تعالو الامر عاجل جدا - الصفحة 2

مريم الصابرة · 2013-06-09, 09:20

اقتباس:

المشاركة الأصلية كتبت بواسطة المهتدى بنور الله

السلام عليكم
شكرا اختى مريم لموضوعك لتغير الجو قليلا
فعلا معضمنا كنا مشاغبين
بصح انا بزايد درت كوارث
اتذكر حادثتين انو يوم كسر سلاخى سنه الامامى فعندنا باب كبير فى الغناء فقال لى اطلع على ضهرك افتحو وعندما طلع تعمدت اسقاطه والمسكين كسرت له سنه الامامى والان مازال للان سنو مكسر يذكرنى بيها ويقولى الله لا تربحك ههههههههههها
ونشفى مرة كنت نحب نجرب كلش قرينا فى دراسة الوسط على الكحول انو سريع الالتهاب فلما وصلت الى المنزل حبيت نجرب وسيحتو فى خزانة وشعلت
الخزانة قريب حرقتلهم الدار
ونشفى كنت فى السيارة مع ابى وخليتو ماانزل وقالى استنانى حبيت نجرب نجبد لفران ما وش يصرى وفجات مشات بيا السيارة وراحت بيا وهو يجرى مسكىن
لحقها فى اخر لحضت قريب درت كارثة

السلام عليكم اخي
هههههههههه كسرت لخوك سنانو هذي البداية خليتو فرماش
هههههههههه والنار وسقت السيارة سور راك سائق ماهر خويا مهتدي
شفت رغم في وقتهم كانو يانبونا على هكذا تصرفات ويضربونا وولكن كي كبرنا ونتفكروهم نقولو يا ريت يرجعو هذوك ليام فعلا روعة بارك الله فيك

مريم الصابرة · 2013-06-09, 09:24

اقتباس:

المشاركة الأصلية كتبت بواسطة tokyo

هههه والله ايام لبعض اوقات نحوس حتى ولو نعاودها في حلم او نشتريها
تعرضت مقالب بزاف و حتى انه كنت بعض احيان نكسر و نضرب و يضربوني بالصح لحد ساعه ولا خصام و لا احتدام بين عائلة او جيران حمد الله ياربي مازالنا نلقاوهم ضرك و نسلمو عليهم و يسقسو علينا
كنا نعيش في الحوش كبير و عائلة كبيرة مره اثناء الصلاة المغرب كان ابن العمي من العاصمة يهم بالوضوء وادا نادت البنت العمي كبيرة هيا واخوها للعب وادا تعمل حركة تدوير سقطت بدون شعور وادا انفى ينزف و تعرضت الى فتح شارب و 3 غرزات في راس هههههه
و مره
سخنت سلك وقلت انه البارد و لي يحكم سلك نشريى له شمينغوم كلاكو هههه و ادا البنت العمي مسكينه راحت فيها وقاعده تبكي و عادي ولا مره امها او امي تضاربو او تعادو كيما الان حمد الله
ومره ابن العمي
كان يلعب مع اختي و مش عارف كيفها حتى طاحت اختي و تعرضت للكسر في اليد و مسكين قاعد يبكي ههه وامه ضرباته و هو هرب عندنا للدار هههه والله يا ليام
ايه مش كيما ضرك غير تلفزيون و النت و تلفون و بلايستيشن ووو بففف
تاع ضرك حاجه ما يعرفوها خصوصا في الصيف
كنا النهار لي تخلاص قر ايه ايه نحبو نطيرو و نبقو بره حتى يادن المغرب و يبدو يعيطونا ادخلو
كككككك
هرمنا يا محاينك

السلام عليكم اخي شكرا على المشاركة العطرة
والله قلت نقطة مهمة قلت حتى وكنا نضربو ويضربونا مازال الإحترام بينا وبين جيراننا وهذا ما ميز فترة طفولتنا وتربيتنا على الزمن هذا يعني لو في هذا الزمن أطفال يتشاجر ولدرجة واحد يضرب لاخر المشكل يكبر بين الأسر ويتقاطعو حتى بين الخاوة صرات على جال الاطفال وناسين إنو هذا شغب ولعب ذراري
هههههههههههه ضربوك وضربت ياخي سلامات آثار في شاربك وراسك راحو هههههههههههه
والله صح هرمناو كبرنا وكبر همنا معانا انا نقولك الصح كبرت وندمت شكرا أعجبتني ذكرياتك فيها سقوط وضرب اللي نحبهم كامل سراولك هههههههه شكرا

مريم الصابرة · 2013-06-09, 09:27

اقتباس:

