ارجوكم عاونوني انا في حيرة !!!!!!!!

[wahiba T]

السلام عليكم انا فتاة متحصلة على شهادة الليسانس في الحقوق + شهادة الكفاءة المهنية للمحماة وعندي 2 عامين ملي كملت دراستي وانا نقلب على وظيفة والله ماكاش باب مطرقتوش ومكاش مسابقة مجوزتهاش وكيما تعرفو الخدمة في بلادنا لازملها المعريفة لدالك هاد المرة رايحين يفتحوا اليمين القانونية في الجزائر يعني لحليف باش نمارس مهنة المحماة لكن المشكل هو انوا راني متخوفة بزاف من هاد المهنة من الجانب الديني خفت في يوم من الايام ندافع على شخص ظالم ونكون مشاركة ف عملية سجن شخص مظلوم لانوا كاين بزاف قالولي راهم دراهم حرام وانا لايمكن ابدا نتصور حياتي قائمة على مال حرام او اني نظلم شخص كما انو هناك مشكل اخر هو انوا كاين ناس راهم في المهنة قالولي مكاش خدمة ورايحة تقضي 6 اعوام الاولى كلها بلا خدمة لانوا الناس متعرفكش يعني راح تخلصي الكراااا بلا متدخلي حتى دورو وانا من عايلة ميسورة الحال يعني والله غير في الوقت الحالي راني نمد في الدروس الخصوصية للاطفال الصغار باش نتحصل على دخل صغير يمكني من التنقل للبحث عن عمل لداللك من فضلكم جاوبوني وانصحوني هل نحلف ونمارس هاد المهنة ام نبحث عن مهنة اخرى احسن لي خصوصا اني امراة لدالك من فضلكم ملقيت حتى شخص ينصحني وانتوما الملجا الوحيد ليا بعد صلاة الاستخارة لدالك لي قادر ينصحني ميبخلش عليا وان شاء الله ربي يرزقكم الجنة ان شاء الله

[bellaluna]

هناك القانون الجزائي و القانون الإقتصادي و غيره من الفروع فلست مطالبة بالدّفاع عن الأشخاص بل تستطيعين التخصص في القانون الدّولي أو المؤسساتي أو غيره..

[السي محمد]

مادام ما قدرتيش تخدمي بشهادتك

و قلتي من عائلة ميسورة

قوليلهم يسلفوك مبلغ صغير

افتحي مكتبة ...

اختاري شاب ثقة يعمل فيها ( يعرفه اخوتك )

و انت اقعدي في الدار مثل الملكة

الشاب يجد فائدة في عمله في المكتبة.

.وانتي الدراهم يدخلوا رصيدك من غير تعب


========

إلا إذا كنت مُصرّة على الخروج من البيت و العَمل ..فهنا ما عندي حتى نصيحة او رأي

[اسامة رحمون]

توكل على ربي وتبعيش كلام الناس

[راية الاسلام1]

السلاام عليكم
اختي انا ماعنديش معلومات كاافية في اختصااصك
استخيري احسن واستشيري اهل الاختصاص
واذا ماشافلكش ربي خير في هذا العمل اكيد رايح يبعدك عليه
موفقة

[HODHOD HADAHID]

عندي عمتي محامية فتحت مكتب مدة عامين وقفلاتو خاطر الخدمة مكانش يروحو غير للمحاميين الكبار وعمتي ماتحبش تحكم القضايا المتعلقة بالسرقة والخمر وووووو يعني ماتخدمش

وزاد شرط عليها راجلها ماتخدمش ضرك راهي ربة بيت بامتياز


الله يسهلك امورك

[pomaria_aindefla]

تقدري تحلفي و ديري ستاج ومن بعد ما تخدميش. إذا ما يحاسبوكش على الحليف معناه يقولوا لك لازمك تعملي كمحامية. تشاريكين في منصب متصرف إداري أو منصب مقتصد بمديرية التربية أو منصب أستاذة التكوين المهني درجة أولى. ز تقدري تسجلي في التكوين المهني تخصصات تقني سامي أو أي تخصص ينفح لك فيه . قلت لك تقني سامي لأنه تقدري تصبحين أسالذة تكوين مهني و تعملين كتقني سامي في الإدارات, أنا أعرف محامية سجلت في تكوين تخصص حلويات مدة التكوين سنة
https://www.mfep.gov.dz/fr/rentreesep...4/accueil..htm
إنقري على الولاية التي تريدين للعلم التسجيلات تنتهي في 21 سبنمبر المقبل

[wahiba T]

مشكورين كلكم على اخدكم سؤاللي بجد والاجابة عليه ربي ان شاء الله يفرحكم ويرزقكم بشىء لي راكم متمنينوا

[kamiloo2009]

استخيري وربي يوفقك