فاتت السمانة الاولى وش رايكم

قمر الهضاب · 2010-09-17, 13:51

السلام عليكم

جمعة مباركة علينا وعليكم وش راكم وش حوالكم اليوم اول عطلة اسبوعية من الدخول المدرسي كل واحد يدخل يحكينا كيفاش عقبت عليه السمانة وش الاساتذة نتاع السنة ملاح ولا ماكان ماكان وكيفاش لقيتو البرنامج وش معولين منا للقدام ان شاء الله الا رايحين تستعينو بالدروس الخصوصة ولا تكتفيو بالدروس فالمدرسة فقط ايا كل واحد يدخل يخبرنا بخبارو متبخلوش علينا

ووفقكم الله جمييييييعا

سلاااااااااااام

douniazed_setif · 2010-09-17, 13:56

slt stayfiya cava?ana condidat libre hada l3am w dit lbac l3am lifat son montion 3la biha ra7a n3awed
wechmen lycée ta9ray?ana kon fi ibn khaldoune
w 3andmen ra7a diri lé coures ?ana konte ndir 3and 7arkati w brtil l3am lifate b1 mais ben touhami herda!!!j'att ta réponse

قمر الهضاب · 2010-09-17, 14:03

اقتباس:

المشاركة الأصلية كتبت بواسطة douniazed_setif

slt stayfiya cava?ana condidat libre hada l3am w dit lbac l3am lifat son montion 3la biha ra7a n3awed
wechmen lycée ta9ray?ana kon fi ibn khaldoune
w 3andmen ra7a diri lé coures ?ana konte ndir 3and 7arkati w brtil l3am lifate b1 mais ben touhami herda!!!j'att ta réponse

انا نقرا فثانوية بن نويوة في عين ولمان وبالاك ندير لكور نتاع الرياضيات برك عند دريسي فاتح يقولو يفهم مليح ولي يقرا عندو ويحط راسو يدي ب 15 و 16 ان شاء الله تجيبي لباك هذ العام بالمعدل لي يرظيك ونتلاقاو في فرحات عباس وانت منين من سطيف

douniazed_setif · 2010-09-17, 14:13

inchalah khti ana rani sejalt fi lbaz 3ouloum w tecnologia bl bac 1 w ra7a n3awed bah ndir chire dent nchalah
ana men lé mille metcharfine okhti
wine y9ari hada loustad fi setif wela ain welmane

قمر الهضاب · 2010-09-17, 14:20

اقتباس:

المشاركة الأصلية كتبت بواسطة douniazed_setif

inchalah khti ana rani sejalt fi lbaz 3ouloum w tecnologia bl bac 1 w ra7a n3awed bah ndir chire dent nchalah
ana men lé mille metcharfine okhti
wine y9ari hada loustad fi setif wela ain welmane

يقري هنا في عين ولمان المهم ان شاء الله تجيبي المعدل لي يأهلك للتخصص لي حاباتو انا حبيت نجيب لباك ب 14 فما فوق وحبيت ندير تجارة نموت على التبزنيس من صغري متشرفين ختي ان شاء الله نبقاو على اتصال دائم ونتلاقاو فالباز

سلاااام

douniazed_setif · 2010-09-17, 14:24

inchalah okhti mais bac 14 ma3ad ydir walou m3a ben bouzid rabi ywaf9ak nchalah w matkhafiche psk cé r1 salam

رحاب بن عودة · 2010-09-17, 14:34

بالفعل لقد مضى الأسبوع الأول بسرعة
حسناً لقد فوجئت هذه السنة بالأقسام الجدد .. قلد أعادوا خلطنا و ترتيبنا .. ولكن عموماً القسم جيد و زملائي جيدون .. الأساتذة أيضاً رائعون بصفة عامة .. الجدول يبدو عادياً لكنه يتضمن الكثير من الأخطاء .. ونحن ننتظر تصحيحها .. قسمي يتألف من 36 تلميذاً .. 24 تلميذ + 12 معيد .. لم ندرس شيئاً حتى الآن .. و على الأرجح سنبدأ الدراسة فعلياً يوم الأحد المقبل إن شاء الله .. فيما يخص الدروس الخصوصية فلايزال الوقت مبكراً عليها .. و سأنتظر حتى شهر نوفمبر للبدأ بأخذها .. فقط في الفيزياء و الرياضيات إذا اقتضت الضرورة ..

