ــــــ الاعراس الجزائــــرية ....بين الامس واليوم ــــــــ

[الفلة البيضاء]

المشاركة الأصلية كتبت بواسطة انانيس

وعليكم السلام ورحمة الله وبركاته غاليتي "يسرى"

نعم بتنا غرباء على ديننا في كل شيء
نسير وفق هوى يجعلنا نفقد معالم شخصية المسلمين شيئا فشيئا
بارك الله فيك اختي يسرى نبهت الى نقطة في غاية الاهيمة وهي
تضييع اوقات الصلاة نعم اختي
الذهاب الى العرس معناه ضياع وقت الصلاة واحيانا لما يكون العرس بالبيت يبقى
صوت الاغاني يدوي فلن يستطيع اي شخص الخشوع في صلاته
والبعض الاخر لايحترم لا الاذان ولاغيرها فقط هو يوم ليس كبقية الايام اذن اقوم بكل مايحلو لي
بارك الله فيك اختي معك حق نعم اما ان نبارك مسبقا او لاحقا في حال اهل العريس
لنتجتنب مثل هذه المظاهر السيئة
شكرا اختي يسرى على مداخلتك القيمة
سررت لذلك كثيرا

جزيت واهلك كل خير

اريد ان انبه بخصوص الصلاة يمكن ان نصليها في وقتها و هو ان تكوني على وضوء و تبحثي عن غرفة لا يصل اليها صوت "المجانين" (كيما قالت الاخت مريم الصابرة اليوم واشبيا مع المجوهرات و انا راني غير نهدر على الجنون هههه) و خذي معك سجادة الصلاة و يوجد بعض الاعراس بارك الله فيهم يعلنو وقت الصلاة عبر مكبر الصوت و لكن معظمها اعراس بالمدائح الدينية ....و تلبية الدعوى واجب و لكن سئمنا من هذه المفاسد

[انانيس]

المشاركة الأصلية كتبت بواسطة الفلة البيضاء

عندي سؤال هو انني لا احب الذهاب الى الاعراس التي يكون فيها الغناء و لكن عندما يكون عرس الاقارب الاقارب احضرها و لكني كاني لست موجودة نحكم مكان و نقعد كيما الكرسي يابسة و مرة سالت احد الاخوات و قلتلها اني ارفض الذهاب فقالت لي ان كان عرس جد قريب لا حرج ان تحضري و لكن غضي بصركي و اجلسي في الاخير و منذ فترة حضرت عرس عمتي و مانحكيلكمش جيت قلبي معمر و حلفت "والله مانزيد نروح لحتى عرس حتى و يكون عرس خويا و الي يديرو الغنا مانروحش" و بعد العيد عرس بنت عمتي و الله يهيدهم يديرو الاغاني و لوكان مانروحش علابالي يزعفو و لوكان غير جات في الزعاف لانه ربي هو فوق عباده جميعا المشكل انني حلفت يمين

اهلا بك اختي الفلة البيضاء مرة اخرى
سعدت بتواصلك الرائع
والله ياختي لاخفيك اشعر باحراج شديد من اهلي واقربائي
وخصوصا اقول من يسكن بجواري يعني من اهلي من هو بعيد عنا يمكن لي ان لااذهب ولكن بالمقابل
توجد عمتي بجواري هنا فهاذ الحالة مضطرة للذهاب ولكن لحظة خفيفة ونرجع
مشكل اختي لما تروحي تنحطي في مواقف اكثر احراج ارجوكي بقاي وباتي معانا
اذا قلت والديا لايقبلون
يروحو يطلبو من الوالدين يخلوني والله لااحب هذا كثيرا
هي نقطة غضب الاهل علينا ان قاطعنا اعراسهم فهذا امر مؤكد والاكيد اكثر انها ستقول البنت غارت منا
قلت كل هذا جعنلني ازورهم زيارة خفيفة ونرجع
لعقوبة حتى نقطعهم ونتهنى منهم
ولكن اعجبني موقفك اختي كثيرا
ان اقسمت على ذلك فلاضرورة للذهاب اذن او اردت تغيير موقفك
فعليك بصيام او كفارة لما قسمك هذا والله اعلم
جزيت كل خير

[الفلة البيضاء]

المشاركة الأصلية كتبت بواسطة mohaa47

كلكم تقولون هذا تبذير هذا حرام ........................لكن عندما تتزوجون تفعلون أكثر.....................تقولون ما لا تفعلون .................اتقوا الله .......

