راني مقلقة محتاجة رأيكم

[السيدة كرمين]

المشاركة الأصلية كتبت بواسطة مريم الصابرة

السلام عليكم جميعا
لأنو دائما نشوف ردودكم قيمة حبيت ندي رايكم في موضوع ودبرو عليا وقولولي شكون الغالط
الحكاية إنو خويا الكبير وطبعا ما يسكنش معانا ولا يجينا أبدا يعني مرات نتلاقى بيه فالطريق وعادي كإني ما رانيش ختو او يمى يماه عادي ربي يهديه والفنا وحتى وإنو راه يسكن قريب لينا
المشكل خويا متزوج للمرة الثانية ومطلق مرتو الاولى عندو 3 أطفال 12 و 11 و 3 سنوات ومع زوجتو الثانية عندو طفل 2 عامين
االمشكل طليقتو تحب دير فيه زكارة لكن تخيلو كيفاش في كل عطلة تبعث ولادو يقعدو عندو من حقهم يشوفو باباهم ويبقاو معاه لكن زوجتو الثانية ما تقبقلهمش مع العلم إنها هي من خربت دارو حتى طلق مرتو وتزوجها ولما ما تقبلهمش عندها وين يجو عندنا ويمى ما تقبلش عليهم يعني يقعدو كامل العطلة ويروحو
المشكل قولولي راني البارح شعلتها فالدار وقلت ليمى والله نخرج ونروح نهمل تتخيلو انا مريضة كيما تعرفو اغلبيتكم وراني حالية ما نوضش ما نمشيش ويمى تروح تخدم تقريبا ما تجيش مرات حتى بعد العصر هذو أطفال محتاجين رعاية محتاجين اللي يطيبلهم ويلبسهم وانا ما نقدرش انا اصلا ما نقدرش حتى نتحرك لما قلتلها دار باباهم كاينة ويماهم موجودة علاش رانا مجبورين بيهم كيفاش يماهم تبعثهم وباباهم مرتو ما قبلتهمش يجو هنا إنت تروحي تخدمي وانا كيفاش ندير علاش مجبورة نضيع حياتي على ولاد الناس ويا ريت راني بصحتي عادي نعتبرهم أيتام لأانهم فعلا ضحايا بين امهم وباباهم ولكن انا ما نقدرش جواب أمي كان ما نرميهمش وخليهم يقعدو وقت ما حبو وباباهم نهار كامل ما يحوسش عليهم نهائيا صدقوني في رمضان يستناوه فالشارع برا يقولهم أقعدو هنا ضرك نعيطلكم تدخلو تاكلو ويدخل ويقفل الباب حتى تروح يمى تحوس عليهم تجيبهم ويجو يعني باباهم ما عندوش قلب عليهم هو أصلا جافي قلبو حجر
الآن واش ندير انا راهم جاو البارح انا ما نقدرش وعلاش محتم عليا فوق مرضي نتحمل مسؤولية ولاد يماهم وباباهم حيين خبروني هل راني غالطة ؟ شكرا

للأسف يا مريم أرى أنك غالطة -فيهم وفي يماك - لماذا؟

الأم من جهتها تحب أنوا ولادها كيما قعدوا عندها يروحوا عن باباهم وهذي مسؤوليتوا
المفروض ويلا هي متبعثهمش هو يطالب بيهم في العطلة،لكن للاسف راكي تقولي خوك
مش جايبها في حتى واحد هنا كاين حلين:

* باباك أو يماك يتكلموا بكل حزم مع خوك أنوا يتحمل مسؤوليتوا كاااااااااااااااااااااملة معاهم
كيما يعمل لولادوا في زوج يعمل للآخرين
اذا ما جابش فيه لكلام يخوفوه فقط بدعوة الشر واذا ما استجابش ماعليكم غير ترفدوهم
ما عندهم حتى ذنب وهوما ضحايا على الأقل فترة معينة 15 إلى 20 يوم وتتصلوا بيماهم
تديهم ،لولاد يحبو لحناااااااااااااااااااااااااانة فقط صدقيني مش محتاجين أكثر زراهم كبار
تقدري بلسانك لحلو تجبديهم ليك وتقوليلهم واش يعملوا وكيفاه يساعدوك

صدقيني لحنانة واللسان لحلو يذوب لحجر

أجرك على الله وربي يعطيك ماتتمناي تهلاي فيهم

[نبضة حنين]

