2) قصتي المعقدة أريد حل ... .2

[مشكلتي]

السلام عليكم و رحمة الله تعالى و بركاته .

أولا شكرا لجميع من ساعدني في الموضوع جزاه الله كل خير عنا .


توضيح
أغلبية المشاركين في الموضوع لم يفهموا المشكلة بالضبط و مشكلتي هي ليست في السن او المهنة او ما شبه .
مشكلتي هي هل أخاطر و اتحدث معه في الهاتف ام لا و في نفس الوقت أتخلى عن حبي له و تحطم مشاعري
و هذه قد انحلت مستحيل تسمح لي كرامتي ان اتكلم معه خفية عن اهلي ... و المشكلة الاخرى هي انا صعبة الحب
اي انني احببت من قبل لكنه لم يدوم حبي اكثر من اسبوع و هذا اعجاب فقط اعرف لكن هذه المرة احببت من قلبي
و أريد ان اكون معه المشكلة ليست في سن المراهقة كما تفضل احدكم في المشاركات انا صحيح عمري 18 سنة لكنني واعية
و اعرف ما اقول اصلا بعائلتي تقدمنا لخطبة فتاة عمرها 15 سنة ووافقت و الان عمرها 17 سنة و متزوجة و لدينا طفلة
اي ان العمر ليس بمشكلة ابدا و الشيئ الثاني الشاب عمره 20 سنة و ليس 18 سنة اي اكبر مني بسنتين و نصف
و انا اعرف بان الرسول عليه الصلاه و السلام تزوج و زوجه اكبر منه ... شيئ عادي يتزوج الرجل و المراة بنفس العمر او هي اكبر منه
المهم المعاملة و الطيبة و الحب و المسؤولية و .... لذا رجاءا لا تتكلموا و كانني رضيع يا جماعة الزمن تغير و كل منا يعرف ذلك

خلاصة
انا احبه و ادري بانه يحبني
مشكلتي هل انتظر الوقت المناسب لاتكلم معه لانني رفض ان يتكلم معي هو
و اكتفي بالدعاء فقط .
او انني ارى حياتي و مستقبلي و احرق مشاعري و مشاعره و انهي الامر
انا حائرة جدا ... افكر دائما به و ادعوا دائما من اجله الله سبحانه و تعالى
و ما بيدي حيلة .

شكرا .

[اميرة الامواج]

بارك الله فيك

20 سنة اي مستقبل لهذا الشاب لكي تربطي نفسك به .....

انتي تريدين الزواج أو تريدين أن تعيشي قصة حب ....

ان كنت حقا من عائلة محافظة و تصلين وتقرئين القرأن نصيحة مني اكتفي بالدعاء
واياك واياك واياك ان تتصلي به ....

الدعاء يغير القدر

ولهذا اياك ن تدخلي في هذه العلاقات العاطفية المحرمة ....

سلام من قلب يحب السلام

[yassefe]

وعليكم السلام
بالنسبة لي ادا كان ميسور الحال وخدام يجي يخطب ويتحدث مع الوالد تاعك
نعرف ناس وناس زعما يحبو بعضاهم ويضلو يحكيو وووو....... ثم يتفارقو لعدم قدرة الرجل للتقدم للزواج .
نقولو اكي حكيتي معاه ومبعد تبقاو تحكو فالحرام وقادر يشوهلك سمعتك

[زهرة ملوح]