اخي لا تجوجه كلامك هكذا و كانك تخاطب كاذبات "تقولون ما لا تفعلون" الله وحده يعلم ما بانفسنا و افعالنا و ان كن تقيات ام لا

[انانيس]

المشاركة الأصلية كتبت بواسطة مريم الصابرة

السلام عليكم اختي
لالا قاوللي زغرتي في عرس عمر الشريف عليها راحلك صوتك في فيلم وردية الطاكسي المخفي
والله يا اختي رجعت الأعراس مسخرة ولما ياتي اصحاب العريس ياخا واش نشوفو العابل نارية ومفرقعات تقولي إنت جابو الراجل الحديدي او غير هو اللي راح يتزوج وإطلاق بارود وما نعرف واش علاه هذا زواج او ثورة يعني والله مسخرة
اما النسا الله الله حدثي ولا حرج هذوك نتاع اللي يجيبو كامل الدوار ما نحكوش عليهم يخص غير الرجال وماشي مغربة رجالهم معروضين عند العريس عندي جارتي دايما كي يلحقو لأعراس نقلها جرتو بروغرام إنت وراجلك وأولادك يتفيكتاو هي والبنات عند النسا وراجلها ووليدو عند الرجال
والله يا اختي ماكان كيما طعيمة الله الله ولمة الاحباب وفرحة وقاطو عادي
حتى اقاطو سبحان الله رجعو يفاخرو بيه لوز وبندق وفستق وكرافاطا وما نعرف واش أسمائهم غريبة مرات نستغرب هذا واش من قاطو :d:d:d ربي يهدينا ويثبتنا ورانين قولكم اللي تتزوج وتعرضني دير عرس عادي لمة وفرحة وبزاف علينا اللي باغية لخضر ولحمر ما تعرضنيش راهي مسامحة
القاطو إستناي نطل فيه كان مليح او هفتينا البواطة فارغة

وعليكم السلام مريومة
اهلا بك مرة اخرى غاليتي
وشكرا جزيلا على تواصلك الطيب
ههههه ماعليش اسيدي انو سة زغردت على خاطركم هههه
نعم نقطة الالعاب النارية واطلاق عيارات نارية هي مظاهر اخرى باتت تحدد معالم العرس الجزائري
وكثيرا ماتحولت افراحنا الى ماتم بسبب طيش الكثيرين
نعم اختي مريم وصدقيني اقول البعض والله كما ذكرتي تفكتي ولادها وزوجها وهي تنقص عشا اليوم على روحها
اما اذا ماحضرش زوجها تروح لصاحبة العرس اعطيني ندي عشاء زوجي خليتو فالدار يسنى
رانا نشوفو فمظاهر وطباع سيئة سبحان الله
اختي مريم انا لست ضد تقديم اطباق معينة ولكن من دون تكلف لاننا نعلم ان الكثيرين لايستطيعون ولكنهم خوفا من كلام الناس
او تباهيا يقومون او يتدينون الكثير لاحياء هذه اللحظة
اما على الحلويات امر اخر مؤخرا احدى الفتيات لم تكتف بتقديم الحلويات الخضراء والزرقاء كما سميتيها
بل طلبت احضار كيكات خاصة لكل المدعوين تقدم مع مشروبات
بالاضافة الى حلويات الفستق و غيرها
بالاضافة الى هذا صدقي اختي مريم انها غيرت كل ديكور قاعة الحفلة كما ارادتها هي غير ت كل شيء فيها
ولتتصوري كم كلفها الامر وهذا القليل فقط
ان شاء الله كي يكون رانا نعرضوك مريومة
مازا ل ماشفتيش القاطو ههه
اواه ماكيش فضولية ههه
شكرا اختي الغالية على مرورك الرائع
سعدت لذلك حقا
جزيت كل خير

