من يجلس بجانبك ، أمك أم زوجتك؟

[Hicham Ahmed]

المشاركة الأصلية كتبت بواسطة oumserine

ايييييييييه موضوع جد حساس و رغم بساطته الا انو سبب مشاكل كبيرة للكثيرين
المهم ،،،،،أنا نظن انو كلشي مبني على الاحترام للغير ، الزوجة في دار باباها تركب من الوراء ،مع أخوتها كذلك،و حتى مع مول التاكسي هيئه هيهيهيه ولكن يا إخوتي كي تلحق للزوج فمكانها أمامه و العجوزة تركب من قدام مع راجلها ولا وليدها العازب إلا إذا العروسة هي طلبت منها و إلا فهي حقرة و إيحاءات من العجوزة بانها هي number one و هي اللي تحكم و رايحة تخلق حساسية بيناتهم

كيف حقرة؟... انا نشوف فيها عادي ..الاصل الام تقدم للامام ..اللهم اذا ارادت هي الخلف فلها ذلك.. ثم فيه فرق بين number one وبين اللي يحكم.. فالام او الاب راهم number one في الدبارة والمشورة .. بصح ما يحكمو في امور كثيرة..

المشاركة الأصلية كتبت بواسطة moslihe29

اداحصلى هذا الموقف انزل لتركب الام مع كل محبيتى واحترامى الام ام ماتتعوضش اما للزوجة بدائل كثر ربى يرحم جميع الامهات ويحفض الباقيين

اللهم أمين..

المشاركة الأصلية كتبت بواسطة روضة من رياض الجنة

السلام عليكم
موضوع مليح اخي الفاضل كل واحد ونظرتو في هذا الشيء
يصح انا وحدة من الناس منقدرش نديرها ديما نخلي عجوزتي تركب من القدام نحشم منها بالرغم من انو زوجي معلبالوش لي تركب تركب
ربي يبارك فيكم

بارك الله فيك .. تحشمي؟! يعني عيب تديرها .. ولا تحبي تركبي من القدام لكن...؟

المشاركة الأصلية كتبت بواسطة cicilya

العجوزة اللي عيب عليها تركب من القدام لأنه من القدام معروف بللي الزوجة اللي تقعد امام زوجها لأنه العجوزة قعدت مع شيخها من القدام في قت مضى فلتترك الآن الدّالة للآخرين

والله!.. نظن راكي عزباء ..والا ماركيش تهدري هكذا؟..

المشاركة الأصلية كتبت بواسطة houdehoud

السلام عليكم
هههههههههههههههه ضحكتني ربي يعطيك الخير
و اذا شايبها ما يعرفش يسوق و الا ما عطاهش ربي طاكسي على خاطر كان يربي و يصرفف على ولدو باش رجعو راجل و جاب مراة باش تقول على عجوزتها عيب عليها تركب من القدام كيفاه دير هاد العجوز انا نقولك تسنى ولدها يقاري و تقول لشايبها مول 80سنة يركب من قدام و الطاكسي حابسة و هي حداه و يتخيلو باللي راهو يسوق و هي حداه
اسمع خويا هاذ المسالة تافهة كاين حوايج اهم في الحياة يخمم فيهم الواحد و كيما قال اعظم انسان في الكون امك ثم امك ثم امك

تافهة!!... المراة وحماتها ام دارو القيرة –الحرب- غير شكون اللي يركب من قدام وانت تقولي تافهة!!..

المشاركة الأصلية كتبت بواسطة samira135

وعلاه في نظركم المقعد الامامي هو الاحسن ؟؟؟؟
وكان تخمو فيها مليح تلقاو المقعد الخلفي مريــــــــــح أكثر و زيد في المقعد الامامي كاين حزام الامان اكيد رايحة يقلق المرأة الكبيرة
شوفو رجال الاعمال و الوزراء .......الخ وين يقعدو في الخلف و الامام ؟؟؟؟؟ وعلاه في رأيكم ؟؟؟؟

اجابة مقنعة .. بصح مع الزوجة وحماتها.. نظن بلاصت الشوفور او بلاك يطمعو فيها؟.

