دموع امي

[مشكلتي]

لقد كنت دوما من الطلاب المتوفقين حتى في الثانوية

عام البكالوريا وكغيري بدات بالتخطيط للنجاح وثابرت واجتهدت فكانت معدلاتي الفصلية لا تقل عن 14

وصل شهر افريل ويا ليته لم يصل في لحظة تخليت عن كل شيئ لااعرف كيف حدث هذا اولما يعني لم يكن هناك سبب واضح تركت البكالوريا لم اعد احمل الكراريس او حتى اطيقهم كرهت البكالوريا لوحد الدرجة واحد مايقدر يتصورها

فتخليت عن حلمي يعني حتى كي روح نقرا روح برك بصح عقلي غائب تماما

وصل يوم البكالوريا كان لاحدث بالنسبة لي يعني لاخوف اتذكر ان امي كانت خائفة اكثر مني

حتى في القاعة الاختبار كان احساسي عادي جدا يعني لدرجة انو نحل موضوع ومبعد كي مانعرفش نبدل الموضوع حتى ولم يبق لي الوقت ثم نعاود نرجع للموضوع الاول حتى الاساتذة الحراس حارو فيا

وفي المقابل كان والدي ينتظرني مني الكثير يعني كان يتوقعو ندي اعلى المعدلات ودارو المستحيل على جالي

من دروس خصوصية وغيرها اتذكر ان امي كانت تقوم الليل دوما وتدعو لي كانت لها نظرات امل وتفاؤل

كانت تراني كل شيئ في حياتها وتعمل المستحيل وتضحي من اجلنا دوما كانت دوما تقولي انا ماقريتش لكن نتي لي تعوضني يعني هي كانت تعشق قراية كونها كانت في ماضي مجتهدة لكان نظرا للبعد لم يتركها جدي تكمل دراستها كانت الكاس تع الماء ماتخلنيش نقسوا وحتى ابي نفس الشيئ

المهم جاء يوم النتائج وكان اسوء يوم في حياتي تحصلت على البكالوريا بمعدل10.98 يعني هذاك النهار دموع ماما ماحبسوش اما ابي فقد صدم اما ان فلاحدث يعني بكيت شوي وحبست انا اصلا تشوكيت في روحي كيفاه ديت لان كنت ماقيتش الكراس يعني حتى ليقريت نسيتو اضنها دعواتي امي لاغير لان كنت نجاوب ببرودة وبراحة واستهزاء

مرت العطلة الصيفية ودموع امي صدقوني لم تجف ضعف وزنها اسوددت عينه
حقيقة انا الحمد الله بارة لها وتحبني كثيرا يعني كنا كصديقتين تماما يعني لدرجة انها دوما كي يكون عندها مشاكل تلجا لي فقط اانا نفس الشيئ لكن بعد البكالوريا بدات تتغير ولت تشف في الانسانة لي دارت فيها امل وخيبتها وكسرتها
جاء العام الجديد لم اسجل للجامعة وققرت اعادة البكالوريا

فبدات بجد كعاذة ادرس كما يجب لكن لا ارهقي نفسي لكي تبقى لي طاقة للاخير

وصل ماي هذه المرة وكعادة جاءتني نفس الحالة العام الماضي

ومازلت هكذا ليومني هذا ما العما انصوحني ارجوكم وبخوني حرك هذا القلب الميت اخوتي

مع العلم اني متاكدة لو اني عدت للدراسة الان ساصل الى مرادي فالوقت يكفني

حرك هذا القلب فانا لااريد ان ارى دموع امي مجددا

وبارك الله فيكم

اسفة على الاطالة

والسلام عليكم

[toulay]

السلام عليكم
درك نوبخك مليح مليح بلاك تفيق مع روحك وتفطن فالوقت هذا لباقي
خلي ضميرك صاحي وخمم في والديك مساكن لانو مابخلوا بحتى حاجة وانت لازم تقرا وتنجح وهاذيك هي الهدية تاعهم مين يشوفوك فرحتيهم ونجحتي في قرايتك
فقط ملاحظة تقدر تراسلني على الخاص وان شاء الله مانبخل عليك بوالو
بالتوفيق

[هـــدوء]

