مساكين..........

ghada91 · 2012-05-13, 19:01

السلام عليكم

ياخي رانا في ماي

الناس كامل دات العطلة و ريحت

بقاو غير ذوك الذراري مساكين

اللي يقراو فالابتدائي

ربي يكون في عونهم مساكين
يقراو صباح و عشية

مع العلم ان البرنامج كمل

الصباح ماعليش بصح العشية بزااااااف

السخانة راهي تأثر عليهم

واحد دايخ و لاخر يرعف

و واحد خااارج مجال التغطية

هههههههههههههههههههههه

جا قرار من عند وزير التربية يقولك الاختبارات حتى ل17 جوان

علاش هوما التوالى اللي يدو العطلة؟؟؟

و الله مساااااااااااكين

واش رايكم؟؟؟

رانيس نستنا في تعليقاتكم

محمد...عبد النور · 2012-05-13, 19:36

السلام عليكم و رحمة الله أختي غادة
و الله مساكين
تقولي هاذوا المسؤولين على قطاع التربية ما يعرفون الذراري كي العجين تجي شوية شمس يذون و خف خف يمرض
راهم يقولوا المعلمين غير مريحين خلوهم يخدموا ههههههههههههههههههههه
و الاولياء يتهناو من الضجيج نتاعهم باه يقيلوا مليح هههههههههههههههههههه
الله أعلم وين راها عقولهم و فهامتهم
ربي يكون في عونكم
بارك الله فيك أختي و ؤربي ييسر لكم امر العمل
تقبلي مروري
ســـــــــــــــــــــــــــــــــــــلام

ghada91 · 2012-05-13, 19:40

آآآآآآآمين

و الله خويا لذريق مارانيش عارفة علاش حاسدينا حنا المعلمين

دايمن يقولولنا راكم غير مريحين

و نحونا الضرب السنا مين زاد عدد المنتحرين

قالك ممنوع تقزعي و ممنوع تزعفي على التلميذ

ايه مالا نخلوهم على هواهو

و اللي قرا قرا و اللي ما قراش ربي يسهل عليه

هوما راهم يضغطو علينا باش نذكرو هاذ المقولة

و الله عندهم الصح كي يقولك اللي قرا قرا بكري

مريم الصابرة · 2012-05-13, 19:43

السلام عليكم اختي والله صح مساكن عندي 2 بنات ختي يعيطولي فالتلفون يبكو كرهنا القراية السخانة والملاصة مقابلة الشمس يغيضوني
واش من وزير التربية يرحم باباك كاش واحد حاس بلاخر ماكانش يقرر ويمضي وبس هذا مكان ربي يكون في عونهم انا زمان كنت صغيرة فالصيف مانروحش نقرا مع العشية ههههههههه كنت ديما ندير السبة راني ندوخ راني نرعف وبابا الله يرحمو يخاف عليا بزاف يقولي الله لا قرات أقعدي ههههههههه كانو يامات شكرا فكرتيني

ghada91 · 2012-05-13, 19:45

اقتباس:

المشاركة الأصلية كتبت بواسطة مريم الصابرة

السلام عليكم اختي والله صح مساكن عندي 2 بنات ختي يعيطولي فالتلفون يبكو كرهنا القراية السخانة والملاصة مقابلة الشمس يغيضوني
واش من وزير التربية يرحم باباك كاش واحد حاس بلاخر ماكانش يقرر ويمضي وبس هذا مكان ربي يكون في عونهم انا زمان كنت صغيرة فالصيف مانروحش نقرا مع العشية ههههههههه كنت ديما ندير السبة راني ندوخ راني نرعف وبابا الله يرحمو يخاف عليا بزاف يقولي الله لا قرات أقعدي ههههههههه كانو يامات شكرا فكرتيني