المشاركة الأصلية كتبت بواسطة z.abdo

الأم بجنبي والزوجة في الصندوق الخلفي (لامان)

باين عليك عزابي خويا عبدو.. نهار تزوج ونشوفو ..بلاك ما تخليكش تركب كامل؟

المشاركة الأصلية كتبت بواسطة قَاسِمٌ.قَاسِم

سلام عليكم طبتم..
موضوع طيب وممتع
لا زلنا نستعمل النقل الحضري
ما لحقناش سيارة
وإذا كان السيارة توقعنا في مشاكل الأمام والخلف
ما نلحقوهاش خير.. هههه
سلام..

تهنى الفرطاس من حكان الراس؟؟

[ريتان]

من باب الاحترام لازم الام من الامام

والزوجة من الخلف

كي كانت جدة الله يرحمها

يما ديما تخليها تقعد من القدام وهي من الوراء

[soso sirin]

الزوجة الي تفهم و ماتبغيش المشاكل تعرض على عجوزتها باه تايفيتي المشاكل و تكبر بيها و العجوزة الي تفهم ماتقبلش و تخليها هي الي تقعد من القدام مع راجلها.مع انو اكثرية العجايز يبغو يقعدو في الكورسي الرولاني لانو الكورسي القدامي يتقلقو من السانتوغ.و اذا بغاو يريحو للزوج من القدام يدير الراجل كيما قال بارود هو تهنى

[فارس وجواد]

والله مشكل انا كنت حاب نشري سيارة بصح راني بطلت ;مالة نكري طاكسي والسلام

[Hicham Ahmed]

المشاركة الأصلية كتبت بواسطة ريتان

من باب الاحترام لازم الام من الامام

والزوجة من الخلف

كي كانت جدة الله يرحمها

يما ديما تخليها تقعد من القدام وهي من الوراء

هاي الاصول .. بارك الله فيك

[Hicham Ahmed]

المشاركة الأصلية كتبت بواسطة soso sirin

الزوجة الي تفهم و ماتبغيش المشاكل تعرض على عجوزتها باه تايفيتي المشاكل و تكبر بيها و العجوزة الي تفهم ماتقبلش و تخليها هي الي تقعد من القدام مع راجلها.مع انو اكثرية العجايز يبغو يقعدو في الكورسي الرولاني لانو الكورسي القدامي يتقلقو من السانتوغ.و اذا بغاو يريحو للزوج من القدام يدير الراجل كيما قال بارود هو تهنى

أأه .. لوكان جاو في زوج يفهومو .. كون تهنينا .. يركبوا في زوج من اللور... بصح الطلية كون جات العكسة.. يعني كيفاش يركبوا في زوج من قدام؟؟
ربي يجيب الخير

[Hicham Ahmed]

المشاركة الأصلية كتبت بواسطة فارس مع جواد

والله مشكل انا كنت حاب نشري سيارة بصح راني بطلت ;مالة نكري طاكسي والسلام

لا لا لا ما كاش مشكل خويا جواد.. كاين الحل.. عليك بـــ: الريكشا ..(Rickshaw)‏

[بين الحقيقة و السراب]

المشاركة الأصلية كتبت بواسطة hicham ahmed

نعرف انه قد تجلس الام كما قد تجلس الزوجة..
طيب .. لو اردت الخروج في نزهة .. وتأخرت امك قليلا .. واستبقت زوجتك للسيارة وركبت بجانبك .. ما موقفك .. من ركوب امك في الخلف؟.. هل ترجع زوجتك للخلف ... ام تطلب من امك التقدم؟ ام.....؟؟؟

اعتقد من غير اللاّئق أن تتصرّف الزّوجة كذلك إلاّ إن كان سهواً ،
و عادي أن يطلب منها الجلوس في الخلف بأسلوب لبق و لو بإشارة ^^ - مع ابتسامة صادقة - ،
فالأمر لا يستحقّ .. !

في الحقيقة لو أنا مكان الأمّ ، فحتما يروقني أن يقدّرني ابني و زوجه أيّما تقدير

و هذا ليس انتقاصا من قيمة الزّوجة مادام أنّهما متراضيان / أقصد الزّوجان ،

[قَاسِمٌ.قَاسِم]

المشاركة الأصلية كتبت بواسطة بين الحقيقة و السراب

و هذا ليس انتقاصا من قيمة الزّوجة مادام أنّهما متراضيان / أقصد الزّوجان ،

سلام عليكم طبتم،..
أعلم أن قصدك
" أقصد الزوجيـــن"
هههههههه
سلام

[النجمة القطبية]

