و الله تعبت

[milka40]

لسلو عليكم جميعا نتمنى تكونو بخير و صحة جيدة
حبيت تعطوني رايكم ولا تلقاولي حل و الله تعبت من هذه الحياة و عبادها منين ندور مسكرة في وجهي حتي القراية ما وفقنيش ربي و هذا بسبب دارنا ابي ميت عندو اكثر من 14 سنة ما نشفاش عليه عشت مع امي و زوج خاوتي دراري حطموني هما السبب الاول في عدم نجاحي غير قافلين عيا الباب لا ليكور لا والو صحاباتي كامل الي قراو ليكور نجحو غير انا غاضتني روحي بزاف و غاضني مستقبلي الي راح امي مسكينة ما تقدر اديرلي والو قلت معليش مكتوب ربي بلاك ربي ما شافليش خيرة في نجاحي كلش ماهوش مسموح لا نخرج لا نروح لصحباتي تقول مانيش عبد حجرة محطوطة مع العلم اني ملتزمة و الناس كامل تحبني و تشهدلي على سلوكي مافهمتش علاش راهم هكذا معايا فوق من هكذا ما عندي وين نزيد راني حاسة بفراغ كبير نتمنى لكان ابي عايش ما كانش صرا معايا هكذا علابي راني جهلت و الله كي نشوف صحاباتي مع ابائهم نغير كرهت حياتي كلش صماطلي مالقيتش الحل عمري 21 تقول عشت قرن

[azhars]

اااااااااااااااااااااااااه على حال الدنيا مررت بكل ما عشتيه كأنك نسخة طبق الاصلي مني انا عندي 24 عام ابي متوفي حبست الدراسة او بالاحرى حبسوني حبيت نخدم قالك لالا قلت ندير ديبلوم في يدي قالك لالا عايشين هكا وخلاص مراناش في بلادنا الاصلية رانا في الصحراء تخيلي لا صحابات لا احباب لا فاميلتك تروحيلها عندي9 في الصحراء رحنا مرة حدة للبلاد تخيلي الوحد راه صابر وساكت
بلاك الحاجة الوحيدة لي راها مفرحتني رايحا نتزوج ووين في ميزك راجعة للبلاد غي باه نكون مع الناس ولافامي هنا تقولي رانا في الحبس وخلاص

[milka40]

المشاركة الأصلية كتبت بواسطة azhars

اااااااااااااااااااااااااه على حال الدنيا مررت بكل ما عشتيه كأنك نسخة طبق الاصلي مني انا عندي 24 عام ابي متوفي حبست الدراسة او بالاحرى حبسوني حبيت نخدم قالك لالا قلت ندير ديبلوم في يدي قالك لالا عايشين هكا وخلاص مراناش في بلادنا الاصلية رانا في الصحراء تخيلي لا صحابات لا احباب لا فاميلتك تروحيلها عندي9 في الصحراء رحنا مرة حدة للبلاد تخيلي الوحد راه صابر وساكت
بلاك الحاجة الوحيدة لي راها مفرحتني رايحا نتزوج ووين في ميزك راجعة للبلاد غي باه نكون مع الناس ولافامي هنا تقولي رانا في الحبس وخلاص

ما نعرف على هاذ الدنيا واحد تلقاي عندو كلش و احد حتى راحة بالو مكانش مي حاجة وحدة نقولها حسبي الله و نعم الوكيل و الله نوكل ربي عليهم

[عاشق الاتحاد]

المشاركة الأصلية كتبت بواسطة milka40

ما نعرف على هاذ الدنيا واحد تلقاي عندو كلش و احد حتى راحة بالو مكانش مي حاجة وحدة نقولها حسبي الله و نعم الوكيل و الله نوكل ربي عليهم

