بسرعــة تـــــارت بالغـــــرس حاجة جديدة عمركم مذقتوها

الصوامعية · 2012-06-02, 09:06

[IMG]

[/IMG]

اليوم راني جبتلكم تارت هاااااااااايلة كليتها عند وحدة صحبتي قالتلي نستعرف بيك لوكان تعرفي باه مخدومة جبدتلها كامل المكونات لحسيت بيهم في التارت الكاكاو - القرفة - ماء الزهر - شوكولاطة مقطعة قطع صغيرة ......كي شفتني عيت ومعرفتش خبرتني بالسر وهو الغـــــــرس الحاجة الوحيدة لمذكرتهاش فعلا تارت هايلة تستحق التجربة قبل ما نخليكم مع المقادير نقول لصحبتي و زوجها الكريم لكم مني أجمل تحية وتقدير ربي يحفظكم ويخليكم لبعضكم

المقـــــــــــــــادير

- 250 غ مرغرين طرية
- 500 غ غـــــرس
- 3 مغارف كبار سكر قلاصي
- 3 حبات بيــــــض
- شكارة ونصف خمارة كميائية
- فرينة أقل من 9 مغارف كبار

ملاحظة : إذا تحبي التارت جي خفيفة كيما المسكوتشو نقصي الفرينة حوالي 6 مغارف إلى تحبيها شويا ثقيلة حوالي 9 مغارف

التحضيـــــــــــــــــر

في صحن نخدم المرغرين مع الغرس باليد نزيد السكر ثم البيض ونخلط بالباتور مليح نزيد الفرينة مع الخمارة نديرها في مول مدهون بالزيت أو ورق الزبدة نفرغ الخليط ندير في يدنا شويا زيت ونسقم وجه التارت ندخلها للفرن حتى تنشف حوالي 20 د كي تبرد شبحوها بالسكر قلاصي باه تحسو بالذوق نتاع الغرس وكاش نهار كي تبغو تعاودوها درولها واش تحبو نتمنى تجربوها
السنيوة أو المول لدرت فيه 30/25 سنتمتر

[IMG]

[/IMG]

[IMG]

[/IMG]

نتمنى تكون عجبتكم التارت نطلب من كل وحدة دخلت لموضوعي تدعي للعزيزة أم خديجة بالشفاء العاجل وترجع تنورلنا المنتدى بوصفاتها الجميلة ونهديها هذا الصحن لشبحتهولها خصيصا لها بالتمر باه تبرا بسرعة

[IMG]

[/IMG]

موج و صخر · 2012-06-02, 09:15

اهلا بالصوامعية
و شكرا لك على الشرح الوافي و الصور الجميلة و الواضحة
الطارط باينة تهبل
و حاجة جديدة بربي ان شاء الله نجربها
جزاك الله كل خير حبيبتي

الصوامعية · 2012-06-02, 14:01

اقتباس:

المشاركة الأصلية كتبت بواسطة موج و صخر

اهلا بالصوامعية
و شكرا لك على الشرح الوافي و الصور الجميلة و الواضحة
الطارط باينة تهبل
و حاجة جديدة بربي ان شاء الله نجربها
جزاك الله كل خير حبيبتي

العفو عزيزتي موج و صخر شكرا على التشجيع ودخولك الأولى للموضوع تستاهلي هذا الصحن إن شاء الله تجربيها وتعجبك

[IMG]

[/IMG]

sisi 26 · 2012-06-02, 09:21

دائما متميزة
رووووووووووعة تستحق التجريب حاجة جديدة
شكرا مرة أخرى

الصوامعية · 2012-06-02, 14:04

اقتباس:

المشاركة الأصلية كتبت بواسطة sisi 26

دائما متميزة
رووووووووووعة تستحق التجريب حاجة جديدة
شكرا مرة أخرى

أهلا بالعزيزة sisi 26 دائما منورتني بردودك الجميلة إن شاء الله تتوفقي في تحضيرها

أنا أمهم · 2012-06-02, 09:22

ماشاء الله عليك و على صاحبتك (ربي يهنيها مع زوجها) التارت رووووووعة من مكوناتها ظاهرة بنييييييييييينة
و طريقة تقديمك روعة

و يا ربي يشفي أختنا أم خديجة , يا رب الناس أذهب البأس و إشفها شفاء لا يغادر سقما , يا حي يا قيوم. و يا ربي إشفي كل مرضى المسلمين.

الصوامعية · 2012-06-02, 14:07

اقتباس:

المشاركة الأصلية كتبت بواسطة أنا أمهم

ماشاء الله عليك و على صاحبتك (ربي يهنيها مع زوجها) التارت رووووووعة من مكوناتها ظاهرة بنييييييييييينة
و طريقة تقديمك روعة

و يا ربي يشفي أختنا أم خديجة , يا رب الناس أذهب البأس و إشفها شفاء لا يغادر سقما , يا حي يا قيوم. و يا ربي إشفي كل مرضى المسلمين.

أهلا بالغالية أنا أمهم شكرا على التشجيع المستمر لي دائما حاضرة بقوة في مواضيعي ربي يحفظك