امره حيرني فعلا

[مشكلتي]

السلام عليكمانا تاوية اروح سياحة شرم الشيخ بحثت في الفيس البوك على ناس مصريين اسألهم وضع السياحة هناك واسال عن النواقع السياحية فاضفت واحد صدفة وقلت له سبب اضافتي له اجب على كل اسالتي وبالصدفة وجدته يشتغل في فندق في شرم الشيخ ونصحني على كل حاجة
كلمتو 3 مرات اصبح الرجل متعلق بي تعجبت بزاف وقلت له هذا امر مستحيل طبعا هو اصر كتير جداااااا وانا كنت اصده كل مرة فاقسم لي بالله وحلف لي كتير انه جاد وانه ارتح لي من غير ما يشوفني واؤكد انني تكلمت معاه قليل ومن غير تفاصيل ولا صور ومحادثة محدودة ومين هو اصر علي وما حبش يفهم ان الانر مستخيل بالنسبة لي راح امسح كل البنات اللي في القايمة عندو ورجع قال لي خليتك انت برك في قايمتي وفعلا كان صحيح مين رجع الامر هكدا نحيتوا من قايمتي وهنا جن جنونه وقال لي صدمتيني وانا متعلق بيك اوو وانه كره الفيس بوك والان دخلت لقيتو حاط صورة سوداء على البروفايل والتغطية سوداء

اندهشت من امر هدا الرجل ونحس روحي مذنبة من غير ما ندير حتى حاجة
قال لي نجي حتى للجزاير عندك ونخدم عندكم المهم عندي احساس نتي انسانة رائعة و انا بحاجة لهذا النوع من النساء
هدا يا مريض نفسي يا ممثل بارع ما فهمت والو

[طيور الجنان]

لالا اختي هذا ممثل بارع حاب يخليك تعطيه الامان ومن بعد يخدعك باينة واحد هدرت معاه3 مرات يتعلق بيك!!!!!! غير ماتقتنعيش و اخطيك منو ماكانش كيما ولاد بلادك.

[mrmilano1984]

المشاركة الأصلية كتبت بواسطة طيور الجنان

لالا اختي هذا ممثل بارع حاب يخليك تعطيه الامان ومن بعد يخدعك باينة واحد هدرت معاه3 مرات يتعلق بيك!!!!!! غير ماتقتنعيش و اخطيك منو ماكانش كيما ولاد بلادك.

ههه ياو مشكل لو جا ممثل بارع صقيني احتي هدا شايف امثالو والله نعرف واحد مثلو سبحان الله مريض من راسو هو واعي صح مي مخصوص يقول للنساء سيرتو صغارات تاع 20 25 سنة نحبكم ونتي عجبتني ووو ندرلك ونعملك ههه وهو ماير والو فقط يحب يشوف النساء ويهدر معاهم ويخرج معاهم عندو لدة النساء وللعلم متزوج هدا قلتو برك لاجل هاته الفتاة غر تخطيه نهائيا تاع وجهو ممثل بارع ياحيراه كاين رجال ممثلين صح بارعين كي يطيح مرا ييحها ويخليها تشد فيه بلا ماتفيق فهمتي مهما تكون يطيحها يعني هادي امور مكتسبة من عند ربي عندو اللسان لي يجبد بيه النساء نعرف واحد طيح محامية عندها 27 سنة رغم انها شابة وقارية طيحها ولات مهبولة عليه وماتزوجش بها راها هبلت

[bello angel]

لا حول و لا قوة الا بالله
انتي اللي ممثلة بارعة
كون سقسيتي هنا كانو جاوبوك الاعضاء فيهم المصريين و فيهم اللي راح قبل و فيهم اللي يخدم في السياحة
علاه رايحة تتلاحي على الراجل

[عاشق القلم]

مفهمتش الحقيقة اذا مثل ما تقولين فكي عليك

[الرميصاءْ]

انسايه وماترتسليهش

[اياد حياتي]

اخطيك منو اختي دار هكذا باه يوقعك عارفين مرا ضعيفة

[إسلام الفاروق]

الرجل يسقط في الحب من النظرة الاولى على غرار المراة دقيقة فقط قد تجعل الرجل يحب المراة
المهم يبدو رجل غير ناضج و حاب يتبهلل درتي مليح
سلام

[ذكـــــرى]

لا تصدقي...
والباب اللي يجيك منو الريج...
صادق أم كاذب
مجنون أم عاقل
ممثل أم كذاب علمه عند ربي ولم تراسليه لتعرفي ذلك أوليس؟
بالتالي فلست ملزمة بالرد عليه أصلا ولا بمتابعةحذفه للصديقات أو اللون الأسود وغيره من السيناريوهات
هناك شيء اسمه حظر...فاحظريه ولا تفتشي خلفه إن كنت تريدين سلاكا ...

