واخيرا نجحلي البسكوي غولي ........

[ام انس5]

جربت جربت حتى نجحليوجبتلكم تشوفو ....
ودوكا راني ندير ونعاود فيه .











اولا مقادير العجينة درت .
5 بيض .كاس ناقص اصبع فرينة .كاس ناقص اصبع نشا وكاس ناقص اصبع سكر رطب .نصف باكي خميرة نوارة .هاد السر الاول ماكنتش ندير الخميرة وماكانتش تطلعلي .
نضرب البياض مع قرصة ملح والصفار مع السكر ثم نضيفهم لخليط الفرينة والنشا والخميرة ونحاول نخلط من تحت للفوق باش مانكسرش البيض .
وبعدها نسخن الفرن حوالي 15 د ونفرغ الخليط في بلا كبير تاع الكويزينياغ يكون مغلف بورق المنيوم ولا ورق الزبدة مدهون بالزيت ومرشوش بالفرينة .
وندخل البلا للفرن تكون درجة الحرارة 170 درجة .ولمدة 15 د قيس ما ياخد اللون الوردي اي ما يحمارش بزاف وشعلتلو الفرن من الفوق بلا ما يحمار المهم ديري سكين فالعجين يخرج ناشف هكدا يكون طاب .
قلبت البلا على منشفة مندية وروليت وخليتو حوالي 10 د يشد الشكل ديالو .ثم شربتو بشاربات باردة ودرت لا كرام شانتيي وعاودت روليت البسكوي ثم الشوكولا وكل واحدة ولمستها .
الخطا الثاني كنت نطيب البسكوي بزاف كي نجي نروليه يتكسر
والخطا الثالث يكون الخايط شوي ونيرو في بلا كبييير
المهم خواتاتي هاد الكمية جي في بلا كبير تاع الكويزينياغ .
ان شاء الله تجربوه حبيباتي وينجح لكل واحدة عانات معاه كيما عانيت معاه .
واي استفسار راني هنا.

[ايام متمردة]

ما شاء الله لوكان ما تعشيتش كنت نجي عندك
رائععععععععععععع والتزيين اروع بهادوك الفريزات و الكيويات امممممممم

[أريج الأمل]

روعه امممممممممممممممممم
كيفاش درتي حتى نجحلك يا اختي

[himanlogine]

ما شاء الله روعة اختي أم أنس بارك الله فيك شحال نموت في البسكوي غولي و علاش درتي فيا هاك مع الصباح حرام عليك شهيتيني.........تاكلوها بالصحة و الهنا

[ملاك7]

ما شاء الله روعة

[ادرارية]

ما شاء الله روعة

[linat]

يسلمو اديكي حبيبتي

[ام انس5]

المشاركة الأصلية كتبت بواسطة ايام متمردة

ما شاء الله لوكان ما تعشيتش كنت نجي عندك
رائععععععععععععع والتزيين اروع بهادوك الفريزات و الكيويات امممممممم

بارك الله فيك حبوبتي على مرورك الجميل وحقك راه مخبي ارواحي حنونة .

المشاركة الأصلية كتبت بواسطة أريج الأمل

روعه امممممممممممممممممم
كيفاش درتي حتى نجحلك يا اختي

الله يسلمك اختي .بارك الله فيك حبيبتي على مرورك الرائع .
والطريقة حطيتها جربيها اختي واي استفسار نجاوبك عليه .

المشاركة الأصلية كتبت بواسطة himanlogine

ما شاء الله روعة اختي أم أنس بارك الله فيك شحال نموت في البسكوي غولي و علاش درتي فيا هاك مع الصباح حرام عليك شهيتيني.........تاكلوها بالصحة و الهنا

مشكوووورة اختي على مرورك ارواحي نرفدك بعينيا ونشبعلك البسكوي غولي راني ندير فيه ونعاود :d:d:d

المشاركة الأصلية كتبت بواسطة linat

يسلمو اديكي حبيبتي

الله يسلمك اختي الحبيبة .

[زنجبيل11]

روووعة يعطيك الصحة انا كل مرة نقول نجرب و ما جربتوش نخاف ما ننجحش

[nournour59]

ما شاء الله خرجلك هايل

[بنت عين وسارة]

الله يبارك حنونة

[موسى2207]

مبارك عليك النجاح افيدينا باسراره

[myliss]

baraka laho fik ana daiman njarbo mais jamais yosloh hata nebki

[mamatou]

واوووووووووو خرجلك روعة يعطيك الصحة من فظلك اعطيني الوصفة باه نجربو

[ام انس5]

المشاركة الأصلية كتبت بواسطة nournour59

ما شاء الله خرجلك هايل

انت الهايلة حبيبتي ومشكورة على تنويرك صفحتي .

المشاركة الأصلية كتبت بواسطة زنجبيل11

روووعة يعطيك الصحة انا كل مرة نقول نجرب و ما جربتوش نخاف ما ننجحش

جربيه اختي يستاهل التجربة بنين .تقيدي بالطريقة جيدا وان شاء الله ينجحلك من اول تجربة .مشكورة حبيبتي على مرورك العطر .

المشاركة الأصلية كتبت بواسطة بنت عين وسارة

الله يبارك حنونة

يبارك فيك حبيبتي .

المشاركة الأصلية كتبت بواسطة موسى2207

مبارك عليك النجاح افيدينا باسراره

الله يسلمك حنونة هكدا مالازمش نستسلموا من اول محاولة هههه.والطريقة راني حطيتها واي سؤال اختي راني هنا .

المشاركة الأصلية كتبت بواسطة myliss

baraka laho fik ana daiman njarbo mais jamais yosloh hata nebki

مشكورة اختي .عاودي جربيه وان شاء الله ينجحلك هاد المرة .انا تاني كنت وين انجربو يخسرلي يضحك عليا راجلي ودوكا ولا ياكل ويشكر .قالي جا خير من تاع المحلات هههههههه.

المشاركة الأصلية كتبت بواسطة mamatou

واوووووووووو خرجلك روعة يعطيك الصحة من فظلك اعطيني الوصفة باه نجربو

الله يسلمك اختي .انت اللي روعة حبيبتي بطلتك البهية .