لماذا قلتم لنا الزواج صعب.....

*سلامة* · 2012-04-03, 16:30

السلام عليكم
احببت أن أقول اولا أنني لا اعرف في أي خانة يوضع هذ االموضوع ؟!!
ممكن في منتدى الحياة الزوجية أو ربما المشاكل الاجتماعية إذا كانت موجودة

ثانيا
ياجماعة
لم أفهم هذا !!!!!!!!!!!!!! لماذا خدعتوني ولم تقولوا ان الزواج سهل ومازلتم تخيفوننا

صرنا نسمع في اليوم عشرات التذمرات من الشباب ، اما حول السكن او عن الزواج
حتى صارت طموحات شباب اليوم محصورة بين السكن والزواج

لكن اكتشفت البارحة فقط ان الزواج ، لايتطلب هذا القلق كله (تقول راح تخلى لبلاد)
اعلم انكم تقولون

اني من المجانين ، او اننا لا نعيش في نفس البلاد
اشرح لكم

البارح ، على الساعة 17,00 اتصلت بإحدى قريباتي ، فلاحظت من صوتها انها تعبانة وكانها كانت في الخارج وجاءت مسرعة ، فسألتها عن هذا الامر ، فاجابتني بكل هوانة و هوادة وبكل سلاسة و هي تضحك
ان اخاها تزوج ، وانها جاءت الان فورا من بيت العروس ، واحظروها ,
الى حد الان يبدو الامر عادي جدا
لكن الامر غير العادي ، ان اخاها لم يقم عرسا ولم يدعو أحدا

ليس هذا فقط
حتى انه لم يعلم اخوته واخواته الا اخته غير المتزوجة وطبعا والديه
وماشد انتباهي ان صاحبنا هذا متدين ، وعائلة الفتاة ايضا ما شاء الله
وكل اخوته الاكبر منه قاموا باعراس ماشاء الله ، روعة .

يعني انه قام بخطوة ربما تجوز ام ماذا؟

سؤالي لكم الان

هل يجوز ان يتزوج الانسان بهذه الطريقة ، بدون عرس ولا حس
مع العلم ان الشرع يقول يجب الاعلان في الزواج
وماهو الاعلان في الزواج ؟ هو العرس اليس كذلك؟

اخبرني البعض ، انه ربما طبق السنة ، حيث يتزوجها اولا ثم يعلن بعد اسبوع (يعني يدير العرس

)

فهل هذا صحيح في الدين ؟

أطلب رايكم ، يا الخاوة لانه لو كان الزواج هكذا
الشباب كلهم راح يتزوج وتنتهي من تذمراتهم التي قتلونا بيها

شكرا

عربية الهوية · 2012-04-03, 17:22

على حساب واش قريت قالك الشرط الاساسي لزواج انو يكون في العلن
ممكن ميعرضش الناس بصح عايلتو واقرب المقربين وهي فرات

*سلامة* · 2012-04-03, 20:02

اقتباس:

المشاركة الأصلية كتبت بواسطة عربية الهوية

على حساب واش قريت قالك الشرط الاساسي لزواج انو يكون في العلن
ممكن ميعرضش الناس بصح عايلتو واقرب المقربين وهي فرات

سلام عليكم ختيتي

والله مانكذب عليك ، انا نفهم العلن، ان يدير العرس باش يدير الحس ويسمعو الجيران بلي راه جاب مرا لدارو

المهم ربي يفرحهم برك

انا راهي غايضتني الطفلة برك

شكرا ليك

الفارس الجدَّاوي · 2012-04-03, 17:54

السلام عليكم:
الحالة التي ذكرتها استثناء عجيب في وقت غريب، على كل حال، لنا في زواج فاطمة ابنة النبي صلى الله عليه و سلم خير عبرة. و الله الموفق.

