من يشتكى من حر الصيف يتفضل - الصفحة 2

النجمة القطبية · 2012-06-09, 14:30

اقتباس:

المشاركة الأصلية كتبت بواسطة لذريق

السلام عليكم أختي الكريمة النجمة القطبية

أتمنى أن تكونوا بتمام الصحة و العافية
صح كما قلتي في أيام الحرارة الشديدة يدوروا على كل شيئ منعش و يوفرلهم البروردة من مثلجات و مياه باردة و عصائر مثلجة و كذا الفواكه المبردة من دلاع و بطيخ
يعني الفريقو معادلة اساسية في الاكل ههههههههههه
ومن ناحيى أخرى كذلك يستعينوا بالمروحات و المكيفات ،لأنه أحيانا يستحيل على المرئ النوم الا بالترويح بمروحة و لو كانت يدوية
فمرات أنا شخصيا في ذروة الحرارة يعني الليل لا أستطيع النوم الا بعد أخذ دش خفيف ، بعده أغفو مباشرة
و كيما أشرتي للرواحة اليدوية التي يحبها جدك أطال الله عمره و بارك الله فيه و حفظه لكم ،فأصبحت نادرة الوجود و صار سيد الميدان هو الكليماتيزار و الحمد لله على نعمه الكثيرة
ربي يدوم النعم و يصرف عنا النقم و يجعلنا من الشاكرين
شكرا أختي النجمة القطبية على موضوعك الرائع و المميز في مضمونه و وقت طرحه ، و خاصة مع هذا الاسبوع و الحرارة الاستثنائية وخاصة عنا في تيارت مع الويكاند واش نقولك نص نهار النار تشعل هههههههههههههه
ربي يبارك فيك و يرزقك خير الدنيا و الاخرة و ربي يوفي لك ما تتمنين

ســــــــــــــــــــــــــــــلام

شكرا اخى الكريم لذريق
بصح نقولك رغم وجود اكثر من كليماتيزور فى بيت جدى ورغم ان البيت اصلا فيه فسحة تهوية
بصح هاذيك المريوحة يموت عليها ههههههه
عندو بزاف وتلقاه يسافر غير باه يشريهم وحتى فى الحومة عارفينو يحبها
ولاو احيانا لما يروحو لتونس مثلا يجيبولو منهم ويقولو هاذى لعمى الحاج :d:d:d
ثم اياك ان يلمسها احدهم هههه مرة اديتلو واحدة نروح بيها لقيتو يقول خصتنى واحدة هههههه
ربى يحفظو ويطول فى عمرو
شكرا على المرور

النجمة القطبية · 2012-06-09, 14:32

اقتباس:

المشاركة الأصلية كتبت بواسطة asosa

السلام عليكم حنا في ولاية المسيلة الحرارة لاتطاق لان المسيلة واقعة في الوسط جاية مابين الشمال والجنوب وبالطبع كاين عدة وسائل لمحاربة الحرارة على غرار الرياشة والكليماتزور والمثلجات بجميع انواعها لكن مكاش كيما الماء البارد يبردلك قلبك اختي

ربى يحفظك ختو
واش هى الرياشة عرفينا عليها

حضنية28 · 2012-06-09, 14:34

اقتباس:

المشاركة الأصلية كتبت بواسطة النجمة القطبية

ربى يحفظك ختو
واش هى الرياشة عرفينا عليها

الرياشة اختي هي المروحة هنا في مسيلة نقولولها الرياشة

النجمة القطبية · 2012-06-09, 14:38

اقتباس:

المشاركة الأصلية كتبت بواسطة محمد جديدي التبسي

لا أشتكي من حر الصيف إلا في خارج المنزل أما في البيت فالأمر عادي جدا ولا أعاني مشكلة من الحرارة عكس بقية الأسرة كلهم يباتو فوق السطح
أما أن فيحتارون في أمري فأنا لا أتخلى عن الزاورة في عز الصيف ولا أستطيع النوم من دون غطاء ثقيل نوعا ما

والحمد لله على كل حال
شكرا على الموضوع اللذيذ بارك الله فيك

تبارك الله اخى الكريم
انا مثلا احب الصيف عكس اخى لا يطيق الصيف والحر ولا ينفع معه اى من الوسائل المذكورة اعلاه
وفقك الله

