باركولي عـــــــــــــــــــــــــــــــــاودة السنــــــــــــــــــــــــــة للمرةا لرابعة ــــــــــ مطرودــــــــــ

lachiche · 2012-05-30, 20:34

السلام عليكم و رحمة الله وبركاته
إخواني أخواتي حبيت نفرغ قلبي قلت نحكيلكم قصت حياتي مع القرايا
نبداو من السنة أولى إبتدائي
كنت نرقد في القسم و قاعد في الطاولة لخرى مع واحد معاق ربي يجيبلو الشفاء
السنة الثانية في الطابلة لخرا و جبدني المعلم من الشعر لي في راسي حتان طار
الثالثة ابتدائي درت عملية جراحية الزائدة الدودية متخافوش الله أعلم شهر ولا 2 مرحتش نقرا عاودت السنة لأل مرة
السنة الثالثة 2 نقرا مع لولاد الصغار المهم نجحت
السنة الرابعة بدلت المدرسة و ضربت واحد في النهار الأول
السنة الخمسة والله ماني شافي
الستة السادسة والله كان يحكمني المعلم 20 ضربة لليد نجيبها 20 يوم منروحش نقرا متخافوش نجحت

اول في السيام نسيت وسمها بداو يطوالو جنحيا و بديت التريشارج و التنقال
السنة الثامنة تهاوشت مع مراقب و مازال ظرك شاريهاو
السنة الثالثة كنا نقراو في قاراج والله العظيم وكان البرد ولاو رجعونا نقراو في المدرج
السنة الرابعة تم إحتلراف الغش بكل أنواعه و أستاذة الإنجليزية كنت داير فيها الباطل كانت تلقا بابا في الطريق تقلو أحكم وليدك راهو هبلني
المهم لي تريشيتها في الأهلية جات و نجحت 11.46 الله أعلم
طلعت للثانوية
أولى ثانوي كل يوم دبزا مع الأساتذة و المراقبين وضربت طفلا بكرسي تكسرة طردوني بالصح رجعني عمي معربيفا يخدم ثم وعاودت السنة
السنة اولى2 تبعت وحد الطفلة وزادت جهلتني خلاص و عاودت السنة تاني مطرووووووود
زاد بدلني عمل لثانوية أخرى تاني معريفة أيا نجحت باستعمال الإحتراف في الغش و جبدت شوي
السنة الثانية السنة المعدل الاول 8.33 و المعدل الثاني 7.36 و الثالث مضنيتش فوق 6 المهم قالي استاذ السبور لي هو صاحبي راهم طردوك
و ظرك راني نخدم في وزين الصاشي و راني رايح نخدم ظرك في الليل من 9 الى 5 نتاع الصباح
وهادي هي حياتي

درتلكم هادا الموضوع للي ضايقة روحو كيما انا

انتلاو في رواحكم

lachiche · 2012-05-30, 20:35

المهم انا نروح نخدم غدوا نشوف الردود + يسمح بدخول المجانين فقط

lachiche · 2012-05-30, 20:37

نسيت مقلتلكمش العام لخر منجحتش في لقرايا بالصح نجحت في البارمي غدوا نحكيلكم قصة البارمي يتبع...

عُضو مُحترم · 2012-05-30, 20:42

ها راك خير من لي كمل قرايتو في الجامعة
و دخل العسكر 18 شهر ودار دوسيات و مشا في الكونكورات

و ما لقاش خدمة

احمد ربي على الخدمة في الوزين تاع الصاشيات

ربي يعاونك

ترب الندى · 2012-05-30, 20:46

ايا مالا خويا اخدم مهندس مدني ^^'

imi02i · 2012-05-30, 20:50

ربي يعينك
أنا في المرحـلة الإبتدائـية ممتازة
وفي المتوسطـة ممتـازة
وفي الثانوية حسنـة
وفي العام تاع الباك عمات عيني ، ومنجحتش
وراني نعاود
وماتنساش تجي تعزينا بعد النتيجـة

