موضوع خاص بضباط الدرك الوطني 2012 - الصفحة 3

domas23 · 2012-05-18, 14:27

خويا شوف الإعلان لي وضعتو انا هنا
والله حسب فهمي ليه 22 سنة ممكن تدفع
و نهار الأحد راح نتقرب للمجموعة الولائية و نقولك

hamza_2010 · 2012-05-18, 14:56

خويا انا فوت العام اللي فات و مارجعوليش الدوسي و ما عيتوليش يعني ماعتاوني حتا خبر علما انني ليسانس نظام كلاسيكي و في جوان يكون عندي 22سنة نقدر نعود ندفع ولالالا الاجابة من فضلك

رؤوف 1990 · 2012-05-18, 15:19

اقتباس:

المشاركة الأصلية كتبت بواسطة domas23

اكيد اخي الكريم ضابط في الدرك الوطني منصب مليح لكن يستحق الصبر

هو مليح من ناحية الأجر + يعتبر ضابط الدرك الوطني من ضباط الشرطة القضائية

+ يدير لصاحبو قيمة في هذه البلاد و كلمة مسموعة وين تروح بالنسبة للصبر فيجب على الضابط الصبر في الأعوام الأولى فهي صعبة نوعا ما من حيث البعد عن المنزل و العائلة و مكان العمل بعيد و نوع العمل صعب قليلا لكن تمر الأيام الصعبة مع مرور الوقت .

لي حاب يخدم و يشوف روحو قدها ما يخافش لأنو ما كانش حاجة في هادي الدنيا تاتي بالسهل . بالنسبة لي انا ضابط درك الوطني ما كانش كيفها و الدليل على كلامي فوت العام الماضي امتحان و ما نجحتش و العام هذا راح نفوت من جديد و اللي فيه يخير يجيبو ربي إن شاء الله.

نزيدك معلومة ماشي الضباط برك يسمو ضباط شرطة قضائية
من اجودان و اطلع يعقب ستاج و يولي ضابط شرطة قضائية

رؤوف 1990 · 2012-05-18, 15:21

اقتباس:

المشاركة الأصلية كتبت بواسطة domas23

رؤوف 1990

أمين خويا رؤوف واش احوالك هذا العام واش ناوي دير

كنت حاب ندير اوفيسي بصح يفوتني لعمر انا عندي 22 سنة و شهر
مازالي شهر و نكمل نشوف كاش خدمة في السيفيل و نهرب من العامين

karimosta · 2012-05-18, 17:09

domas 23 انا ايضا دفعت السنة الماضية ملف و في الفحص خرجوني ونتا وين خسرت

domas23 · 2012-05-18, 17:09

اقتباس:

المشاركة الأصلية كتبت بواسطة رؤوف 1990

نزيدك معلومة ماشي الضباط برك يسمو ضباط شرطة قضائية
من اجودان و اطلع يعقب ستاج و يولي ضابط شرطة قضائية

هههه هذا صحيح اخي لكن درك نعطيك الفرق
الضابط يتحص على وصف ضابط شرطة قضائية بقوة القانون
اما الأعوان عامة ممكن ذلك لكن بشرط أن يكون قد داوم العمل ل 3 سنوات و بقرار مشترك من وزير الدفاع و وزير العدل
يعني مش بقوة القانون و هذا نادر

karimosta · 2012-05-18, 17:10

رؤؤوف 1990 راك هنا السنة تاني راك شايع صاحبي و السنة شاباغي دير فيها

domas23 · 2012-05-18, 17:11

اقتباس:

المشاركة الأصلية كتبت بواسطة رؤوف 1990

كنت حاب ندير اوفيسي بصح يفوتني لعمر انا عندي 22 سنة و شهر
مازالي شهر و نكمل نشوف كاش خدمة في السيفيل و نهرب من العامين

بالتوفيق لك اخي رؤوف كي شفت اسمك تفكرت العام الماضي و الأيام الجميلة لي كانت هنا في المنتدى

domas23 · 2012-05-18, 17:14

خويا karimosta
أنا عقبت المسابقة بشكل طبيعي و كملت كل المراحل و نجحت في المسابقة
لكن في القائمة الناجحين لا يوجد اسمي الله غالب

domas23 · 2012-05-18, 17:19

اقتباس:

المشاركة الأصلية كتبت بواسطة hamza_2010

خويا انا فوت العام اللي فات و مارجعوليش الدوسي و ما عيتوليش يعني ماعتاوني حتا خبر علما انني ليسانس نظام كلاسيكي و في جوان يكون عندي 22سنة نقدر نعود ندفع ولالالا الاجابة من فضلك

خويا روح لابرقاد و لا المجموعة لخلية التجنيد و أطلب الدوسي تاعك خير باه ما تبقاش تجري غير تعاود 4 اوراق فقط و يولي دوسي كامل
و تقدر تدفع أنت العام هذا لأنك 22 و عنديك ليسانس نظام كلاسيكي موفق

karimosta · 2012-05-18, 17:43

lانا خسروني في الفحص الطبي و باغي نسقسيك فيها كتابي ولا لا

domas23 · 2012-05-18, 18:12

فيها أكيد خويا الكريم كتابي

متذوق الألحان · 2012-05-19, 12:20

الاخ دوماس واش رايك تحكيلنا شوية على التجربة تاعك العام يلي فات
الفحص + العقلية +اي حاجة تقدر تفيدنا بها وبارك الله فيك

domas23 · 2012-05-19, 15:36

ملف الترشح لطالب ضابط درك الوطني

- بطاقة التعريف الوطنية 3 نسخ مصادق عليها.
- بطاقة إقامة 3 نسخ.
- بطاقة الحالة المدنية 3 نسخ.
- شهادة عدم الزواج 3 نسخ.
- شهادة ميلاد 12 ثلاث نسخ.
- شهادة ميلاد الأب 12 ثلاث نسخ.
- شهادة سوابق العدلية 3 نسخ. ( واحدة أصلية و 2 صورة طبق الأصل مصادق عليها)
- شهادة جنسية 3 نسخ. ( واحدة أصلية و 2 صورة طبق الأصل مصادق عليها)
- طلب خطي 3 نسخ.
- شهادة باكالوريا 3 نسخ مصادق عليها.
- كشف نقاط باكالوريا 3 نسخ مصادق عليها.
- شهادة ليسانس 3 نسخ مصادق عليها.
- كشف نقاط ليسانس 3 نسخ مصادق عليها.
- شهادة مدرسية 3 نسخ مصادق عليها.
- 12 صورة شمسية.
- شهادة قياس القامة تستخرج من عند الشرطة 3 نسخ مصادق عليها.

domas23 · 2012-05-19, 15:44

أوكي خويا إن شاء الله ساتناول كل شيء بالنسبة لتجربتي في العام الماضي
في القريب العاجل بحول الله