راكي معروضة

منهاج · 2012-05-21, 19:48

السلام عليكم

راه وقت لعراس نقولو لكل لي راه اعراسهم بالبركة وربي يهنيكم ، في وقتنا كلشي اختلف

حتى العرضة للعرس اختلفت اصبحت بالهاتف وبطاقات الدعوى هدا شيء جميل ويوفر الكثير من

الوقت لان اصحاب العرس لهم مشاغل كثيرة ، ولكن الكلام في طريقة العرضةلي ولاو يكلفو ناس أغراب

يكتبو ليهم العنوان في البطاقة يعرضو مكانهم عرضة من فوق القلب كيما نقولو " عرضة تاع كذب"حتى ما

يكتروش على انفسهم الناس بطريقة غير مباشرة. او يعرضو كبير البيت او كبيرة البيت فقط ويمدولها

بطاقة ليها او ليه باقي افراد العائلة لا ياتي

وااااااااااااااااااش رايكم تهمني ردودكم

الجليس الصلح · 2012-05-21, 20:44

يا حسراه زواج اليوم الزوخ فالزوخ والعرضة للمعارف وللواقف القليل رماوه حتى السلام ما يردوش عليه الزواج صار تبذير كبير الله يبارك فالقليل المهور راهي قليلة ربي يحفضنا من هذي الشوفات

منهاج · 2012-06-13, 18:26

السلام عليكم

صح الناس راها مظاهر ويعاملو الناس بالظاهر ، حتى لي ما عندهش ولا يكلف روحه فوق اللازم ونسو لب الموضوع وهو بناء

اسرة على نهج الرسول صلى الله عليه وسلم

الامل بالله · 2012-06-13, 19:56

الصراحة حنا عندنا اذا معرضوش كبير العائلة شخصيا و خاصة الرجال النساء ميروحوش للعرس يا لوكان العرس نتاع اختك

منهاج · 2012-06-13, 20:31

اقتباس:

المشاركة الأصلية كتبت بواسطة الامل بالله

الصراحة حنا عندنا اذا معرضوش كبير العائلة شخصيا و خاصة الرجال النساء ميروحوش للعرس يا لوكان العرس نتاع اختك

شكرا على مرورك الاخ الامل بالله هادو هوما الرجال تاع الصح حتى حنا عندنا كي يرعض كبير العائلة تتسمى

كبر بيه و وقيمه وحابه يحضر من قلبه مشي عرضة تاع الكدب كيما نقولو خوفا من اللوم والعتاب فيما بعد

الامل بالله · 2012-06-14, 09:50

اقتباس:

المشاركة الأصلية كتبت بواسطة منهاج

شكرا على مرورك الاخ الامل بالله هادو هوما الرجال تاع الصح حتى حنا عندنا كي يرعض كبير العائلة تتسمى

كبر بيه و وقيمه وحابه يحضر من قلبه مشي عرضة تاع الكدب كيما نقولو خوفا من اللوم والعتاب فيما بعد

حتى انا اشاطرك الراي فيما قلتي لكني اخت و ليس اخ

منهاج · 2012-06-14, 19:40

اقتباس:

المشاركة الأصلية كتبت بواسطة الامل بالله

حتى انا اشاطرك الراي فيما قلتي لكني اخت و ليس اخ

شكرا على ردك اختي الامل بالله واسمحلي كي غلطت فيك وحسبتك شير ومرحبا بك اختي

ghada91 · 2012-06-14, 19:49

السلام عليكم

و الله صراحة عجبني الموضوع بزاف

خاصة و انو رانا في موسم الاعراس

و الكورتاجات راهي دايرة حالا عندنا

نتي ختاريتي الاعراس من زاوية العرضة

ايه مالا نقولك بنت جوارينا السمانة اللي فاتت تزوجت و و الله ما عرضتني

ديجا انا صحبتها و قرينا مع بعض فالليسي

بصح ما عليش ربي يسامحها

عرضت غير les amies antimes كيما راهم يقولو

هههههههه يما تقولهم : les amies intique

ههههههههههههههههههههههه

و الله كلشي ولا فيه البيستو

حتى العرضة راهي بالكتاف ربي يجيب اللي فيه الخير

بالعكس انا نتمنى كل الناس يجو في عرسي

هكا يونسوني كثر و كثر

ربي يجيب اللي فيه الخير

منهاج · 2012-06-15, 21:44

اقتباس:

