احتاجك اخي الرجل

[الواثق]

المشاركة الأصلية كتبت بواسطة soso sirin

يا خويا والله ماكنت حاسبة رايحين تفهموني بهاذي الطريقة و انا ضد العلاقات قبل الزواج اذا فاتت الحدود مي خويا انا قصدت العلاقات الي باغيين موراها الزواج علاه عقولكم راهو للجهة الي ماشي مليحة اواه كون عرفتكم تفهموني هكا والله مانكتب كامل الموضوع يا خويا انا مانيش قاصدة وحدا تخرج مع واحد تخرج و تقول نيشان و لا طلبت انو اخ يدير روحو بلي ماشافش اختو بلي راهي مع واحد معنتها راني نقوللكم كونو ديوث لالا خويا انا والله ماقصدت هكا انا راني ناقش في الموضوع من ناحية علاه الراجل يقبل انو يتزوج بوحدا كان داير معاها علاقة و علاقة حلال خويا مافيها لا كلمات عشق و لا حرام و مايقبلهاش على اختو و حتى يجي السيد يخطبها و مايقبلش لانو هي عرفاتو و انا مانيش نشكك في الناس تاع المنتدى حاشى لله انا شكون حتا نحاسب الناس كي نكون كاملة نهدر هكا.نقلك حاجة خويا والله العظيم ماكنت قاصدة الشي الي فهمتوه كامل

اعتذر ان لم افهمك بعد لكن ..............انا حاب نفهم منك مالونته بالاحمر ..............والله الموفق

[soso sirin]

يا رجال المنتدى انا لم اقصد علاقات الحب والله و كون عرفتكم تفهمو الهدرة هكا مانكتب الموضوع كامل انا قصدت انو الراجل يكون عندو نية الزواج و معول و العلاقة تكون طاهرة و حب بريئ ماشي كامل العلاقات يكونو فيها كلام ماشي نيشان و زيد انا لم اتهم احدا انا من اكون حتى اتهمكم و زيد انا مانيش ملاك باه نحاسبكم و مانيش انا الي نحاسبكم كاين ربي و زيد انا موضوعي قصدت بيه الرجل الاخ الذي يكون على علاقة بفتاة و يكون جدي في العلاقة و مع هذا يرفض رجلا جاء خاطبا لخته لانها كان يربطها به علاقة علاه هكا تخممو انا كون راني قاصدة هكا معنتها انا مانحشمش و راكم شايفيني بلي انسانة غريبة الاطوار بغيت طفلة تدخل تقرى الموضوع و ترد بلاك انا ماوصلتش الهدرة نيشان و مع هذا انا اسفة جدا جدا اذا فهمتوني هكا

[soso sirin]

المشاركة الأصلية كتبت بواسطة mohamed160

لا الاخت ما تفهمنى غالط النسان لزام
يحب الخير لكل الناس . كما انحبها لى نحبها لختى

والله راسي تبلوكا خويا ردودكم افحمتني

[مريم الصابرة]

السلام عليكم اختي
موضوغك سور يولمنا إحنا لبنات لكن سور الرجال محال راحين يحللو ويفسرو كيما يحبو وكيما توالمهم انا والله فهمتك صح تلقاي مرة الراجل يلوم فالمرا هي الزانية وهي الغاوية التي تغوي الرحل وهي وهي وناسيين إنو هوما مشاركين فالذنب والسبب الاول نرجعو لموضوعك العلاقة اللي قبل الزواج صح تلقايهم كلهم أئمة يقولك أنا خاطيني وانا نتزوج بلما نتعرف وحلال وحرام نخرجو شويا من المثالية نلقاوهم كلهم حبو وعرفو بنات وبالشكاير الصراحة راحة وما تزعف حتى واحد يخرج من المنتدى للواقع فالطريق يشوف في طفلة ويطلب الرقم نتاعها نكونو واقعيين
اختي حلال عليهم حرام علينا ياخي المصحف فيها 60 حزب مي هوما حافظين النساء ثم النساء ثم النساء ما تعبيش روحك جنسهم هكذا داير

[jackin]