المشاركة الأصلية كتبت بواسطة انانيس

السلام عليكم اختي مريومة
كيف حالك
ارجو ان تكوني بالف خير
اشكرك على الموضوع القيم
فعلا فترة الطفولة مليئة بتصرفات طائشة بعض الشيء
مليئة بالتجربة والفضول بالنسبة لي هي مواقف عديدة تعرضنا لها
ولكن اكثر موقف ماهو ؟؟
دعيني اتذكر في احدى المرات بقيت العب والهو بنبات الصبار ههههههه قمت بتحضير الفطور

هههههه
ولكن تاذيت كثيرا منه والى اليوم
لازلت اهابه
اختي مريم اعجبتني جملة في الاخير في موضوعك
علينا نسيان احزاننا الامنا لا شيء يستحق منا ذلك
هي دنيا فانية
فلنبتسم ولاننا لا نعرف مكمن الخير في كثير من الامور

ولان الخيرة دوما فيما اختاره الله لنا
بارك الله فيك مريومة ربي يشفيك
ويسعدك يارب

السلام عليكم انوسة شكرا الحمد لله اختي اتمنى أنك بخير
ما لقيتي واش ديري فطور يا انوسة الصبار باينة طباخة ماهرة
رانيي تخيل فالألم انا نكره النبات هذاك على جال شوكو الصامط
اكيد اختي ولا إنسان راه عايش مرتاح ولا راحة دوم للأبد لكن منين ذاك لازمنا نخرجو أنفسنا من الجو هذا لأنو حتى لو بقينا مهمومين ماكانش حل والدنيا هذي هي مرة ليك ومرة عليك وانا حبيت شوية نبدلو جو واللي مهموم يضحك او يتبسم على الأقل وفعلا راني ضحكت من مشاركاتكم ونتمنى أنتوما ايضا تفرحو من ردود البعض فالموضوع تغيير جو
شكرا وبارك الله فيك

مريم الصابرة · 2013-06-09, 09:29

اقتباس:

المشاركة الأصلية كتبت بواسطة لذريق

السلام عليكم أختي مريم
موضوع جميل ذكرنا بايام الصبى و الزمن الجميل
مقالب و امور حدثت لنا و الله رغم انها ابكتنا في حينها و آلمتنا الا انها اجمل لحظات حياتنا
ذكريات خالدة
انا كنت بطل في رمي الحجارة باليد و المقلاع و التربولات --لاستيك -- و تعرضت لاجلها للعديد من المطاردات و التعنيف
ايضا كنت اتسلق اي شجرة و مهما كانت كبيرة او صعبة و الله تسلقت اشجار ربما لحد الان لم يتسلقها غيري .........و ربي يغفرلي الاعشاش كنت داير فيها رايي
ايضا مما لا اندم عليه انني كنت في العطل يوميا اوقد النار ..لاني كنت احبها و نار بالحطب و الله مرات المطر يهطل و النار مشتعلة ههههههههه يعني نار نتاع بصح
ربي يبارك فيك و هناك الكثير من المغامرات و المالب لربما ارويها لاحقا
بارك الله فيك و وفاك الله الكريم كل خير
ســــــــــــــــــــــــــلام

السلام عليكم اخي
اهلا وسهلا بك اتمنى أن تكون والعائلة بألف خير
التربولات السلاح الذكور الذي أنا سرقته أيضا وتعلمت رمي الحجارة به وطاق على من طاق اللي يقول راجل يقابلني فقشت ولاد الجيران كامل إنتقام من جنس الذكور
إذن كنت ديناصور وين تروح تشعل النار
وعلاه قالونا إنقرضو
عجبتني تسلق الأشجار يعني اخانا لذريق يحب الغابات كثيرا على حسب ما ارى
تبارك الله كنت عاقل بزاف
شكرا على المشاركة العطرة

مريم الصابرة · 2013-06-09, 09:33

اقتباس:

المشاركة الأصلية كتبت بواسطة نورسين.داية

السلام عليكم

موضوع جميل جدا ..........فعلا الإنسان يعزي نفسه بالدكريات الجميلة حتى ينسى ألم اللحظة التي يعيشها في واقعه ......قد تجدي نفعا ..........لكن أراها بكل صراحة وهم ....او كدبة أكدبها على نفسي ......و شخصيا أحب أن أعيش واقعي كما هو ....حتى اجد حلول ....و لو خطوة .....من البداية حتى أصل الى النهاية .................

