♥ تفضلي اختي ام توبة الوصفة بالصور ♥

لينة المتفائلة · 2014-06-01, 19:02

اول حاجة الكسكس نتاعها
حباتو تكون خشينة على الكسكس العادي
ممكن تستخدمي كسكس خشين لكن امي قامت بفتلها
بداتها بالكسكس الرقيق مع السميد حتى وصلت للحجم الذي تريده
هذا الكسكس

[IMG]

[/IMG]

وهنا بعد ما كملاتو
[IMG]

[/IMG]

هنا كانت حطاتو يفور بعد ما فتلاتو ديراكت حطاتو في الكسكاس في التفويرة الاولى ما ديرولو والو حطوه هكذاك يفور
[IMG]

[/IMG]

وهنا بعد ما كمل التفويرة الاولى نحيناه
دارتلو الماء و الملح و الزيت شوفو كيفاه بدا يضاعف الحجم نتاعو

[IMG]

[/IMG]
[IMG]

[/IMG]

رجعناه للكسكاس بعد ما درنالو الماء و الزيت و الملح
كي فور شوفو كيفاه عاد

[IMG]

[/IMG]
عاودنا نحيناه و زادتلو الماء و رجعاتو يفور للمرة الاخيرة
كي فور فرغناها هنا ولا الله يبارك كمية او حجما
[IMG]

[/IMG]
[IMG]

[/IMG]

كملنا الحبات نتاعنا
درك نروحو للصلصة نتاعو
سهلة متشدش ربع ساة و هي طابت لانو مفيهاش حاجة لي طول
نحتاجو البصل و الملح راس الحانوت فلفل احمر فلفل اخضر حار طماطم علب و طماطم حب و الزيت
البصل تقطع لانو ايلا برشتيها مراحش تولي صلصة نتع المفورة الفايدة كي تشوفي قطع البصل وانتي تاكلي فيها
[IMG]

[/IMG]
[IMG]

[/IMG]

ملاحظة البصل كي تقطعيها حطيها فوق النار بلا مديريلها حتى حاجة خليها تنشف مليح من الماء نتاعها
بعدها ديرولها الزيت بكمية مليحة مش تغرقوها في الزيت بصح متشحوش هههه اوكي
ونديرولها راس الحانوت و الملح و الفلفل الاحمر
[IMG]

[/IMG]
ونخليوها تتقلى
كي تتقلى نديرولها الطماطم مكعبات و المصبرة

[IMG]

[/IMG]
ونخليوها فوق النار حتى تدبل الطماطم و دوب
شوفو كيفاه ولات

[IMG]

[/IMG]
نحيو منها شوية في صحن على جنب
وناخدو الكسكس نتاعنا لي فورناه
والصور توضح
[IMG]

[/IMG]
[IMG]

[/IMG]
وهذا طبقنا النهائي
[IMG]

[/IMG]
[IMG]

[/IMG]

اممممممم شفتو شحال تشهي
يالله راني نستنا في التطبيقات
والله خفيفة ولديدة وسهلة متفتليش اشري الكسكس الخشن ونتي مطيبتها
الف صحة وهنا

لينة المتفائلة · 2014-06-01, 19:08

سوف يتم تعديل الصور اسفة على الخلط

لينة المتفائلة · 2014-06-01, 19:46

تم التعديل...

mounia hse · 2014-06-02, 00:52

يعطيك الصحة مي الصور رااااااااااااااااااهم كبار بزاااااااااااااااااااااااااااااااااااف
قعد نسنا فيهم حتى خرجولي
شفت الطبق نتاعك عندي قداااااااه عام وانا نحوس على الوصفة و لا على وحدة تعرف وحدة من الصحراء كليتو عند صاحبت ابنة عمي "من هذاك الوقت مازيتش شفتها " و عجبني بزااف مي هو شوية فيه لاصوص ماجاش شايح
فرحت بزاااف كي شفتو نجربو باذن الله
شكراااااااااااااااااااااااااااااااااااا
ربي يحفظك
نسيت كشما عندك وصفات تقليدية صحراوية اعطيهالنا
في انتظار جديدك

لينة المتفائلة · 2014-06-02, 09:06

شكرا لمروك اخهتي في انتظار تطبيقك مش مكلفة ومتشدش الوقت
ايه راح نحط البندراق اكلة تقليدية نتاعنا تانيك
وكاين المطاوي لي هو المسمن وكاين المرورة بصح منقدرش نوعدكم نحطها لانو نديروها في البرد و البركوكش ان شاء الله حتال عيد الاضحى باه نحطهالكم تجي بالبوزلوف
ايه اختي الصورر اسمحولي والله عييت وانا نحوس على موقع نحط منو الصور خاطر كل ما ندير في موقع ما يخرجوليش من قوة النت ثقيلة

om djawad · 2014-06-02, 09:34

تبارك الله عليك رووووووووعة

hanane310 · 2014-06-02, 09:59

شكرا حبيبتي فتحتيلنا الشهية

لينة المتفائلة · 2014-06-02, 10:00

شكرا ليك اختي على المرور

mounia hse · 2014-06-02, 10:13

اقتباس:

المشاركة الأصلية كتبت بواسطة لينة المتفائلة

شكرا لمروك اخهتي في انتظار تطبيقك مش مكلفة ومتشدش الوقت
ايه راح نحط البندراق اكلة تقليدية نتاعنا تانيك
وكاين المطاوي لي هو المسمن وكاين المرورة بصح منقدرش نوعدكم نحطها لانو نديروها في البرد و البركوكش ان شاء الله حتال عيد الاضحى باه نحطهالكم تجي بالبوزلوف
ايه اختي الصورر اسمحولي والله عييت وانا نحوس على موقع نحط منو الصور خاطر كل ما ندير في موقع ما يخرجوليش من قوة النت ثقيلة

في الانتظار اختي
بالنسبة للصور صغريهم بpaint
يعطيك الصحة و الف شكر على الوصفة نديرها باذن الله

لينة المتفائلة · 2014-06-02, 10:25

ممكن اختي تقوليلي الطريقةر لاني راح نحط البندراق ومش حابة نحطهم كبار

mounia hse · 2014-06-02, 11:25

اختي العزيزة تبعيني "بالنسبة للصور التوضحية راني ماصغرتهاش باش يكون الشرح ساهل"
تروحي لصورة نتاعك و تروحي ouvrir و تكليكي على paint

راح تخرج الصورة كيما هكذا

lو مبعد روحي redimensionner كليكي عليها راح تخرجلك بلاك فيها pourcentage et pixels انت تروحي يكليكي على pixels

mounia hse · 2014-06-02, 11:37

شفتي la zone لضللتها تروحي تكتبي فيها قداه انت حابة تصغري الصورة و لا تكبريها انا نحب الابعاد تكون 600 و مبعد نضغط على ok

mounia hse · 2014-06-02, 11:41

و مبعد تروحي fichier تنزلي enregistrer sous

لينة المتفائلة · 2014-06-02, 11:52

الف الف شكر لكي اختي شرح وافي انتظروني مع الموضوع الجديد

mounia hse · 2014-06-02, 11:53

تروحي image sous format JPEG
و تكليكي عليها و تشوفي وين حابة تحفظي الصورة و مبعد تروحي لأي مركز تحميل و تحمليها وين حفظتيها

واسمحيلي كاين صور صغرتهم خفت لميخرجولكش كي كونو كبار و اي سؤال راني في الخدمة

سلااااااااااام

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري