الاخت yarasmin26 ترد على استفساراتكم هنا - الصفحة 12

أم أدم يحي · 2013-04-26, 11:36

السلام عليكم ان شااء الله بخير اخيتي ياسمين
ياو راها لاغوشاغش على القلاصااج
والرابط اللي درتيه ما يحب يطلع ديال القلاصاج

بنت غليزان · 2013-04-26, 15:59

اختي ياراسمين ممكن تعطيني مقادير عجينة السوفلي

chardouna · 2013-04-28, 01:14

من فضلك كيفية عمل الناباج لي يجي فوق التارتولات لي نشريوهم من فضلك

sudo · 2013-04-28, 11:43

ممكن يا اختيyarasmin26 وصفة كريمة الزبدة التي نجدها عند بائعي الحلويات اقصد التي لونها مثل الميرانg

yarasmin26 · 2013-04-28, 12:21

الى كل العضوات
كل الاسئلة الي طلبتوها راهي متوفرة في المنتدى فقط شوية جهد ولا داعي لتكرار كل سؤال 1000 مرة لاني عاملة ولا استطيع كل مرة اعادة الاجوبة
****كاين وصفة المقروط المقلي والمعسل وعدة وصفات ايكثر خير اخت ام سليم راهي حاطة كل روابط وصفاتي لمن تريد حتى الكريمات بانوعها تاع الحلواني

****اما بخصوص السوفلي راني حاطة وصفة وهي ناجحة 100/100

*** طريقة الجبن وايس كريم بدون بيض ليس تخصصي منقدرش نعطيك وصفة ناقصة لوكان متخرجش مليحة تقولي يراسمين نتمى الاخوات ايفيدوك

***اما البيض نيئ فهو مفيد بالصحة ولاضرر
كرام فراش تضاف لاطباق لتعزيز النكهة والخفة
*** اذا راكي تقصدي حلوى2013 هي متكونة من 3 طبقات 1 و 3 من عجينة اللوز و2 والي هي وسط من عجينة الجينواز

نرجو منكم التصفح في المنتدى من حيث الوصفات ثم القاء السؤال

أم عائشة 10 · 2013-04-28, 20:44

اقتباس:

المشاركة الأصلية كتبت بواسطة أم أدم يحي

السلام عليكم ان شااء الله بخير اخيتي ياسمين
ياو راها لاغوشاغش على القلاصااج
والرابط اللي درتيه ما يحب يطلع ديال القلاصاج

تفضلي أختي الوصفة من عند ياسمين

بياض البيض مضرب+ سكر قلاصي +ماء الزهر+ قطرات من الزيت +عصير 1/2 حبة ليمون اخدميهم امليح ايجيك الحلوى طرية ولماعة مشي غير انت الي يصرالك هكذا شعال من وحدة اقولي هذا المشكل منبعد راهم ينجحو تحياتي الصباحية واذا مافهمتيش جاجة سقسيني

الوصفة 2

يسعد صباحكم
اليوم انقدملكم قلاصاج ناجح من اول تجربة ويبقى طري ولماع
2 بياض البيض+5 م ك ماء الزهر +1 م ك زيت +كيس +1/2 او 1/4 تاع سكر قلاصي تاع المرجان+ ملون +عطر
في ليان فرغي البيض +باقي المقادير دون السكر خلطي غير شوية باليد او الفرشيطة او اي شيئ وبداى تضيفي في السكر حتى يثقل حتى تكملي كامل لكمية واضيفي المعطر +الملون واطلي الحبات تاع الحلوى انتاعك وزينيها كما تريدين وسترين النتيجة بنفسك
تحياتي القلبية

أم عائشة 10 · 2013-04-28, 20:47

اقتباس:

المشاركة الأصلية كتبت بواسطة sudo

ممكن يا اختيyarasmin26 وصفة كريمة الزبدة التي نجدها عند بائعي الحلويات اقصد التي لونها مثل الميرانg