ممم راكم مكبرين موضوع البكالوريا بزاف و عايشين دراما كبيرة
يعني مبالغة كبيرة من أمك أنها تبكي و ينقص وزنها لمجرد أنك جبتي الباك ب10!! في النهاية جبتيه
الجزايريين يقراو لهدفين الأول هو نظرة الناس بش يقولوا فلان متعلم و لا فلان جاب الباك
والهدف الثاني هو الوظفية خاطر بش تخدم عند الدولة لازمك شهادة من مؤسساتها.
يعني ماماك راهي تبكي لأاحد السببين خاطر المجتمع هو لي زرع هاذ الأفكار و خلا مفهوم العلم أجوف
راح نكون معاك في موقفك هذا إذا كنت حابة معدل أعلى لهدف معين و لا لفرع لي بغيتيه يشترط معدل عالي
بصح اذا حابة تجيبي معدل عالي غير بش تجيبي معدل عالي بش تعجبني الناس بدون هدف حقيقي لا
و الفرع لي معدلو عالي مش معناه هذاك هو فرع الأذكياء و لا الفرع الأفضل لأنو تفضيل علم على علم جهل .
مثلا الطب في الجزائر يعتبر شعبة النخبة .في الولايات المتحدة الامريكية مثلا المحاماة أهم من الطب في فرنسا البيولوجيا من الشعب لي معدلها عالي
في حين هنا في الجزائر البيولوجيا و المحاماة ب 10 فقط.
الباك هو نقطة في بحر .المشوار الحقيقي يبدا في الجامعة في أي فرع.المهم ينجح الطالب و يكون من الأوائل و يوصل دراسات عليا.
بالنسبة للحالة لي راكي فيها هي مجرد ضغط .ناس كامل تفوت عليه
حاولي تقعدي مع روحك و تسطري أهداف حقيقة .كل ماكان الهدف عندو قيمة أكبر في نفسك راح تكون عندك إرادة و استعداد أكبر.
في كل الحالات أنت جبتي الباك و ب10 هذيك قادرة تتميزي و تنجحي و تكوني من الأوائل في الفرع المتاح ليك.
لي دا 16 و لا دا 11 في الباك كامل رح يبداو من 0 في الجامعة .و أي وواحد فيهم قادر يشفل كيما قادر ينجح .

[محارب الحمق]

صدقيني أختاه أنت لست مخطئة لم ترتكبي أي جرم. لست ملزمة بشيء. الأولياء هداهم الله بدل البكاء على ضياع الصلوات, والبكاء على تبرج بناتهم, والبكاء على العلاقات التي تنشؤها بناتهم مع الأجانب, أصبحوا لا يبالون إلا بجلب الأموال والنجاح في الباكالوريا دائما من أجل جلب الأموال و"ضمان" المستقبل. انا هنا لا أتحدث عن والديك بالتحديد بل بصفة عامة. أعيد وأكرر, نامي قريرة العين أختي فأنت لم تخطئي في شيء.

[نبض قلبي]

حالة نفسية
اختي بالشوي برك و الباك و الله ماراهو حاجة
ربي يعينك ان شلء الله

[الفتاة السعيدة]

اختي لو لم تنجحي ماذا ستفعلين
احمدي الله على النجاح

[نجوم الأمنيات*]

توجهي الى قسم العلوم التجريبية شدي الهمة وانتبهي على الدراسة فقط والباقي على المولى عز وجل،،،،،،،،،اي اب وام في هده الدنيا يسعى لجعل ابناىه في اسما الاماكن ،،،ما يجري لوالدتك لاتجعليه محلا للضغط عليك بل حافزااا للاجتهاد هده الايام تمينة وهي التى تحدد هدفك بادن الله،،،اخطاتي مرة فلا تكرري الخطا فالمسلم لا يلدغ من نفس الجحر مرتين ،،،،دعواتي لكي بالتميز فقط تقي بنفسك ^^

[المُعادلة الصّعبة]

ختي وش رايك تسجلي معانا فالمنتدى اذا مراكيش مسجله تجي لقسم العلوم التجريبية تتحفزي وتنشطي بزاف والله معانا
ارواحي

[ilhemdz21]

مع العلم اني متاكدة لو اني عدت للدراسة الان ساصل الى مرادي فالوقت يكفني
هذي الجملة اللي قلتيها ... أتمعني يها مليح درك وحدك تتشجعي