كي عاد راكي مقررة علاه راكي تشاورينا يا عجابة ولا تحبي نتحمله احنا مسؤولية قرارك ونديو ذنوبك؟ لالا يا حنونة تحملي مسؤولية افعالك وحدك
كي عاد تحبي تتزوجي ضركا المفروض تخيريه علي الاقل يكون عمره خمس وعشرين هذا علي الاقل مش واحد قدك
انتي بنت و كاين لتزوجه اقل منك بكثيرررر بصح رجالهم كانه كبار والمثال لضربتيها نتاع مولات خمسطاش سنة راجلها شحال اكيد مش خمسطاش ولا سبعطاش
انتي لازم تفهمي حاجة انه البنت مش كيما الولد هو لراح يتحمل المسؤولية هو لراح يصرف علي الدار واش من مسؤولية يقدر عليها تلميذ بالمدرسة ؟ واش من المسؤولية هذه ؟ هو مسؤوليته مش قادر عليها وتحبيه تزيدله مسووليتك ومسؤولية اولادك؟ ولا طامع بوه يتحمل مسووليتكم كامل
العرس مش اللعبة راهو العرس مسؤولية كبيرة بصح انتي اخر همك فيه ما يهمكش اذا تحمليه المسؤولية ولالا المهم نفسك برك
وقصة انك تحبيه فترغبيه نظنك معتادة كي تحبي حاجة لازم تتحصلي عليها وهذا هو انسان له مشاعره مش شيئ باش تتحصلي عليها بسيييف
رغتبه هو فين ؟ انتي تخزري لمشاعرك تجاهه ومشاعره هو تجاهك ؟؟؟ انا كيما راني نشوف هو مايحبك ما والو يحب يتسلي برك وانتي تقولي انك تحبيه وهو يحبك كيفاش عرفتي انه يحبك؟ وحتي لو يحبك هذا العرس راح يقضي عليه انتي ضركا معندكش مستقبل اخر من غير زواج لانك تعرفي انك حتحبسي ومصيرك تقعدي فالدار بصح هذا الطفل ممكن يكون له مستقبل وزواجك منك بهذا السن راح يدمره بكل صراااحة وما تنسايش ان وراه عايلة عايلته مستحيل يقبله يدمره مستقبل ابنهم
اما قولك انه تدعي انا خلعت فيك قلتي بالمشكلة سابقة انك قعدتي عامين تدعي انه يتزوجك لوكان استغليتي كل هذا الوقت لكنتي تدعي فيه انه يتزوجك في ان تدعي مثلا انك تكملي قرايتك ويقبله اهلك ياك هكذا قلتيلنا في رسالتك الاولي ولا كذب؟ انتي لما تعرفيش تقراي وترجعيه علي اهلك
والله انا كي نشوفكم تقوله ندعه يتزوجنا فلان وكاين لتقول عشر سنين وهي تدعي تعرفي واش تفكروني هوني؟ نفتكر المسلسلات ياك ديما يكون هناك بطل تحبه البطلة ليدروها طيبة والاخري تحبه يدروها شريرة فديما البطلة تلقايها ماتدير والو من اجل البطل باش يجي عندها اما الشريرة هذيك تلقايها تحارب علجاله وليجي بطريقها تنحيه من الدنيا ولانه عندنا تحشمه تحاربه عيناني ولانه عندنا كاين الدين ملا تروحه تدعواالليل والنهار شغل حاجة بسييييف والاخريات يديروا حتي السحر بمختلف اسمائه باش يجي بسيييف
وما تنظروش اصلا لمشاعر ذلك الشخص اذا يحبكم ولالا ماتنظروش الا اي اضرار تحلق بيه والو المهم تتزوجه بيه وكان سعادتكم متعلقة بذلك شخص هذا ليس حب انما حب تملك تحسبه الاشخاص كيما الاشياء فاذا حبيته علي شي لازم تتحصله عليه بسيييف وهذه من الانانية
فربي سبحانه اذا دعتيه تملكي حاجة سيارة بيت هنا راح يتحقق اما انك تدعي علي شخص انه يتزوجك مراح يستيجبلك الله هنا لانه الله هنا سينظر لرغبة ذلك الانسان وراح ينظر اذا تستاهله بعاضكم ولالا واذا هو ما يستاهلكش راح يبعده عليك واذا انتي ما تستهاليش حيبعده عليك
تدعي انه يتزوجك لو حتي هو يحبك وقابيل بيك ولكن ظروف تمنعكم مثلا اهاليكم هنا عادي تدعه تتيسر معاكم الامور مش تدعي يتزوجك شخص غصب عنه وهذا الدعاء مستحيييل يتحقق لان هذا ظلم لطرف الاخر فهو ربما يحب واحدة اخري ويدعي انه يتزوجها كيفك هنا واش راح يستجيب الله ليك ولا ليه
انا نحب نوجه هذا سؤال ليكم كامل تخيله انك تدعي تتزوجه شخص معين وهذاك شخص معين لتدعي عليه هو ثاني يدعي يتزوج شخص اخر هنا لواش راح يستجب الله لدعائك انت ولا لدعائه هو؟؟ انتي لو تعرفي ان هناك ليدعي يتزوجك وهذا شخص ماتحبيهوش وما يشرفكش وقته مستحيل تقبلي ان الله يستجيب له
فكفوا عن رؤية الاشخاص مثل الاشياء وكفوا عن الانانية وليضيفلكم سعادة لازم تتحصله عليها بسيف وكفوا عن هذا كله صاحبة هذه المشكلة هي بيسة راسلتني خاص تسبني لانه لم يعجبها ردي عليها

[زهرة ملوح]