[انانيس]

المشاركة الأصلية كتبت بواسطة mohaa47

كلكم تقولون هذا تبذير هذا حرام ........................لكن عندما تتزوجون تفعلون أكثر.....................تقولون ما لا تفعلون .................اتقوا الله .......

اولا السلام عليكم اخي "mohaa47"
ثانيا نحن طرحنا الموضوع للنقاش وليس للاتهام
وماطرحنا هذا الا لان نغير من مثل هذه الظواهر السيئة التي اكتسحت اعراسنا مانستطيع
ومن قال اني سافعل عكس مااقوله ؟
اخي لست هنا لان انافق الغير في كلامي
لان رايك لايهمني بقدر مايهمني رضى الله عني
على العمو بارك الله فيك على المرور
جزيت كل خير

[انانيس]

المشاركة الأصلية كتبت بواسطة الفلة البيضاء

و كي يخلاص العرس "الجنون" يجو ليك يقولولك علاه مابدلتيش علاه مارقصتيش اظن ان هذا السؤال ليس لديه جواب لان جوابي سيكون لله يوم الحساب...........واش نقولك القاطو هبلني تسلم الايادي الله يحلي يماتك ....ماتنسايش تكتبي الاسم تاعي على الهدية باش تعرفي قيمتهاا

بارك الله فيك اختي الفلة البيضاء
مسرورة للغاية بتفاعلك
صدقيني اسعد بوجد اشخاص وخاصة فتيات اتقاسم معهم وجهة رايي
اذن احس اني لست بمفردي من يرى الامور بهذه النظرة
نعم كثيرا ماواجهنا بهذا السؤال
بارك الله فيك نعم نترك الجواب لليوم الحساب
نزيدلك امر اختي الفلة البيضاء مرة عرس احد ى الصديقات اقامتو ببعض الاناشيد والدف
تصوري انو على الدف وبقاو يجذبو مهم رقص من نوع خاص ههه
حنا ناس واش نقولك والفنا وتطبعنا على مثل الامور ولما تعرضيهم لعرس بعيد عن مثل هذه المظاهر
صدقيين اما يقاطعوك
اما يتهموك بالجنون لانك لم تقومي بما الفوه هم
اه عجبك هايا مليح
ان شاء الله اختي فلة
بارك الله فيك غاليتي
سعدت بتواجدك

[انانيس]

المشاركة الأصلية كتبت بواسطة مريم الصابرة

السلام عليكم اخي
وعلاه تحكم علينا من غير ما تعرفنا تحب نعرضوك تشوف بعينك
إتق الله إنت ولا تحكم على ناس ما تعرفهمش رانا متقين ربي الحمدلله والدليل رانا نرفضو هكذا افعال وليس كلام فقط لأنو عندنا الكلمة الحمد لله شكرا وبارك الله فيك

بارك الله فيك اختي مريم
احيانا الردود
تجعلك والله تفكرين في النية والقصد
سبحان الله وكان المضوع دعا الى مثل هذه الامور
وان كان يحاو ل تقديم النصيحة فالنصحية لاتكون بالتجريح
ربي يهدينا
بارك الله فيك مريومة

[انانيس]

المشاركة الأصلية كتبت بواسطة مريم الصابرة

السلام عليكم اختي
كيف الحال
فعلا يزيجو يلوموك من فوق ويتهموك بالتخلف يقولك هذا عرس ماشي جنازة يعني لازم الغنا والرقص والصفير والعويل
اما الهدية انا نديها للدار تكتب إسمي وإسم بابا إذا حبت ربي يرحمو وكامل الدوار على خاطر راني راحا نروح عند انوسة انا وكامل اهل بلديتي