المشاركة الأصلية كتبت بواسطة soso sirin

و انا اتصفح بعض المشكلات في المنتدى عن علاقات البنات مع الشباب تعجبت من شيئ و هي ان جل ردود الرجال كانت اتقي الله في نفسك اختي الا تخافين الله اختي ان الله يمهل و لا يهمل اختي لو كان يريدك فعلا كان جاءك من الباب اختي سمعتك ثم سمعتك حتى اضن ان الفتاة قد قالت في المشكلة انها وصلت للمحضور مع هذا الشاب او يخيل الي اني اعيش على كوكب غير كوكب الارض و انا اشك ان اغلبيتهم على علاقة في هذه اللحظة التي يكتب فيها الرد.لماذا نكذب على انفسنا كل الزيجات التي تتم الان هي كانت نتاج علاقة مسبقة ولا اريد منكم ان تقولو لي و ماهي الفائدة فجلها تنتهي بالطلاق فكل حالة تختلف عن حالة.المهم انا اريد منكم يا رجال المنتدى ان تجيبوني عن تساؤلي هذا لماذا اخي الرجل تحلل لنفسك ان تعيش قصة حب و ان تواجه العالم كي يتم الزواج و تمنعه عن اختك هل هي عدم ثقة في اختك اذن مادمت تشك في اختك التي تربت على يد ابيك فكيف لك ان تثق في ابنة رجل اخر .و ان كان خوف على اختك من هذا الرجل لماذا لم تخف على التي هي معك من نفسك.اخي الرجل لماذا ان كنت على علاقة مع فتاة تاتي لبيتكم و انت جد سعيد و تتحدث عنها بكل ثقة و ان علمت في تلك اللحظة ان اختك مع اخر يجن جنونك هل لانك تعي جيدا تفكير الرجال.اريد اجاباتك يا رجل و حتى انتن لكن حق الرد

(( وَلاَ تَقْفُ مَا لَيْسَ لَكَ بِهِ عِلْمٌ ))
الإسراء 36 .

(( إِنَّ السَّمْعَ وَالْبَصَرَ وَالْفُؤَادَ كُلُّ أُولـئِكَ كَانَ عَنْهُ مَسْؤُولاً ))
الإسراء36 .

تقبلوا مروري

[mohamed160]

المشاركة الأصلية كتبت بواسطة مريم الصابرة

السلام عليكم اختي
موضوغك سور يولمنا إحنا لبنات لكن سور الرجال محال راحين يحللو ويفسرو كيما يحبو وكيما توالمهم انا والله فهمتك صح تلقاي مرة الراجل يلوم فالمرا هي الزانية وهي الغاوية التي تغوي الرحل وهي وهي وناسيين إنو هوما مشاركين فالذنب والسبب الاول نرجعو لموضوعك العلاقة اللي قبل الزواج صح تلقايهم كلهم أئمة يقولك أنا خاطيني وانا نتزوج بلما نتعرف وحلال وحرام نخرجو شويا من المثالية نلقاوهم كلهم حبو وعرفو بنات وبالشكاير الصراحة راحة وما تزعف حتى واحد يخرج من المنتدى للواقع فالطريق يشوف في طفلة ويطلب الرقم نتاعها نكونو واقعيين
اختي حلال عليهم حرام علينا ياخي المصحف فيها 60 حزب مي هوما حافظين النساء ثم النساء ثم النساء ما تعبيش روحك جنسهم هكذا داير

الاخت ههههههههههههههههههههههه بينى عليك راكى مجروحة من الرجل معليش المهم الاخت بالك الرجل لى عرفتهم جرحوك بزاف وانا نقول البنت لى تسلم نفسها لى الكلب البشرية ما تلوم الا نفسها

[الواثق]