مثلما قلتلك انتي ماتحبيهش لهذا الولد انتي تحبي نفسك وليس هو وعندك حب تملك تحبي تملكي الناس مثل الاشياء لوكان جيتي تحبيه صح ماتقوليلوش اخرج من قرايتك وروح اخدم وتزوجني لوكان جيتي تحبيه تقوليله روح كمل قرايتك واحقق احلامك وتزوج بلي تحب عليها وتحبك سواء كنتي انتي او غيرك كنتي راح تتمنيله سعادة والخييييير هذا هو الحب
اما انك تطلبي منه يخلي دراسته ويروح يخدم ؟ انتي تعرفي واش هي احلامه سقيسيتيه بلاك عنده احلام يحب يحققها بلاك عنده هدف يحب يديره والمشكل انتي لخيرتله العمل ليعمل بيه قلتليه اعمل شرطي واحلامه هو اهدافه هو رآيه هو وين ؟
انتي كل همك يتزوجك وطز فيه هو وما يحلقه من اذي او فشل كيفاش تحملي مسؤولية كبيرة في عاتق واحد مزال باباه ليشريله شوينقوم واصلا مشاعره غير مستقرة اليوم يحبك انتي غدا واحدة اخري وحتي انتي اليوم هذا غدا واحد اخر انتي ماشفتيش لاخرين شفتيه غير هو ولانه احسن واحد بكلاصتك بصح لوكان شفتي الاحسن منه حتعشقي فيه
تحبي تتزوجي خيريه كبير واجد ومستعد لفتح البيت وحتي لو اكبر منك بكثيرررر فالكبار اصلا يحبون صغيراات وسيتهتفون عليكي
اما انك تروحي تدمري مستقبل واحد بينما كاين لجاهزين لزواج هذا ظلم يعني حتي انتي تحبي تظلميه مثلما هو حاب يكلخلك
انا نظن انتي لكبيرة عليه انتي لعشرين وهو ثمنطاش لانك باينة ماتعرفيش تقراي وتعرفي راح يطردوك ملا تحبي تحطميله مستقبله باش يتزوجك بسيف مسكين اذا عنده زهر يمنعه رب منك ولا اهله يمنعوه ولا يتزوج شريرة كيفك
صاحبة بهذه المشكلة هي لواسمها بيسة بعثتلي في الخاص تسبني المنافقة هذه

[بـــيِسَة]

السلام عليكم .

أنا فهمت القصة بزاوية عكس ما فهمه بعض الأخوات في موضوعك السابق أو هذا الثاني
يا أعضاء مشكلتها أن تتحدث معه ام لا انتهت كما قالت = و هذه قد انحلت مستحيل تسمح لي كرامتي ان اتكلم معه خفية عن اهلي =
و مشكلتها الآن هي هل تنتظره بدون ان تتحدث معه و لا شيئ و تكتفي بالدعاء ام ترى حياتنا و تنساه فهنا ستضر بمشاعر كلاهما
نصيحتي اختي ان تكملي تقربك الى الله و ترين المعجزات صدقيني و ان تكتفي بالدعاء
و انا معك بانه اكبر منك بسنتين فقط المهم يكون قد المسؤولية و ربي يجمع بينكما في الحلال
بلاك انت تقراي في الجامعة و تولي فتاة 23 سنة و هو 25 سنة و يجمعكما الله .
لا تقلقي فقط انتهبهي لكرامتك و لنفسيتك لا تتعبي نفسك بالتفكير كثيرا ربي يحلها
موفقة اختاه

[بشرئ عاشقة العلم]

يا طفلة 20 سنة بالنسبة للراجل عمر صغييير صغيير على تحمل المسؤولية ، و مشاعرو و تفكيرو يتببدلو ...كون جا 30 و الفوق رني معاك بلاك يكون كون شخصيتو و خدمتو .....مكيش تشوفيهم 40 سنة و باغيين يبدلو نساهم كي عادو ميعجبوهمش بعد عشرة فما بالكي لما يكون بعمر ال 20 ؟؟؟!!!قاع حبينا و رنا كبار عليك علابيها مرحش تقدري تفهمينا حتا تزيدي تكبري و متقوليناش انا واعية بسكو كل ما تزيدي تكبري كل متزيدي تكتاشفي بلي مزالك بزاف صوالح مكنش عندك ادراك كبير ليهم مقلناش حنا بلي انت بلهاء او ما شابه ذلك ....قلنا انو الانسان كل ما كبر كل ما نضج عاطفيا اكثر ....بالتوفيق اختي