اخر خرجات لاكاديمي وهران

[" المثابرة المتأملة "]

كما يعلم الكل انه تم استدعاء المترشحين يوم السبت بحيث تفاجا الجميع اليوم بانهم ليسوا ناجحين و ان القائمة لا تزال لدى الوظيف العمومي و لهذا السبب لم يتم تعليقها و في المقابل قدموا لهم مقرر تعيين بصفة استخلاف لمدة شهر
كما شهد الوضع استدعاء مترشحة ( اختصاص فيزياء) كغيرها بالهاتف و بعد قدومها قيل لها انه خطا منا و انت غير معنية بالاستدعاء
المهم فوضى كبييييييييييييييرة

[Tinda20]

بلاد ميكي و الله

[" المثابرة المتأملة "]

ميكي و فيه الفايدة

[" المثابرة المتأملة "]

و الله ماعلابالهم بيك
نقارعو لاليست كي تخرج و نشوفو

[RimaRose]

kaaaaaaaaaaaaaaarita, bezeeeef 3lihoum

[" المثابرة المتأملة "]

ونزيدكم حاجة اخرى راهم غي يجوني الاخبار ههههههه وحدين ممن لم يستدعو ذهبوا اليوم الى المديرية للاستفسار قالولهم لم نستدعي االجميع بل في كل اختصاص استدعينا عدد معين لتغطية العجز فقط و ان النتيجة غير جاهزة بعد

[آمِيْرَتُه]

هذا وين راني جايا من تمّ لي قلتيه صحيح قالك قائمة مؤقتة ديبانج برك بلاد ميكي كرهوني نهار لي نضت فيه و رحت نقرى

[" المثابرة المتأملة "]

الاميرة منيني ممكن نعرف شاقالولك و شا فهمتي منهم هل عيطو لكل المترشحين 176 منصب ام عدد معين فقط هذا فيما يخص الابتدائي

[آمِيْرَتُه]

قالونا تطلع وحدة برك لفوق لأن فوضى كبيرة حتى جاو لابوليس طلعت وحدة من الأقدمية مسكينة و ما زالت تعاني راحت دخلت للمكتب عطاتها اسمها قالتلها مراكيش في قائمة الإستخلاف قالتلها لا أختي نحوس نتاع النجاح لي فوتو المسابقة قالتلها هديك ما زال متخرج و قالتلها و لي عيطتولهم هداك شاه قالتلها هدوك نتاع استخلاف برك نتاع شهر قادر يكون رابح قادر يكون خاسر ارواحي انت و فهمي انا راسي ضرني

[" المثابرة المتأملة "]

واه نيشان غي الخاسرين اللي قالولهم كيما هاك و كاين من الرابحين قالولهم راكم رابحين لكن الوظيف العمومي غادي يراقب و بالك يقلعكم ويدير اخرين
واحد مسكين متخرج 2006 و خبر 0.25 و معدل 10.5 و المقابلة 3 نقاط لانه طاح عند وحدين يعرفوه و ماعيطولهش و المتخرجين الجدد امالي غي مكاله يفوتو
ماتفهمي والو معاهم
و على اي اساس اختارو هذو تاع الاستخلاف !!!!!!!!!
انا بانتلي غي خطة و حيلة هدي تاع الاستخلاف كي دارو حاجة خارج القانون عيطو بلا افيشاج قلبوها استخلاف باش زعما يكالمو الناس و ما يهيجوش عليهم و بعد شهر نفس المستخلفين يكونو هوما الناجحين و عقلي عليها

[آمِيْرَتُه]

شراكي تشلقي مكان لا رابح و لا خاسر النتيجة مخرجتش هدوك عيطولهم باه يديرو استخلاف مدة شهر فقط القائمة قالك مكانش ما زال يا نهار الثلاثاء ممكن تخرج
كرهونا حياتنا العام لي فات تاني سرات هاك وحدة نعرفها عيطولها قرات شهر منبعد قالولها مربحتيش كنت استخلاف برك

[" المثابرة المتأملة "]

خدمي عقلك كون استخلاف برك مايعيطوش 176 واحد على حسب مناصب المسابقة
و في ميزك على اي اساس عيطولهم علاش ماجاتش فيك نتي ... اللي عيطولهم قاع قدم و عندهم خبرة فاكيد انهم ناجحين و هاذي وجهة نظري بالمقارنة مع اللي شفته و لاكاديمي راها تتحايل
قوليلي هل عندك خبرة

[" المثابرة المتأملة "]

و يكون في بالك القائمة تندار اولا في لاكاديمي تسمى القائمة الاولية و من بعد تروح للوظيف العمومي يراقب و ياشر عليها و تصبح قائمة نهائية و تعلن و بالتالي لاكاديمي راها تستعمل غي القائمة الاولية اللي راها عندها و لهذا دارت مقررات تعيين بصفة الاستخلاف بينما تعلن القائمة النهائية .
بمعنى اللي عيطولهم نسبة كبيرة ناجحين و راهم في المراتب الاولى عند لاكاديمي ان لم تلغى بعض الاسماء "المدمورين"

[آمِيْرَتُه]

لا معيطوش قاع 176 عيطو غير للقدم برك
و أصلا نتاع بريماغ قالتلها معيطناش للناس بزاف

[" المثابرة المتأملة "]

و الله مانقدرو نقولو والو لاكاديمي غولة و كل واحد شاقالوله ........
الله يجيب الخير كي يعلقوا لاليست و بالتوفيق ليك اختي