ربي يشافيك أختي
حياتك هكا ماشي ساهلة رانا مجربينها
ربي يكون في عونك وعون اولاد خوك
وربي يهدي خوك

[مريم الصابرة]

المشاركة الأصلية كتبت بواسطة السيدة كرمين

للأسف يا مريم أرى أنك غالطة -فيهم وفي يماك - لماذا؟

الأم من جهتها تحب أنوا ولادها كيما قعدوا عندها يروحوا عن باباهم وهذي مسؤوليتوا
المفروض ويلا هي متبعثهمش هو يطالب بيهم في العطلة،لكن للاسف راكي تقولي خوك
مش جايبها في حتى واحد هنا كاين حلين:

* باباك أو يماك يتكلموا بكل حزم مع خوك أنوا يتحمل مسؤوليتوا كاااااااااااااااااااااملة معاهم
كيما يعمل لولادوا في زوج يعمل للآخرين
اذا ما جابش فيه لكلام يخوفوه فقط بدعوة الشر واذا ما استجابش ماعليكم غير ترفدوهم
ما عندهم حتى ذنب وهوما ضحايا على الأقل فترة معينة 15 إلى 20 يوم وتتصلوا بيماهم
تديهم ،لولاد يحبو لحناااااااااااااااااااااااااانة فقط صدقيني مش محتاجين أكثر زراهم كبار
تقدري بلسانك لحلو تجبديهم ليك وتقوليلهم واش يعملوا وكيفاه يساعدوك

صدقيني لحنانة واللسان لحلو يذوب لحجر

أجرك على الله وربي يعطيك ماتتمناي تهلاي فيهم

السلام عليكم اختي
والله يا اختي ما رانيش غالطة فيهم على العكس لو نتبعو الواقع باباهم ويماهم حيين ما رانيش مجبورة بيهم وخاصة باباهم هنا دقمنا مراهش بعيد وزوجتو هذي عارفاتو متزوج وعندو ذراري وهي خربتلو دارو تتحمل النتائج اما يمى والله كل شي قوليلها عليه إلا هوما بابا ميت للأسف لو هو وقفو اما دعوة الشر لو جا يخاف منها ما يتبراش مني ومن يمى وما يعرفناش أصلا
اما الذراري صح هوما ما عندهم حتى ذنب وهوما ضحايا وعارفة لوما إحنا نشدوهم ماكنش شكون لكن انا معذورة انا وحدة مريضة ويمى نهار كامل غايبة يعني لازمني انا نوقف معاهم وزيدي ضرك يماهم قالت نديرلو تنازل عليهم نهائيا وهو مرتو ما تقبلهمش بمعنى يبقاو هنا وانا ما نقدرش انا اصلا رافضة فكرة زواج لأانو ما نقدرش نتحمل مسؤولية زوج واولاد كيفاه حتى نشد اولاد ولازملهم إعادة تربية من جديد يتبعبوني بزاف
انا نقول ربي يهديه وراه داير في ولادو وربي يحاسبو شكرا على التدخل الطيب

[سراب06]

مراكيش غالطة أختي إلي فيك يكفيك ووا لديهم عديما الرحمة و الضمير المهم يعطيك مصروفهم وإنت أصبري
وعاودي ربيهم كانهم ولادك وراح تلقايهم قالك دير الخير
ونساه و رب راح يجازي كل واحد علىنيتووعلى إهمال المسؤولية الدعاء ثم الدعاء والصبر فاجرك عظيم

[السيدة كرمين]

المشاركة الأصلية كتبت بواسطة مريم الصابرة

السلام عليكم اختي
والله يا اختي ما رانيش غالطة فيهم على العكس لو نتبعو الواقع باباهم ويماهم حيين ما رانيش مجبورة بيهم وخاصة باباهم هنا دقمنا مراهش بعيد وزوجتو هذي عارفاتو متزوج وعندو ذراري وهي خربتلو دارو تتحمل النتائج اما يمى والله كل شي قوليلها عليه إلا هوما بابا ميت للأسف لو هو وقفو اما دعوة الشر لو جا يخاف منها ما يتبراش مني ومن يمى وما يعرفناش أصلا
اما الذراري صح هوما ما عندهم حتى ذنب وهوما ضحايا وعارفة لوما إحنا نشدوهم ماكنش شكون لكن انا معذورة انا وحدة مريضة ويمى نهار كامل غايبة يعني لازمني انا نوقف معاهم وزيدي ضرك يماهم قالت نديرلو تنازل عليهم نهائيا وهو مرتو ما تقبلهمش بمعنى يبقاو هنا وانا ما نقدرش انا اصلا رافضة فكرة زواج لأانو ما نقدرش نتحمل مسؤولية زوج واولاد كيفاه حتى نشد اولاد ولازملهم إعادة تربية من جديد يتبعبوني بزاف
انا نقول ربي يهديه وراه داير في ولادو وربي يحاسبو شكرا على التدخل الطيب