فتـ حييةـاة · 2012-06-09, 14:40

هذا

ويليق بعده هذا))))))))) اللي صورتيه انتي مايعجبنيش

بصح مازال الحمان اللي تحطي بيضة فالحوش تنقلى

النجمة القطبية · 2012-06-09, 14:42

اقتباس:

المشاركة الأصلية كتبت بواسطة ع/ش

السلام عليكم

المثلجات لي حاطيتيها إمممممممممممممم
لذيذة
أنا والله العظيم غي نموت عي المثلجات والله مانشبع منها
الله غالب نحبها بزاف
عجبتني الوسيلة لي يستخدمها جدك
موضوع بارد لطفنا الجو

بارك الله فيك

ههههه المثلجات كامل نجبوها
اما جدى ربى يبارك فيه انا يعجبنى هو الوحيد اللى محافظ على التقاليد فى الدار

محمد جديدي التبسي · 2012-06-09, 14:48

اقتباس:

المشاركة الأصلية كتبت بواسطة النجمة القطبية

تبارك الله اخى الكريم
انا مثلا احب الصيف عكس اخى لا يطيق الصيف والحر ولا ينفع معه اى من الوسائل المذكورة اعلاه
وفقك الله

فصل الشتاء هو المفضل لدي
فالبرد يمكن تحمله باللباس المناسب
أما الصيف فلا حل له إلا البقاء في مكان مكيف "وهو فصل الشتاء تقريبا"

جزاك الله خيرا

النجمة القطبية · 2012-06-09, 14:49

اقتباس:

المشاركة الأصلية كتبت بواسطة فتـ حييةـاة

هذا

ويليق بعده هذا))))))))) اللي صورتيه انتي مايعجبنيش

بصح مازال الحمان اللي تحطي بيضة فالحوش تنقلى

اهلا عزالتى نورتى الموضوع
صح عندك الحق الاول ضرورة
اما الثانى انا نحب الكورنيتو صغير ومايذوبش على اليدين :d:d:d

فتـ حييةـاة · 2012-06-09, 15:02

اقتباس:

المشاركة الأصلية كتبت بواسطة النجمة القطبية

اهلا عزالتى نورتى الموضوع
صح عندك الحق الاول ضرورة
اما الثانى انا نحب الكورنيتو صغير ومايذوبش على اليدين :d:d:d

الموضوع منور بصاحبتو
خلاص ضرك نبعثلك واحد كيما وصفتيه
ومادام جدك اطال الله في عمره عندو هذيك المريوحة مايديرش هذا ؟؟؟

kchehbi · 2012-06-09, 16:23

منتدى الجلفة افضل وسيلة.............

النجمة القطبية · 2012-06-09, 18:08

اقتباس:

المشاركة الأصلية كتبت بواسطة فتـ حييةـاة

الموضوع منور بصاحبتو
خلاص ضرك نبعثلك واحد كيما وصفتيه
ومادام جدك اطال الله في عمره عندو هذيك المريوحة مايديرش هذا ؟؟؟

لالا جدى ميلبسش هاذو
هو فى الشتا يلبس نوع يشبه هذا

يعنى بالتقريب كامل اسود
وفى الصيف يلبس عراقيات
بصح الشابو عجبنى هاتيه
شكرا امول موفقة

الواثق · 2012-06-09, 18:37

اقتباس:

المشاركة الأصلية كتبت بواسطة محمد جديدي التبسي

لا أشتكي من حر الصيف إلا في خارج المنزل أما في البيت فالأمر عادي جدا ولا أعاني مشكلة من الحرارة عكس بقية الأسرة كلهم يباتو فوق السطح
أما أن فيحتارون في أمري فأنا لا أتخلى عن الزاورة في عز الصيف ولا أستطيع النوم من دون غطاء ثقيل نوعا ما

والحمد لله على كل حال
شكرا على الموضوع اللذيذ بارك الله فيك

ياخويا واش السخانة وتتغطا ببببببببب.....................انا والله مانقدر فوق السطح ومرات يgرب ليا القط نضربو ياو هبلني يشتي يتكسل معايا ههه ............ومايقولش مياو مانيش عارف واش بيه يقول وااااا ............لانو ضربتو شاحنة قديما فقد جزءا من صوته ههه........بصح والفتو المصيبة