فكرة زينة ولالا

[مشكلتي]

صح فطوركم

ماعنديش مشكلة صراحة . عندي غيظ قلبي راه ياكل فيا لأني رحت نهدرت مع طفلة تقرا جامعة على اني نخطبها قاتلي والو منفتحش معاك هذا الموضوع اصلا . أنسى قرايتي االاولى
بعد رحت لباباها في الجامع هدرت معاه عاودتلو الموضوع قالي وأكدلي الهدرة الأولى قالي منزيدش نعاودها الطفلة تقرا ومنيش نخمم نتزوجها طول القراية هي الأولى خلاص ملي قالي هكذا قتلو يا عمي راني نستنى نورمال انتم ناس ملاح ونتمناو ننصاهروكم بصح راها تكمل قولولي باه نجيب الدار قالي وش عليه .
انا ارتحت دخلاني الصراحة ماعنديش دراهم قلت في قلبي تهنيت خليني مبعد نفكر في الزواج مع اني كنت لام شوي دراهم ولكن معليش .
هذه البنت كانت تقرا في الاولى جامعة وبعد طلعت للعام الزاوج حتى بطلت في الشتاء
وهذو الناس بعاد علينا يعني مش اقارب ولا جيران نعرفوهم من بعيد خلاص
الشتاء الي فات سمعت بلي خطبوها وباباها مدها خلاص بالكلمة الرسمية وخلاص يعني راحت انا سمعت وحبيت نتاكد قلت لاختي شوفي كيفاه تتاكدي راحت وسقسات صحبتها وصحبتها سقسات ذي الطفلة قاتلها ايه وراتلها خاتم
صافي معنتها كذبو عليا هاك هو مش راجل خداع يعني كيفاه يمدها هذي مش خدمة راجل وش خصني انا لباس بيا خدام ادارة وش معنتها خطبو هذا العسكري في بنتو مدهالو ثم ثم حتى انها مكملتش العام
الي بدلك بالفول بدلو بقشورو انا الي زادت غاضتني ان الطفلة قابلة بيه وبطلت على جالو
وش رايكم نلعبها بهلول ونروح ندي دارنا وندي الامام ونكبر الجماعة وندي ذاك السيد الي كان مريح معانا ملي هدرت مع باباها نديهم قع ونروح ليه عادي كلي ماسمعت ما والو ومبعد نقولو عمو راني جيت كيما وعدتني وماحبيتش نجيبلك دارنا حتان بطلت الطفلة وحدها وحدها
ونشوف ردة فعلو الخداع الي معندوش الكلمة
فكرة زينة ولالا؟

[يونس معبدي]

السلام عليكم ورحمة الله
يعني هذا الوالد لم يكن باستطاعته ان يجعلك تخطبها ومن بعد تتسناها حتى تكمل قرايتها
في الحالتين انت ستنتظر
لماذا لم يفعل ؟
الا اذا لم يكن يراك تصلح زوجاً لابنته
لذلك لا تعمل حالك بهلول لا والو مش كاتبة
ربي يعوضك خير منها

[kameljijeli]

السلام عليكم ورحمةالله
ساعات أبقى حائر في تفكير بعض الرجال, الفتاة لم تقبلك ووالدها كذلك وتحجج بالدراسة لكي يبعدك فقط عن إبنته , و أنت تقول تلعبها بهلول و تدي عائلتك و الجماعة و تروح تخطب. يا أخي, لا تلعبها بهلول ما والو, الفتاة خٌطبت, وأنت تخسروقتك ووقت عائلتك من أجل لا شيئ .
لعلمك إذا الفتاة قبلت بهذا الشاب و تركت الدراسة من أجله فقد تكون تحبه . واعلم أيضا أن في هذا الوقت أمور تزويج البنت خرجت تمامًا من يدي الرجال, فما تريد البنت و أمها هو المعمول به
أنت تعلم الآن بأنها مخطوبة, فلا يجوز لك شرعا أن تخطب على خطبة هذا الشاب
عجبتني بزاف هذه '' نلعبها بهلول و ندي العائلة و الجماعة''
صح فطور الجميع

[ramzi-messi]

اهكدا اصبح الرجال , مع انك قلت تلاقيتو في الجامع

لا حول ولا قوة الا بالله

خليك منه صديقي ربي مابغاكش تتناسب مع منافق

ادعي الله يجيبلك ما خير منها و الله على كل شيء قدير

[خالد عنابي2]

لا تلعبها بهلول لا والو
ان فعلتها تكون بهلول تع الصح وليس لاعبها !!!

ماعندك حتى حق في البنت ولم يعطوا لك اي موطئ قدم اصلا حتى تؤسس عليه ولا حتى " الكلمة "
واتعجب ايما تعجب من بعض الردود التي ساندتك والتي وصفت هذا الاب بالمنافق
ما اسهل اطلاق الاوصاف من طرف البعض

الم تفهم ؟ البنت رفضت الفكرة وانت ركبت راسك ورحت لابوها والاخير ايضا رفض الفكرة نورمالمو تفهم روحك
الناس ليسوا بحاجة لاطلاعك على مشاريعهم المستقبلية
ربي يسهل وبدل عقليتك .