عزيزتي أٍجوا أن لا تفهمي من كلامي لوم ليك أبدا
ربي يشفيك ويشدلك في يماك ويسكن باباك الفردوس الأعلى

أنا كل همي الأولاد صدقيني اذا ما تحملتيهمش انتي اليوم
بعد ما تخلاو عليهم والديهم راح تتحملوا غدوة مشاكلهم وستكون أكبر
مما تتصورين شفت بعيني لي يدروgي ولي يسرق و......
كلهم سببهم تخلي الأهل عليهم وشفت ايضا لي ولى دكتور
وكرم جداه
عزيزتي قتلك ونعاودلك اعلم انه صعب عليك الأفضل أن تجبديهم ليك
وتخليهم يساعدوك وجهيهم برك وفهميهم وواحكيلهم باه تديهم لبر الأمان

أما خوك ربي يهديه لازملو واحد كبير يحشم منوا ويقادروا يهدر معاه

تقبلي تحياتي

[مريم الصابرة]

المشاركة الأصلية كتبت بواسطة نبضة حنين

ربي يشافيك أختي
حياتك هكا ماشي ساهلة رانا مجربينها
ربي يكون في عونك وعون اولاد خوك
وربي يهدي خوك

السلام عليكم أختي
اللّهم آمين يا رب ويشفي كل المرضى
والله مشكل مرضي وزادلي المشكل هذا لو جيت بصحتي ما يهمنيش لأنو نقوم بدارنا وبيهم وعادي ما همني لا في يماهم ولا في باباهم ندير على جال ربي ونرضي يمى المشكل انا ما نقدرش
ربي يهديه شكرا

[مريم الصابرة]

المشاركة الأصلية كتبت بواسطة سراب06

مراكيش غالطة أختي إلي فيك يكفيك ووا لديهم عديما الرحمة و الضمير المهم يعطيك مصروفهم وإنت أصبري
وعاودي ربيهم كانهم ولادك وراح تلقايهم قالك دير الخير
ونساه و رب راح يجازي كل واحد علىنيتووعلى إهمال المسؤولية الدعاء ثم الدعاء والصبر فاجرك عظيم

السلام عليكم اختي
انا والله ما راني غالطة وهذا من حقي لأنو صحتي أهم وأولى والله ربي عالم ما رانيش نقدر حتى كيفاه نوض او نتحرك خاصة الأيام الاخيرة هذي
ضحكتيني شكون يمد مصروفهم راني نقولك يمى تتحمل كل شي والله في رمضان يفوت عليهم يهفهم يقولهم ضرك نعيطلكم تدخلو يبقاو يستناو حتى قريب يأذن تخرج يمى تجيبهم يغسلو ويطرفو قوايمهم باه يفطرو وحتى وليت نعاقبهم باه تعلمو يصومو يعني هاملينهم
انا على جال ربي وخايفة يروحو لطريق اخرى لكن ما لقيتش الحل كيفاه ويمى تعبت معانا من مات بابا الله يرحمو وزاد ضرك اولادو
إن شاء الله فوضت امري لربي وإن شاء الله يعطيني صحتي نقدر نوض شويا شكرا وربي يخليك

[زنجبيل11]

الله يكون في عونك مريم الله يعينك
ان شاء الله هاذ الاولاد تستفادي انتي منهم لما يكبروا اكثر من باباهم و يماهم

[مريم الصابرة]

المشاركة الأصلية كتبت بواسطة السيدة كرمين

عزيزتي أٍجوا أن لا تفهمي من كلامي لوم ليك أبدا
ربي يشفيك ويشدلك في يماك ويسكن باباك الفردوس الأعلى