دمتم بخــير

✗ ┋ وَړْﮃَةُ آلـﭴَزآئـړْ ┋ ✗ · 2010-09-17, 14:38

أقسامنا رائعة قسمي يتكون من 35 تلميذ: 30 تلميذ + 5 معيدين
الجدول جيد المواد العلمية صباحا والمواد الأدبية مساء
الأساتذة في القمة ما عدا أستاذة الفرنسية ربي يستر
الأحد تبدأ الدراسة الفعلية
الدروس الخصوصية بدأتها اليوم ساعتين رياضيات وساعتين فيزياء
علوم مازال أعتقد حتى بداية أكتوبر

الفلاح المحترف · 2010-09-17, 14:41

الاسبوع الاول مر سريعا
القسم ممتاز فهو يتكون من 23 تلميذ ولكن سيضاف اليهم المعيدون في الاسبوع الثاني
التوقيت يحتوي الكثير من العيوب كدراسة المواد العلمية في نهاية اليوم
الاساتذة رائعون بصفة عامة رغم اننا بصدد القيام بطلب تغيير استاذة الفلسفة
بالتوفيق للجميع

قمر الهضاب · 2010-09-17, 15:14

اما عني فقسمي مازال هو هو مبدلوناش وذلك بطلب منا نحن التلاميذ فقسمي والحمد لله العام لي فات مكانش فيه لي يدي تحت 10 يعني طلعنا اكل فيه معيدة وحدة من باك 2010 راهي تقرا معانا الدروس الخصوصية السمانة الجاية نبدا فالرياضيات فقط 16 ساعة فالشهر ب 1000 دج اما الفيزياء مكانش اساتذة يديرو لكور فيها يعني نقراوها غير فالمدرسة وربي واستر كل الاساتذة ملاح ويقريو مليح ماعدا الفيزياء شوي مفركس تقول فيه التريسيتي يطير وحدو المقتصدين راهم مضربين ملقيناش كيفاش نشريو الكتب المدرسية رانا نديرو غير فالمراجعة حتى نشريو الكتب ومقلتلكمش الكارثة فالتوقيت نقراو المواد الادبية الصباح والعلمية لعشية والكارثة العظمى آخر مادة في آخر ساعة من آخر نهار هي العلوم يعني نهار الخميسمن 3:30 الى 4:30 رانا معولين نديرو عريضة ويا ربي على خاطر الادارة نتاعنا ربي يصلحها تمشي بهر كي الحمار حشاكم وهذي هي ربي يوفقنا ان شاء الله ويعينا

2010-09-17, 17:29

انا في الاسبوع الاول رحت غير اليوم الاول واليوم الثاني وامبعد ماوليتش نروح

اما عن التوقيت فهو من 8 الى 12 صباحا اما مساءا من 13 الى 15 عدا الانثين والاربعاء

و ليتتيد والله ماعلابلي نديرهم ولا ل اني نستنى شوف الحالة كيفه ومبعد نقرر

قمر الهضاب · 2010-09-17, 22:06

اقتباس:

المشاركة الأصلية كتبت بواسطة الغضب الاحمر

انا في الاسبوع الاول رحت غير اليوم الاول واليوم الثاني وامبعد ماوليتش نروح

اما عن التوقيت فهو من 8 الى 12 صباحا اما مساءا من 13 الى 15 عدا الانثين والاربعاء

و ليتتيد والله ماعلابلي نديرهم ولا ل اني نستنى شوف الحالة كيفه ومبعد نقرر

انشاء الله ربي يوفقك وتقرر لما هو صلاح لك