*سلامة* · 2012-04-03, 20:04

اقتباس:

المشاركة الأصلية كتبت بواسطة الفارس الجدَّاوي

السلام عليكم:
الحالة التي ذكرتها استثناء عجيب في وقت غريب، على كل حال، لنا في زواج فاطمة ابنة النبي صلى الله عليه و سلم خير عبرة. و الله الموفق.

عندك الحق

في وقتنا هذا ، الغاشي صار يحب يبين روحو

تلقاه فقير لكن عرسو تقول وزير

شكرا على ردك

**هبة الله** · 2012-04-03, 18:04

السلام عليكم

ممك خونا هذا لي عرس كما هكا ظروف المادية متسمحلوش واش يقيم عرس كبير ويعرض الاحباب والاقارب

واش راح دار سهلها عل روحوا قال لوادية واخواتو وفرات ذا السيد حاب يستر روحوا على الحرام

مالا دار عرس كما هكا وكل شاب وعقليتوا كاين لي يقلك لازمنيلا عرس كبير واش نفرح هكا متقنعنيش حسب العقليات والنس

الناس راها معادن تختلف

كون ترجع لزمان تلقاهم الكل يديرو هكا حنا زعما رانا متحضرين ومتقدمين

*سلامة* · 2012-04-03, 20:05

اقتباس:

المشاركة الأصلية كتبت بواسطة ام محمد.

السلام عليكم

ممك خونا هذا لي عرس كما هكا ظروف المادية متسمحلوش واش يقيم عرس كبير ويعرض الاحباب والاقارب

واش راح دار سهلها عل روحوا قال لوادية واخواتو وفرات ذا السيد حاب يستر روحوا على الحرام

مالا دار عرس كما هكا وكل شاب وعقليتوا كاين لي يقلك لازمنيلا عرس كبير واش نفرح هكا متقنعنيش حسب العقليات والنس

الناس راها معادن تختلف

كون ترجع لزمان تلقاهم الكل يديرو هكا حنا زعما رانا متحضرين ومتقدمين

ممكن جدا تكون ظروفو المالية مش ولبد لكن على الاقل يدير قهوة لاخوته

و على كل ، كيما قلت ممكن السيد قال انا ندير لحلال وخلاص

شكرا على ردك

lwiza2000 · 2012-04-03, 18:31

في العلن طبعا منذ اليوم الاول لكن ليس شرط البذخ في العرس
لمة صغيرة وسيارتين والحمد للله نصير كلنا متزوجين

اللي يجي بعد هو الصح
اختيار الموظف الخطأ يؤثر على الشركة
فماذا عن اختيار خاطئ للشريكة
على ماذا يؤثر
للرجل لاباس لكن للمراة كارثة تصيبها وتلاحقها طوال عمرها
المشكل في المضمون وليس في الشكل
مشكلنا الآن ليس في المهر و التكاليف الخيالية
بل فيمن يفكر بهذه الطريقة الجاهلة والمادية

*سلامة* · 2012-04-03, 20:13

اقتباس:

المشاركة الأصلية كتبت بواسطة lwiza2000

في العلن طبعا منذ اليوم الاول لكن ليس شرط البذخ في العرس
لمة صغيرة وسيارتين والحمد للله نصير كلنا متزوجين

اللي يجي بعد هو الصح
اختيار الموظف الخطأ يؤثر على الشركة
فماذا عن اختيار خاطئ للشريكة
على ماذا يؤثر
للرجل لاباس لكن للمراة كارثة تصيبها وتلاحقها طوال عمرها
المشكل في المضمون وليس في الشكل
مشكلنا الآن ليس في المهر و التكاليف الخيالية
بل فيمن يفكر بهذه الطريقة الجاهلة والمادية

