انواع الكائنات في اعراسنا الجزائرية == تفضلوا مرحبا بكم == الدعوة عامة

〆 بٰٰاولو 乄 · 2015-08-29, 18:04

السلام عليكم ،،
كيراكم ان شاء الله بخير
ها قد عدت من جديد ... ومعي موضوع بنكهة اعراسنا الجزائرية
ههههههه تفضلوا واضحكوا شوي بدلوا الروتين معانا هههههههه
انواع الكائنات داخل la salle des fétes هههههههههههههههههههههههه

.
.
.
.

1- الشطاحات= و هن غالبا من جيران لعروسة او لعريس حسب العرس تجدهن يرقصن طيلة العرس اي حوالي 6 ساعات نون سطوب و كي يديرلهم القهوة باش يروبوزيو يقمن بفسخ قارورات الديودوغن تاع 17 الف دولار ..ليقمن برش الطوابق قبل مواصلة المهمة.
2- المغبونات= و هن اللاتي مازال ما جاهمش مكتوب ربي و بدأ القطار يفوتهم او تجاوزو السن القانونية تجدهن شايدين طاولات جماعات جماعات شاردات الذهن يتجرعن قارورة القازوز بمرارة لبشاعة منظر العروسة و هي تتصدر و تارة يغمضن اعينهن ليتخيلو انهن هن العروسة.

3-صديقات العروسة = و هن في الغالب 2او3 لااكثر يتابعنها في كل مكان و هن من يلبسن لها حوايج التصديرة و يجلسن امامها في الكرسي ليظهرن في الكاسيطا تاع العرس لعل و عسى خو لعروسة يدي فيهم وحدة.

4- الروس = و هن نساء يستعملن الحرب الباردة طيلة الحفل حيث لا يتكلمن كثيرا و يكتبون كل شئ يخص العرس في الديسك دوغ تاع راسهم ذو 500 جيقا ليسردن بعد ذلك كل المظاهر لاسابيع و شهور و ربما سنوات.

5- الحسادات = و هن فئة تنتمي في غالب الاحيان لفاميلة العروسة خاصة لي كوزين و لي كوزينات حيث يبدأن بالدردشة فيما بينهن و كشف المستور في طاولة مستديرة و التعليق على القفطان ..الكاركاو..و حتى لاغوب بلونش ..و ينتظرن لحظة الحسم حين يدخل العريس ليمنشرو بكل قوة و يحاولن جذب انضار العريس لكي يندم ندما شديدا.

6- اليد العاملة = و هن ايضا من جيران العروسة او العريس تتم معاملتهم كعبيد حيث يقمن بكل الاعمال التي تطلب مجهود بدني ك تجبد هاذيك الطابلة ..ادي وليد حورية للتوالات ....شدي الخيط تاع الديسك جوكي ...ارفدي الباف .....الخ و يتم منعهن بقوة القانون من المشاركة في تسربية الحلوة لانهن غير مخولات و مدربات لمثل هذه المعارك.

7- القوات الخاصة = و هن النساء المسؤولات عن كل شئ يتعلق بالرافيتايما اي تسربية المقروط..لمحنشة...قنيدلات...بو سو لاتمسو ...القازوز و هن قوات يعترف بتخصصها في مثل هاته الاعمال و الفرقة مدربة لكل التضاريس الصعبة داخل القاعة و كل الفئات الموجودة= كاين لي يعطولها و تزيد تحب تدي= القوات الخاصة هي الفرقة الاكثر اهمية في الصالة و لكي تكون عضوا فيها وجب عليك الانتماء لفاميلة العروسة المقربات بالاظافة الى التقدم في السن اي ما فوق الاربعين.

8- فرقة البحث و التحري= هي فرقة متخصصة في مراقبة محيط الصالة و اي شئ يرمى ارضا = سحور او راس قط= تقوم هذه الفرقة بتامين المحيط باعين ذات كاميرات عالية الجودة ولا يتحركن من اماكهن ابدا.

9- الاكولات = و هن اقلية تحترف السطو على كل شئ يؤكل و خاصة الحلويات و منهن من لا حشمة لهم اي انهن يطالبن بالمزيد ليتم وضعه في اكياس تعليب لاخذها للمنزل فمثلا يمكنهن اخذ حوالي 400 حبة بقلاوة و حوالي نص كبش قاع مورصوات .
هههههههههههههههههههههههههههه

******
اخوكم أحمد
تحياتي

اعجوبة الحياة · 2015-08-29, 18:07

شكرا هههههههههههههههههههههههه

عامر غزال · 2015-09-15, 15:26

hhhhhhhhhhhhhhhhhhhhhhhhhhhhhhhhhhhh fooort mrc

〆 بٰٰاولو 乄 · 2015-08-29, 18:10

العفووووووووو

black dark knight · 2015-08-29, 18:12

هههههههههههههههه
هدا عرس ولا ساحة حرب؟؟؟

〆 بٰٰاولو 乄 · 2015-08-30, 09:45

اقتباس:

المشاركة الأصلية كتبت بواسطة black dark knight

هههههههههههههههه
هدا عرس ولا ساحة حرب؟؟؟

أهااء خوياا هدي ساحة الحرب

alaa mimo · 2015-08-30, 09:59

ههههههههههههههههههههههههههههههههه

رقة زمان · 2015-08-30, 19:55

هههههههه ركزلي على الحسادات

كوكو كوتر · 2015-09-01, 14:20

ههههههههههههههههههههههههههههه

غُـرُورُ أُنْــثَــى · 2015-09-02, 20:37

هههههههههـــ خويا راني شاكة فيك كيفاه علبالكــ بهاد المعلومات هههههههههـــ

ونت راجل

ههههههههههـــ top top

أروع موضوع كتبته في المنتدى إلى حد الآن

دائما متألق

وستبقى متألق

لأنكــ متألق ههههههههههـــ

bon سامحني تحمست شوي

شكراا لك

〆 بٰٰاولو 乄 · 2015-09-04, 12:04

اقتباس:

المشاركة الأصلية كتبت بواسطة flower koky

هههههههههـــ خويا راني شاكة فيك كيفاه علبالكــ بهاد المعلومات هههههههههـــ

ونت راجل

ههههههههههـــ top top

أروع موضوع كتبته في المنتدى إلى حد الآن

دائما متألق

وستبقى متألق

لأنكــ متألق ههههههههههـــ

bon سامحني تحمست شوي

شكراا لك

هههههه مرسي بزااف ختي الله يحفظك