نعم نتهم بالتخلف لان العرس لم يرق الى المستوى المطلوب بنظرهم
او حتى وان كان العرس كما يودونه هم تجدين الاستهزاء والحديث على الغير فاكهة المجالس
اما على الهدية صدين من النقاط السيئة التي احاول ان اغيرها بالناس
يعني اصبحت الهدية سببا في مقاطعة الناس وفي نشوب الحروب وغيرها
للاسف اصبحنا ماديين لدرجة كبيرة
على والدك ربي يرحمو اختي مريم
ههههههههه مرحبا بيك اختي مريم فاي وقت ومرحا بناسك
ماعليش كي راهم من طرفك

[انانيس]

المشاركة الأصلية كتبت بواسطة الفلة البيضاء

اريد ان انبه بخصوص الصلاة يمكن ان نصليها في وقتها و هو ان تكوني على وضوء و تبحثي عن غرفة لا يصل اليها صوت "المجانين" (كيما قالت الاخت مريم الصابرة اليوم واشبيا مع المجوهرات و انا راني غير نهدر على الجنون هههه) و خذي معك سجادة الصلاة و يوجد بعض الاعراس بارك الله فيهم يعلنو وقت الصلاة عبر مكبر الصوت و لكن معظمها اعراس بالمدائح الدينية ....و تلبية الدعوى واجب و لكن سئمنا من هذه المفاسد

بارك الله فيك اختي الفلة البيضاء
نعم قد قلتها البعض من يحترم اوقات الصلاة ولكن الغالبية
لايهتمون لامر الصلاة ابدا
ولاننسى ان الكل يتسابقون للصلاة فلاتجدين مكانا لاقامة الصلاة والله ارى مقاطعة العرس هو الحل المناسب
او الذهاب بواقات اخرى مناسبة للجميع
جزيت كل خير على النصيحة اختي
ربي يجعلها بميزان حسناتك

[yousra14]

المشاركة الأصلية كتبت بواسطة الفلة البيضاء

اريد ان انبه بخصوص الصلاة يمكن ان نصليها في وقتها و هو ان تكوني على وضوء و تبحثي عن غرفة لا يصل اليها صوت "المجانين" (كيما قالت الاخت مريم الصابرة اليوم واشبيا مع المجوهرات و انا راني غير نهدر على الجنون هههه) و خذي معك سجادة الصلاة و يوجد بعض الاعراس بارك الله فيهم يعلنو وقت الصلاة عبر مكبر الصوت و لكن معظمها اعراس بالمدائح الدينية ....و تلبية الدعوى واجب و لكن سئمنا من هذه المفاسد

صدقيني يا أختي أن الأعراس التي تعرف بالأعرس الإسلامية يطلقون عليها أعراس ميتة وإنني أتشرف بهذه الاعراس الميتة لكن يبقى تطبيقها صعب جدا
ألم تعرفي أن المجتمع العربي تحكمه العادات والتقاليد اكثر من الدين ؟

[مريم الصابرة]

السلام عليكم اختي انوسة
بارك الله فيك نجي وحدي انا ضد فكرة عشرة من الدار
واللي دارت كيما قلت كعكة لكل شخص وغيرت الديكور لو واحد مريض قدامها ما تصدقش ربي يهدينا عدنا فرصة نلمو حسنات لكنني نجمع السيئات ربي يهدينا
وبالنسة للاكل والله شفت بعض المناسبات مبالغ فيها والديكور ما تقدريش تتخيليه يعني والله تبذير مال فالباطل
اما الأاخ محمد 75 نقولو ربي يهديك والحمد لله نعرفو انفسنا مليح وما رانيش محتاجين نقولو اللي ما نديروهاش على العكس وربي أعلم بالنيات
بارك الله فيك
مي قوليلي لالة واشبيك مع التميز بديت نغير هذا عرس وصالة دارو حالة حتى فالإدارة هههههههههه موفقة ومن تميز لتألق لألماس وياقوت يا رب

