أكبر غلطة على مستوى الوطن !! - الصفحة 2

وصـمـة ريــح · 2012-06-12, 22:11

اقتباس:

المشاركة الأصلية كتبت بواسطة _°soft*breeze°_

شوف أنا اللي شفت السؤال الأول تاع حدد مجالي الحركة بالشكل حدد مجال الحركة و من عدم التركيز حطيت من 0 ال 12 ثانية و لكن هل ينفع الندم طبعا لا

أتأسف لأجلك أختي.............لكن كان بامكانك أن تحددي النظامين لما عرفت السلم ..........

manolito · 2012-06-12, 22:25

لوكان تشوف انا وين غلطت في الرياضيات من الزربة.كي زربت روحي هرتها

Rima Stare · 2012-06-12, 22:46

هادى برك انا التمرين تهع القديفة المعادلة الزمنية كتبتها غالطة معادلة المسار تجي غالطة احداثيات نقطة الوصول للارض غالطة و زيدلها زمن الوصول غالط و المعامل 6 و انت احسب

kh.dz · 2012-06-12, 23:30

_

اقتباس:

_
نزيدلكم...ولا خلاص خلعتكم بزاف
أيا معليش نزيدلكم
فالتمرين الأول التفاعل نضمنوه ضمن التفاعلات البطيئة مفروغ منه. ياخي؟........وأنا جاوبت هكذاك في راسي لكن كيجيت نكتبها أيا قولو واش كتبتها كتبتها ضمن التفاعلات السريعة وبكل فرح وسرور وكنت مقتنعة هذاك الوقت ....الفيزياء معلاباليش كامل واش صرالي هذاك النهار ....ايه هذاك النهار اللي كانت درجة الحرارة مرتفعة في الجزائر وزيد نقعد قدام التاقة والشمس حارقتني وكنت لابسا لكحل هاديك هي هردتها...........راني ندور في 13 في الفيزياء المعدل يهبط قع واش كاين زعمة الفيزياء داروهلنا كادووووووو

هههه نفس غلطتي ،،، معليهش ليجابها ربي مرحبا بيها تكبري و تنساي ،،

saado221 · 2012-06-13, 03:26

oéé rbi m3ayaa hamdoullaaah

ghost_4d · 2012-06-13, 09:17

معليش كاين العام الجآي

كيل را ام · 2012-06-13, 11:49

ان شاء الله خير ما تقلقيش روحك ضرك ما نقدروا نديرو والو غير الدعاء

Ibtissem Hechaichi · 2012-06-13, 12:44

يخي تفاعلات المعايرة سريعة وتامة ولا ؟؟

انا درتو سريع والتعليل لأانو تفاعل معايرة
القطرة اللي نسقطوها تتفاعل لأنو تركيز المعايَر (في البيشر) أكبر من تركيز المعايِر(في السحاحة) بكثيييييييير

وصـمـة ريــح · 2012-06-13, 18:41

اقتباس:

المشاركة الأصلية كتبت بواسطة Rima Stare

هادى برك انا التمرين تهع القديفة المعادلة الزمنية كتبتها غالطة معادلة المسار تجي غالطة احداثيات نقطة الوصول للارض غالطة و زيدلها زمن الوصول غالط و المعامل 6 و انت احسب

ياختي وشنو هادي برك ياو 4 نقاط ......رانا كيف كيف ............على العموم راني حاسة بيك

وصـمـة ريــح · 2012-06-13, 18:45

اقتباس:

المشاركة الأصلية كتبت بواسطة ghost_4d

معليش كاين العام الجآي

أنا ماهيش لاحقة بيا حتا نعاود قالــو العام الجاي قالــو ومانخممش كامل فيها بعيد الشر وعلاش..........الا اذا كاش ماصراااا .........برك المعدل يهبطلي ........الفيزياء المعامل5 ......وبهذا مانجيبش المعدل اللي كنت حاباتو

وصـمـة ريــح · 2012-06-13, 18:49

اقتباس:

المشاركة الأصلية كتبت بواسطة ibtissem hechaichi

يخي تفاعلات المعايرة سريعة وتامة ولا ؟؟

انا درتو سريع والتعليل لأانو تفاعل معايرة
القطرة اللي نسقطوها تتفاعل لأنو تركيز المعايَر (في البيشر) أكبر من تركيز المعايِر(في السحاحة) بكثيييييييير

لالا ياختي ليس ذاك هو المعيار المعتمد في دراستنا ......المعيار المستعمل هو الزمن.............التفاعل البطيئ يدوم بضعة ثواني وهذا مانراه في النحنى البياني حوالي 12 ثانية أو ماشابه ... أما التفاعل السريع يحدث آنيا بمجرّد التلامس بين المتفاعلات يعني في غمضة عين حتى أقل من ثانية ......أما البطيئ جدا يدوم دقائق أو أسابيع .....الخ

ورثان الجنان · 2012-06-13, 18:53

أختي ردّي على ماحصل لك

هو أن تتمعّني في توقيعك

فوالله يحمل الكثـــــــير من الأشياء والخبايا

لذا فراجعيه أفضل لك

وصـمـة ريــح · 2012-06-13, 18:57

بارك الله فيك اخي .......لكن والله ألوم نفسي بشدّة لن ألوم أحد هذا يرجع أساسا لتهوري وتسرعي .....كله من اختياري

وصـمـة ريــح · 2012-06-13, 18:58

اقتباس:

المشاركة الأصلية كتبت بواسطة saado221

oéé rbi m3ayaa hamdoullaaah

الزهر الزهر ههههه

عـآلية الهــمةَ · 2012-06-13, 19:03

السلام عليكم اختي
و الله رانا كيف كيف
انا تاني اترث عليا السخانة
هذاك المخطط تاع السرعة ذوخني
ما فهمتش بلي سقوط شاقولي فالفراغ هو سقوط حر
+ حنا خلينا سوجي الثاني ساهل..تطبيق عددي و رحنا للاول
المهم ضرك اللي فيها الخير يجيبها ربي...سيي تنساي ^^