المشاركة الأصلية كتبت بواسطة soso sirin

يا رجال المنتدى انا لم اقصد علاقات الحب والله و كون عرفتكم تفهمو الهدرة هكا مانكتب الموضوع كامل انا قصدت انو الراجل يكون عندو نية الزواج و معول و العلاقة تكون طاهرة و حب بريئ ماشي كامل العلاقات يكونو فيها كلام ماشي نيشان و زيد انا لم اتهم احدا انا من اكون حتى اتهمكم و زيد انا مانيش ملاك باه نحاسبكم و مانيش انا الي نحاسبكم كاين ربي و زيد انا موضوعي قصدت بيه الرجل الاخ الذي يكون على علاقة بفتاة و يكون جدي في العلاقة و مع هذا يرفض رجلا جاء خاطبا لخته لانها كان يربطها به علاقة علاه هكا تخممو انا كون راني قاصدة هكا معنتها انا مانحشمش و راكم شايفيني بلي انسانة غريبة الاطوار بغيت طفلة تدخل تقرى الموضوع و ترد بلاك انا ماوصلتش الهدرة نيشان و مع هذا انا اسفة جدا جدا اذا فهمتوني هكا

شكرا اختي لكن لااتفق معك في بعض النقاط ............

اول شيء لاتوجد علاقة بريئة وعلاقة غير بريئة فاصلا لاتوجد علاقة قبل الزواج وان كان فيها كلام جميل ومواضيع راقية وليس فيها كلام عشق او غرام ...................فالله عزوجل حرم علينا حتى النظر قال تعالى ( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ) الآية (النور:30-31) . ............فكيف بالذي يقيم علاقة ويأخذ بالكلام ووووو...................

.فيا اختي الله عزوجل وسنة نبيه عليه الصلاة والسلام بينت لنا الطريق القويم فلما يريد الرجل الزواج فانه يبحث عنها وله معها الرؤية الشرعية فان مضى الامر للخطبة كانت التعرف اكثر في اطار محدود ومن هذه الفترة يعرف الكثير ليتوج كل هذا بالزواج ....................................والله المستعان من حالنا حيث نرى علاقات بين الشباب والبنات بحجة الزواج فتبدأ الامور بكلام فيه الكثير من الاخلاق والنبل الى ان يصل الى ما لا يحمد عقباه .................فالله عزوجل سد كل هذا الباب وجعل القلوب تتالف بعد الزواج ......................

والله الموفق

[soso sirin]

المشاركة الأصلية كتبت بواسطة منهاج

السلام عليكم

يا اختي صح كلامك ولي قلتيه راه كاين منه بزاف ولكن الشير كي يمنع خته ولا ما يبغيهاش دير علاقات لانو راه عارف واش كاين

بين اثنين شير وشير ة في غير الحلال من مشاكل وشبوهات

معنتها هي المشكل في عقلية الرجل معنتها حنا علاه لما يكون باغي صح وحدا من قلبو علاه نوقفو معاهم و نديرو البوسيبل باه تكون حلالو و هوما العكس و لا لانو حنا نخممو بتفكير النساء و هوما يخممو بتفكير الرجال.علابالك اختي راهم عقدوني من الموضوع انتي فهمتيه نيشان و لا كيفاش

[soso sirin]

المشاركة الأصلية كتبت بواسطة mohamed160

ما تزعفيش سرين ههههههههههههههههههههههههههههه المهم اتعشيتى و ولا وصلتك صليتها ولا

العشا مليح الي تعشيت الساع كون واحد ماقدرش يفوت الماكلة والصلاة هذا وين اذن يتقبل منا و منكم

[MIWAKE]

اظن انني فهمت واش تقصد الاخت من طرح هدا الموضوع و لله اعلم فمثلا اذا كنت في مكان العمل و قد وصلت الساعة12.30 سأقترح لزملائي في العمل لذهاب لشراء / من المطعم pizza sandwich.
وفي كل مرة الاحظ فتاة تاتي مع زميلاتها لشراء الغداء جميلة تبان ذو اخلاق و بنت الناس وتعجبني كثيرا السؤال ماذا افعل و هنا كاين اتجاهين حسب تفكير المشاركين و المشتركات في المنتدى
اتجاه المشاركين الملتزمين اذهب مباشرة و طرق باب دارها وهنا لدي مشكلة 1- الفتاة لاعرفها لاسمها لا لقبها او مقر سكناها .
تقولولي روح سقصي عليها السؤال وين الروح مثلا اذا تخدم في بنك او شركة ساذهب الى مقر عملها و ابدا بطرح الاسئلة للموظفيين على عدة الفتاة الجملية
و حتى اذا نفترض انني عرفت وين تسكن رحم والديكم نروح دق باب دارها يخرج بباها نقول اسلام عليكم جيت نخطب بنتكم.........
3 قولت الطفلة عجبتني لكن بما انني لم اتكلم معها فانا لاعرف شخصيتها و عقليتها
4 كيف روح نخطب و انا منعرفش الرد الفعل اذا نعجبها و لا لا روح انبهدل بروحي
ام الاتجاه الثاني هوانا معه ان اذهب للكلام و تعرف على الفتاة و اذا عجبنا بعضنا راني نتقدم لخطبتها لكن هنا المشاركين اقولوا هده علاقات حرام

