هل تعلم سبب إتخاذ ذلك الموضوع في الفلسفة ؟؟؟

[abdelka22]

..
على حساب وجهة نظري و إستنتاجي ..أنا أرى بأنه عناد و تمنكر بمعنى الكلمة ..هوما واقيلا داروا الأسئلة أيا و كي سمعوا بلي نتاشرت و المترشحين فاقوا ..قالك لازم نبدلوها ...و المشكلة و كان غيل كي بدلها أوموااا يديروا مواضيع ذو قيمة و فيهم الهدرة باش التلميذ ماينغبنش ...فالعادة و الإرادة موضوع جا في 2011 مع العلم أن أساتذتنا إستبعدوه تماماو ذلك إنطلاقا من فكرة أنه لي حطوه قبل عامين 100% ميحطووهش .. الحقيقة بالاك في المتناول و لكن هناك الكثير من الذين إلتقيتهم قالولي مقريناهش لأنه موضوع لم يعطى بالإهتمام الكبير أنا لا أتكلم على أعضاء المنتدى لأن كثيرا منكم علابالي بلي حفظوا الحقيقة و ذلك أنه كان من بين الأكثر ترشيحا و لكن كاين لي مسمعوش بيهاا نظرا لوجود هذا الموضوع في وسط البروغرام ومحيط بمقالات متوقعة جدا وذات أهمية كبيرة + كاين بزاف لي غلطو فيها من حيث المدافعين عن النسبي و الخصوم إلخ...!!!...أما النص فكان فيه فخ وهذا الفخ التلميذ جامي قرى عليه ..وهو أن صاحب النص لم يعطي وجهة نظره... !!!!! المهم ...أيا هاذا باك و حاطينه pfffff :::::::::::راهم يتمنكروا في شعبة أداب و فلسفة ولااا كيفاه .؟؟ ....و هل صحيح أننا نحن تلاميذ شعبة أداب و فلسفة رانا غيل زيادة في الليسيات و لا نحمل أي منفعة ! كيما قالي مسؤول المركز تاع المتوسطة لي فوت فيها الباك و بالضحكة ؟؟ أنا هادي لي غاضتني بزاااف ..لياام :::ولاو يقولولنا بلي رانا زيادة في الليسيااات والمشكلة مدير المركز تاع الإمتحان قالها و يضحك

[مـــاهـــر]

:راهم يتمنكروا في شعبة أداب و فلسفة

[آمِيْرَتُه]

قريت الأسئلة جاتني نورمال عكس أحنا نتاع بكري كانوا يحرقونا
راكم في وقت غير الي مبغاش يقرا

[صبرينة 2023]

علاه زيادة هوما طول هكذا يحقروا الأدبيين بصح ربي وكيلهم خليهم برك
الحمد لله الفلسفة خدمت الي عرفت

[أم احمد3]

انا استنتجت راي الكاتب لم اكتبه بوضوح لكنه استهزا بالافكار الملوموسة لما نتحدث لافكار وليس لاشياء لكن خاصني نهدر اكثر فقط
لاني منعرفش الطريقة الحل جيدا والمقدمة مدرتهاش طويلة قالولي فقط تذكر موضوع النص ولو كنت نعرف الطريقة مليح كنت درت اكثر والنقد ايضا مكثرتش
اما النص فهمتوا مليح وكاين اشكال آخر عن المووضعية والذاتية لم يستوفي حقه في مقالي لذا
كم تتوقعون علامتي رغم انني افرح ان كانت 8 او 9 فقط لا اريد 6 و 5 . وشكرا

[براءة طفلة 2]

ya raby ynaj7kom mais mahoumch ytmankrou fikom pcq tanik math waer raby m3akom

[iman14]

الكثير من تلاميذ في ولايتنا حطوو الورقة فارغة الكثير من اغماءات و الانتحار و على مستوى كل الوطن حتى انا و اغمى عليا و لكن معليش ان شاء الله و الله ما بربحو و تخرج فيهم الاساتدة بزيدولهم في الشهرية و هوما بوتفليقة معيشهم و الشهرية لي يدوها بلاك مايستاهلوهاش و حنا لي بايتين نحفظو و و نتعبوو يديرونا هكذا الحمد الله لي كاين ربي حسبي الله و نعم الوكيل

[سهيلة جنا]

وكيلهم ربي هدا مكان عطاونا ضربة في ضهر وغدرو بينا انا من جيهتي كنت متؤكدة بلي يجي الشعور واللغة ومبعد في كلاصة تصدمت على شعرة ويحبس قلبي قعدت غير نبكي بصح وكيلهم ربي هدا مكان

[homme mystérieux]

ههههههههههههه عجبتني تاع زيادة ف الليسييات
او باين بلي كبير وجايح هاذ السيد وعندو زهر ماطاحش في يدي وتالي كون راهم حكاو عليه اليوم في الجريدة