عن معمر كل ما قاله ملكنا في مصر=أكدته احداث بنغازي لكل المسلمين
ما فعل حسني مبارك من خرابٍ في شهر=حضرة العاهل معمّر نفّذه في ليلتين
أين أوباما؟ وحطوا تحت هالجمله سطر=انتقد حسني وعن عورة معمر غض عين
ليش ينقد ذا وعن ذا ما تقل عنده خبر=ايه هذا هو سؤالي ؟ وافهوا يا فاهمين
نقد ذا والصمت عن ذا مسألة فيها نظر=مالها تفسير عندي غير حاجة من ثنين
حسب منطقهم نخاطبهم نفر يسأل نفر=قرب الساحر لتحرير الحسن رأس الحسين
في الامر شيء غير واضح صدقوني يا بشر=مزقوا ثوب الجهالة واقروا التاريخ زين
وهي إن أكثر زعامات الدول هذي صور=خص هاللي ينعتون اسلوب بوش بالمشين
مثلوا لشعوبهم دور المسيح المنتظر=اتقنوا دور البطوله في عيون العالمين
مثل بشار الأسد واحمد نجاد وجعفر=والأخ القائد معمر غير باقي المرجفين
بل أشك إن كلّ ما يلقون في كلْ مؤتمر=في انتقاد سياسة امريكا على طول السنين
جاء بأمرٍ من مريكا نفسها! وامحق أمر=لا تقول شلون ؟ هذي فلسفة تبغى فطين
اسمها(وش لون تضمن أن وضعك مستقر=مع أهالي كل أرض تغتصبها باليدين)
من أجل تقريب فكرتها لكم بالمختصر=باعتبر نفسي أنا المحتل وانتم خانعين
من أجل أن لا تروا من قبضتي يوماً مفر=أو يجي منكم عليكم قائدٌ شهم أمين
ثم أفاجى فيه يدعوكم إلى الثورة فجر=ثم ألقى نفسي مع الوقت برا الجنتين
اصنع القائد أنا واصوره مغوار حر=امركم بإيديه وامره في يدي الاثنتين
كل ما ذليت منكم قلت له للخلف در=رح أمام جموع شعبك سبني في كلمتين
وبكذا اضمن ما يجيني من جهتكم أي شر=لاتي ارضيت الغرور اللي بكم يا ساذجين
لا يزال اخذ اليهودي هضبة الجولان سر=ما عرفنا موقعه في جملة الإعراب وين
ودي اسأل بس كيف احتلت الهضبه عصر=كيف ما ثارت ولا طلقه واهلها حاضرين
أيش؟ قال ادعم فلسطين انثبر بس انثبر=ما دعمت آهلك حتى تدعم آهالي جنين
يا لأجسادٍ تهاوت كهشيم المحتضر=بشر القاتل بالقتل ولو من بعد حين
هندسة زرع الفتن بين القبائل يا غجر=انكشف جلبابها عن وجه شيطانٍ لعين
دنت الساعة يا عمّار وانشق القمر=البرا مردود والعربون زين العابدين
زمرةٍ ترقص على حمر الجثث رقصة نور=زمرةٍ من طاح منهم في لعنة الوالدين
ها همُ قد أصبحوا أعجاز نخلٍ منقعر=شعلة التغيير توقدها جباه المخلصين
يا شعوبٍ أنشزت مثل الجراد المنتشر=نشوة التغيير قد تعمي عقول الجاهلين
أربعة أشياء لا يمكن ولو حج البقر=أن أصدقها وتذكيبي بها جاء عن يقين
أربعة أشياء لي في وضعها وجهة نظر=لإن بعض الظن زين إن كان بعض الظن شين
لا تصدق إن إيرانٍ وحفنة يزدجر=في خلاف مع مريكا لو تلاقوا فرقتين
ولا تصدق إن حزب اللات عبّاد الحجر=في خلاف مع بني صهيون والخافي يبين
لا تصدق إن معمّر غيرهم والحق مر=صورة ما تختلف عن هالثنين السابقين
وما على صهيون من بشار بن حافظ خطر=اطقع شوي واسألوا سكنى حماة الصامدين
لو منهم خوف راحوا روحة الملا عمر=حركوا حلف الشمال الاطلسي في لحظتين
الهرم ماسون وصل المستوى الثالث عشر=والعرب في قمقم الجهل المركب قابعين
هيكلٍ فرسانه الرهبان شيطانه حضر=مسرحية خطها آشر ونفذها كوهين
رؤيتي كونتها بسمي وانا شاعر مضر=من بعد كم عام في تحليل واقعنا الحزين
يمكر الأعداء في تفتييت أمتنا مكر=ويمكر الله بهم والله خير الماكرين
youtube.com/watch?v=5_qvFNRZsGM&feature=player_embedded
( تقرير عن مشاركة سيئة )، و الموجودة أسفل كل مشاركة .
2011-02-23, 21:43
قصيدة ناصر الفراعنة للقذافي و الاسد ونجاد
العرض المتطور