[soso sirin]

المشاركة الأصلية كتبت بواسطة الواثق

اعتذر ان لم افهمك بعد لكن ..............انا حاب نفهم منك مالونته بالاحمر ..............والله الموفق

معنتها خويا كاين رجال يعرفو شي بنات مي العلاقة ماطولش و زيد من الاول داير في بالو بلي راح يتزوجها ماشي يلعب بيها و يهدر معاها للظرورة و هدرة عادية معنتها مافيهاش كلام يفوت الحدود فيه و محترمها و عمرو ولا قالها كلمة ماشي مليحة علابالي بلي الفكرة راهي جاياتك غريبة مي راهي كاينة خويا في المجتمع

[الواثق]

المشاركة الأصلية كتبت بواسطة miwake

اظن انني فهمت واش تقصد الاخت من طرح هدا الموضوع و لله اعلم فمثلا اذا كنت في مكان العمل و قد وصلت الساعة12.30 سأقترح لزملائي في العمل لذهاب لشراء / من المطعم pizza sandwich.
وفي كل مرة الاحظ فتاة تاتي مع زميلاتها لشارء الغداء جميلة تبان ذو اخلاق و بنت الناس وتعجبني كثيرا السؤال ماذا افعل و هنا كاين اتجاهين حسب تفكير المشاركين و المشتركات في المنتدى
اتجاه المشاركين الملتزمين اذهب مباشرة و طرق باب دارها وهنا لدي مشكلة 1- الفتاة لاعرفها لاسمها لا لقبها او مقر سكناها .
تقولولي روح سقصي عليها السؤال وين الروح مثلا اذا تخدم في بنك او شركة ساذهب الى مقر عملها و ابدا بطرح الاسئلة للموظفيين على عدة الفتاة الجملية
و حتى اذا نفترض انني عرفت وين تسكن رحم واليكم روح دق باب دارها اخرج بباها نقول اسلام عليكم جيت نخطب بنتكم.........
3 قولت الطفلة عجبتني لكن بما انني لم اتكلم معها فانا لاعرف شخصيتها و عقليتها
4 كيف روح نخطب و انا منعرف الرد الفعل اذا نعجبها و لا لا روح انبهدل بروحي
ام الاتجاه الثاني هو ان اذهب للكلام و تعرف علة الفتاة و اذا عجبنا بعضنا راني نتقدم لخطبتها لكن هنا المشاركين اقولوا هده علاقات حرام

ابواب الحلال بينة اخي ...........فصدقني اخي لو قلت لك ان احد يبيع قطع السيارات في تمنراست وتلقا عندو القطعة التي تريدها لبحثت عنه وستجده بالتفصيل ...................فهذه البنت التي اعجبتك اسأل عنها وتحرى واكيد ستجد من يعرفها ولم نقل روح لبابها وتفضل اخطب هنا نقصد انك توجه الة معرفة اهلها بكل الطرق المباحة اسأل الجيران واسأل كل من له علاقة بهم واستخر الله ثم ابعث باهلك لعندهم للتعارف ولمعرفة البنت فان وجدت منهم قبولا واطلب الرؤية الشرعية واجعل احد اخواتك يتكلمون معها للمعرفة اكثر بها حتى هي تعرفك اكثر فان اعجبتك تقدم لها للخطبة والخطبة هي فترة للتعرف اكثر فان استدب الامر كان الزواج والله الموفق ........................لكن اقول لك اليس الله هو خالقك وهو خالقها وليس من هو اعلم منه بكما فوفر الاسباب الحلال وسترى ان الله سيفتح عليك فتحا مبينا ...................اما العلاقات المشبوهة فسترى نفسك لاترتاح اليها وحتى ان هناك عوائق ستخرج لم تكن في الحسبان .............................ومن يتق الله يجعل له مخرجا ويرزقه من حيث لايحتسب

