اشنو هذا التمسخير او

[samsouma09]

السلام عليكم

واشنوا هذا التمسخير هاذوا لي يخمو على الشعب

ماكملوناش مينبا الشوط الاول 3 دقائق توالا والله غير جراف

خالاو 35مليون جزائري محير والله غير حرام عليهم

[EL HADI]

والله يا وخيتي الآذان ثاني ما عندك ما تقولي فيه
ذكر الله خير من الدنيا و ما فيها

[imene08]

أنا أفضل الأذان على إتمام الشوط الأول
شوية لقلبي و بزاف لربي و هو لي ينصرنا

[حنان35]

ما عليش كي جا في الادان

[samsouma09]

لالا ماشي على الاذان كان كي خلاص الاذان

يديرونا 3 دقائق توالا هاذي لي كرزوني فيها

الاذان لازم يديروه قبل كل شيئ

[حنان35]

المشاركة الأصلية كتبت بواسطة samsouma09

لالا ماشي على الاذان كان كي خلاص الاذان

يديرونا 3 دقائق توالا هاذي لي كرزوني فيها

الاذان لازم يديروه قبل كل شيئ

في هدي عندك الحق بصح واش تحبي المهم شرفووووونا بلاك يعاودو الماتش ويوروهم

[choumicha]

الادان احسن من المباراة

[kader7989]

يا اخي الاذان افضل مالمباراة .............. ياو تشفا كي مرة على سلام هاديك الدقايق

[LOSIANO]

راني فاهمتها
هي تقصد كي كمل الاذان
جابوا من بعدوا النشرة و زادوا الاشهار بلا ما يقولو والو على النتيجة

[samsouma09]

المشاركة الأصلية كتبت بواسطة losiano

راني فاهمتها
هي تقصد كي كمل الاذان
جابوا من بعدوا النشرة و زادوا الاشهار بلا ما يقولو والو على النتيجة

الحمدلله صبت وحدة فهمت

هاذي هي انا جرنت وتقلقت

[LOSIANO]

المشاركة الأصلية كتبت بواسطة samsouma09

الحمدلله صبت وحدة فهمت

هاذي هي انا جرنت وتقلقت

و الله انا كتر منك

[samsouma09]

واقيلا توما متفهموش

قلتلكم باش يكملو 3دقائق تولا دارو النشرة ماشي يكملو الشوط

الاذان لازم

[رهف20]

وش اديري انا قلبي خرج قلت بالاك سجلوا و لا كشما داروا

[floritta]

انا ثان تقلقت بعد الاذان ستنيت يكملو الماتش لكن فاجؤني بالاخبار المهم راهم يعاودو الماتش و نتفرجوه مليح

[LOSIANO]

نهار يقتلو واحد فينا بالحمصة و الغمة
واقيلا بغات اليتيمة تيتمنا باش نساميوها