رؤية شرعية

[مشكلتي]

مساء الخير عليكم جميعا
اريد من الاخوات خاصة ان يجاوبوني على هذا الاستفسار
تقدمت لزميلتي في الدراسة (انا ادرس دراسات عليا وعامل يعني منيش طالب صغير او مراهق)
وافقت طبعا بعد استشارة اهلها
وبما انها زميلتي لم ارها قط بدون حجاب
اردت ان اقوم بالرؤية الشرعية في بيتهم وامام وليها وانظر اليها بلباس عادي وبدون خمار
ولكني شعرت انها ترفض

[عثمان الجزائري.]

لا يجوز، تخيل أنها أختك، فلو جائها عشرة لعمل لقاء شرعي و طلبوا رؤية شعرها ثم رفضوا الزواج لسبب ما!! فكيف سيكون رد فعلك ؟؟؟؟

[سيرين راجي]

مادام زميلتك فالعمل اكيد راك شايفها بالخمار وكي خطبتها معناها عجباتك ما فهمتش واش تزيد تشوف
اذا رايح تبطل على جال شعرها هذيك حاجة اخرى كي مش متاكد من نفسك تديها كون ما فاتحتهاش فالموضوع ماهيش جاية تشوفها ومن بعد تبطل

[محمد جديدي التبسي]

من حقك تشوفها بلا خمار لكن من حقها ايضا أن ترفض ذلك فالفقهاء اختلفوا في حدود ما يراه الخاطب في الرؤية الشرعية والأفضل للمرآة تخرج بالحجاب تجنبا للمتلاعبين وما اكثرهم انت يتضح انك جاد لذلك قلت من حقك تشوفها بلا حجاب الان النساء راهم يخرجو بفساتين عارية للخاطب يحكيلي صديق مرة حتى حشم يرفع بصره وهرب ولم يعد
واذا تاخذ رايي ابعث والدتك او اختك يشوفوها بملابس البيت ويعطوك التفاصيل الدقيقة ومادام عجبك وجهها وطولها ومظهرها ارى الشعر لن يزيد الكثير راه كاين السيشوار والحفافات ..ربي يفتح عليك

[سجل أنا جزائري]

كيف ما قال لك الأخوة مسألة رؤيتها بدون خمار مختلف فيها و من حقك ان تراها بدون خمار ان اردت ذلك

و في رأيي لما تذهب مع أمك للرؤية قلها ان تطلب هي من البنت انك تريد رؤيتها بدون خمار امام عائلتها طلب الأم مش مثل ما تطلب انت ممكن يفهومها شيء أخر و ربي يسهلك

[nihal159]

إذا رفضت نزع الخمار و هذا من حقها؛ مادام ماكانش حاجة رسمي بيناتكم؛ ممكن تسألها عن لون شعرها و طبيعته ؛ هل هو أملس أم أحرش و هذا من حقك يا أخي.

[عثمان الجزائري.]

و الله يا أخي الأمر بسيط الشعر فيه أملس ناعم و إلا أحرش ديس اما اللون فالأصبغة كثيرة، يعني يمكن أمك أو أختك تقوم بالمهمة اللهم إلا إذا اردت النظر لشئ آخر..

[dina bk]

يا اخي قلها توريلك فوطو و خلاص من التيليفون تاعها توريلك شعرها و فيبالي عندك الحق تشوف شعر تاع المرا لي غادي تزوج بيها مي مام ادا كان شعرها حرش دروك كابن الكيراتين و كاين كلش مالا ماتعمرش راسك بزاف المهم الاخلاق و المفاهمة

[المُعادلة الصّعبة]

الرؤية الشرعيه جائزة في ديننا
اين المشكل ؟