هل انا على حق ام ظلمته

مشكلتي · 2013-08-20, 01:37

السلام عليكم
انا فتاة مخطوبة ومفتحة وعاقدة وفي نوفمبر ان شاء الله عرسي وفي هاد الايام راني نوجد في تجهيزات العرس البارحة

كنت نهدر مع خطيبي وقالي ما تكلفيش نفسك ما تشريش كلش والدراهم لي يبقاولك خليهملي كي نتزوجو ديبانيني بيهم

مع العلم انو هادي ماهيش اول مرة يقولي هاد الكلام لكن في كل مرة كنت نقول بالاك ما راهش قاصد بالاك معرفش يعبر

مالا قتلو من غير المعقول تقولي هاد الهدرة لوكان يسمعك كاش واحد يقول راك تطمع في الدراهم عيب عليك تقولي

هكدا قالى لالا ما قتلكش هكدا انا قلت تخبيهم كاش ما تحتاجيهم في العرس تمتم بدل الهدرا وهادي زعفتني كيفاش

يكذبني في وجهي ويقولي ما قلتش هكدا وهو عندو بزاف وهو يقول هاد الكلام

مع العلم ان ابي متوفي وراني نجهز من عملي في عقود ماقبل التشغيل انا ما قتلوش عاوني لكن ما نحرمش نفسي من

اشياء ضرورية ونديلو النقود لي وفرتهم. مالا قالي انا مانسال على حتى واحد ومانطمع في حتى واحد انا عندي النيف

نبني حياتي من عرق جبيني ومانطمعش فيك ولوكان نحكيلك النساء واش راهم يديرو لرجالهم تقوليلي هادوك هوما

وهادي انا .

وانا والله قبل ما يقولي هاد الهدرا في الاشهر السابقة ماما لمت 9 ملاين من

التقاعد تع بابا الله يرحمو ومدتهملي باش نعاون روحي وانا كي شفتو مزير مع الدالة والبناء مديتهملو وقتلو رجعلي

بلعقل بلا ما نزيرو حرمت نفسي وعاونتو هادا بلا ماننساو كي نخرجو نشرو يقولي سلفيلي نشري تريكو وديبانيني

حق الطرنسبور ونتي ليوم تخلصي الفطور وغيرها وغيرها لكن درك خرجلي بهاد الخرجة حتى المهر لي طلبتو ما

يجيبش حتي سلسلة تع

ذهب وزعفت الاعمام والاخوال مني غير باش نعاونو قلت معليش نكسب راجل تقي طايع ربي خير من الدنيا وما فيها

قولولي زعما انا غلطت في حقو وظلمتو والا التنازلات لي قدمتها هي اللي خلاتو يقول هكدا

yousra14 · 2013-08-20, 06:24

أنت عودتيه على التنازلات حتى وصلت الأمور إلى ما هي عليه الآن فالتنازلات ليس وقتها الآن إنها تأتي بعد الزواج الفعلى كل ماعليك فعله الآن هو مساعدته بتخفيف تكاليف الزواج حتى لايضطر لتلك السلوك معك .
بما أنه زوجك أفهميه بالتي هي أحسن أن الانفاق على الرجل وأن ينفق حسب قدرته أن لايعد لذلك التصرف مرة اخرى .
رب يصلح حالك و يهديه ورب يتمم على خيرقللي الكلام معه حتى الزواج.

Angleeyes · 2013-08-20, 07:40

اسمحيلي اختي هذا طماع و اناني و ماهوش راجل خلاص

ايمان نور الجزائر · 2013-08-20, 07:47

يا اختي ما فيهاش عيب انو المراة تعاون زوجهااااا
لكنه الان مازال خطيب فقط وانتي قدمتي عدة تنازلات خلاتو بكل تاكيد يطمع فيك
ويبروفيتي من واش قدر
بصراحة هذي انانية مالغري نتي عاونتيه ونقصتي المهر نورمالمون خلاص ما يحوسش عليك
++
حتى البنت تحتاج مصروف ودراهم الجهاز ماشي حاجة ساهلة
لازم تفيقي لعمرك وتحطي النقاط على الحروف

jemi king · 2013-08-20, 08:31

ربي يهديه ويجمعكم في الخير والهنى

بلسم غرام2018 · 2013-08-20, 08:44

اخيتي ربي يهديه ان شاء الله

ونقلك متزيديش تتنازلي ابدا حتى على حاجة

mohaa47 · 2013-08-20, 09:09

هذا طماع ..............يريد أن يتزوج من من اموالك .......................اهذري قبل فوات الاوان ....................

Hillin · 2013-08-20, 11:12

السلام عليكم:
أختي لن أطلب منك أن تنفصلي عليه لسببين "انك عاقدة و لأن ذلك ليس بيدي النساء" ولكن اقول "كفاك تنازلا" لحد الآن فقد سمحت بالكثير , الرجل الي ما في جيبه الدراهم و يزيد يطمع في لمرا تصرف عليه وش تستناي من بعد الزواج؟ ضع النقاط على الحروف كي تنقذي نفسك و زواجك في المستقبل "الزواج المتوازن= عقل+عاطفة"
مجرد رأي, الله يهنيك و يتمم بالخير

zina chenini · 2013-08-20, 11:31

هو راجل طماع ونتي ولفتيه تعاونيه وهو كاش ما عاونك المهم ربي يهديه

ولد حمد الباتني · 2013-08-20, 12:08

هذا طماع وماهوش راجل ....

