المدرسة العسكرية العليا للإشارة قليعة دفعة سبتمبر 201

[khayrou 35]

بسيكياتر .................................................. ..............................

[bkchouaib]

SKIKDA

اليوم وصلني استدعاء به امر التحاق مطلوب مني التوجه الى المدرسة العليا للاشارة بالقليعة ناحية عسكرية اولى

يوم 15/09/2013 على الساعة الثامنة صباحا

علما انا تخصصي اعلام الي informatique

[ATEF 23]

ؤين راكم يا جماعة القليعة

[Ninjaa1]

السلام عليكم، يا حصرا على المنتدى آخر مرة دخلتو كي كنت كيفكم وراني درك كملت ستاج الحمد لله، بصحتوووو خويا خيرو وجماعة لونغار لي عرفناهم
هيار الناس خيرو خويا
الحــــاجة الوحيدة لي نأكدلكم عليها حالياً وخاصةً للي عندو ديبلوم إعلام آلي ، لغات أجنبية (انجليزية) والعلوم التقنية المختلفة انتوم المدرسة تحتاجكم ومستحيل تفرط فيكم ألوووووووور ديـــــــرو الروتــــــــــار قدما تقدرو بـ 20 يوم أو موان تنقصو من الشدائد الأولية تاع لونغار والانضباط الشديد لي يكون في البداية

إن شاء الله الأسبوع المقبل راح نعطيلكم تفاصيل أكثر تفيدكم كي نحبط للدار إن شاء الله
سلام

[prince of algeria]

المشاركة الأصلية كتبت بواسطة ninjaa1

السلام عليكم، يا حصرا على المنتدى آخر مرة دخلتو كي كنت كيفكم وراني درك كملت ستاج الحمد لله، بصحتوووو خويا خيرو وجماعة لونغار لي عرفناهم
هيار الناس خيرو خويا
الحــــاجة الوحيدة لي نأكدلكم عليها حالياً وخاصةً للي عندو ديبلوم إعلام آلي ، لغات أجنبية (انجليزية) والعلوم التقنية المختلفة انتوم المدرسة تحتاجكم ومستحيل تفرط فيكم ألوووووووور ديـــــــرو الروتــــــــــار قدما تقدرو بـ 20 يوم أو موان تنقصو من الشدائد الأولية تاع لونغار والانضباط الشديد لي يكون في البداية

إن شاء الله الأسبوع المقبل راح نعطيلكم تفاصيل أكثر تفيدكم كي نحبط للدار إن شاء الله
سلام

بارك الله فيك خويا على المعلومات


فقط ان كان الامر تمدنا رقم الهاتف او ا تصل بي بارك الله فيك
0670319040
اعطينا كامل التفاصيل الله يفتح عليك وكامل الأمور ان امكن

المهم ماطولش علينا وهل الميتاسيون فيها مليحة حبيبنا ؟

[prince of algeria]

اين انتم صحاب القليعة لنتواصل ونتعارف

[Ninjaa1]

الرقم راني سجلتو عندي وراح نتصل بيك مي ماشي هاد الأسبوع، الميتاسيون منها لـ 48 ولاية حسب احتياجات المدارس والثكنات اللي تودعها لدى وزارة الدفاع الوطني وهذه الأخيرة تقوم بتوزيع الضباط الاحتياطيين حسب عدة معايير من حاجة الثكنات كما قلت والاختصاص من جهة أخرى والولاية وما إلى ذلك

المهم عن قريب إن شاء الله
السلام عليكم

[Ninjaa1]

مستعد للإجابة على أسئلتكم إن شاء الله قدر المستطاع ، الرجاء فقط عدم تكرير الأسئلة

[ATEF 23]

بارك الله فيك الاخ انا كنت معاكم في مارس و خرجت بسورسي و المرة هادي جاني الاستدعاء زيد للقليعة 15-09 وراني ناوي ندير الروتار
مازالو الطبيب تا التكنة ما راحش قالي واحد صاحبي معاكم راح يبدلوه

[Ninjaa1]

الشيء الإيجابي تقريباً الوحيد هو الطبيب الجديد ما شاء الله يخدم خدمة ريقلو ، اليوم الأول اللي جا فيه كنت أنا جزت عندو ، دار حالة في الخدامة تما مي مع المرضى وكأنك عند طبيب خاص في المدني ما شاء الله.. بإذن الله ما يظلم حتى واحد في حقو

[lamine-258]

احكيولنا من فضلكم على اليوميات و المعاملة و بعض النصائح إذا ممكن+ هل الستاج صح 4 أشهر

[Ninjaa1]

أصعب ليلة هي الأولى وأصعب أسبوع هو الأول ومن بعد تتعود
في لونغار الأيام الأولى صعبة لفرض الانضباط وعدم الثقة في المستجدين ونواياهم
بعد مرور الأيام تتحسن الأحوال بالنسبة لواحد جا يجوز وراضي ما كاش مشكل إلا فيما بعد كي يبداو صحاب الملفات الطبية يأثرو على المقبولين وإحساسهم
لدرجة أنك كي تلبس راح ترتاح ههه وتبدأ مرحلة جديدة والتدريب والخدمات الصباحية ومين داك حشيش
على كل حال كلاصة سبتمبر غير رقاد مع الشتاء مي البرد
الأيام تفوت نهار مور خوه ، ترقد بكري باه تنوض بكري ونهار يفوت يجري وهي رايحة
راح يحكموكم مرشحين (ديرو الثقة الكاملة في الملازم بوزناج وهو راجل ماكاش كيفو الله يبارك -مسطاش-، من بعدو قجبورة ، ومن بعد مريخي) الباقي أخطيكم

اديو معاكم كاش دواوي تاع ريح، راس، حمى، لا دياري

[mamido39]

حمادة من واد سوف معكم ان شاء الله نفوتوها مليحة

[mamido39]

تخصص هندسة ميكانيكية

[yazid200881]

يزيد من بسكرة هندسة مدنية ان شاء الله في 15 نكون ثم