تعلم اللهجة الجزائرية

fatouma alg · 2010-09-22, 11:40

اللهجة الجزائرية..

اللهجة الجزائرية هي إحدى اللهجات العربية و تستعمل في بلاد الجزائر، اللهجة الجزائرية كغيرها من اللهجات العربية الأخرى سليلة العربية الفصحى التي طرأت عليها تغيرات لأسباب أهمها:
تواجد الأمازيغية كلغة أصلية في المنطقة.
قدوم عرب الفتح ثم الهلاليون ،بنو سليم و عرب المعقل بعد سقوط الدولة الفاطمية ،إضافة إلى تأثير النازحين من الأندلس...
الاستعمار الفرنسي

وهذه بعض من المفردات الجزائرية

يهدر=يتكلم(المهذار هو كثير الكلام)
صحة/صحيتو=شكرا(و هي اختصار لعبارة "الله يعطيك الصحة" اي الدعاء للشخص من أجل شكره).
الهدرة=الكلام
سْطَرْ=الم/وجع
وينتا /وقتاش=متى
مقبيلات،الساع، بكري شوية=منذ قليل.
وحد الشوية/شوية هكا=بعد قليل
خطرة=مرة
شحال من خطرة = كم من مرة
وحد الخطرة=ذات يوم
برك=فقط
بصح=لكن (تفيد كلمة بصح معنا كلمة لكن، عند الشرح، و تفيد أيضا كلمة صحيح. و يمكن ان يكون معناها استفهاميا عند قول بصاح؟ و تعني "هل هذا صحيح؟)
وين=اين. هنايا=هنا
لـْهـِيه=هنالك
هاذا=هذا. هاذاك=ذلك
هاذي=هذه. هاذيك=تلك
هاذو=هؤلاء
مكان لاه تشقي روحك = لا داعي لتتعب نفسك
هاذوك=اولائك
شريكي=صديقي
والله ما تصرى=لا داعي
وشراك = كيف حالك
واش راك لا باس= كيف حالك هل انت بخير
كيفاش داير=كيف احوالك
في لامان ، تبقي علي خير= الي اللقاء
واش بيك=ما بك
صح باسكان الحاء=صحيح
صحا بفتح الحاء مع المد =اهلا
ما كانش منها= هذا التعبير فيه معني عدم التصديق مثلا .... غير ممكن او لا اصدق
صْرَا = حَدَثَ
وليت = اصبحت أو رجعت
درت = فعلت او قمت
طيّحتو = أسقطته
شاف = نظر
القايلة ، المقيل (القاف كالجيم المصرية) = القيلولة
خلـّص = دفع المال.
حوّس = إبحث أو تنزّه
البلاصة = المكان، الموقع.
كحل = اسود
أَحْبْسْ = توقف عن الامر
باش = لكي
بْرْكَا = كفى
زْعـَـاف .. ما تزعفش = غضب .. لا تعضب
فضّت، كملت = انتهت

نستعرف بيك = اعترف بك
تـسْتـْحـَقْ = تحتاج
الشَّحْ = تستحق
قــَزْعـَة = إحراج
عـَـندي .. ما عنديش = لديّ(عندي) .. ليس لدي
صعيبة = صعبة
مليح،باهي، شباب = جميل
بزاف، ياسر = كثير
شـْـكـُونْ = مَنْ
ضـُرْكْ = الآن
زجا (تنطق الجيم كالجيم المصرية) = صراخ
بــْــكــَا = بكى
كاين= موجود
نستنا = انتظر
ما زال = ليس بعد
كي سمّــُوك = ما هو اسمك
روح لهيه =اذهب إلى هناك
أرواح هنا..امشي هنا = تعال الي هنا
شاك تدير = ماذا تفعل
واش تخدم .. شا تخدم = ماذا تعمل
نسقسيك...نجاوبك = أسألك..أجيبك
راهو يحكي = إنه يحكي
رايح = ذاهب
يجيبْ (بكسر الجيم) = يجلب
الجنان = الحديقة او البستان
راجل..مره..طـْفـُل..طـُفلة = رجل..امرأة..ولد..بنت
ذري (بكسر الراء وشدها) = الشاب الطائش
ذرَارٍي (بكسر الراء الثانية) = اولاد (اطفال)
تليفيزيو = تلفزيون
طوموبيل (اللّوطو) =..سيارة
سبيطار = مستشفى
جادارمية = درك
قرعة = قارورة
جيريكة = برميل الماء
التمسخير = تفاهة
لابوليس(حيث تنطق الباء "p")..لادوان = شرطة..جمارك
انـْسا = نساء
فرانسا..لانجليز (تنطق الجيم كالجيم المصرية) = فرنسا ..انجلترة
الماريكان..لالمان = أمريكا..ألمانيا
دزاير = الجزائر
لالجيري = الجزائر (مقتبسة من اللغة الفرنسية)
حتاحاجة = ولا شيء
ودّرْت = ضيّعت= أضعت
الجامع= المسجد و ايضا يقصد به المدرسة
نحب= احب اود ارغب...من اهم الافعال
نكره= اكره
انتاعي او تاعي= ملكي..من اهم الافعال و فيه معني الملكية
يحل (بفتح الحاء) = يفتح..مثلا نقول الباب محلول بمعني مفتوح و حل الباب بمعني افتح الباب.. في الدارجة نستخدم ايضا

الكسرة=الخبز
بزاف=كثير
قدرة=قدر
مشنف = زعلان
عيطلي = كلمني
أهبط = انزل
السخانة = الحر
شتاهي = ماذا
خملي = فعل امر بمعنى ضعي كل شيء في مكانه بعد أن كان مبعثرا
لزّي شوية = ابتعدي قليلا
بهلول =الذي يعمل أفعال بهلوانية ويثرثر مثل الاطفال
خفي=اسرعي
بتية = وعاء كبير يوضع فيه الماء
النو= المطر
والو= لا شيء

انتظر الردود

اسلام بن السعيد · 2010-09-22, 12:28

شكرا على هذه الكلمات المفيدة والله انو اللهجة الجزائرية احسن اللهجات ربي يخليها لينا

لؤي02 · 2010-09-22, 12:32

انشاء الله نرجع للغة الأصل لكي نختصر زمن معتبر.....

fatouma alg · 2010-09-22, 12:52

مشكورين على الردود
نورتوني بردودكم شكرا

المهزوز · 2010-09-22, 15:37

واش اقول غير صحيتي شريكتي

اعجز عن الشكر

رااااااااااائعة انتي والله

حدرس الكلمات واحفظها جيدا

اكملي الموضوع

ان شاء الله اللهجة الدزايري نتاعي تكون مليحة

بارك الله فيكي وجزاكي خيرا

لي عودة

fatouma alg · 2010-09-22, 21:03

اقتباس:

المشاركة الأصلية كتبت بواسطة المهزوز

واش اقول غير صحيتي شريكتي

اعجز عن الشكر

رااااااااااائعة انتي والله

حدرس الكلمات واحفظها جيدا

اكملي الموضوع

ان شاء الله اللهجة الدزايري نتاعي تكون مليحة

بارك الله فيكي وجزاكي خيرا

لي عودة

شكرا على المرور وليد

والحمد لله راك مليح شويا في الدزيري

وكل مرة احفض كلمة او كلمتين واتكلم بيها باش ما تنساهاش اوك