حائر في وضعي الراهن ... - الصفحة 2

مريم الصابرة · 2013-04-29, 23:06

السلام عليكم خويا
انا من ٍ رأي اخطب نحي مكل الخطبة من راسك وتكون المرا عارفة باللي راحا تستنى شويا وإنت وجد قيس مقدورك علاه رايح ديرلها الرخام يا اخي عمرو ولا بيت جهز في عام إنت أخطب وربي يسهلها من عندو والدار راك خدام فيها وتوجد روحك وتلقى ربي عاونك من عندو ربي يسر امورك يا رب موفق

انانيس · 2013-04-29, 23:13

جماعة الناس لي راهي تقول يبني البنيان راه صعيب ومكلف جدا اما ذا كان الامر يقتصر فقط على تجهيز البيت وتاثيثه اختر اثاثا بسيطا نوعا بحسب قدرتك ارى ان تخطب اولا والله اعلم
وربيي يسرلك امورك

ريم الفلى · 2013-04-30, 09:05

اتكل على ربي اخطب وربي يفرج متدريش ومن لول فهم مرتك بلي ؤاهي رايحة تسكن في دار الكرى ما بين برك ما توجد دارها

mamia20 · 2013-04-30, 15:11

ا[color="magenta"]خي توكل على الله و تزوج و هذاك لتكري به زيده في دارك و انشاء تلقى بنت الحلال لتستر عليك و تستر عليها هو الصح تكون تاج راسك و تصبر معاك و اياك و الرجوع الى الوراء خد قرار فالقطار يمر بسرعة و انشاء ربي يوفقك [/color]

هشام 12 · 2013-04-30, 18:52

اقتباس:

المشاركة الأصلية كتبت بواسطة منهاج

السلام عليكم

تزوج لماذا الحيرة جهز الطابق لي في داركم غرفة والكوزينة الاساس والباقي خليه في غرضك سهلها تسهل ربي يفج

وعليكم السلام اختي عندك حق تكاليف كبيرة ان شاء الله نقدرو عليها شكرا لك

اقتباس:

المشاركة الأصلية كتبت بواسطة imene12

شوف خويا راح نسهلها عليك خلاص..
كاين زوج حلول.. يا اما تبني في الطابق نتاعك و تعدلو و تصرف دراهمك كامل على الدار و تزيد تلم شوي روحك و تنظم أمورك المادية و من بعد تخطب و تتزوج.
يا اما تخطب و من بعد تلم روحك تنظم أمورك المادية و تبني و من بعد تدير العرس.

ربي ييسرلك أمورك و يرزقك الزوجة الصالحة يااااا رب

آمين الله ينورك عندك حق أختي هذا هوما الحلول اللي كاينين
نكمل الدار بالدراهم اللي عندي واذا لقيت فتاة مناسبة نخطب وتصبر معايا شوية وخلاص ربي يعاونا شكرا بارك الله فيك

هشام 12 · 2013-04-30, 19:02

اقتباس:

المشاركة الأصلية كتبت بواسطة مريم الصابرة

السلام عليكم خويا
انا من ٍ رأي اخطب نحي مكل الخطبة من راسك وتكون المرا عارفة باللي راحا تستنى شويا وإنت وجد قيس مقدورك علاه رايح ديرلها الرخام يا اخي عمرو ولا بيت جهز في عام إنت أخطب وربي يسهلها من عندو والدار راك خدام فيها وتوجد روحك وتلقى ربي عاونك من عندو ربي يسر امورك يا رب موفق

وعليكم السلام ورحمة الله
لو كان نخطب ضرك نوقع في مشكلة وما نلقاش حل الا اني نكري
وزيد حتى الواحد يمرض اذا طولنا الخطبة ولا واش رايك؟ وكيما قلتي البيت ما يجهزش في عام صعيبة بزاف شكرا ليك ربي ينورك اختي

اقتباس:

المشاركة الأصلية كتبت بواسطة انانيس

جماعة الناس لي راهي تقول يبني البنيان راه صعيب ومكلف جدا اما ذا كان الامر يقتصر فقط على تجهيز البيت وتاثيثه اختر اثاثا بسيطا نوعا بحسب قدرتك ارى ان تخطب اولا والله اعلم
وربيي يسرلك امورك