لوكان الناس كلهم يخمو كيما انت ، الله يبارك راهم قاع تزوجو

وكيما قلت الصح في الصح

يعني الصح اومبعد ماشي في العرس

شكرا على ردك

thorpe · 2012-04-03, 18:40

السلام عليكم

اهلا بيك سلامة
ههه حسبتيها ساهلة يا سلامة

ومن الذي احب العذاب وسط بلد معمر بالفتن والمعاصي ؟؟؟

القضية ليست قضية معازيم وفقط

المهر الطايح 10 ملاين + الصوف + الذهب واكدي على الطهب الخاتم الطايح سومتو 5 ملاين

تديها شهر عسل غير ادي معاك 5 ملاين باش على الاقل تتقلش اسبوع تشفا عليه حياتك كلها

تكري شقة وين تسكن عندك الشهر تدفع مليون هاذي خربة ماشي شقة نورمال

المراة تمرض وانت تمرض لازمك الطبة والدواء

كون يجوك الاولاد ليكوش والحليب وغيرو (( اني ما حسبتش روحي فالاكل لانو كون نحسب روحي نتخلع ههه لاني نعري فالماكلة ))

يعني باختصار يا سيدة او انسة سلامة ما تحكيش على الزواج غير اذا عندك على الاقل على الاقل 50 مليون حاطها اكوتي

ولهذا نرجع ونقولك
القضية ماشي قضية معازيم

يااااااااااااااااااو ابكي على يمات يماهم

*سلامة* · 2012-04-03, 20:22

اقتباس:

المشاركة الأصلية كتبت بواسطة thorpe

السلام عليكم

اهلا بيك سلامة
ههه حسبتيها ساهلة يا سلامة

ومن الذي احب العذاب وسط بلد معمر بالفتن والمعاصي ؟؟؟

القضية ليست قضية معازيم وفقط

المهر الطايح 10 ملاين + الصوف + الذهب واكدي على الطهب الخاتم الطايح سومتو 5 ملاين

تديها شهر عسل غير ادي معاك 5 ملاين باش على الاقل تتقلش اسبوع تشفا عليه حياتك كلها

تكري شقة وين تسكن عندك الشهر تدفع مليون هاذي خربة ماشي شقة نورمال

المراة تمرض وانت تمرض لازمك الطبة والدواء

كون يجوك الاولاد ليكوش والحليب وغيرو (( اني ما حسبتش روحي فالاكل لانو كون نحسب روحي نتخلع ههه لاني نعري فالماكلة ))

يعني باختصار يا سيدة او انسة سلامة ما تحكيش على الزواج غير اذا عندك على الاقل على الاقل 50 مليون حاطها اكوتي

ولهذا نرجع ونقولك
القضية ماشي قضية معازيم

يااااااااااااااااااو ابكي على يمات يماهم

اهلا خويا حسين

شفت ، راني بديت نتعلم منك ندير مواضيع من الواقع المعاش ههه

لكن علاش راكم تعقدو فيها ، ديرو كيما صاحبنا واتزوجو واتهناو ، دجا هاذا وين عيطلنا قالك راه داير عشا نهار لخميس وراه عارضنا

على الاقل هنانا من التصديرة

الي تغيض في الامر الكورتاج هاذا ماكان

ثم ، خليك من شهر العسل ، الي تعرف ويعرف صلاحو حياتو كلها عسل في عسل

زيد نمدلك نصيحة ، والله من نيتي ، واش هاذي تمدلها 10 ملاين وتزيد معاه الذهب

شوف انا وحدة نعرفها لما تزوجت ، رغم ان راجلها الله يبارك عندو الفاني

جابلها الذهب و مدلها 5 ملايين برك

ودرك راهي مهنية معاه ، حاجة ماتخصها

ربي وفقكم الاخ ونفرحو بيكم

قول امين

thorpe · 2012-04-03, 21:46

اقتباس:

المشاركة الأصلية كتبت بواسطة *سلامة*

اهلا خويا حسين

شفت ، راني بديت نتعلم منك ندير مواضيع من الواقع المعاش ههه

لكن علاش راكم تعقدو فيها ، ديرو كيما صاحبنا واتزوجو واتهناو ، دجا هاذا وين عيطلنا قالك راه داير عشا نهار لخميس وراه عارضنا

