طريقة الكيكة الاسفنجية بتفصيل من مطبخ ام لوجين و هديل

[ام لوجين وهديل]

اليوم حبيت انشارك امعاكم بطريقتى الخاصة للكيكة الاسفنجية مع طريقة تحضير الكرام الى نستعملها انا لاننى ما انحبش الباتيسرى تاع برا امعمر بالزبدة ما يعجبنيش و اخلاص ..........................





[IMG]https://s*******-cdg.xx.fbcdn.net/hphotos-xtf1/v/t1.0-9/p180x540/10391429_353669668172746_8650219959875299116_n.jpg ?oh=d69834df2a011794cb5463d2c652973d&oe=5577263F[/IMG]





نبداو بسم الله

1 - مقادير لاجينواز :

- 6 حبات بيض
- 100 غ سكر عادي
- 120 غ فرينة
- 30 غ مايزينة
- لو زاست تاع البرتقال
- لفانى
- ربع ساشى خميرة حلوة

2 - مقادير كرام بتيسري

2 بيضات
100 غ سكر
60غ مايزينة
لفاني
لوزاست تاع البرتقال
نصف لتر حليب

3- مقادير الكرام افراش

500غ كرام افراش
3 ملاعق سكر غلاصى

4 - مقادير الشراب

كاس سكر
3 كيسان ماء
ربع حبة ليمون

الان طريقة تحضير لاجينواز

في البيترا نحط البيض مع قرصة تاع ملح و السكر و نخلطوه مليح حتان يتضاعف حجمه و يتغير لونه من اصفر الى ابيض نحبس البيترا و انحط الفرينة الممزوجة مع المايزينة و الخميرة المغربلين من قبل عدة مراة ليدخل الهواء فيهم انفرغهم في صفيا و انغربل فوق خليط البيض علي ثلاثة دفعات و انقلب من الاسفل الي الاعلى بكل هدوء بش متهبطلناش الكيكة عندما اتشوفي الفرينة امتزجت جيدا مع الخليط فرغيه في ابلا مفروش بورق الزبدة سويه مليح اودخليه الى الفرن اسخون جدا جدا على درجة 200 د من فوق و من تحت لمدة 10 دقائق كي اتشوفيه اتحمر من الفوق نحيه او خليه يبرد 2 دقاتق ثم اقلبيه واتركي ورق الزبدة فوقه هوا لي يحميه باش يبقي طري او ما ييبسش
كرري هاده العملية 3 مرات يعني اخدمي 2 وحدخرين كيما هاذا اوخليهم ايباتو من الاحسن او من الصباح الى المساء يعني 6 بيضات +6 +6=18 بيضة

الان طريقة تحضير الكرام بتيسري

ضربي2 بيضات مع السكر و لفاني و لوزاست حتى ايولي لونه ابيض زيدى المايزينة اوخطي غير اشويا ثم ضيفي الحليب سخون يغلي اوخلطي بسرعة باش ما ايطيبش البيض ثم فرغيه في كسرونة من النوع المطلي اوحركي بالفوي بسرعة على نار هادئة حتي تعقد فرغيها في صحن كبير اوغطيها بابابي فيم اوحطيها في الثلاجة تبرد تماما
طريق التحضير لكرام فراش
في البيترا حطي الكرام فراش تكون باردة جدا اوخلطي ابسرعة خفيفة كي تبدا تطلع ضيفي السكر اوزيدي السرعة لاقصى سرعة حتا تطلع او تصبح خفيفة حطيها في الثلاجة اجبدي الكرام بتيسيار حطيها في البيترا مع نصف ملعقة كبيرة من لفاني و اخدميها امليح حتا ترجع رطبة ثم ضيفي عليها الكرام فراش لي كنا طلعناها من قبل او خلطي امليح حتان تمتزج و تصبح خفيفة حطيها ابجيها

طريقة تحضير الشراب

امزجي السكر مع الماء حتان ايدوب السكر امليح بارد في بارد
ثم حطيهم يغليو 10 دقائق زيدي ععصرة ليمون او طفي اعليه اوخليه يبرد

التزيين

و انروحو للصح كامل انحبو هادي اللحضة جيبي ابلا ايكون قد الكيكة انتاعك حطي فيه الطبقة الاولى اوشربيها مليح بالشراب استعملي البانسو هوا لي ايدي الغرض ثم حطي طبقة مليحة من الكريمة ثم حطي طبقة الكيكة الثانية وانشربها امليح ثم طبقة اكريمة ثم الطبقة الثالثة و انشربها و انحط طبقة وفيرة من الكريمة اومشيها علي جوانب الكيكة غلفيه امليح واهنا لازم اشويا عضلات هههههههههه
https://fbcdn-sphotos-h-a.akamaihd.n...8982fc3524224f


