واش طيبتي ? الجزء 25 - الصفحة 69

fatalim · 2013-09-02, 15:23

شكرا الامنيات انا اكياس الشواء فيهم الخلطة تاعهم وزيد حبيت نزيد خضر معاهم

ام عبودة · 2013-09-02, 15:25

مساااء الانوار واش راكم
اسمحولي راني غاطسة مع التطبيقات. والله حكموني. مع راني غير وحدي عزوجتي وطفلتي وشيخي ما كانش وراجلي نهار كامل خدام يجي مع المغرب
وسلوفي ما كانش غير مع ولادي الصغار ولدي عبودة يقولي ماما واش رايحة تثوري ههههه بمعنى تصوري. السنة يدخل التحضيري ومازال ينطق السين بالثاء

الأمنيات · 2013-09-02, 15:26

عادي اختي انا ندير مرات كل الخضر جزر وبطاطة وقورجات وبصل وطماطم
المهم قطعيهم نفص الحجم باش يطيبوا بسرعه وديري الخلطة تاعك الي في الاكياس ربي يوفقك

أم ريمة* · 2013-09-02, 15:26

سلام لبنات واش راكم وصح غداواتكم الله يبارك كل شىء يشهى امنيات وام ابراهيم نورتو

الأمنيات · 2013-09-02, 15:30

اهلا بيك اختي ام ريمة واش راها بنتك
ام عبودي وين راهم تطبيقاتك هاتي الرابط نشوفهم

fatalim · 2013-09-02, 15:30

اقتباس:

المشاركة الأصلية كتبت بواسطة الأمنيات

عادي اختي انا ندير مرات كل الخضر جزر وبطاطة وقورجات وبصل وطماطم
المهم قطعيهم نفص الحجم باش يطيبوا بسرعه وديري الخلطة تاعك الي في الاكياس ربي يوفقك

شحال نخليهم ي

طيبو وزيد شحال الحرارة

أم ريمة* · 2013-09-02, 15:30

سلام ام عبودة واش طبقتى؟؟و التارت لى حطتيها البارح لمن الوصفة؟؟

oum ibrahim · 2013-09-02, 15:31

اقتباس:

المشاركة الأصلية كتبت بواسطة الأمنيات

راه يشهي البركوكس تاعك واش ديري الفول الاخضرفيه ماشي اليابس

الله يسلمك امنياتي لالا نديرهم في زوج اليابس كي يطيب نضيفو للمرقة

اقتباس:

المشاركة الأصلية كتبت بواسطة fatalim

ام ابراهيم اعطيني وصفة البركوكس نحب نتعلمو اليوم حبيت ندير دجاج في اكياس الشواء شكون جربتها

شوفي فتاليم تديري في طنجرة او كوكوت طراف لحم او دجاج او كاين تاني الي يديرو بالعصبان يجي رووووووووعة مع حبة بصل مرحية ملح و راس الحانوت و تقلي ثم تمرقي بماء ساخن من جهة اخرى تغسلي كمشة فول يابس و ترميه مع اللحم او تديريه وحدو في علبة و تحطيها داخل الكوكوت و تغلقي و تخليه يطيب حولي 45 د الى ساعة
افتحي الطنجرة و زيدي حبة طماطم مرحية تعطي بنة هايلة مع ملعقة طماطم مصبرة و فول اخضر اذا عندك لما يغلي زيدي البركوكس و اغلقي و خليه يطيب حوالي نص ساعة لما تفتحي تلقايه طايب ماشي ناشف بزاف لانو كي يتحط يمتص و ينشف اذا تحبي الحار زيدي راس فلفل احمر حار امممم و شهية طيبة

اقتباس:

المشاركة الأصلية كتبت بواسطة fati21

بصحتك
نموت عليه بصح مانعرفش نديري
دارتو ملرة بنت عمي

الله يسلمك فاتي تفضلي ذوقي