[مريم الصابرة]

السلام عليكم اختي
بالنسبة للاخت الفئة البيضاء حول الصلاة في وقتها
يعني مرات قليلة حضرت اعراس كما سموها اعراس ميتة ملتقى رائع مدائح وأناشيد وتجمع نسائي رائع للجلبابيات والمحجبات ويعني تقال لكمات رائعة تمجد الرسول والله روعة ولما نقوم للصلاة في إحدى الغرف كيما قالت الأخت حتى ونحال نكون بعيدة على لالصوت يوصل يعني تتلفلي الصلاة لانو نسمعهم رغما عني وليت نروح في وقت مثلا بعد العصر ونرجع قبل المغرب يعني نكون صليت في دارنا هكذا احسن وما رانيش ضرك نروح لا لعرس المسرحيات ولا لعرس الأخوات ومبروك على كل اللي يتزوج

[yousra14]

أعجبني الحوار والنقاش فقررت العودة مججدا لأضيف عن الإطعام هل تصدقين أختي أنانيس أنه توجد عائلات تقدم الأصناف الفاخرة لطبقة معينة والأصناف العادية للطبقة العادية ولكل فئة يوم معين للأطعام والله حقيقة موجودة في والولاية التي أسكنها أنظري الى اين وصلت
العنصرية حتى في الأعراس
شكرا لا أدري ربما تظهرلي فكرة أخرى وأعود

[الفلة البيضاء]

المشاركة الأصلية كتبت بواسطة yousra14

صدقيني يا أختي أن الأعراس التي تعرف بالأعرس الإسلامية يطلقون عليها أعراس ميتة وإنني أتشرف بهذه الاعراس الميتة لكن يبقى تطبيقها صعب جدا
ألم تعرفي أن المجتمع العربي تحكمه العادات والتقاليد اكثر من الدين ؟

ان كانوا يرونها اعراس ميتة فاقول لهم قلوبكم ميتة
صحيح اصبحت تهمهم المظاهر و التفاخر اكثر من خشية الله حتى ان عبدوا الله عبدوه رياءا يقولك انا صمت و صليت و تبت و لكن ان سمعوا بعرس الاوائل في المقاعد و الابرز في الرقص و الاكثر تبذيرا

[انانيس]

المشاركة الأصلية كتبت بواسطة yousra14

صدقيني يا أختي أن الأعراس التي تعرف بالأعرس الإسلامية يطلقون عليها أعراس ميتة وإنني أتشرف بهذه الاعراس الميتة لكن يبقى تطبيقها صعب جدا
ألم تعرفي أن المجتمع العربي تحكمه العادات والتقاليد اكثر من الدين ؟

اهلا باختي يسرى
ولو ان الكلام موجه لاختي الفلة البيضاء الااني احب التعقيب والنقاش معك عزيزتي
نعم صحيح اصبحت ت عرف بالاعراس الميتة والمتخلفة
وصدقيني لما يكون عرس بملامح اسلامية
يقولك هذا موت وتجدين اختي الكثير يحلل ويحرم حسب رايو
او من سلطان هواه
نعم اختي ولكن ي ارى الصعوبة في تقبل المجتمع لهذا النوع من الاعراس
اما التطبيق فهو يشكل قناعة الناس
ومحاولة منهم لموافقة ماجاء به الشرع
اما عن العادات نعم هناك ماهو سيء للغاية وحى هناك من يقع في امور شركية والعياذ بالله
والامثلة موجودة
ربي يهدينا ويردنا الى ديننا ردا جميلا
شكرا على التواصل الطيب غالتي يسرى
جزيت كل خير
اعجبني موقفك كثيرا من الاعراس بارك الله فيك