[خالد عنابي2]

المشاركة الأصلية كتبت بواسطة ramzi-messi

اهكدا اصبح الرجال , مع انك قلت تلاقيتو في الجامع

لا حول ولا قوة الا بالله

خليك منه صديقي ربي مابغاكش تتناسب مع منافق

ادعي الله يجيبلك ما خير منها و الله على كل شيء قدير

وكي تلاقاه فالجامع يسما صايي ؟ عجيبة القوانين لي تخرجوا فيها

[samy algerien]

يا اخ انت الغالط الطفلة وابيها باين ماش قابليين من الاول حيث لم يريد الاب ان يجرحك فقط. لكن انت اعذرني مثل اللصقة يا اخي قالوا لك لا يعني لا وانت بصفتك ماذا تلومهم.
استغفر الله وجد طريقا اخرى وانسى هذه القصة.

[نور لاتراه]

السلام عليكم
لا ليست فكرة زينة بل شينة
اكمال نصف الدين لايكتمل بنصف واحد وبمشاعر من طرف واحد
ارجو ان تعيدوا حساباتكم
الامر فصل فيه من صاحبة القرار
وينبغي احترام رغبتها
رزقكم الله من حيث لاتحتسبون

[مصطفى_س]

تسمى انت باغي دير المشاكل للبنت بفعلك هذا
و تخسر هي و زوجها و تخسر انت
خليك اخي روح شوف حياتك و ربي معاك

[علي لقواطي]

يا أخي مادم تخطبت فلا يجوز لك خطبتها لأنها لا تجوز الخطبة فوق خطبة

[*أم سجى*]

يا اخي الفكرة المليحة أنك تجبد روحك على هذ الناس نهائيا وتخطب فتاة أخرى وتكمل حياتك بعيدا عن هذ الافكار لي راك فيهم .......هوما مهمش قابلين بيك وكلما تزيد ترجع ليهم راك تزيد تطلعلهم فالڨراد و راح تبان في نظرهم أكثر كيم نقولو بالعامية (سماطة)..........امالا اخي لازم تدير قراراتك وتصنع المجد لنفسك

[ايمان4]

يا اخي البنت رفضاتك و الزواج مشي بسيف ممكن انت ماعجبتهاش و الاخر شافت فيه الزوج المثالي ... و زد عليه هداك مكتوبها بالمختصر المفيد ... لكن لتفادي احراجك تحججو بالدراسة ...

[Abe_sparrow1]

القضية هي أن تشعر بالغيظ وهناك شعور بالإنتقام يراودك. كان من المفروض أن يصارحك من قصدتهم من البداية، ولربما لو أرسلت شخصا كبيرا للتحدث مع والد الفتاة لكنت قد حصلت على رد أكثر صراحة. على كل حال لا تربط حياتك بقرار امرأة. فحياتك أكبر من ذلك وتذكر هدفك وغايتك في هذه الدنيا ولا تنس أجر الكاظمين للغيظ والعافين عن الناس ونحن في شهر الرحمة، وتيقن أن الله عز وجل سيعوضك خيرا مما راح بإذنه تعالى فهو ذو الفضل العظيم.

[immmene]

نتا قلت بلي يسكنو بعاد عليكم يعني ماكلاه تشقى نتى و العائلة في باطل و زيد لوكان الطفلة دخلت في قلبها كانت تقبل بيك ملول الحل انك تنساها و صدقني كابابل يصراولها مشاكل و متخمامش بانانية وشوف طفلة وحدوخرى ترضى بيها و ترضى بيك و ربي يسهل

[thorpe]

ههههههه
حسب ما اعتقد عرفت وشمن جيهة الرجال من هذا النوع عفوا قصدي الذكور على كل حال
الفكرة تاعك رايحة تخلص بالغرقة والمشاكل وانا ما ننصحكش بيها
الغلطة اولها فيك
كي مديت الدنية على كلمتك كي قاتلك القراية اولى
كون لثم ليكيدت عليك الزفت
ثاني حاجة حساب واش راك تحكي تبانلي البنت هاذي راهي تعرف هاد العسكري من قبل و بالاك خارجة معاه
وبالاك هي لي قالت لباباها ما يقبلكش ونهار شافت بلي حبيبها عاد واجد بطلت على جالو نورمل
على كل حال خطيك منها ومنو وكي تسجد دعي ربي يرزقك بما خير وادعي ربي يجيبهالهم فالشي لعزيز عندهم فالبيت وريح وتفرج باسك راك مظلوم
ايا صح من بعد الفطور و ما ديرش لفكرة هاذيك اي ماشي افار