مهما يكونوا هادو راهم خاوتك يعرفوا بلي الوقت ما يرحمش مي ميش بهاد الطريقة مهما يكون انتي ركاي ختهم وصدقيني غير يخافو عليك اكثر من رواحهم واصبري لعل وعسى ربي يجعلك فيها الخير وصدقيني الوقت اللي رانا فيه ما يرحمش نورمالموا تقولي ربي يهديهم ميش ربي وكيلهم ونظن بلي راكي واعية 21 سنة الله يبارك اربحي خاوتك وريحي احكي معاهم واعرفي السبب من وراء منعك من مزاولة دراستك ومتخليش الهوة تكبر بينك وبين خاوتك لانو الشيطان يلعب بعقلك ويخليك تفعلي اشياء لا قدر الله تحطمك وتحطم عائلتك انصحك بان تكلمي اخوتك وتفتحي معاهم الموضوع هذا والحمد لله راكي تقولي بلي راكي ملتزمة هاد الشيء يخليك تحكي مع خاوتك بنوع من العقلانية ميش بالنرفزة وربي يهديهم ويهدينا اجمعين وربي يجبلك اللي فيها الخير
بصح راهم نساو حاجة برك نساو لو كان مخلاوكش تكتبي هاد الموضوع هههههههههههههه نقسر برك ربي يجبلك اللي فيها الخير

[milka40]

المشاركة الأصلية كتبت بواسطة عاشق الاتحاد

مهما يكونوا هادو راهم خاوتك يعرفوا بلي الوقت ما يرحمش مي ميش بهاد الطريقة مهما يكون انتي ركاي ختهم وصدقيني غير يخافو عليك اكثر من رواحهم واصبري لعل وعسى ربي يجعلك فيها الخير وصدقيني الوقت اللي رانا فيه ما يرحمش نورمالموا تقولي ربي يهديهم ميش ربي وكيلهم ونظن بلي راكي واعية 21 سنة الله يبارك اربحي خاوتك وريحي احكي معاهم واعرفي السبب من وراء منعك من مزاولة دراستك ومتخليش الهوة تكبر بينك وبين خاوتك لانو الشيطان يلعب بعقلك ويخليك تفعلي اشياء لا قدر الله تحطمك وتحطم عائلتك انصحك بان تكلمي اخوتك وتفتحي معاهم الموضوع هذا والحمد لله راكي تقولي بلي راكي ملتزمة هاد الشيء يخليك تحكي مع خاوتك بنوع من العقلانية ميش بالنرفزة وربي يهديهم ويهدينا اجمعين وربي يجبلك اللي فيها الخير
بصح راهم نساو حاجة برك نساو لو كان مخلاوكش تكتبي هاد الموضوع هههههههههههههه نقسر برك ربي يجبلك اللي فيها الخير

ما لقيتش وين نفرغ مرضت من التخبيا في قلبي علابالي يخافو علي مي في حدود المعقول راني بشر و مازلني صغيرة حابة نعيش

[حميد.ص]

لا تقنطي من رحمة الله..............سياتي اليوم الذي تنفرج فيه كل همومك ان شاء الله

ربي يفتحلك ابواب الخير...................

[milka40]

المشاركة الأصلية كتبت بواسطة حميد.ص

لا تقنطي من رحمة الله..............سياتي اليوم الذي تنفرج فيه كل همومك ان شاء الله

ربي يفتحلك ابواب الخير...................

انشاء الله خويا ربي يخليك

[رقة الحياة]

لا تقنطي من رحمة الله ...اختي قومي الليل ...صلي ركعتين حاجة و اسالي الله الفرج و كثري من الاستغفار و سترين النتيجة ان شاء الله

[الحمام الجزائري]

لا تقنطي من رحمة الله
أولا / ما تقوليش لي دارو ليكور كامل نجحو خطراش أنا نعرف شحال من واحد دار ليكور ما نجح ما والو
ثانيا / خواتك عندهم عقدة نفسية أو بالأحرة عندهم حب السيطرة لذلك أختي الكريمة صلي و أدعي الله أن يفرج عليك
ثالثا / انا نقول لخاوتك هاذو إرحمو من في الأرض يرحمكم من في السماء

تقبلي أختي مروري وكان الله في عونك و انا تاني راني ندعيلك

[المتوكل محمد]

ربما يكون قريب من داركم مكان لتحفيظ القرآن الكريم حاولي تقنعيهم بالسماح لك بالذهاب الى هناك لحفظ القرآن الكريم ..
أو حاولي أن تقنعيهم بتعليم بعض البنات الصغيرات في المرحلة الابتدائية في بيتكم مثلا مقابل أجر بسيط منهن ..
أو حاولي أن تقنعيهم بشراء ماكينة خياطة لك تخيطين لجيرانكم ملابس مقابل أجر ..
الخلاصة
حاولي أن تقنعيهم بعمل يسد فراغك وتكسبين منه أجرا سواء في الآخرة أو في الدنيا ولا أظنهم يعارضون
ولو اقتتضى الامر تدخلين أحد من كبار العائلة سواء ذكرا أو انثى يساعدك في إقناهم
وفقنا الله تعالى لكل خير