[زوجته]

يااختي لمان قاع مكانش خطيك منو راح حاب يسرقك ومسلكتش وانتي في 3سوايع حب وغرام هههههههههههههههههههههه والله ذنبك على راسك تعرفك خلاصك على قول مصريين

[AMINA.Z]

ههههههههههه
مازالو بنات لدرك يامنو و يتكلحو في الوقت هذا !!!!!!!
و زيد ما فهمتش لاه رايحة تحكي مع راجل ...كاين مواقع و كاين بنات.
و الله بهدلتو بينا بالغباء و التبهليل تاعكم

[زبدة ذايبة]

إعطائك الفرصة لهذا الرجل هي المشكلة

أنك أخذت المعلومات كان كافي بالنسبة إليك

علاش شحال من مرة تهدري معاه ويهدر معاك في الحب والغزل

ويحاول يقنعك بهذا الموضوع لدرجة أنك بديتي تقتنعي بيه

ومابقالك غير نعطيولك من عندنا ok

راكي غالطة 100%

فتحتيلوا المجال وخليتيه حتى لصق فيك

ومن بعد وليتي تقولي هذا يا إما صادق يا إما مريض

وراني نشوف فيكم في زوج من نفس الطينة.

حتى انت ماراكيش بعيدة عليه

حقيقة أنفسنا في كثير من الأحيان تكون صادمة لينا

ماتستغربيش ردود الأعضاء لأنها تعكس الحقيقة

ربما مانتبهتيش لنفسك وقاعدة تشوفي غير في الراجل واش راه يقولك

لكن نسيتي أنه لكل فعل رد فعل

ومن فعلك انت جا رد فعل هذا المصري

نظن الأمر بات واضح بالنسبة إليك

[أم زايد]

سبحان الله تستهلوون الحرام و تطلبون النصيحة
أولا انتي بتسيرين مصر سياحة برووحج ؟؟؟؟ بدون محرم و لا ولي ؟؟؟ هاي نقطة
ثانيا تدورين فالفيس ع مصرييين ؟؟؟؟؟؟؟ لماذاااا ؟؟ لييش يعني ؟؟؟؟؟ فيه مواقع للحجز و فيه شرووحات ع النث في كل مكاان سيري بوكينغ و احجزي احسن فندق فيكي ياشرم الشيخ ......
ثالثا ماعرفت ابكي عليج او اضحك عليج ؟؟؟؟ تتحرين انتي منووو ؟؟؟ وقع في حبج المسكين مهند و انتي نووور عايشة في تأنيب الضميير ؟؟؟؟؟؟ استغفري ربج وتوبي لله تتكلمين مع رجل غريب ؟؟؟؟؟؟؟ و خليتيه يتعدى حدوده و يقولج انه اعجب فييج ؟؟؟
و أصلا و استغفر الله وإن بعض الضن إثم لكنكي لم تكتبي القصة كاااملة .... فيه حلقاات محذوووفة .....

أنصحج لوجه الله ، اقطعي علاقتج فيه حرااااااام مااايجوووز و حتى ع الفيسبوك تعتبر خلوة غير شرعية و الله صاار الحرااام سهل سبحان الله ووين حياااء بناات المسميين ؟؟؟؟ ياية هني تحكين و تكتبين انج تكلمين رياال غريب و انه معجب فيج ؟؟؟؟؟؟ ستحي الحياااء من الإيمان يا مسلمة .

[Zaki Dilmi]

ممثل من زمن تسيعنات المشكلة انك امنتي لن اقول انك مافعلته حرام وو راكي كبيرة و تعرفي المهم نهدرو شوي نفهمو بزااف لو فتحتي حساب اخر و راسلته باسم مستعار و بلهجة مصرية لترين العجب خخخخخ

[رجل من هذا الزمان]

البعض هنا افضل نصيحة يقدر يقدمها انهم يغلقوا افواههم ....