شعب غريب عجيب

[thorpe]

سلام عليكم

صح رمضانكم


موضوع اليوم عن امر ربما الغالبية لاحظه ان لم يكن من رواده

بالامس البعيد كتبت موضوعا حول شخصية الشعب الجزائري

وتطرقت الى جانب من جوانبها الى وهو العجب

بمعنى الشعب الجزائري رغم كل شيء (( حاسب روحو حاجة كبيرة )) وهو للاسف يكاد يكون مجهول بين الامم العظام في زمننا


اليوم مرة اخرى اود التطرق الى طرف اخر من هذه الشخصية الغريبة

وهي حب المديح والشكر حد السذاجة

بطبيعة الحال سوف اعطي بعض الامثلة


كلنا نحب المديح اي كل البشر يحبون ان يمدحون ويتمادحون

لكن الفرد الجزائري وخصوصا (( الاناث )) يا صاحبي وحد المستوى سمحولي (( تحت الزيرو ))

مثلا قبل سنة تقريبا كان احد المشاهير الجزائريين قد فاز بجائزة من الجوائز العالمية

بطبيعة الحال هذا شيء يثلج الصدر

شيء جميل

يشرفنا كعرب ومسلمين وجزائريين

مي الشي لي يخليك تبلوكي يا حبيبي

تدخل يو تيوب تشوف التداعيات من وراء ذالك الفوز وتقرا ليكومونتار (( صدقوني عدد الجزائريين المعلقين اسف الفيديو 10 اضعاف الاخوة العرب المعجبين بما تم نشره ))

الكارثة ليست هنا انما في طبيعة التعليقات

==سوسو لمقلشة == اوووه تحيا بلادي
== عمار الفني == حنا ليزالجيريا فور
== بوجادي خو الحواس== حنا الجزايريين ديما قاويين على باقي العرب

=========== هي امثلة فحسب ======

قبل اشهر ايضا راينا احد الفنانين العرب ممن اتو الى هنا لاخذ الملايير من جيوب الشعب الامستغبى للاسف فاثنى على الشعب ببعض الكلمات المعسولة
وي علاه ما يشكرش وهو دا 7 ملاير في 120 دقيقة من العويل والنواح
وبعض الاساذة المغبونين ممن يلهثون وراء (( المال )) الدولة تقابلهم بالبوليس فالشارع والقرمة لشهور وشهور من الاعتصام

على كل حال ليس موضوعنا
وكالعاة نذهب الى مواقع التواصل الاجتماعي لنرى ماهذه الفوضى والضجة ؟؟؟

نجد 99 بالمئة من الجزائريين
يثنون على الشخص في المقطع ويقولون ااااه اهلا وسهلا بك عندنا
نحن كرماء
نحن كذا وكذا
بمجرد ان يجدو تعليق من شخص عربي واحد فقط وسط ملايين الجزائرييين
تجدهم ينهالون على تعليقه شكرا جزيلا ااااه نحن ايضا نحب اهل العراق نحن نحب اهل فلسطين والبوسنة والهرسك
نحن كذا نحن كذا

صراحة اشعر بالقرافة مما اراه لا ادري ان وصلتكم الفكرة ام لا ؟؟ على كل حال

===========

قبل اشهر راينا المنخب الفلسطيني في مباراة ودية هنا
والكم الهائل من الشباب ماشاء الله
وكال عادة لا ولن تسلم صفحة الفيس بوك او تويتر من منشورات المرضى
ينشرون فيديو قد اثنى عليه اخواننا وانتهينا
الفلسطينيين قالو انهم فرحو وهم شاكرون لوقفة الشعب
تدخل للمقطع تلقا مليون ونص مليون تعليق
تحسبه ربما من الاخوة الفلسطينيين
نجي نقرا نلقاهم اغلبهم سوسو لمقلشة وميمي الانوشة وغيرها من الاسماء المقززة
اااووووه نحبك يا فلسطين
اوووووه نعشق ترابك يا فلسطين
وصور البروفايلات حاشا طعام ربي
تروح صفحات فلسطين تلقا 500 الف منشور حول المباراة والصور
لمشكل اغلبها اصحابها جزائريون
يريدو ن ان يشكرو على ما فعلوه مرات عديدة وكانهم حررو القدس
واش هذا
بصراحة لا اعلم ان كنتم تفهمون الشعور الداخلي الذي اريد ايصاله ؟
يعني علاه نروحو حنا نورلوهم واش درنا مرة بعد مرة
ياك شافو ؟ وشكرو السلطات والشعب
علاه الشعب يبقا يمن ويمن ويمن وكانه حرر بيت المقدس
وكل واحد تجده بعد التعليق يكتب انا جزائري
بففف يا اخي راهم علابالهم من بروفيلك بلي جزايري
وما فائة انك جزائري ؟؟؟
تريد ان يقال لك شكرا
اهلا
ميرسي؟
لا حول ولا قوة الا بالله

بصراحة لا اعرف كيف اصيغ الفكرة لكن خلاصة القول
الشعب الجزائري للاسف عندو جنون العظمة ربما وهو شعب بسيط مسكين يتذيل قائمة شعوب العالم في كل الميادين
لكن رغم هذا يريد ان يري نفسه غير الحقيقة التي هو فيها