المشاركة الأصلية كتبت بواسطة ghada91

السلام عليكم

و الله صراحة عجبني الموضوع بزاف

خاصة و انو رانا في موسم الاعراس

و الكورتاجات راهي دايرة حالا عندنا

نتي ختاريتي الاعراس من زاوية العرضة

ايه مالا نقولك بنت جوارينا السمانة اللي فاتت تزوجت و و الله ما عرضتني

ديجا انا صحبتها و قرينا مع بعض فالليسي

بصح ما عليش ربي يسامحها

عرضت غير les amies antimes كيما راهم يقولو

هههههههه يما تقولهم : les amies intique

ههههههههههههههههههههههه

و الله كلشي ولا فيه البيستو

حتى العرضة راهي بالكتاف ربي يجيب اللي فيه الخير

بالعكس انا نتمنى كل الناس يجو في عرسي

هكا يونسوني كثر و كثر

ربي يجيب اللي فيه الخير

شكرا اختي ghada لمرورك: كيما قلتي ختي حتى العرضة راها لناس وناس وصحبتك هي الخاسرة كي ما

عرضاتكش لانو نتي رايحة تفرحي معاها ما رايحة تديلها ولا تنقسي ،وانشاء الله ربي يرزقك بولد الحلال

الصالح وعرضي القريب والبعيد لانو فرحة هداك النهار وحبابك دايرين بيك لا تقدر بثمن وما تخافيش حتى حنا

ناس الجلفة رانا معاك غير وسعي مكان العرس هههههههههههههه

مريم الصابرة · 2012-06-14, 21:52

السلام عليكم اختي شكرا جزيلا على الموضوع يا ختي الزمان تبدل كيفاه حبيتي العرضة ما تتبدلش انا زمان نشفى كانت تجي يماة العريس او العروس ورافدة الورد من كل دار اللي عرضتهم الورد وتعرض كل الافراد وتحلل باه نجو الآن بالتلفون ولافامي يعرضونا كالي رانا اغراب للصالة ديركت والاطفال لالا الصراحة انا ما نروح ما نحوس نفهم عليهم ولما نتزوج نعرضكم كامل نجي ليكم لبيوتكم بالواحد وما تخميش ارواحو كامل وخاصة الذراري ونديرلهم صبدي يا بابا سناني واواو هههههههههههه شكرا

منهاج · 2012-06-15, 21:53

اقتباس:

المشاركة الأصلية كتبت بواسطة مريم الصابرة

السلام عليكم اختي شكرا جزيلا على الموضوع يا ختي الزمان تبدل كيفاه حبيتي العرضة ما تتبدلش انا زمان نشفى كانت تجي يماة العريس او العروس ورافدة الورد من كل دار اللي عرضتهم الورد وتعرض كل الافراد وتحلل باه نجو الآن بالتلفون ولافامي يعرضونا كالي رانا اغراب للصالة ديركت والاطفال لالا الصراحة انا ما نروح ما نحوس نفهم عليهم ولما نتزوج نعرضكم كامل نجي ليكم لبيوتكم بالواحد وما تخميش ارواحو كامل وخاصة الذراري ونديرلهم صبدي يا بابا سناني واواو هههههههههههه شكرا

شكرا اختي مريم الصابرة لمرورك: كلشي تبدل عراس بكري كانو يحالو باش الناس تفرح معاهم وتقوم

بالعرس ولكن الان بالرغم من التقدم وليصال لانو الدعوة جي سامطة ، وربي يرزقك بولد الحلال في

القريب العاجل ونجي انشاء الله نفرح معاك .

jackin · 2012-06-16, 00:43

لكل من هو مقبل
على الزواج
" ومن أياته ان خلق لكم من أنفسكم أزواجا لتسكنوا إليها , وجعل بينكم مودة و رحمة، إن في ذلك لآيات لقوم يتفكرون"

وذرية صالحة
إن شاء الله

منهاج · 2012-06-16, 20:59

[QUOTE=jackin;10441219]

لكل من هو مقبل

على الزواج
" ومن أياته ان خلق لكم من أنفسكم أزواجا لتسكنوا إليها , وجعل بينكم مودة و رحمة، إن في ذلك لآيات لقوم يتفكرون"

وذرية صالحة
]

شكرا لمرورك الاخت jackin :ربي يحفظك و يبارك لكل عروسين وربي يرزقهم بالدرية الصالحة

منهاج · 2012-06-17, 18:32

اقتباس:

المشاركة الأصلية كتبت بواسطة زهرة البيت

أنا نقول كل واحد وظروفوا لأن العرس ولا صعيب ومكلف علاهادي الناس عادت تعرض غير الكبار ولا لانتيم كيما راكم تقولوا

السلام عليكم اختي زهرة البيت : صحيح راه كاين ناس مساكين راهم بسيف يلايمو مهر العروس وحقوقها

المادية هادو ما يعرضوش قاع وماعليش يديرو غير عرس بيناتهم والمهم الشير بنا دار وستر نفسه ،ولكن

انا راني نتكلم على لي عندهم وخاسرين الملايير وكي جي في هدا الموقف تاع العرضة يخسرو كلشي

ويبدلو العقلية نتمنى تكون فهمتي قصدي سلام.

فتـ حييةـاة · 2012-06-15, 01:04

اللي ماعرضك هناك