لكن هذا لا ينفي ....أن أضع شيئا من شخصية أسماء في الصغر .......و أقولها بكل صراحة أسماء كانت شيطانة بما تحمل الكلمة من معنى ..........كثيرة الحركة و من بين ما حدث معي أنا شخصيا لا اتذكر الأحداث لكن ما روي لي فقط ...........

حادثة غرق في حوض المنزل أرتفاعه 1,5 متر ........قيل لي كنتي في محاولة للقفز فيه مند 3 أيام تقريبا إلى أن ودت الفرصة ......بعيدا عن اعين الوالدة و ..الحمدلله جات على خير
و حادثة الضياع في رحلة عائلية في دولة أجنبية تصوري في وسط المدينة .....و أصلا تلك الدولة معروفة بالعصابات ...في آخر المطاف وجدت أسماء بعد بحث قرابة الساعتان تلعب ...مع أطفال ....و المشكلة معركة مصيرية مع طفل في سني ......ههههههه
و الله صح الطفل .................أجمل كائن في هذه الحياة في البراءة ..................سبحان الله في خلقه ..................هذا ما نقول

شكرا عزيزتي على الموضوع القيم

السلام عليكم اختي
ليست وهم اختي لأنو نسرتجعو ذكرياتنا للحظات هروبا قليلا من هموم وأحزان اما واقعنا رانا متصلين بيه حتى ونحن مع الطفولة
يعنيب هي مجرد لحظات اولست حينما تشردين قليلا تتطكرين طفولتك فهل هذا إنفصال عن واقعك او رفضه طبعا لا
إذن غرقت في طفولتك وهل تطهبين للبحر الآن ألا تخافين الماء
وأيضا ضعت يا للروعة يعني جريتي اهلك وراك مرة غارقة ومرة مودرة وزيد لقاوك مع طفل روعة عاقلة بزاف قتلهم بنات المنتدى كامل عاقلات الشباب طايشين شوفو العقل عند اختنا نورسين تودرت ولقاوها مع طفل كاينة وحدة عاقلة قدها الله يبقي عليك الستر هذي ما تحكيهاش لزوجك كانك متزوجة شكرا

مريم الصابرة · 2013-06-09, 09:40

السلام عليكم الآن نحكيلكم على مريم الصابرة العاقلة البريئة الفتاة اللي يجبوها جيرانها وكل صديقتها خلاتلهم ذكريات لأانها تحبهم بزاف لازم ما ينساوهاش
نكي امور نتفكرها اما اللي حكاولي عليهم لا تعد ولا تحصى كان بابا الله يرحمو يقولي كنان خافو نرقدو ونخلوك قاعدة يستناوني حتى نرقد أنا لانو من عاداتي ندير الشغب ليلا هههههههههه وهوما وزهرهم واش راحا ندير
من الامور اللي نتفكرها بزاف أنو كانو الذكور يقاردونا بالتربولات والحجر خباونا فالدار ولينا ما نخرجوش شفت طريقة خويا كيفاه يخدم تربولات وتفاهمت مع لبنات وجبنا ادوات وخدمناها وروعة وطبعا ليكيب تجيب الحجر وشاف ديكيب اللي هي انا نقارد بالحجر والله يسهل جاتو في عينو في راسو ربي يسهل ورجعو يحلو وبعثو مهادات سلام ووالو سيطرنا على منطقتنا نلعبو فيها ولا ذكر يتجرأ يجي ومعاه تربولات وكانت زعيمة صديقتي مكلفة بتفتيش جيوبهم ههههههههههه
وايضا نتذكر مرة راحين نلعبو عريس وعروسة هههههه وجا عند جيران طفل بوقوس شعر صفر وعين زرقا يا ودي ما ننساهش مان عرف ضرك وين راه هههههههههه
قلت لبنات هذاك ليا انا نلعب معاه عريس وعروسة وجات كشرودة بنت جيراننا حابة تلعب معاه بالسيف وهو واقف يتفرج السبع وانا مدابزة معاها على جالو وفالأخير شديتها من شعرها ونسحب وكانت طريق بلا قودرو يعني رجعو جها كلو تراب وشعرها خرجتلها كطامل العرس وللعريس
لما بعثتها لدارهم ما عقلوهاش تبدل لونها ههههههههه وانا ديت العريس لدارنا لعبت معاه عريس وعروسة هههههههههههه كان اجمل عرس
اما مقالب المتوسط ندي الفيران للمعلمات اللي تتغاشى واللي تخرج تعيط وندي القرلو صديقي المفضل نلم عشرة عشرين ونطلقهم فالكلاصة ايا جيش مريم إنطلقو ههههههههه روعة كنت مشاغبة وحتى فالثانوية عندي ما درت احداث تسجل فالتاريخ ايام روعة ما ننساهمش
شكرا للجميع

