأصلية كتبت بواسطة إلهام07

أم إسلام حنا مانيدوش الجريوات في المرق لانها تطلق الماء فيه ويرجه مايه ماشي ثقيل ومرق الشخشوخة بالذات لازم جي ثقيل باش ماتعجنش

لهووومة كلش هايل يعطيك الصحة
بانتظار موضوع الآيس تي

ام اسلام شخشوخة وعليها الكلام
البقية لي حطو طيابهم نقلهم بصحتكم الله غالب شفت شفت وتشهيت وفي لخر نسيت صاحبات الاطباق هههههههه

إلهام07 · 2013-09-13, 23:41

ربي يخليك أم كوثر والله ماطارتلي نحط الموضوع لا في الخدمة هارجة ولا في الدار مع الكوزينة ضرك نسهر ونحطو ونعطيكم الرابط وخلاص
ههههههه الشتاء جا وأنا مازلت ماحطيتش الموضوع هههههههههههههه

اقتباس:

المشاركة الأصلية كتبت بواسطة parfumdor1

والله العظيم غير راني حايرة الرجالة فرغوا في جيهتكم

الزين والعين والشطارة والراجل ماكانش الله غالب خاوتي كامل متزوجين والا نقفزو بيك قبل ما تطيري يعطيك 10000000000000000000صحة مش غير على هاذو على كلش من يوم بديت نشوف في ابداعاتك ما شاء الله

دهمتني العرقة

حشمت ربي يخليك حبيبتي كلي راني مرت خوك ههههههههههههههه خلاص من اليوم راكي سلفتي ربي يحفظك

عطرالذهب · 2013-09-13, 23:45

اقتباس:

المشاركة الأصلية كتبت بواسطة إلهام07

ربي يخليك أم كوثر والله ماطارتلي نحط الموضوع لا في الخدمة هارجة ولا في الدار مع الكوزينة ضرك نسهر ونحطو ونعطيكم الرابط وخلاص
ههههههه الشتاء جا وأنا مازلت ماحطيتش الموضوع هههههههههههههه

دهمتني العرقة

حشمت ربي يخليك حبيبتي كلي راني مرت خوك ههههههههههههههه خلاص من اليوم راكي سلفتي ربي يحفظك

واش من زهر بالصح والله غير حاسباتك كي اختي نحسك قريبة للقلب وصادقة

*أم كوثر* · 2013-09-13, 23:48

عطر والهام روحو تتخاطبوا وتتناسبوا في الصالون
مشي في الكوزينة ههههههههه
بالمناسبة عطر شفت بربوشتك تشهي يعطيك الصحة

عطرالذهب · 2013-09-13, 23:52

اقتباس:

المشاركة الأصلية كتبت بواسطة *أم كوثر*

عطر والهام روحو تتخاطبوا وتتناسبوا في الصالون
مشي في الكوزينة ههههههههه
بالمناسبة عطر شفت بربوشتك تشهي يعطيك الصحة

الله يسلمك شافتنا لعزيزة واقيلا مانزيدش نرقد كي شكرتي بربوشتي كان على الدردشة الله غالب فاتتني ماحولت الجنس الى ذكر وما عرفتش نغيرها

ام ندى 87 · 2013-09-14, 00:08

ياخاه على الهام وحدك والله ضحكتيني على ضياف الغفلة
لهومة لي تارت خرجو هبال والله سخفتيني بيهم المهم قبل ما يهجمو عليهم البقية راني دبت حقي امممممممممممممممممم
قوليلي الزينة واش من جينواز ديرتي واي كرام و مافهمتش حكاية القاناش واقيلا شربتي شوكولاته خاصه بالغلاصاج ?انا ديرت تاع فلة ماطلعتش خلاص بهدلتني