البيت مبني وخاصه التلباس والكرلاج والفايونس والدوش والكوزينة يعني بزاف حاجات وتحتاج تكاليف كبيرة وزيد كيما قلتي الاثاث من بعد تكاليف اخرى ربي يعينا ادعولنا بارك الله فيكم

اقتباس:

المشاركة الأصلية كتبت بواسطة ريم الفلى

اتكل على ربي اخطب وربي يفرج متدريش ومن لول فهم مرتك بلي ؤاهي رايحة تسكن في دار الكرى ما بين برك ما توجد دارها

هذا حل ثاني ان شاء الله نلقو بنت الحلال اللي تراعي الظروف وما تهتمش بالتفاصيل هاذي شكرا اختي على ردك

هشام 12 · 2013-04-30, 19:04

اقتباس:

المشاركة الأصلية كتبت بواسطة mamia20

ا[color="magenta"]خي توكل على الله و تزوج و هذاك لتكري به زيده في دارك و انشاء تلقى بنت الحلال لتستر عليك و تستر عليها هو الصح تكون تاج راسك و تصبر معاك و اياك و الرجوع الى الوراء خد قرار فالقطار يمر بسرعة و انشاء ربي يوفقك [/color]

آمين يا رب
ايه والله معاناة كبيرة مع العزوبية والمصاريف العشية ندير في الحسابات قريب نبكي كلش غلى وزيد صعبو في كلش ربي يعاونا شكرا أختي

مريم الصابرة · 2013-04-30, 19:06

السلام عليكم اخي هشام
علاه لازم عليك تكري على العكس إخطبها ولازم تكون عارفة ظروفك وقابلتها وانا ما نظنش راحا تتشرط عليك افايونس او الرخام المهم دار تسترها وراجل يحميها واش تزيد
كانك شايف الخطبة تجيب مشاكل خلاص الدراهم إبني بيهم ومن بعد المهر ساهل توجدو وعامين جاتك بزاف ممكن تبني قبل عامين وزيد خويا راه الوقت يفوت يجري الدنيا راها تجري موفق خير حل وإبدا فيه وما تتعطلش وربي يسهلك من عندو موفق

هشام 12 · 2013-04-30, 19:10

اقتباس:

المشاركة الأصلية كتبت بواسطة مريم الصابرة

السلام عليكم اخي هشام
علاه لازم عليك تكري على العكس إخطبها ولازم تكون عارفة ظروفك وقابلتها وانا ما نظنش راحا تتشرط عليك افايونس او الرخام المهم دار تسترها وراجل يحميها واش تزيد
كانك شايف الخطبة تجيب مشاكل خلاص الدراهم إبني بيهم ومن بعد المهر ساهل توجدو وعامين جاتك بزاف ممكن تبني قبل عامين وزيد خويا راه الوقت يفوت يجري الدنيا راها تجري موفق خير حل وإبدا فيه وما تتعطلش وربي يسهلك من عندو موفق

وعليكم السلام اختي
المشكلة مش في الوقت المشكلة فينا الصبر عاد صعيب خاصة مع الصيف والاعراس ووو وثاني باش نلقى مراة تقدر الظروف صعيبة وزيد المهر والتكاليف اوففف والله عييت العشية قلبني وجعني وانا نخمم فيها ربي يهدينا شكرا اختي ربي يوفقك

مريم الصابرة · 2013-04-30, 19:13

اقتباس:

المشاركة الأصلية كتبت بواسطة هشام 12

وعليكم السلام اختي
المشكلة مش في الوقت المشكلة فينا الصبر عاد صعيب خاصة مع الصيف والاعراس ووو وثاني باش نلقى مراة تقدر الظروف صعيبة وزيد المهر والتكاليف اوففف والله عييت العشية قلبني وجعني وانا نخمم فيها ربي يهدينا شكرا اختي ربي يوفقك

السلام عليكم خويا قولي هكذا راني مقلق باه نعرس
خويا إخطب وكاني بنات ماشاء الله محتاجين راجل متربي وسترة برك إنتوما تشوهت صورة النسا عندكم
كي راك مقلق اخطب والبنيان خويا صح عارفاتو غالي لكن دير قيسك ومن نهار الاول فهمها الوصع وبالعقل ديرو دار المهم حيطان ساترينكم وديرو عايلة إن شاء الله إتكل على ربي وخطب والبنيان بالشوي ربي يعينك