على الاقل هنانا من التصديرة

الي تغيض في الامر الكورتاج هاذا ماكان :d

ثم ، خليك من شهر العسل ، الي تعرف ويعرف صلاحو حياتو كلها عسل في عسل

زيد نمدلك نصيحة ، والله من نيتي ، واش هاذي تمدلها 10 ملاين وتزيد معاه الذهب

شوف انا وحدة نعرفها لما تزوجت ، رغم ان راجلها الله يبارك عندو الفاني

جابلها الذهب و مدلها 5 ملايين برك

ودرك راهي مهنية معاه ، حاجة ماتخصها

ربي وفقكم الاخ ونفرحو بيكم

قول امين

ههه
سلام عليكم سلامة
شوفي قبيل راني كنت نحكي وانا نشوف بعين وحدة من التعب وهذا وين نض من الرقاد (( الرقدة الاولى برك الثانية من باعد ))
شخصيا كون ندير عفسة كيما هاذي يشنقوني تاع الدار ههه وحبابي

ايضا هيا نروحو نخطبوها

اول حاجة لا نكاح الا بولي
رايح نهدر مع باباها الاول
يقولي واش تخدم شحال تخلص شكون باباك كيفاش عايش ووووووو (( يطلعلك بيفي تاع الجوندارم ))

وتاكدي انو معظم الاولياء اليوم كون يعرف بلي راك رايح تتزوج ( سوكري )) موحال يمدلك بنتو لانو يدخلو الشك

اما بخصوص البنت الي ما تشرطش بزاف (( هاذي تخطيك من القبايل )) وراني مخمم نروح هاد الصيف نروح فاكونس لبجاية ولا تيزي (( منها فاكونس منها رحلة صيد او تقصي لصيد العروس المناسبة ))
اني نقسر

المهم اختي هذا امر يعود على كل شخص وكيفاش العقلية تاع دارهم

وايضا عقلية دار العروس

بارك الله فيك وجازاك كل خير

واحب ان اختم كلامي
يا سلااااااااااااااامة (( الزواج في وقتنا اصعب من الصعود الى القمر )) اذا كان عندك المال قادر تعكس في بنت الحلال وتبقا تحوس وتحوس وانت تكبر كيما بزاف شباب راهم لحد اليوم نعرفهم ما لقاوش البنت الي توالمهم (( سواء في التربية او في طريقة التفكير ))
اي ماشي ارواح ارواح ودخلها دارك (( راهي عشرة عمر وشريكة الحياة ))

*سلامة* · 2012-04-04, 17:28

اقتباس:

المشاركة الأصلية كتبت بواسطة thorpe

ههه
سلام عليكم سلامة
شوفي قبيل راني كنت نحكي وانا نشوف بعين وحدة من التعب وهذا وين نض من الرقاد (( الرقدة الاولى برك الثانية من باعد ))
شخصيا كون ندير عفسة كيما هاذي يشنقوني تاع الدار ههه وحبابي

ايضا هيا نروحو نخطبوها

اول حاجة لا نكاح الا بولي
رايح نهدر مع باباها الاول
يقولي واش تخدم شحال تخلص شكون باباك كيفاش عايش ووووووو (( يطلعلك بيفي تاع الجوندارم ))

وتاكدي انو معظم الاولياء اليوم كون يعرف بلي راك رايح تتزوج ( سوكري )) موحال يمدلك بنتو لانو يدخلو الشك

اما بخصوص البنت الي ما تشرطش بزاف (( هاذي تخطيك من القبايل )) وراني مخمم نروح هاد الصيف نروح فاكونس لبجاية ولا تيزي (( منها فاكونس منها رحلة صيد او تقصي لصيد العروس المناسبة ))
اني نقسر