[soso sirin]

المشاركة الأصلية كتبت بواسطة miwake

اظن انني فهمت واش تقصد الاخت من طرح هدا الموضوع و لله اعلم فمثلا اذا كنت في مكان العمل و قد وصلت الساعة12.30 سأقترح لزملائي في العمل لذهاب لشراء / من المطعم pizza sandwich.
وفي كل مرة الاحظ فتاة تاتي مع زميلاتها لشراء الغداء جميلة تبان ذو اخلاق و بنت الناس وتعجبني كثيرا السؤال ماذا افعل و هنا كاين اتجاهين حسب تفكير المشاركين و المشتركات في المنتدى
اتجاه المشاركين الملتزمين اذهب مباشرة و طرق باب دارها وهنا لدي مشكلة 1- الفتاة لاعرفها لاسمها لا لقبها او مقر سكناها .
تقولولي روح سقصي عليها السؤال وين الروح مثلا اذا تخدم في بنك او شركة ساذهب الى مقر عملها و ابدا بطرح الاسئلة للموظفيين على عدة الفتاة الجملية
و حتى اذا نفترض انني عرفت وين تسكن رحم والديكم نروح دق باب دارها يخرج بباها نقول اسلام عليكم جيت نخطب بنتكم.........
3 قولت الطفلة عجبتني لكن بما انني لم اتكلم معها فانا لاعرف شخصيتها و عقليتها
4 كيف روح نخطب و انا منعرفش الرد الفعل اذا نعجبها و لا لا روح انبهدل بروحي
ام الاتجاه الثاني هوانا معه ان اذهب للكلام و تعرف على الفتاة و اذا عجبنا بعضنا راني نتقدم لخطبتها لكن هنا المشاركين اقولوا هده علاقات حرام

و اخيرا واحد فهم واش راني قاصدة والله من ردود الاعضاء الا قلت حاجة ماشي نيشان و لا درت جريمة و كاين الي كي تعجبو وحدا يروح يقول لماليه عليها قبل اصلا مايخمم يدي خطوة رسمية لانو نيتو راهي مليحة

[mohamed160]

الاخت الرجل لى تعجبوا البنت يروح يخطبها من دارهم خير مشى يهدرى امعها فى كل وقت ولزام نعرف عقليتها ولزام نتعرف عقليتوا ربى يهديكم هدا الشى لى خلكم متخلفين فيقوا هدى عدات نتع الكفرا المشركين احنا مسلمين ولى انسيتوا ولديكم كيفاش اتزوجوا بكرى ولى انتوما راكم فى وقت لمودا كما اتقولوا ربى يهديكم ياعبدا الله 0 شوفوا المجتمع كيفاش راه من علاقات التعرف باه نتزوجوا وابعدا يقلها ما عجبتنيش عقليتك يلعب بيها حتى يشبع 0 ربى يهديك

[مريم الصابرة]

المشاركة الأصلية كتبت بواسطة mohamed160

الاخت ههههههههههههههههههههههه بينى عليك راكى مجروحة من الرجل معليش المهم الاخت بالك الرجل لى عرفتهم جرحوك بزاف وانا نقول البنت لى تسلم نفسها لى الكلب البشرية ما تلوم الا نفسها

السلام عليكم خويا
واشبيك نظن الحمة طلعتلك واش من رجال جرحوني وواش من كلاب بشرية عرفتهم انا يا خويا أنا في دارنا بقيمتي وكنت نخطوبة على سنة الله وماكان حتى راجل لعب بيا يا خويا علاه تتهربو من الواقع واإلا ما تحملوهاش تلقاو وحدة متحجبة وما عرفت حتى واحد غاضتك وإلا ما امنتهاش هذا واقع انا كتبتو ما عندوش علاقة بحياتي الشخصية نتمنى تعتذر على كلامك وحتى لو ما تتعتذرش عادي التصرف منكم هذا واش ديرو الله غالب عليكم يا رجال مساكن شكرا بزاف خويا بارك الله فيك