جمال المهاجر · 2013-06-09, 11:57

اقتباس:

المشاركة الأصلية كتبت بواسطة مريم الصابرة

السلام عليكم اخي
أتعلم تأثرت بما قلت لدرجة انني ندمت لأانني كتبت الموضوع لو كنت اعرف أنني جئت لأزرع بسمة جعلتك تحزن ولا اقول تتطكر بل أنت لم تنسى لكن اخي جمال وهل كنت تعلم أنها ستموت طبعا لا فأنت كنت طفل برئ ومن حبك لها غضبت لأنها لم تأخذك معها ولو هي كانت تعرف انها ستموت هل كانت ستبتعد عنك وعن إخوانك اكيد لا لذلك لا تلم نفسك ودائما تخيل ماكانت ستقوله لك اكيد كانت لتقول انها تحبك كثيرا وانها ستعود بأسرع وقت وتحظر معها لعبة ربي يرحمها ويصبرك

بارك الله فيك ... مايكون غير الخير اختي

مريم الصابرة · 2013-06-09, 12:27

اقتباس:

المشاركة الأصلية كتبت بواسطة جمال المهاجر

بارك الله فيك ... مايكون غير الخير اختي

السلام عليكم اخي
إن شاء الله يا رب بارك الله فيك ربي يرحم موتانا يا رب شكرا

{ توبة } · 2013-06-09, 14:32

السلام عليكم و رحمة الله تعالى و بركاته
اعجبني موضوعك كثيرا اختي مريم
و ما شاء الله عليك كنت عاقلة بزاف الله يبارك
بالنسبة الـي لا اتذكر الكثير من المواقف و المقالب في صغري
لكن حكت لي عائلتي عن بعضها
مثلا لما كنت صغيرة و ابي كان استاذ
لما كان يصحح اوراق التلاميذ و غفل قليلا
اكلت ورقة من اوراق التلاميذ و مزقتها اربا اربا
مما وضع ابي في موقف محرج امام التلميذة
و ايضــا في عيد من اعياد المولد النبوي الشريف كنت مع صديقتي نلعب ب { الغوطي }
ربما تعرفونه لما نملأه بـ { البش } و نشعل فيه النار و نلعب به
المهم في ذلك الوقت اخبرونا ان اللعب به ممنوع و رجال الحي يعاقبون من يلعب به
من شدة خوفي وضعته تحت سيارتنا لكن الحمد لله لحظات قبل الكارثة تفطن ذكور الحي
و اخرجوه و الا لانفجرت السيارة
لكن لما كبرت لم يكن لي اي مغامرات او مجازفات لاني عاقلة بزاف
شكرا لك اختي مريم على الموضوع الرائع
استمتعت بقراءة الردود
استمتعت كثيرا بقراءة

نورسين.داية · 2013-06-09, 19:03

اقتباس:

المشاركة الأصلية كتبت بواسطة مريم الصابرة

السلام عليكم اختي
ليست وهم اختي لأنو نسرتجعو ذكرياتنا للحظات هروبا قليلا من هموم وأحزان اما واقعنا رانا متصلين بيه حتى ونحن مع الطفولة
يعنيب هي مجرد لحظات اولست حينما تشردين قليلا تتطكرين طفولتك فهل هذا إنفصال عن واقعك او رفضه طبعا لا
إذن غرقت في طفولتك وهل تطهبين للبحر الآن ألا تخافين الماء
وأيضا ضعت يا للروعة يعني جريتي اهلك وراك مرة غارقة ومرة مودرة وزيد لقاوك مع طفل روعة عاقلة بزاف قتلهم بنات المنتدى كامل عاقلات الشباب طايشين شوفو العقل عند اختنا نورسين تودرت ولقاوها مع طفل كاينة وحدة عاقلة قدها الله يبقي عليك الستر هذي ما تحكيهاش لزوجك كانك متزوجة :d:d:d شكرا

السلام عليكم

الصراحة قتلتيني بالضحك .............بارك الله فيك عزيزتي ..........و شفاكي الله عز وجل

بثينة 123 · 2013-06-09, 20:39

السلام عليكم ورحمة الله تعالى وبركاته
انا كي كنت صغيرة كان تقريبا اربع سنوات كنت نخربش في كتوبات وكراريس اخواتي الكبار وانا الصغيرة فالدار وحدي وما كان حتى وحدة صغيرة عليا ولا كيما انا تعاوني على التخريب كت وحدي نكتبلهم ونرسملهم في كراريسهم الى درجة وحد المرة اختي شافت الاستاذة كراسها راحت تنقصلها في التقويم على جالي هههههههههههههههههههههه شكرا اختي على فتح هذا الموضوع لنروح عن انفسنا قليلا ونضحك قليلا