أنا كل همي الأولاد صدقيني اذا ما تحملتيهمش انتي اليوم
بعد ما تخلاو عليهم والديهم راح تتحملوا غدوة مشاكلهم وستكون أكبر
مما تتصورين شفت بعيني لي يدروgي ولي يسرق و......
كلهم سببهم تخلي الأهل عليهم وشفت ايضا لي ولى دكتور
وكرم جداه
عزيزتي قتلك ونعاودلك اعلم انه صعب عليك الأفضل أن تجبديهم ليك
وتخليهم يساعدوك وجهيهم برك وفهميهم وواحكيلهم باه تديهم لبر الأمان

أما خوك ربي يهديه لازملو واحد كبير يحشم منوا ويقادروا يهدر معاه

تقبلي تحياتي

السلام عليكم اختي
ربي يخليك ولا والله ما فهمتك نقص عارفة راكي تخمي فالأولاد انا فهمتك إنو حتى انا في تفكيري ما رانيش غالطة لو راني بصحتي عادي وما نخممش أصلا نرفضهم وما رانيش رافضتهم لكن الضغط عليا بزاف صدقيني تقولي راني نعلم في اولاد نتاع سنة او سنتين يماهم ما علمتهم والو نعاودلهم التربية من جديد وهذا الشي يتعب وراكي ام وعارفة
اما إنو خويا يحشم من واحد كبير فمحال ما فهمتش تلقينا نفس التربية كلنا وهو خرج هكذاك ما عرفناش علاه قلبو حجرة ما يهمو حتى واحد صدقيني ربي يهديه
وانا على واش قلت خايفة من للمخدرات ومن الآفات ووليدو لاخر بعثولو عليه من ليكول قالولو لازملو طبيب نفسي يظل يبك في ليكول وفالليل يبات يعيط بإسم باباه ويبكي وأغلب الوقت ساكت ويخمم وما تحكرش قلبو دخل وليدو الصغير الرضيع للمستشفى نهار عرسو مع الثانية وفاليوم الثاني انا عيطتلو وحتى ومان هدرش معاه قتلو وليدك فالمستشفى تخيلي قالي واش نديرلو هذي يماهم ديرلي فالقوالب يعني كل واحد يخمم في مصلحتو كل واحد يخمم ينتقم وهوما راهم فالطريق
ربي وكيل اللي كان السبب وخربلهم دارهم وضيعهم حسبنا الله ونعم الوكيل
شكرا على ردك سيدتي وأرحب به وابدا لم أغضب على عكس كلامك أراحني شكرا

[مريم الصابرة]

المشاركة الأصلية كتبت بواسطة زنجبيل11

الله يكون في عونك مريم الله يعينك
ان شاء الله هاذ الاولاد تستفادي انتي منهم لما يكبروا اكثر من باباهم و يماهم

السلام عليكم اختي

اللّهم آمين وربي يخليك

والله حتى لو ما نستفادش منهم انا همي الوحيد ما يروحوش للآفات كالسرقة والمخدرات وصدقيني تعلمو واحد الكلام واحد التصرفات ولما يجو هنا عندي يخافوني يصلوالصلاة في وقتها وينوضو يصلو معايا الفجر ويصومو ونعلمهم من جديد التربية لكن تعب وتعب كبير راكي عارفة الأطفال وانا هذي الأايام ما رانيش حتى نتحرك ويمى كلمت يماهم قاتلها لو خليتيهم لرمضان انا ما نخدمش وبعثتيهم ماكانش شكون يقوم بيهم بنتي راهي مريضة قاتلها ارميهم لباباهم هل هذي ام ؟ ما تستاهلش كلمة ام لانو همها اولحيد تنتقم من باباهم وعافسة على ولادها

ربي يهديهم وربي وكيلهم ذنب الأطفال هذو برقابيهم كلهم شكرا

[سراب06]

أختي مريم ماذا تريدين بالضبط كي نساعدك أحس أنني لم أساعدك بالقدر الكافي أ

[soso sirin]

المشكل راه في خوك و طليقتو خوك لانو راه هارب من مسؤولية اولادو و تاني يماهم هاذي تغم في القلب عارفة بلي باباهم مايشدهمش و عارفة انو ماراكيش قادرة تشدي الذراري لانو انتي ماشي مجبورة تشديهم و راكي مريضة كون راكي قادرة علابالي تشدديهم بلا هدرة.يماهم نوغمالمون تشد ولادها عندها و تجيبهم عندكم تشوفوهم عارفة الحالة كي دايرة والله والله كون جيت في بلاصتها الذراري ماراهم رايحين عند باباهم لانو هو راه راميهم .حرام عليها تبعث فيهم عندو و عارفة انو مايشدهمش و خوك ربي يهديه و يحنن قلبو على ولادو.و انتي اهدري مع يماك تهدر مع ام الذراري و تفهما الوضعية و ربي يجيب الخير ان شاء الله.الي راهم غايضيني ذوك الذراري برك الي ماصابوها لا من باباهم و لا من يماهم ربي يكون معاهم و انتي ماتقلقيش روحك .كاين شي ناس خسارة فيهم الذراري