[milka40]

المشاركة الأصلية كتبت بواسطة المتوكل محمد

ربما يكون قريب من داركم مكان لتحفيظ القرآن الكريم حاولي تقنعيهم بالسماح لك بالذهاب الى هناك لحفظ القرآن الكريم ..
أو حاولي أن تقنعيهم بتعليم بعض البنات الصغيرات في المرحلة الابتدائية في بيتكم مثلا مقابل أجر بسيط منهن ..
أو حاولي أن تقنعيهم بشراء ماكينة خياطة لك تخيطين لجيرانكم ملابس مقابل أجر ..
الخلاصة
حاولي أن تقنعيهم بعمل يسد فراغك وتكسبين منه أجرا سواء في الآخرة أو في الدنيا ولا أظنهم يعارضون
ولو اقتتضى الامر تدخلين أحد من كبار العائلة سواء ذكرا أو انثى يساعدك في إقناهم
وفقنا الله تعالى لكل خير

ماراحش يقبلو ا ماراحش يسمحولي باي عمل حالتي المادية راحي مليحة مي انا نحب راحة بالي ماشي مادة كلش عندي و تقول ما عندي ماني حاسة بوالو اذا ما سمعوش لامي ماراحش يسمعو لواحد اخر هما يبانلهم راني عايشة في جنة ما خصني والو حاطين كلش مادة انا ناقصتني عاطفة...

[khaoula rouh]

اختي هذه هي الدنيا
ماعليش اصبري وتوكلي على ربي
ربي مانساكش وسير عندك حاجة مليحة من بعد فالمستقبل
دمت بخير

[hd_science]

ابشري إن بعد العسر يسراااااااااا

[المتوكل محمد]

الحمد لله دائما وأبدا
أختي أنتِ في نعمة يجب أن تحمدي الله تعالى عليها كثيرا ..
أمك تحبك وتهتم بك وهذه نعمة وفيه بنات يشتكون سوء المعاملة من الام ..
إخوتك يهتمون بك ويوفرون لك كل حاجاتك وهذه نعمة وفيه بنات إخوتهن يعاملونهن بسوء ..
أنتِ لم تنجحي في اكمال الجامعة وتقولين السبب إخوانك ؟ ومادخلهم في ذلك ؟ اذا أنتِ لم تجتهدي
ولم تهتمي أكثر بالعلم وانشغلتي عن العلم .. كيف تريدين منهم أن يعطوك كل الثقة ؟؟؟؟
أنتِ السبب فقط في كل مايحصل لكِ .. وعليكِ أن تزرعي الثقة فيهم من جديد ..
يجب أن تكون ثقتهم بك كبيرة جداحتى تفعلي ماتريدين بحرية ..
وأنا أعلم أنك طيبة ومحافظة ولكن ركزي على مايلي وحاولي العمل به :
عدم الكلام مع اي رجل في التلفون ولافي المناسبات الاجتماعية حتى لو كان من الاقرباء غير المحارم .
عدم الضحك مطلقا أمام الرجال لو كنتم في سوق او مناسبة ..
لاتتحدثي عن اي رجل غير المحارم أمام اخوانك مهما كان ويكون كلامك عن البنات فقط وتمدحين أخلاق صاحباتك وتدينهم ..
حاولي أن تثبتي لاخوانك بكل الطرق أنك في محل الثقة الكاملة وليس بالكلام بل بالافعال كما قلت لك ..
هل فكرت أن تقرئي القرآن الكريم ولو نص ساعة كل يوم ؟
هل فكرتِ ان تستمعي للقرآن الكريم ولو ساعة كل يوم ؟
هل فكرتِ أن تقرئي في النت أو الكتب عن الاحاديث النبوية الشريفة وشرحها ؟
هل فكرتِ أن تقرئي عن سيرة الصحابيات رضي الله عنهن ؟
هل فكرتِ أن تحفظي جزء عم وترددين القرآن الكريم بصوت جميل أمام أمك وإخوانك ؟
هل فكرتِ أن تتكلمي مع أمك عن القرآن الكريم والحديث الشريف وسيرة الصحابيات وتعتبريها صديقة لك ؟
والآن شهر رمضان الكريم فرصة لعمل الخير والعبادات وقراءة القرآن وحفظه .......
وهل فكرتي أيضا أن تشكري اخوتك عندما يقدمون لك خدمة حتى لو بسيطة فيكفي لو أحضر شيئا من الدكان أن تقولي له : شكرا ..
جزاك الله خيرا .. بارك الله فيك .. الله يخليك لنا .. الله يحميك .. مثل هذه العبارت في الشكر مهمة خاصة مع المحارم ..
إخوتك يريدون لك السعادة ويحافظون عليكِ ويهتمون بكِ لأننا في عصر كثر فيه الفساد والذئاب البشرية ..
وفقنا الله تعالى لكل خير ..