المهم اختي هذا امر يعود على كل شخص وكيفاش العقلية تاع دارهم

وايضا عقلية دار العروس

بارك الله فيك وجازاك كل خير

واحب ان اختم كلامي
يا سلااااااااااااااامة (( الزواج في وقتنا اصعب من الصعود الى القمر )) اذا كان عندك المال قادر تعكس في بنت الحلال وتبقا تحوس وتحوس وانت تكبر كيما بزاف شباب راهم لحد اليوم نعرفهم ما لقاوش البنت الي توالمهم (( سواء في التربية او في طريقة التفكير ))
اي ماشي ارواح ارواح ودخلها دارك (( راهي عشرة عمر وشريكة الحياة ))

هههههه

وعلاش يشنقوك ، شوف دار لعروسة يديرو عرس على روحهم ، وانت دير عشة لخاوتك برك خخخ

و هاذيك تاع باطل المرا هههههه ماشي عند لقبايل لحرار برك ، كاينة عند الناس المتديين ، كيما صاحب المثال ، قالك والدين مرتو ماطلبولو والوا ، والمهر كيل على حساب شحال مد الرسول عليه الصلاة والسلام وطاحولو وقيل 2 ملايين ولا 3 ، الله اعلم (هذا باينة يماه داعيتلو بالخير

)

ايه وتان على باباها

اكيد راح يسقسي عليك ، واذا كان يحوس الصلاح لبنتو يمدها لراجل يعرف ربي وخدام ، والحاجات الاخرى ربي يرزقهم بين زوج وبلاك تكون فال خير عليه

واش نقولك ياخويا ، روح ربي يرزقك ببنت لحلال الي مايهبلوكش دارهم وماتهبلكش هي

thorpe · 2012-04-04, 17:41

اقتباس:

المشاركة الأصلية كتبت بواسطة *سلامة*

هههههه

وعلاش يشنقوك ، شوف دار لعروسة يديرو عرس على روحهم ، وانت دير عشة لخاوتك برك خخخ

و هاذيك تاع باطل المرا هههههه ماشي عند لقبايل لحرار برك ، كاينة عند الناس المتديين ، كيما صاحب المثال ، قالك والدين مرتو ماطلبولو والوا ، والمهر كيل على حساب شحال مد الرسول عليه الصلاة والسلام وطاحولو وقيل 2 ملايين ولا 3 ، الله اعلم (هذا باينة يماه داعيتلو بالخير

)

ايه وتان على باباها

اكيد راح يسقسي عليك ، واذا كان يحوس الصلاح لبنتو يمدها لراجل يعرف ربي وخدام ، والحاجات الاخرى ربي يرزقهم بين زوج وبلاك تكون فال خير عليه

واش نقولك ياخويا ، روح ربي يرزقك ببنت لحلال الي مايهبلوكش دارهم وماتهبلكش هي

آمين لكن مازال شوي الوقت
اي ماشي ساهلة يا اختي سلامة
ربي يحفظك
وانت ثاني ربي يجيبلك وليد الحلال الي يصونك ويحفظك

*سيرتا * · 2012-04-04, 10:16

اقتباس:

المشاركة الأصلية كتبت بواسطة *سلامة*

زيد نمدلك نصيحة ، والله من نيتي ، واش هاذي تمدلها 10 ملاين وتزيد معاه الذهب

شوف انا وحدة نعرفها لما تزوجت ، رغم ان راجلها الله يبارك عندو الفاني

جابلها الذهب و مدلها 5 ملايين برك

يا الاخت 10 ملايين+ 2 قناطر صوف بقيمة 2 ملايين هدا المهر في قسنطينة ..اما الدهب لكان قادر يجبهولهh في ليلة اللي يحنولها فيها يعني الدهب لا يدخل في اطار الصداق..اما انتوما 5 ملايين+الدهب كله مهر هل فهمتي الفرق بيننا و بينكم??