[مريم الصابرة]

المشاركة الأصلية كتبت بواسطة سراب06

أختي مريم ماذا تريدين بالضبط كي نساعدك أحس أنني لم أساعدك بالقدر الكافي أ

السلام عليكم اختي
شكرا وبارك الله فيك انا وضغت الموضوع طالبة للنصيحة لانو فعلا الامر ارهقني وانا حائرة
شكرا وبارك الله فيك دعائك يكفيني شكرا

[مريم الصابرة]

المشاركة الأصلية كتبت بواسطة soso sirin

المشكل راه في خوك و طليقتو خوك لانو راه هارب من مسؤولية اولادو و تاني يماهم هاذي تغم في القلب عارفة بلي باباهم مايشدهمش و عارفة انو ماراكيش قادرة تشدي الذراري لانو انتي ماشي مجبورة تشديهم و راكي مريضة كون راكي قادرة علابالي تشدديهم بلا هدرة.يماهم نوغمالمون تشد ولادها عندها و تجيبهم عندكم تشوفوهم عارفة الحالة كي دايرة والله والله كون جيت في بلاصتها الذراري ماراهم رايحين عند باباهم لانو هو راه راميهم .حرام عليها تبعث فيهم عندو و عارفة انو مايشدهمش و خوك ربي يهديه و يحنن قلبو على ولادو.و انتي اهدري مع يماك تهدر مع ام الذراري و تفهما الوضعية و ربي يجيب الخير ان شاء الله.الي راهم غايضيني ذوك الذراري برك الي ماصابوها لا من باباهم و لا من يماهم ربي يكون معاهم و انتي ماتقلقيش روحك .كاين شي ناس خسارة فيهم الذراري

السلام عليكم اختي
خويا حالة شادة انا جامي شفت واحد يرمي ولادو هذي غير عادية والشي الكارثة أمهم راني حايرة قلبها كيفاش داير ويمى حكات معاها وقاتلها إبعثيهم في رمضان انا ما ندخمش نكون قاعدة نقدر نقوم بيهم لكن هي زكارة بعثتهم وزكارة ما تحوسش عليهم علىجال مرتو الثانية وعارفة باللي ما راهمش عند باباهم مي يعني دبرو روسكم بيهم وراكي عارفة كل شي وسيلة وعارفة ما نقدرش وخاصة هذو اليومين راني مريضة بزاف هبلوني وما عرفت كيفاه ندير يمى قالت يقعدو محال نرميهم وانا ما نقدرش ويماهم عادي وحتى باباهم البارح بعث لاخر وخوه اليوم او غدوى يجي ولازمني انا نفوت نفس الصيف اللي فات جحيم وتعب راسي يقولي روحي وخليلهم الدار كامل كيما راهم هكذا يرتاحو ونرتاح يخولني نموت في غرضي شكرا وسيلة

[ام عبودة]

السلام عليكم
حبيبتي وخيتي والله والله قصتك تقطع القلب وندعي الى ربي يشفيك وتقومي على رجليك
والله يجازيك كل خير على الشئ اللى درتيه
انا لا اريد ان ازيد الطين بلة لكن لازم حل نهائ وقطعي
لو كان جاو يتاما او والديهم مرضى نقولو لكنكل واحد عايش حياتو والذراري يتعذبو هذا ما يقبله لا ربي ولا العبد
اسمحيلي اختي اذا ما فهمش رورحو كاين العدالة وقبلها ديرو جماعة كبار العائلة لازم يفهم رورحو
على خاطر اليوم انت تكبري وتتعبي وكي يكبرو ويولو حاجة فيهم الفايدة يرجعو لماماهم او باباهم
والله الدنيا عادت تمشي غير بالمصالح حتي مع الوالدين
اللله يهدينا
وانت تقولي ما نيش قادرة فلازم حل سريع
ويارب يحنن قلب والديهم عليهم بجاه نبينا