لا حول ولا قوة الا بالله
سلام
خوكم ثورب

[اريج 07]

والله صح مي قتلتني بالضحك

موضوع مميز

[thorpe]

[quote=اريج 07;3995765346 والله صح مي قتلتني بالضحك

موضوع مميز[/quote]


حمد لله ربي يدوم البسمة اختي

حمد لله الي لحقت الفكرة حسبت بلي ماكاش لي راح يفهم المقصود

[مصطفى_س]

"إنما الأمم الأخلاق ما بقيت.. فإن هم ذهبت أخلاقهم ذهبوا"

وإذا أصيب القوم في أخلاقهم ... فأقم عليهم مأتما وعويلا

لقد ذهبوا يا اخي....

[thorpe]

المشاركة الأصلية كتبت بواسطة مصطفى_س

"إنما الأمم الأخلاق ما بقيت.. فإن هم ذهبت أخلاقهم ذهبوا"

وإذا أصيب القوم في أخلاقهم ... فأقم عليهم مأتما وعويلا

لقد ذهبوا يا اخي....

وهو ذاك اخي الكريم
صح سحورك وصح رمضانك

[أميرة بحجابي]

كلامك في الصميم لكن للاسف الشعب مازال مافهمش

[thorpe]

المشاركة الأصلية كتبت بواسطة أميرة بحجابي

كلامك في الصميم لكن للاسف الشعب مازال مافهمش

وعمرو ماراح يفهم حسب المعطيات الحالية من الضلال الى العمى

[mrmilano1984]

المشاركة الأصلية كتبت بواسطة أميرة بحجابي

كلامك في الصميم لكن للاسف الشعب مازال مافهمش

واش يجيك فهامة من شعب اغلبو معوق ليس كله طبعا كله كي يجيبولهم فنانات وفنانين يروحو وماعلابالهمش هداك الفنان ادا برديدة اموال علي ضهورنا من خزينة الشعب عفوا الدولة وهدا كلو من جيوبنا واحنا فرحانين للاسف هادوك دراهم مفروض يروحو في امور اخري لكن شعب مش مثقف وفاهم للاسف اغلبو راسو تاع بطيخ وعقلو و0 نفس الشيء لايطالع كتب لامثقف لافاهم حاشا البعض طبعا

[zizou b]

عندك حق اخي راك حطيت على الجرح
مام ان وليت نكره حياتي كي نشوف المنشورات لي جات بعد مباراة فلسطين والجزائر سوا من جهة الجزائريين ولا الفلسطينيين ايضا
يعطيك الصحه

[thorpe]

المشاركة الأصلية كتبت بواسطة zizou b

عندك حق اخي راك حطيت على الجرح
مام ان وليت نكره حياتي كي نشوف المنشورات لي جات بعد مباراة فلسطين والجزائر سوا من جهة الجزائريين ولا الفلسطينيين ايضا
يعطيك الصحه

حشمو بينا
لدرجة انك تدخل تلقا ميتين الف منتسب لصفحة فلسطين جزايري والصفحة فيها 250 الف يعني تاعنا كثر ويديرو فالفيديوات زعما باه يعجبو الفلسطينين يعني كي شغل رياء الاجر باغيينو شكر
سبحان الله ههه ربي يجيب الخير

[مصطفى قاسمي]

والله غير عندك الحق الواحد يخرج قلبو من الزوخ

انا والله كي نعود نشوف في الردود نتفسخ بالضحك

راك اليوم نحيت علينا شوي زعاف

بارك الله فيك وربي يهديهم

تقبل الله صيامك اخي

[thorpe]

المشاركة الأصلية كتبت بواسطة مصطفى قاسمي

والله غير عندك الحق الواحد يخرج قلبو من الزوخ

انا والله كي نعود نشوف في الردود نتفسخ بالضحك

راك اليوم نحيت علينا شوي زعاف

بارك الله فيك وربي يهديهم

تقبل الله صيامك اخي

امين يعيشك السي مصطفى
ما تخممش يروحلك التقلاق خويا وتزها كيما كنت
مي ماشي هنا فالمنتدى باسك راحت عليه


صح سحوركم

[جنة الفردوسْ]

للاسف شعب مريض نفسيا...ويحاول التهرب من حقيقته المرة وتجاهلها
ربي يهدينا ان شاءالله

[thorpe]

المشاركة الأصلية كتبت بواسطة جنة الفردوسْ

للاسف شعب مريض نفسيا...ويحاول التهرب من حقيقته المرة وتجاهلها
ربي يهدينا ان شاءالله

المشكل ماهو يحوس يهرب من الحقيقة المرة
راه يحساب بلي ماكانش اصلا حقيقة مرة راهم حاسبين بلي الماريكان تخاف منهم يا السي

صح رمضانكم

[ابن مرزوق]

"مشكلة معظمنا أننا نفضل أن يدمرنا المديح على أن ينقذنا الانتقاد " نورمان فينسنت بيل