نسمة تفاؤل · 2013-04-30, 19:17

يا اخي ربي يسرلك امورك صلي صلاة الاستخارة وادعي ربي هو اللي عندو الحل سبحانو وكي تصلي الاستخارة يبيلك ربي الطريق الصح ربي يفرجها عليك ويرزقك الزوجة الصالحة

هشام 12 · 2013-04-30, 19:51

اقتباس:

المشاركة الأصلية كتبت بواسطة مريم الصابرة

السلام عليكم خويا قولي هكذا راني مقلق باه نعرس
خويا إخطب وكاني بنات ماشاء الله محتاجين راجل متربي وسترة برك إنتوما تشوهت صورة النسا عندكم
كي راك مقلق اخطب والبنيان خويا صح عارفاتو غالي لكن دير قيسك ومن نهار الاول فهمها الوصع وبالعقل ديرو دار المهم حيطان ساترينكم وديرو عايلة إن شاء الله إتكل على ربي وخطب والبنيان بالشوي ربي يعينك

لا لا انا ما تشوهتش عندي الصورة خلاص ونعرف كيفاه نختار بالصح التكاليف هي اللي عياتني برك
ربي يفرحك كيما ضحكتيني اختي زنحيتي على خاطري شوي شكرا ليك ربي يحفظك

اقتباس:

المشاركة الأصلية كتبت بواسطة نسمة تفاؤل

يا اخي ربي يسرلك امورك صلي صلاة الاستخارة وادعي ربي هو اللي عندو الحل سبحانو وكي تصلي الاستخارة يبيلك ربي الطريق الصح ربي يفرجها عليك ويرزقك الزوجة الصالحة

آمين ان شاء الله نصليها كي ننوي نخطب
شكرا اختي ربي ينورك

السي محمد · 2013-05-01, 19:50

يا اخي هشام

انا بدون عمل حاليا

و ما زلت ادرس

و انام في الصالون ( ما عنديش غرفة)

و لا املك دينار في رصيدي

مبدئيا انت افضل مني في امور كثيرة

ولكني خطبت و الحمد لله الفتاة التي خطبتها رائعة

و اعطتني عامين لاجهز نفسي بقي عام و نصف

و لم تشترط اي شيء سوى الهنا

اتكل على ربي

مريم الصابرة · 2013-05-01, 20:20

[quote=هشام 12;1052458588]وعليكم السلام ورحمة الله
لو كان نخطب ضرك نوقع في مشكلة وما نلقاش حل الا اني نكري
وزيد حتى الواحد يمرض اذا طولنا الخطبة ولا واش رايك؟ وكيما قلتي البيت ما يجهزش في عام صعيبة بزاف شكرا ليك ربي ينورك اختي

السلام عليكم خويا هشام
لالا علاش توقع في مشكلة إتفلاهم مع اهل ا لطفلة يصبرو عليك وراه خونا محمد لقى فتاة رائعة وانا شاهدة تقبلت كل ظروفو وحتى ما راهش خدام وما عندوش لكن قبلت وراحا تستناه
إلا إنت في حالة ما راكش قادر تستنى هي صح يكثرو المشاكل لو طول الحالة من زواج تولي في طلاق بعيد الشر علبها لازمك إنت ضؤك كان تخطب ومن بعد تكري عام وفي هذاك العام راك تبني هكذا تكون تزوجت وبنيت ووفرت الوقت واش رايك؟

هشام 12 · 2013-05-01, 20:21

اقتباس:

المشاركة الأصلية كتبت بواسطة السي محمد

يا اخي هشام

انا بدون عمل حاليا

و ما زلت ادرس

و انام في الصالون ( ما عنديش غرفة)

و لا املك دينار في رصيدي

مبدئيا انت افضل مني في امور كثيرة

ولكني خطبت و الحمد لله الفتاة التي خطبتها رائعة

و اعطتني عامين لاجهز نفسي بقي عام و نصف

و لم تشترط اي شيء سوى الهنا

اتكل على ربي

راك تحكي منك بالصح أخي؟؟
انا عندي 4 سنين عمل بعد التخرج وراني كيفك تقريبا
كي رحت خطبت واش قلتلهم وكيفاه حتى لقيت اللي قبلو بيك تقرا وبطال؟
سبحان الله
انا نخدم وحاير كيفاه نخطب وانا مانيش قادر ندفع المهر في ضربة وحدة