مريم الصابرة · 2013-06-09, 20:43

اقتباس:

المشاركة الأصلية كتبت بواسطة زهور الأمل 95

السلام عليكم و رحمة الله تعالى و بركاته
اعجبني موضوعك كثيرا اختي مريم
و ما شاء الله عليك كنت عاقلة بزاف الله يبارك
بالنسبة الـي لا اتذكر الكثير من المواقف و المقالب في صغري
لكن حكت لي عائلتي عن بعضها
مثلا لما كنت صغيرة و ابي كان استاذ
لما كان يصحح اوراق التلاميذ و غفل قليلا
اكلت ورقة من اوراق التلاميذ و مزقتها اربا اربا
مما وضع ابي في موقف محرج امام التلميذة
و ايضــا في عيد من اعياد المولد النبوي الشريف كنت مع صديقتي نلعب ب { الغوطي }
ربما تعرفونه لما نملأه بـ { البش } و نشعل فيه النار و نلعب به
المهم في ذلك الوقت اخبرونا ان اللعب به ممنوع و رجال الحي يعاقبون من يلعب به
من شدة خوفي وضعته تحت سيارتنا لكن الحمد لله لحظات قبل الكارثة تفطن ذكور الحي
و اخرجوه و الا لانفجرت السيارة
لكن لما كبرت لم يكن لي اي مغامرات او مجازفات لاني عاقلة بزاف
شكرا لك اختي مريم على الموضوع الرائع
استمتعت بقراءة الردود
استمتعت كثيرا بقراءة

السلام عليكم اختي
إيه فكرتيني بالمولود وكوارث اللي تصرا نعرف الغوطي هذاك نحب المولود على جالو نثقبوه بالمسمار ونعمروه بشمعة تشعل النار ونجرو بيه فور والله روعة وعندي ما درت كوارث خليها فالستر خير
لحقتي باباك تبدهل مع التلاميذ هذا وين عرفت علاه راه زعفان منك ضرك وعلاه ما قلتيناش النقطة هذي موضوعك على والدك لو بعثنا اخانا مسلم سني سفير المعلمين لغتهم يفهمو بعضاهم شكرا

مريم الصابرة · 2013-06-09, 20:44

اقتباس:

المشاركة الأصلية كتبت بواسطة نورسين.داية

السلام عليكم

الصراحة قتلتيني بالضحك .............بارك الله فيك عزيزتي ..........و شفاكي الله عز وجل

السلام عليكم اختي
الحمد لله ضحكت فرحت كي ضحكتك وإنت عجبتيني فريتيها من الصغر ومع ميقري شكون كيما إنت
اللهم آمين شكرا

مريم الصابرة · 2013-06-09, 20:45

اقتباس:

المشاركة الأصلية كتبت بواسطة بثينة 123

السلام عليكم ورحمة الله تعالى وبركاته
انا كي كنت صغيرة كان تقريبا اربع سنوات كنت نخربش في كتوبات وكراريس اخواتي الكبار وانا الصغيرة فالدار وحدي وما كان حتى وحدة صغيرة عليا ولا كيما انا تعاوني على التخريب كت وحدي نكتبلهم ونرسملهم في كراريسهم الى درجة وحد المرة اختي شافت الاستاذة كراسها راحت تنقصلها في التقويم على جالي هههههههههههههههههههههه شكرا اختي على فتح هذا الموضوع لنروح عن انفسنا قليلا ونضحك قليلا

السلام عليكم اختي
مسكينة اختك إنت ديري وهي تخلص وزيدي تحوسي خدامين يعاونوك فالمهمة حبيتي يحاوزوها من ليكول شريرة
العفو اخيتي حطيت الموضوع نحو على انفسنا غبار الأحزان يكفينا هم وغم خلونا نضحكو شوية شكرا

sali-sali · 2013-06-09, 20:51

السلام عليكم

واش هدا مريومة...موضوع هااااااااااايل

راكي تعرفيني غير نتاع مقالب
ادا على خوتي وولاد جوارين..كلهم كانو يخافو مني
كي نلعبو لازم انا الاولى في اللعب
و في المدرسة..لما المعلمة ضربتني كنت نقول لماماراني رايحة نقرا و نهرب ..قعدت سمانة و انا هاربة..حتى جات المعلمة حتىللدار تحوس عليا...شتا نحكيلك كليت طريحة من عند ماما من تما بديت نخاف شويا