[milka40]

المشاركة الأصلية كتبت بواسطة المتوكل محمد

الحمد لله دائما وأبدا
أختي أنتِ في نعمة يجب أن تحمدي الله تعالى عليها كثيرا ..
أمك تحبك وتهتم بك وهذه نعمة وفيه بنات يشتكون سوء المعاملة من الام ..
إخوتك يهتمون بك ويوفرون لك كل حاجاتك وهذه نعمة وفيه بنات إخوتهن يعاملونهن بسوء ..
أنتِ لم تنجحي في اكمال الجامعة وتقولين السبب إخوانك ؟ ومادخلهم في ذلك ؟ اذا أنتِ لم تجتهدي
ولم تهتمي أكثر بالعلم وانشغلتي عن العلم .. كيف تريدين منهم أن يعطوك كل الثقة ؟؟؟؟
أنتِ السبب فقط في كل مايحصل لكِ .. وعليكِ أن تزرعي الثقة فيهم من جديد ..
يجب أن تكون ثقتهم بك كبيرة جداحتى تفعلي ماتريدين بحرية ..
وأنا أعلم أنك طيبة ومحافظة ولكن ركزي على مايلي وحاولي العمل به :
عدم الكلام مع اي رجل في التلفون ولافي المناسبات الاجتماعية حتى لو كان من الاقرباء غير المحارم .
عدم الضحك مطلقا أمام الرجال لو كنتم في سوق او مناسبة ..
لاتتحدثي عن اي رجل غير المحارم أمام اخوانك مهما كان ويكون كلامك عن البنات فقط وتمدحين أخلاق صاحباتك وتدينهم ..
حاولي أن تثبتي لاخوانك بكل الطرق أنك في محل الثقة الكاملة وليس بالكلام بل بالافعال كما قلت لك ..
هل فكرت أن تقرئي القرآن الكريم ولو نص ساعة كل يوم ؟
هل فكرتِ ان تستمعي للقرآن الكريم ولو ساعة كل يوم ؟
هل فكرتِ أن تقرئي في النت أو الكتب عن الاحاديث النبوية الشريفة وشرحها ؟
هل فكرتِ أن تقرئي عن سيرة الصحابيات رضي الله عنهن ؟
هل فكرتِ أن تحفظي جزء عم وترددين القرآن الكريم بصوت جميل أمام أمك وإخوانك ؟
هل فكرتِ أن تتكلمي مع أمك عن القرآن الكريم والحديث الشريف وسيرة الصحابيات وتعتبريها صديقة لك ؟
والآن شهر رمضان الكريم فرصة لعمل الخير والعبادات وقراءة القرآن وحفظه .......
وهل فكرتي أيضا أن تشكري اخوتك عندما يقدمون لك خدمة حتى لو بسيطة فيكفي لو أحضر شيئا من الدكان أن تقولي له : شكرا ..
جزاك الله خيرا .. بارك الله فيك .. الله يخليك لنا .. الله يحميك .. مثل هذه العبارت في الشكر مهمة خاصة مع المحارم ..
إخوتك يريدون لك السعادة ويحافظون عليكِ ويهتمون بكِ لأننا في عصر كثر فيه الفساد والذئاب البشرية ..
وفقنا الله تعالى لكل خير ..

ماراكش فاهمني اخي حتى تلفون ما عنديش و جامي كان عندي و راني بعيدة خلاص على هاذ الوسط اللي راك تحكي عليه و مانشوف حتى راجل و لا نحكي عليه المشكلة ماشي في الثقة علابالهم مليح في اخلاقي راك علابالك في وقتنا الي يدير حاجة يبان معلبليش علاه هاذ الخوف علي كامل