صح و الله يامات الطفولة رووووعة
انا كانو يحاوزوني
روحي تقراي

ههههههههههههههههههه

محمد...عبد النور · 2012-05-13, 19:51

الحمد لله على كل حال
المعلمين راهم في السيبلة كيما يقولوا و وزير التربية كلش كمل عليه كلش خلاه و ذراه
درك الطفل الصغير يعمروله راسه من الصغر مكاش لي يهدر معايا و مكاش لي يضربني تسمى مين يكبر يدير رايه
درك هو ما يعرفش المصلحة نتاعه و لو بالضغط و الضرب لازم نوصلوله المعلومات و المفاهيم
اما ليا تركناه ما تفراش ، الامر لي نقولوهله ما يتصنتش
وين يوصل و شا يخرج مستقبلا
سياسة نتاع تجهيل راهم ينشروا فيها و بتواطئ الجميع
الشعب ليا غلات البطاطا يشتكي و لا ولده يشوف فيع اعمى ما علابالهش
ايهما الاهم الولد و لا البطاطا و حتى المسؤولين يعرفوا بلي السفينة راها تغرق بالجميع لكن لا احد يتكلم تقولي ذا بن بوزيد منزل من السماء
لكن لكل اجل كتاب و النتائج راهي تبان بالشوية نتاع هذا الوزير و الاتي علقم
اللهم انا نجعلك في نحورهم و نعوذبك من شرورهم
نتوما ربي يكون في عونكم و علا بالي بزاف اللي نعرفهم و الله صادقين و يبذلون النصيحة لهذا النشئ
ربي يوفقكم فرسالة المعلم و الاستاذ نبيلة الراد اناس تضليلها
ربي يكفينا شرورهم و يصلح الامور و يهدينا لما فيه خير العباد و البلاد

شكرا على الموضوع المهم
، رؤبي يكون في عونك و يقدرك على الخير
ســـــــــــــــــــــــــــــــــــــــــلام

ghada91 · 2012-05-13, 19:54

آآآآآآآآآآآآآآآآآآآمين كل يوم دعيلي خويا لذريق

بالاك كانش نهار تكون الملايكة تسمع فيك و توصلها لربي

هههههههههههه

و الله كل كلمة من عندك راها توزن فوق الميزان كثر من قنطار

يعطيك الصحة

ربي يهدي بن بوزيد و اعوانو

انا نظن بهاذ السياسة رايحين يطبقو القانون تاع انو الولد كي يبلغ 18 سنة ما تتدخلش فيه

و زيد يا بوزيد ...........................

محمد...عبد النور · 2012-05-13, 20:05

ربي يبارك فيك أختي غادة و يرزقك الثبات و الحلم و الصبر
في وقتنا رانا لي نعرفوه نديروه و الامر الخاطي نتركوه
كاين لي يقولك ما علاباليش ، حرام عليه ، يعني هو يبغيها و يرضاها لولاده ، ربي يهدينا
الله يجعلنا من المقبولين
المهم ربي يرزقككل خير أختي الكريمة و ربي يوفي لك كل لي تتمنايه عاجلا غير آجل و كل أعضاء المنتدى
فقط ما تنسايناش نتي بدعائك
في امان الله
المغرب راه الان يأذن في وهران درك الى الغد
ســــــــــــــــــــــــــــــــــــــلام

ghada91 · 2012-05-13, 20:23

اقتباس:

المشاركة الأصلية كتبت بواسطة لذريق

ربي يبارك فيك أختي غادة و يرزقك الثبات و الحلم و الصبر
في وقتنا رانا لي نعرفوه نديروه و الامر الخاطي نتركوه
كاين لي يقولك ما علاباليش ، حرام عليه ، يعني هو يبغيها و يرضاها لولاده ، ربي يهدينا
الله يجعلنا من المقبولين
المهم ربي يرزقككل خير أختي الكريمة و ربي يوفي لك كل لي تتمنايه عاجلا غير آجل و كل أعضاء المنتدى
فقط ما تنسايناش نتي بدعائك
في امان الله
المغرب راه الان يأذن في وهران درك الى الغد
ســــــــــــــــــــــــــــــــــــــلام

هاذا وين فهمت علاش ذكرت**وهران**

خويا انا من تيارت ماشي من وهران

ghada91 · 2012-05-13, 20:08

ربي يتقبل

الى الغد ان شاء الله

z.abdo · 2012-05-13, 20:29

السلام عليكم

شكرا على الموضوع كذالك نقلك هلا بعودتك لأنك اصبحتي تتغيبي على المنتدى ليس مثل العادة

ووصلني خبر انك زعفانة لأنه حذف موضوع لك لكني لم أرى هذا الموضوع او لا أتذكر عنوانه

أما بالنسبة للقراية نتاع العشية أ حتى لجوان نقول ان وزير التلابية عندو حق

لأنو راه يخلص فيكم من جيبو أو دراهم باباه

يعني مثل هذا الخدام اللي يحرث عليه صاحب العمل كيما يقولو يحرر دراهمو يخي وزير آخر زمان