والله يا اخى اعذرنى لكن انا حايرة كيفاش يرفعون اعينهم لدرجة انهم يميزون من يجلس فى الامام ومن يجلس فى الخلف
بغض النظر عن هذا الامر الذى لا يعنينا ولا يعنيهم كيف ينظرون الى المراة وزوجها قدامها كيف
يفترض بالرجل الجالس مع زوجته وامه ان يقتلع اعينهم احب من احب وكره من كره
في السيارة ومطلقوهمش يخي حالة يخي

[Hicham Ahmed]

المشاركة الأصلية كتبت بواسطة النجمة القطبية

والله يا اخى اعذرنى لكن انا حايرة كيفاش يرفعون اعينهم لدرجة انهم يميزون من يجلس فى الامام ومن يجلس فى الخلف
بغض النظر عن هذا الامر الذى لا يعنينا ولا يعنيهم كيف ينظرون الى المراة وزوجها قدامها كيف
يفترض بالرجل الجالس مع زوجته وامه ان يقتلع اعينهم احب من احب وكره من كره
في السيارة ومطلقوهمش يخي حالة يخي

بارك الله فيك .. ملاحظة في محلها .. وكنت انتظرها .. لكنها تأخرت..

اختي الكريمة .. نحن من هواة السيارات - ككل شخص مولع بالمحركات - مرت هذه السيارة الفاخرة .. فشدت انتباهنا .. فوقعت اعيننا على من بداخلها .. خصوصا ونحن جالسون .. اما اننا كنا نبلق في الذي بداخلها فحاشا .. ثم بربي وربك هذا شئ فطري في الانسان .. اذا اعجبه شئ نظر وحملق فيه اعجابا وليس لشئ اخر .. مثلكن عندما تذهبن للأعراس ..وتاتي وحدة لابسة قفطان الله الله .. اكيد ما رايحينش تشوفو غير مع الكفطان! .. بلاك التكرعيج فيها.. هذا اذا ما سألتوش على جدها العاشر..؟؟

[hattal]

المشاركة الأصلية كتبت بواسطة cicilya

العجوزة اللي عيب عليها تركب من القدام لأنه من القدام معروف بللي الزوجة اللي تقعد امام زوجها لأنه العجوزة قعدت مع شيخها من القدام في قت مضى فلتترك الآن الدّالة للآخرين

فهمت علاش نسبة الطلاق ارتفعت
مجرد الاحترام لا يوجد فما بالك بالتنازل من اجل الحفاظ على الزوج
ربي يهدينا

[bichaz810]

السلام عليكم
والله موضوع مليح انا نتحدث عن نفسي السيارة سيارتي وانا الي نعيط لعزوزتي باش تخرج معايا ونروح راكبة من الامام مع راجلي وكي نوصل قدام دارها نهبط قدام الناس الكل(الي مايهمونيش) وونرجع الوراء ونحوسو ونضحكو ونلعبو والخرجة كاملة ساعة ولا زوج ماناش راح نعيشو فيها يعن مسافة الطريق اي ماهيش مشكل وكل وحدة كيفاش كبرها تكبار في مخك ولا صغرها تصبح اكثر من تافهة
المهم اني نتقي ربي فيها اذا حبيت انو الكنة تتقي ربي في امي
وكيما قال اخ انا نحب بلاصت السائق والحمدو لله

[kika85]

وادا كانت السيارة سيارة الزوجة شراتها بالمال ديالها فما الحل؟؟؟؟؟؟؟؟؟؟؟ادا ركبت من القدام تولي مشي متربية؟؟؟؟وادا ركبت من الخلف تولي تنطبق عليها مقولة الحمار حماري وانا راكب ملور؟؟؟؟؟؟؟؟؟؟

[مواطنة]

نقطة مهمة جدا
اللي هو لازم لازم و القدر مطلوب ومن القدر اننا الكبير نخلوه يركب في المقعد الامامي الا اذا كان احدهم لا يحتمل الطريق و يجب عليه رؤية الطريق لكيلا يصاب بالدوار
عن نفسي من الاول نخلي العجوزة تركب قدام زوجي لكن بعدين هي ما تحبش و تخليلي المكان و بالوقت اصبحت هي تركب قدامو بلا ما نقولها يعني حتى لو خلاتلك المكان قلبها يوجعها
المهم نقدرو الحماة مهما صارالمهم الوصول بسلام