من عند ياسمين
اليكي مقادير كريمة الزبدة" 1
300 غ زبد لابال+160 غ سكر عادي+3 صفار بيض+1 لفاني
اصنعي الشاربات 160 غ سكر+1/2 كوب ماء حتى تثقل وتعقد+وتوكيها تبرد منبعد ضربي صفار بيض مع الشاربات حتى تطلع وخليهم بجهة اخدمي الزبدة +لفاني بالباتوغ حتى تصبح كريمة خاضيفي لها خليط البيض وبقي تضربي جتى ادير تموج تعرفها راهي جاهزة تحياتي

الوصفة2
المشاركة الأصلية كتبت بواسطة sabahs

شكر كثير و ربي يجزيك كل خير و يوفيلك ماتتمناي بس من فظلك أعطيني طريقة الكريم الزبدة الجيد حتى أنجح فيها سامحيني أختي كثرت عليك
300 غ زبدة+160 غ سكر+3 صفار البيض+ لفاني
اصنعي الشاربات 160 غ سكر+1/2 كوب ماء يغلو مليح حتى تثقل وتدفئ شوية اضيفي صفار البيض وضربي حتى الخليط يصبح باهي ويبرد ويطلعم ومن جهة اخرى اخدمي الزبدة ولفاني حتى تبياض وتتموجاضيفي خليط الصفار واخدميهم امليح ثم ديريهم في الثلاجة تشد روحها

أم عائشة 10 · 2013-04-28, 21:02

اقتباس:

المشاركة الأصلية كتبت بواسطة mereyoucef

حنونة و الله ما صبت لاروسات انتاع مقروط الكوشة يا ليت تمديهالي و واش من السميد الي تستعملي شكرا

من عندج ياسمين
]أرجوك الأخت yarasmin تعطينا مقروط الفرينة والسميد ، يطيب في الكوشة يجي هشيش و بنين . جربت بعض الوصفات بصح مانجحتش
وشكرا
صباح الخير" نعطيك وصفة المقروط ولكن لازم تعرفي انه المشكل راه في السميد اعلى هكذاك منجحلكش المقروط وكذالك لازم تشوفيه بعينك كيفاه ينخدم باه تعرفي الطريقة
المهم {800 غ سميد متوسط+200 غ فرينة+250 غ زبدة ذايبة +50 غ سمن+ملح + عبر 3/4 ماء والباقي ماء الزهر+1 م ك سكر +لفاني
الحشو كيما تحبي اذا درتى الاغرس {الغرس +1 م ص قرفة +1/2 كاس اتاي زبدة +1او2 مك ماء الزهر
خلطي السميد +الفرينة +ملح +الدهان ذايب+سكر +لفاني واخدمي بيدك حتى ليدام تتداخل فيما بعضها وتروكيه يرتاح ليلة كاملة غدوة من ذاك احكمي بالحفنة ورشيها بالماء + ماء الزهر وخلطي بأ طراف الاصابع فقط حتى ينتلم وشكليه حربوش وضعي العقدة في الوسط واغلقيه امليح وقطعيه مقروطات ويطيب في الفرن درجة الحرارة 180 مدة 30 د كي يخرج من الفرن وهو باقي في السنيوى سقيه بالعسل مخفف بماء الزهر وخليه يشرب مليح مدة 4 سا منبعد انزعيه وضعيه في صحن او اي شيئ
نتمنى وصلاتك المعلومة وفهمتى بطريقة مبسطة

أم عائشة 10 · 2013-04-28, 21:11

اقتباس:

المشاركة الأصلية كتبت بواسطة raja13

السلام عليكم اخت ياراياسمين ممكن وصفة القاتو تاع ( النواة كوكو ) لي يخرج من اللمبوط مثل( بتي فور)
وشكراااااااااااااا

من عند ياسمين
حلوة اللمبوط { المحقن }
6 بيض+1 كاس +1/2 سكر قلاصي او عادي +2 كيسان زيت+ مبشور الليمون +2 خمارة الحلوى+ الفرينة حتى تنتلم
اخدمي البيض مع السكر مليح حتى الانسجام ثم اضيفي الزيت غير بشوية وحتى يتداخل فيما بعضو ثم باقي المقادير وشكليه وطيبيه
بصحتك مسبقا