احمليها بيد او غلفيها من الجوانب كيما التحبي مثل - شكولا مبشورة - لزامون دفيلي - براليني - فار مسال شوكو - انتى واش اتحبي انا انفضل مبشور الشوكولا او براليني حطيها فوق الطابلا اوعمري لكرام لبقاتلك في لا بوش ادوي اوزوقيها كيما اتحبي كل وحدة تتفنن بطريقتها الخاصة انا حبيت برك انشار معكم طريقتى المتواضعة اتمنا ان تكون قد نالت اعجابكم و اكون قد افدتكم بمعلوماتي المتواضعة
انشاء الله اتكونو افهمتونى اي استفسار انا في الخدمة

وشكر

https://s*******-cdg.xx.fbcdn.net/hp...ae&oe=55A9E86E

[louli2007]

ya3tik sahha
macha2allah

[انيسة 3]

شكرااااااااااااااااااااااااااااااااا:1 9:

[sandibal]

rawwwwwwwwwwwwwwwwwwww3aaaaaaaaaaaa

[ounissinauha]

بارك الله فيك نحاول أنجربها ياريت تخرج كيما أنتاعك

[ام لوجين وهديل]

المشاركة الأصلية كتبت بواسطة ounissinauha

بارك الله فيك نحاول أنجربها ياريت تخرج كيما أنتاعك

شكرا حبيبتي ديري كوراج وجربيها ريحا تخرجلك خير من نتاعي ان شاء الله ولا خصك كاش شرح نزيد نوضحلك اكثر بتووووووووووفيق

[fleur de lili]

ya3tik sahha khrjette 44444444444444444

[amirasimsim74]

444444444444444444444444444444

[ام رضوان]

ربي يحفظك اختي ويحفظ هاذوك اليدين والله خدمت يدك ما تقابلها حتى بنة.


سؤال نقدر نديرها وماعنديش البيترا؟ شكرا

[ام لوجين وهديل]

المشاركة الأصلية كتبت بواسطة ام رضوان

ربي يحفظك اختي ويحفظ هاذوك اليدين والله خدمت يدك ما تقابلها حتى بنة.


سؤال نقدر نديرها وماعنديش البيترا؟ شكرا

شكرا حبيبتي ام رضوات تقدري اديريها ادا كان عندك باتور مليح وما تخافيش ايعود يتحرقلك لانك دربيها على الاقل 10د باش تطلعلك الكيكة مليح جربي بصح ايلا كشما صرالو ما تدعيش عليا هههههههههههههه

[أم ضياء عبد الرحيم]

اختي ام لجين جاتكك ما شاء الله تاع محترفين و احسن الف مرة من تاع برة تسلم الايدي سخفتيني
جازاك الله كل خير
احلى تقييم

[ام لوجين وهديل]

المشاركة الأصلية كتبت بواسطة جيادا

اختي ام لجين جاتكك ما شاء الله تاع محترفين و احسن الف مرة من تاع برة تسلم الايدي سخفتيني
جازاك الله كل خير
احلى تقييم

شكرا حبيبتى جيادا هدا من زوئك الحلو اكيد احسن من تاع برا وشراهم يخدمو يرحم والديك يطبعونا غير في الراكاي انا ولله ما نشري حتى حجا من برا وش يطلبو اولادي نخدملهم في الدار وننصحكم كلكم تخدمو وما تخافوش كلش راه ساهل غير شوى اراده ههههههههههه يخاه وش منشرت فيهم راني خيفا نخرج اليوم من الدارهههههههههه

[ام كوكو]

يعطيك الصحة ام لجين خرجتلك روعة و اكيد لذيذة تسلم الايادي

[ام لوجين وهديل]

المشاركة الأصلية كتبت بواسطة ام كوكو

يعطيك الصحة ام لجين خرجتلك روعة و اكيد لذيذة تسلم الايادي

شكرا ام كوكو اكيييييييد لديدة جداجدا لانها مصنوعة في البيت ومهما كانت احسن منلي يتباعو برا والله كلهم مغشوشين الا من رحما ربي هكا تتشجعو وتخدمو كل حلاوياتكم في المنزل وطيحو عليهم البق ههههههههههههه ولا لا لا

[ام رضوان]

بوركت اختي ام لجين وهديل على الرد راح نجربها باذن الله والله غير ندعيلك غير بصلاح الذرية .