يعمل أشياء والله لا تدخل العقل

كذالك مرة سمعت بما يعرف النشاطات اللاصفية بما أنك انت معلمة اكيد تعرفيها

سمعت انه يعلمو فيها الأناشيد والمسرحيات والشطيح للذراري ههههههههههههههههه

وهذا في يوم الثلاثاء العشية يعني من المفروض وقت راحة لكن سيد الوزير حاب يبتكر شيء في وزارته

في الأوربيين يبتكرو الصواريخ والبحث العملي
والسيد الوزير يبتكر في وقت راحة العمال نشاطات على حساب راحة المعلم

والله ربي يهديه والله المعلمين مساكين مضدهدين من طرف وزيرهم

وزيرهم وراكم علابالكم ممنوع ظرب التلميذ القطرة التي أفاضت الكأس

أختي غدى ربي يكون في عوتكم

تقلبو مروري

ghada91 · 2012-05-14, 20:42

اقتباس:

المشاركة الأصلية كتبت بواسطة z.abdo

السلام عليكم

شكرا على الموضوع كذالك نقلك هلا بعودتك لأنك اصبحتي تتغيبي على المنتدى ليس مثل العادة
و الله خويا كنت لاهية غير مع القاطو و نصور فيه و حالتي لاحالة
من بعد جبت الصور للمنتدى
اذا حبيت روح شوفو باش تديرهلك ختك و لا يماك
عنوانو**gateau froid بالصور من تحظيري**
ووصلني خبر انك زعفانة لأنه حذف موضوع لك لكني لم أرى هذا الموضوع او لا أتذكر عنوانه

أما بالنسبة للقراية نتاع العشية أ حتى لجوان نقول ان وزير التلابية عندو حق

لأنو راه يخلص فيكم من جيبو أو دراهم باباه

يعني مثل هذا الخدام اللي يحرث عليه صاحب العمل كيما يقولو يحرر دراهمو يخي وزير آخر زمان

يعمل أشياء والله لا تدخل العقل

كذالك مرة سمعت بما يعرف النشاطات اللاصفية بما أنك انت معلمة اكيد تعرفيها

سمعت انه يعلمو فيها الأناشيد والمسرحيات والشطيح للذراري ههههههههههههههههه

وهذا في يوم الثلاثاء العشية يعني من المفروض وقت راحة لكن سيد الوزير حاب يبتكر شيء في وزارته

في الأوربيين يبتكرو الصواريخ والبحث العملي
والسيد الوزير يبتكر في وقت راحة العمال نشاطات على حساب راحة المعلم

والله ربي يهديه والله المعلمين مساكين مضدهدين من طرف وزيرهم

وزيرهم وراكم علابالكم ممنوع ظرب التلميذ القطرة التي أفاضت الكأس

أختي غدى ربي يكون في عوتكم

تقلبو مروري

شكرا اخي عبوووووووووووووووود

و الله كلامك جواهر كيما يقولوا

ياااااااه على النشاطات اللا صفية
لوكان نخبرك واش راهم يعلمو فينا
يا الداما.....
يعني الشطرنج
قالك راهي تقوي الذاكرة و الاطفال يولو اذكياء

الله يجيب الخير برك
مارانيش حابة نقري هاذ النشاطات
ماعليش ينحولي من الخلصة و ما نديرهاش
و الله راهم يلعبو بينا كيما حبو

z.abdo · 2012-05-14, 23:42

اقتباس:

المشاركة الأصلية كتبت بواسطة ghada91

شكرا اخي عبوووووووووووووووود

و الله كلامك جواهر كيما يقولوا

ياااااااه على النشاطات اللا صفية
لوكان نخبرك واش راهم يعلمو فينا
يا الداما.....
يعني الشطرنج
قالك راهي تقوي الذاكرة و الاطفال يولو اذكياء

الله يجيب الخير برك
مارانيش حابة نقري هاذ النشاطات
ماعليش ينحولي من الخلصة و ما نديرهاش
و الله راهم يلعبو بينا كيما حبو

ههههههههههههههههههههههههه
احمدي ربي على الداما (شطرنج) خير من يقلك سي بنبوزيد ديرلهم لايروبي هههههههههههههههههههههه

jackin · 2012-05-15, 00:51

الله يكون في عون الجميع

اميرة الجزائر2010 · 2012-05-14, 12:38

الى الغد اختي غادة هههههههههههههههه