AMINA.Z · 2013-08-20, 13:47

طمااااااااااااع

حطيلو حد و جهزي روحك كيما تحبي

و لا راجعي حساباتك

ربي ينورلك الطريق ان شاء الله

khawlita.dz · 2013-08-20, 14:26

اقتباس:

المشاركة الأصلية كتبت بواسطة مشكلتي

السلام عليكم
انا فتاة مخطوبة ومفتحة وعاقدة وفي نوفمبر ان شاء الله عرسي وفي هاد الايام راني نوجد في تجهيزات العرس البارحة

كنت نهدر مع خطيبي وقالي ما تكلفيش نفسك ما تشريش كلش والدراهم لي يبقاولك خليهملي كي نتزوجو ديبانيني بيهم

مع العلم انو هادي ماهيش اول مرة يقولي هاد الكلام لكن في كل مرة كنت نقول بالاك ما راهش قاصد بالاك معرفش يعبر

مالا قتلو من غير المعقول تقولي هاد الهدرة لوكان يسمعك كاش واحد يقول راك تطمع في الدراهم عيب عليك تقولي

هكدا قالى لالا ما قتلكش هكدا انا قلت تخبيهم كاش ما تحتاجيهم في العرس تمتم بدل الهدرا وهادي زعفتني كيفاش

يكذبني في وجهي ويقولي ما قلتش هكدا وهو عندو بزاف وهو يقول هاد الكلام

مع العلم ان ابي متوفي وراني نجهز من عملي في عقود ماقبل التشغيل انا ما قتلوش عاوني لكن ما نحرمش نفسي من

اشياء ضرورية ونديلو النقود لي وفرتهم. مالا قالي انا مانسال على حتى واحد ومانطمع في حتى واحد انا عندي النيف

نبني حياتي من عرق جبيني ومانطمعش فيك ولوكان نحكيلك النساء واش راهم يديرو لرجالهم تقوليلي هادوك هوما

وهادي انا .

وانا والله قبل ما يقولي هاد الهدرا في الاشهر السابقة ماما لمت 9 ملاين من

التقاعد تع بابا الله يرحمو ومدتهملي باش نعاون روحي وانا كي شفتو مزير مع الدالة والبناء مديتهملو وقتلو رجعلي

بلعقل بلا ما نزيرو حرمت نفسي وعاونتو هادا بلا ماننساو كي نخرجو نشرو يقولي سلفيلي نشري تريكو وديبانيني

حق الطرنسبور ونتي ليوم تخلصي الفطور وغيرها وغيرها لكن درك خرجلي بهاد الخرجة حتى المهر لي طلبتو ما

يجيبش حتي سلسلة تع

ذهب وزعفت الاعمام والاخوال مني غير باش نعاونو قلت معليش نكسب راجل تقي طايع ربي خير من الدنيا وما فيها

قولولي زعما انا غلطت في حقو وظلمتو والا التنازلات لي قدمتها هي اللي خلاتو يقول هكدا

l
لست اهل للحكم عليه مادمت لا اعرفه
لكن من خلال سردك للاحداث فهو انسان استغلالى
انت قلت انك يتيمة و فقدت او اغضبت اخوالك و اعمامك منك بدعمك الغير مبرر له فان حدث مشكل بينك و بينه من يقف معك ?
اسفة ان قلت انى ارى انه انسان استغلالى و انت عودته بان تصرفى عليه عوض ان يصرف عليك هو
نعم تساعد المراة زوجها عندما يكون محتاجا لكن لما يكون زوجا
صراحة لم تعجبنى طريقة استغلاله لك و لم يعجبنى انسياقك وراء الامر و رضوخك له
اتمنى ان تعيدى حساباتك قبل الزواج و تفكرى و تتاكدى جيدا من اخلاقه و من عقليته و نفسيته
فان تزوجت لا يكون لك الى القبول بالامر الواقع
الرجل يفتخر عادة بقوامته و يحاول ارضاء زوجته و بان يثبت لها بانه اهل لها و اهل لان يقوم ب اسرة و يتحمل المسؤولية لا ان يتسول خطيبته فى الطالعة و النازلة و بهده الطريقة
والا اعرف اين اختفت عزة نفسه و هو يطالبك بان تخبئى له المال اللدى جمعتيه لتشترى امور زفافك له عندما يتزوجك فيصرفه
فان تزوجت به من سيصرف على الاخر ومن سيشتغل وما سيكون مصيرك وهو يكلمك هكدا و انتما فقط خطيبان
بصراحة و على ضوء كلامك و بناءا على قناعتى ليس اهلا للزواج بك
واسفة ان كنت اثقلت بكلامى عليك
لكنك طلبت النصيحة و اجيبك كما اجيب نفسى ان و قعت فى مشكلة مشابهة
بالتوفيق

samar89 · 2013-08-20, 16:43

صايي والف فيييييييييييييك..............الغلطة تاعك اختي لازم تديري حدود مايفوتهمش

karim.dz · 2013-08-20, 18:35

لا حول ولا قوة الا بالله العلي العظيم من هكذا رجال ....
ربي يهديه ...

سارةالتلمسانية · 2013-08-20, 18:47

حنونة كاين بزاف ليحبو يزعقو مفها والو هو راهو يقولك هاكا باش مضيعيش دراهمك هادا مكان ومنظنش راهو قاصد حاجة