استفسار

Spring Flower · 2013-07-13, 17:58

حابة نسقسيكم انا حابة اختصاص ممدهوليش في الرغبات نقدر ندير طعن و نديرو انا عندي صحبتي العام اللي فات كانت تحوس على نظافة و امن صناعي ممدوهالهاش في بطاقة الرغبات امباعد مدوهالها بالمعريفة

عاشق الاله · 2013-07-13, 18:03

هاذا العمل ليس من الأخلاق الاسلام لذلك لا أنصحك به

Spring Flower · 2013-07-13, 18:05

اقتباس:

المشاركة الأصلية كتبت بواسطة عاشق الاله

هاذا العمل ليس من الأخلاق الاسلام لذلك لا أنصحك به

بصح انا حابة نعود استاذة في الجامعة

hichaam · 2013-07-13, 18:07

ارضي بما كتبه الله لكي و لتكن درسا لكي للاشتهاد اكثر مستقبلا و لتنالي ما تريدين بعرق الجبين

افضل من الحصول عليه بالطرق الملتوية و الندم و ها نحن نرى هؤلاء يسالون الائمة عن حكم مثل هته الاعمال ...

NADJIB-90 · 2013-07-13, 18:09

لا تستطيعين وحتي لو استطعت بالمعريفة تظلي طول حياتك خايفة يسحبولك الشهادة مثل ما حصل في التحقيقات التي مست جامعة وهران اذا اكتشف هذا الامر تروح فيك وفي اللي دخلك للتخصص وعلي فكرة عند التخرج يراجعوا كامل مسارك الدراسي من البكالوريا ولما يعرفوا عدم تناسق معدلك مع معدل القبول ممكن تكوني ضيعت 5 او 7 سنوات من حياتك

NADJIB-90 · 2013-07-13, 18:11

اقتباس:

المشاركة الأصلية كتبت بواسطة spring flower

بصح انا حابة نعود استاذة في الجامعة

اي واحد يحصل علي الدكتوراه في تخصص يمكنه التدريس في الجامعة وهل تبدأين مسارك بالغش فكيف سينتهي وكيف ستقيمين طلبتك

Spring Flower · 2013-07-13, 18:16

على اي غش راكم تتكلمو عليه انا حبيت نسقسيكم على هذا الاختصاص هذا ما كان لاني كنت نحوس عليه و ممدوهوليش

NADJIB-90 · 2013-07-13, 18:21

اقتباس:

المشاركة الأصلية كتبت بواسطة spring flower

على اي غش راكم تتكلمو عليه انا حبيت نسقسيكم على هذا الاختصاص هذا ما كان لاني كنت نحوس عليه و ممدوهوليش

سؤالك كان نقدر ندير تخصص لا يسمح لي معدلي به صح او خطأ لانه مامدوهولكش يعني معدلك لا يتناسب مع المعدل المطلوب وهذا في رأيك ليس غش ليس اخذ لحقوق الاخرين

فوزي الفايز · 2013-07-13, 18:23

الطعن في حالة واحدة ان لم يتم تلبية اي من رغباتك عند التوجيه

اما ما تقولينه غير منطقي كيف لم يظهر لك و تريدين الدخول له....مستحيل قانونيا اما الاساليب غير قانونية و غير اخلاقية فلا ادري شيئ حولها

والله اعلم

Spring Flower · 2013-07-13, 18:25

اقتباس:

المشاركة الأصلية كتبت بواسطة nadjib-90

سؤالك كان نقدر ندير تخصص لا يسمح لي معدلي به صح او خطأ لانه مامدوهولكش يعني معدلك لا يتناسب مع المعدل المطلوب وهذا في رأيك ليس غش ليس اخذ لحقوق الاخرين

و علاش كي ندير طعن و لا طلب باه نروح ليها معناها غش انت اذا كنت حاب حاجة و متنيها ماكش رايح تجري عنها انا كنت نجيب مليح في في معدلاتي الفصلية بصح كي جبت الباك بمعدل 11.94 ما عجبنيش حت اختصاص

Spring Flower · 2013-07-13, 18:27

و كان سؤالي نقدر ندير فيه طعن ولا لا هذا ما كان

NADJIB-90 · 2013-07-13, 18:32

اقتباس:

المشاركة الأصلية كتبت بواسطة spring flower

و علاش كي ندير طعن و لا طلب باه نروح ليها معناها غش انت اذا كنت حاب حاجة و متنيها ماكش رايح تجري عنها انا كنت نجيب مليح في في معدلاتي الفصلية بصح كي جبت الباك بمعدل 11.94 ما عجبنيش حت اختصاص

في الباك مايعرفك الشيخ ما يعرفك المدير يعني هو المقياس الحقيقي كاين اللي كانوا يجيبوا 18 وجابو في الباك 12 منطقيا كيف تعملين طعن وتسجلين في شعبة معدلك اصلا ميسمحلكش بالدخول ليها وهذا فرأيك ما هوش غش يعني واحد دا 10 بغي يولي طبيب عندوا المعارف كي يدخلوه كلية طب وانتي عندك 11.94 ماعطاوهولكش شاتحسي ظلم ولا ماشي ظلم

Spring Flower · 2013-07-13, 18:34

اقتباس:

المشاركة الأصلية كتبت بواسطة nadjib-90

في الباك مايعرفك الشيخ ما يعرفك المدير يعني هو المقياس الحقيقي كاين اللي كانوا يجيبوا 18 وجابو في الباك 12 منطقيا كيف تعملين طعن وتسجلين في شعبة معدلك اصلا ميسمحلكش بالدخول ليها وهذا فرأيك ما هوش غش يعني واحد دا 10 بغي يولي طبيب عندوا المعارف كي يدخلوه كلية طب وانتي عندك 11.94 ماعطاوهولكش شاتحسي ظلم ولا ماشي ظلم

يا خويا انا كان سؤالي نقدر ندير طعن ولا لا

NADJIB-90 · 2013-07-13, 18:38

اقتباس:

المشاركة الأصلية كتبت بواسطة spring flower

يا خويا انا كان سؤالي نقدر ندير طعن ولا لا

يمكن للمترشح عمل طعن في حالة لم يعطي احدي الخيارات العشرة التي ملأها في بطاقة الرغبات وهذه الحالة الوحيدة لايمكن للمترشح التسجيل في شعبة لم تعطي له في قائمة الشعب
طرق اخري ممكن جدا انا اعرف من اعطوهم علوم المادة ودخلوا هندسة معمارية ومن كان ادبي ودخل طب

Spring Flower · 2013-07-13, 18:40

اقتباس:

المشاركة الأصلية كتبت بواسطة nadjib-90

يمكن للمترشح عمل طعن في حالة لم يعطي احدي الخيارات العشرة التي ملأها في بطاقة الرغبات وهذه الحالة الوحيدة لايمكن للمترشح التسجيل في شعبة لم تعطي له في قائمة الشعب
طرق اخري ممكن جدا انا اعرف من اعطوهم علوم المادة ودخلوا هندسة معمارية ومن كان ادبي ودخل طب

شكرا خلاص راني فهمت انا ما كنتش فاهمة واش نديرو بالطعن و

حابة نبدل من جامعة الى جامعة اخرى فيها غش تاني