الوصفة2
حلوة القهوة بالعجينة انا منعرفها ش ولكن شفت عضوة تحطت الوصفة ابحثي عنها
اما بخصوص بتي فور كاين وصفة بصح معلابليش اذا تنجحلك ولا لالا
250 غ زبدة اخدميها مع 1/2 كوب سكر قلاصي بالباتوغ حتىتصبح بيضاء اللون وكريمي+لفاني +1 بيض وبقي دائما تضربي+1 كوب و3/4 كوب فرينة والباقي نقس الطريقة في فرن ساخن من قبل درجة الحرارة 180
بالتوفيق

أم عائشة 10 · 2013-04-28, 21:16

اقتباس:

المشاركة الأصلية كتبت بواسطة lylymoon

السلام عليكم أختي أريد طريقه ناجحه للميرانغ 100/100
وأريد الاجابه عن الميرانغ كي طيبتها تشقت وخرجو فقاقيع ويبست شويه هل تعرفين الاجابه
وشكرا لك وجعله الله في ميزان حسناتك

الوصف 1 من عند ياسمين
صباح الخير حبيبتي الحلوة:ضربي بياض البيض مليح كالثلج+ سكر قلاصي غير بالشوية وبقي تضربي ماتحبسيش+الخل الابيض لازم وبقي تضربي+ معطر وبقي تضربي حتى كي ترفدي بملعقة مايطيحش تبقى جامدة ضعيها في كيس حلواني وزيني التارت وشعلي علها من فوق باه تحمار فقط اما تارت الميرانق الى تكون القاعدة انتاعها ميرانق انضيفو المايزينة وبقي بنفس التحضيراو ديري حلوة الميرانق اضيفي المايزينة
وديريها في الكيس الحلواني وشكلي ورود وطيبيها فرن ساخن كي تشوفي القاعدة حمارت اعرفي راهي جاهزة حتى ولو ماطابتش مليح من فوق هي لازم اجي شوية خظراء وتنشف من الهواء اي استفسار راني اهنا تحياتي

الوصفة2

OTE=sasafede;10376322]صح ممكن طلب اخر ا منزيدش
اعطيني وصفة الميرانغ مع الاسرار الكل

وعلاش ايكون اخر طلب انا مذابيا تتعلمي ونصيبك تعرفي ماتصيبي غير قوايمك هذا هو الوقت الي تتعلمي فيه الي خاصك انقولهالك متعمريش راسك اومتحشميش """"""""" مقادير المرانق""""""""" 4 بياض البيض+1 كوب سكر قلاصي+1/2 م ص خل ابيض هذا هو السر انتاعو+3 م ص مايزينة وهذا السر2+1/2 م ص عطر لفاني تاع القارورة
ضربي بياض البيض +رشة ملح حتى يصبح ناصع وكي تقلبي الصحن مايطيحشو بداي تضيفي في السكر غير بشوية وبقي اتضربي+الخل+المايزينة+لفاني ضربي حتى تحسي الخليط منسجم منبعد ضعيها في كيس حلواني وشكليها واذا حبيتى ملونة اضيفي اي لون مخلط مع عطر انتاعو وشكلي اشكال وضعي على ورق زيتى يباع في محلات بيع لوازم الحلويات ب70 دينار فقط وطيبه حتى تشوفي الحبة شادة روحها و مشي خضراء

نجيب نوفل · 2013-04-29, 08:01

استادتنا الكريمة اولا صباح الخيرلك و لكل من معك اختى عندى سؤال في ما يخص حلوة لي اموندين علاهكي تطيب تبط الحشوة وماتبقاش منتفخة من فضلك الا كاينة طريقة ساهلة وريهالىورغم انى نحط فيها كمية من الخميرة نتاع الحلوة لكن دائما نفس المشكل لكي منى الشكر والاحترام

مملكة لينة · 2013-04-29, 18:51

من فضلكم حابة وصفة المخبز باللوز اتكون مجربة
وشكرا مسبقا

rosaa blanche · 2013-04-30, 16:51

عفوا انا مبتدئة بغيت نسقسي على لاكرام فراش كيفاش ووين تتباع روحت لواحد السوبرات قوتلو لاكرام فراش مدلي باطة انا حليتها لقيتها تشبه بتي سويس وانا نحوس على السائلة اللى ينضافلها السكر ونخفقوها تولي شونتيي وبارك الله فيكم

بنت غليزان · 2013-04-30, 16:53

اقتباس:

المشاركة الأصلية كتبت بواسطة yarasmin26

****اما بخصوص السوفلي راني حاطة وصفة وهي ناجحة 100/100

نعم شفت موضوعك من قبل لكن لم انقل المقادير لكنني بحثت عنه و لم أجده

أم عائشة 10 · 2013-04-30, 19:00

اقتباس:

المشاركة الأصلية كتبت بواسطة مملكة لينة

من فضلكم حابة وصفة المخبز باللوز اتكون مجربة
وشكرا مسبقا

هذه الوصفة من منتدى أخر لأنه لم أجد مخبز اللوز عند ياسمين والله أعلم يمكن لم أبحث جيدا ؟

لي عندها مشكل مع المخبز والقلاصاج تدخل السلام عليكم ورحمة الله وبركاته
أخييييييييرا وبعد طووول انتظار لقيت وصفة المخبز البسيطة والمضمونة
كنت كي نجربو يجيني ناقص شكلا وطعما
بصح دوكا لقيت وحدة دايما نكومونديو عندها وتخدملنا قاطو خياااال وسقسيتها على المخبز والقلاصاج
وجبتلكم الطريقة باش تستفادو منها وجبتلكم حتى طريقة القلاصاج المخيرة
.

..

المخبز 3 أنواع :اثنان منهم يجو باللوز واحد يطيب وواحد ميطيبش
والنوع الثالث واللي اعتمدتو هو اللي يجي بالكوكاو ويخرج نفس طعم اللوز وفي نفس الوقت اقتصادي
نبداو على بركة الله:
مقادير المخبز:
1 كلغ كوكاو
فنجان كبير فرينة
شوي ماء زهر
قشور ليمونة او برتقالة
1 كيس خميرة حلويات
فانيلا
كأس سكر
من 4 إلى 5 بيضات
الطريـــــقة:
لتحميص الكوكاو حطيه في بلاط تاع الفرن وبمجرد مايسخن ضيفي قوقه عطر اللوز الحلو.
وخليه 5 دقائق (مالازمش يحمار)
برديه وارحيه
اخلطي جميع المكونات السابقة ومن بعد اجمعيها بالبيض حتى يصبح عجينة
من بعد حطيه في الثلاجة ليلة كـــــــاملة يرتاح
آخر خطوة شكليه كيما تحبي ودخليه للفرن 10 دقائق(ومتخليهش يحمار ...ينشف فقط)
في الوقت لي تخليه يبرد أخدمي القلاصاج
نبداو بالمكونات:
[بياض 3بيضات
عصير ليمونة كبيرة(صفّيه بالمصفاة)
ملعقة كبيرة إلى 3 ماء زهر(وإذا حابة تضيفي ملوّن غذائي حلّيه في ماء الزهر)
نصف فنجان ماء بــــــارد
ملعقة زيت
سكر ناعم ولازم تختاري نوعية مليحة ميكونش فيها نسبة كبيرة تاع نشأ وأحسن نوعية هي (نونورس أو المرجان)
ملاحظـــــــة:باش يجيك مليح وناجح لا تخفقي البيض أبدا أبدا بل حركيه بالفرشاة حتى يمتج فقط
ولا تستخدمي الخلاط أبدا
غربلي السكر جيدا حتى لو كان يبدو جيّدا
حللي الملون في الماء أو ماء الزهر
الطريـــــــــقة:
أخلطي البياض بالشوكة دون خفق ثم أضيفي الماء والعصير وماء الزهر ثم أضيفي السكر بالتدريج ولكن بكميات كبيرة(يعني الكيلو حطيه على 3 مرات)
خلطيه بالملعقة دون خفق حتى يمتج
أضيفي الزيت بالأخير وحركي قليلا لإعطاء لمعة

كي يبرد القاطو تاعك غلفيه بالقلاصاج وخليه من يوم إلى يومين حتى يجف
وتشوفو ذاك القلاصاج مصراش يجي طري ومييبسش
وتقدرو بعد مايجف القلاصاج تجيبو ريشة وسلك تاع غبرة وتزينو القاطو
ان شاء الله نكون أفدتكم ولي عندها سؤال راني هنا باذن الله
__________منقول