بالمناسبـة :
أنا نظامية
لكن مشطبـــة منذ نصف السنـة لكثرة الغيابات
شكرا جزيلا

الذِكرَى البَيضآء~ · 2012-05-30, 20:52

ربي يعينك اخي ممكن فيها خير

عطر الملكة · 2012-05-30, 20:54

انا طوال مساري الدراسي كنت من التلاميذ الجيدين عملا و سلوكا
لكن من نهار جبت الباك و دخلت الجامعة و انا لعنة الفراعنة نزلت فوق راسي
المهم راك مليح كي راك تخدم و هذي هي الفايدة
و حظ موفق للمقبلين على شهادة البكالوريا
اختي ايمي تفائلي خيرا بلاك هذ العام تصيب و العام الجاي تكون في مدرجات الجامعة
يلا اقفازي حابة ناكل القاطو في حفلة الباك نتاعك و نكون اول المهنئين و نجيبلك كادو زين

ربي يجيب الخير

الباديسي · 2012-05-30, 20:55

المهم لا تضيع عبادتك لله هذه جد لا هزأ معها احسن الظن بالله وسوف ترى كيف تتغير احوالك كلها للاحسن باذن الله
شكرا لمصارحتك هذه لان لك ضمير دائما يؤنبك

imi02i · 2012-05-30, 20:58

اقتباس:

المشاركة الأصلية كتبت بواسطة عطر الملكة

انا طوال مساري الدراسي كنت من التلاميذ الجيدين عملا و سلوكا
لكن من نهار جبت الباك و دخلت الجامعة و انا لعنة الفراعنة نزلت فوق راسي
المهم راك مليح كي راك تخدم و هذي هي الفايدة
و حظ موفق للمقبلين على شهادة البكالوريا
اختي ايمي تفائلي خيرا بلاك هذ العام تصيب و العام الجاي تكون في مدرجات الجامعة
يلا اقفازي حابة ناكل القاطو في حفلة الباك نتاعك و نكون اول المهنئين و نجيبلك كادو زين

ربي يجيب الخير

القاطو تاكليـــــــــــــه بلا باك ...
راهو عندنا عرس في الدار {قريب قريب إن شاء الله}
أخطيك من الباك
من ذرك ميش ناجحـة
ونتفاءلوا الخير كي نكونوا من الناس اللي تعبت وقرات
ماشي طول العام لاقراية ولا سعاية ولا وجود حتى للكراريس
ومن بعد نقول إن شاء الله ننجح

thorpe · 2012-05-30, 20:59

لا عليك
الحمد لله على كل حال
او يعيا ويفرج ربي

المهم راك بصحتك وتشوف باباك ويماك

كاين الي ماعندوش بيت وسقف ياويه

حنيني24 · 2012-05-30, 21:00

الســـــــــــــــــــ عليكم ــــــــــــــــــــــــــــــــــلااام
----
"ذكريااات طااالب مشااااغب"
جميـــــــــــــــــــــــــــــــــــــــــــــــ ــــــــــــــــــــلة،،،
في الحقيقة،،أنا ملي دخلت للمدرسة
ونا "حجرة"،،، لكن كنت مجتهدة
ومثاااااال لحسن الخلق هع هع
حوحو يشكر روحو
-----
الله يهنيك يا أخي ،،، ويفرحك،،

مطر تشرين~ · 2012-05-30, 21:03

اقتباس:

السنة الرابعة تم إحتلراف الغش بكل أنواعه

هههههه أضحك الله سنك

اقتباس:

وضربت طفلا بكرسي تكسرة طردوني بالصح رجعني عمي معربيفا يخدم ثم وعاودت السنة

هههههههه أسلوبك وحدووو

الله يعينك ،،،

المهم عامل ،،

ع.جمال · 2012-05-30, 21:06

معذرة للكل :
حيث أن منتديات الجلفة لكل الجزائريين والعرب تعتمد اللغة العربية الفصحى لغة التخاطب الرئيسية في المواضيع و العناوين ، تمنع كتابة المواضيع بالدارجة وتستثنى الأقسام الخاصة باللغات الأجنبية أو اللهجات و الثقافات المحلية ...