ايجابيات وسلبيات الزواج من اجنبية

[loubna 91]

السلام عليكم بما ان شبابنا اليوم يريدون الزواج من اجنبيه للهروب من الوطن اولا تم المهر الغالي و الشروط التعجيزية ووو..........
اليوم اريد التكلم عن ايجابيات و سلبيات هدا الموضوع بما انني مقيمه في الخارج و اعرف ما يجري و لدي صديقات اجنبيات متزوجات بجزائريين فسوف اقول لكم ما ارى واسمع عن هده الزيجات و ان شاء الله تعطوني رايكم في هدا الموضوع وارجو عدم نشوب اي خلافات بين الاخوه و الاخوات
الايجابيات
1- السفر الى الخارج خاصتا لمن لم يجد مستقبله في وطنه
2-الزواج من اجنبيه لن يكلفك كتيرا خاتم و بعض الهدايا وكفى
3- انا اسفه بنات بلدي على هدا الاجنبيات جميلات و لن نكدب على انفسنا الرجل يميل الى الجميله
4-تجدهن خاصتا ادا اعتنقن الاسلام يطبقنه ويتصرفن بعفويه ولا تجدهن حقودات
5-تجدهن يعشن مع زوجهن في اي ظرف
6-لا مشاكل مع اهل الزوج
السلبيات
1- اختلاف طريقة التفكير خاصتا مع الرجل الجزائري هن يردن الرومنيسة و يجرحن بسهولة
2-ادا كانت غير مسلمة فهنا الكارتة تربية الاولاد اصعب
3- لا تستطيع ان تكون مرتاحا في تعاملك معها خاصتا حاجز اللغه هناك امور لا تستطيع التعبير عنها الا بلغتك
4-لا تستطيع ان تتق فيهن ادا اخترت الشخص الخطا تستطيع في يوم من الايام ان ترجع الى المنزل و لا تجد اولادك و حدتت كتيرا
5-تبقى تلك الفكرة دائما معك انك لم تاخد بنت بلادك وانك لم تاخد فتاة لم يسبق لها الزواج على حسب قول زوجي
وهناك الكتير و الكتير لمن اراد ان يضيف شيئا فليتفضل

[alkalima tayiba]

الزواج باجنبية عادي لمدة خمس سنوات و يكبرو الاولاد ماش رايحين يتقبلو رجوعهم و اختمال ما يتقبلوش الدين,

[loubna 91]

المشاركة الأصلية كتبت بواسطة alkalima tayiba

الزواج باجنبية عادي لمدة خمس سنوات و يكبرو الاولاد ماش رايحين يتقبلو رجوعهم و اختمال ما يتقبلوش الدين,

صح راني نشوف خاصتا ادا كانت مسيحيه

[alkalima tayiba]

الغربة واعرة الانسان لازم يربي وحدوا ما كاش لي عاونوا تيار مجتمع كل ضدوا,
اما في البلدان الاسلامية لي تغيبلك كاين لي يعاونك,
هم فيهم ميزة تطبيق القانون هذا الرادع الوحيد,
وشكرا على الموضوع

[loubna 91]

المشاركة الأصلية كتبت بواسطة alkalima tayiba

الغربة واعرة الانسان لازم يربي وحدوا ما كاش لي عاونوا تيار مجتمع كل ضدوا,
اما في البلدان الاسلامية لي تغيبلك كاين لي يعاونك,
هم فيهم ميزة تطبيق القانون هذا الرادع الوحيد,
وشكرا على الموضوع

شكرا اختي و الله صح الحاجه الوحيده لي مليحه فلغربه النظام و النظافة من تم لهيه والو بلادك خير

[alkalima tayiba]

المشاركة الأصلية كتبت بواسطة loubna 91

شكرا اختي و الله صح الحاجه الوحيده لي مليحه فلغربه النظام و النظافة من تم لهيه والو بلادك خير

السلام عليكم
اشاطرك في نظافة الشوارع و الشركات
اما نظافة الاجسام المسلمين انقى منهم و السبب الطهارة اللي ربي وصانا عليها من وضوء وغسل و حلق و اظافر,,,,الخ
الاجنبية صح تشوفيها نظيفة تعتني بلباسها و شعرها لكن في الافلام فقط وتبعت اشرطة بزاف على الناس في امريكا خاصة يشتكوا من قلة النظافة والله اعلم ,شخصيا ما خرجتش من محيط الجلفة واحيانا كي نحب نروح للخارج نحوس ندير قوقل ايرث و نقول يالله زنقة زنقة ,صح قوقل ايرث اندو نفس ميزة الحلم الطيران و التنقل بالصور بلاما تقدري تلمسي او تحسي,سبحان الله

ا

[chouchou w]

المشاركة الأصلية كتبت بواسطة alkalima tayiba

السلام عليكم
اشاطرك في نظافة الشوارع و الشركات
اما نظافة الاجسام المسلمين انقى منهم و السبب الطهارة اللي ربي وصانا عليها من وضوء وغسل و حلق و اظافر,,,,الخ
الاجنبية صح تشوفيها نظيفة تعتني بلباسها و شعرها لكن في الافلام فقط وتبعت اشرطة بزاف على الناس في امريكا خاصة يشتكوا من قلة النظافة والله اعلم ,شخصيا ما خرجتش من محيط الجلفة واحيانا كي نحب نروح للخارج نحوس ندير قوقل ايرث و نقول يالله زنقة زنقة ,صح قوقل ايرث اندو نفس ميزة الحلم الطيران و التنقل بالصور بلاما تقدري تلمسي او تحسي,سبحان الله

ا

سلام شكرا على الموضوع رائع انا سألت زوجي علاه مزوجتش من فرنسا قالي راهم 0 في كل شيء يشرطو بزاف تحب تعيش كيما بغات هي متحبش الراجل يدخل في امورها ونظافة اسمحيلي مهمش انظاف سلام

[loubna 91]

المشاركة الأصلية كتبت بواسطة chouchou w

سلام شكرا على الموضوع رائع انا سألت زوجي علاه مزوجتش من فرنسا قالي راهم 0 في كل شيء يشرطو بزاف تحب تعيش كيما بغات هي متحبش الراجل يدخل في امورها ونظافة اسمحيلي مهمش انظاف سلام

و عليكم السلام اختي شكرا و الله كيما انا سالتو يقولي غير اجنبيه مانديهاش قالي فيهم غير لعداب زين ممبعد يعود ميهمش

[loubna 91]

المشاركة الأصلية كتبت بواسطة alkalima tayiba

السلام عليكم
اشاطرك في نظافة الشوارع و الشركات
اما نظافة الاجسام المسلمين انقى منهم و السبب الطهارة اللي ربي وصانا عليها من وضوء وغسل و حلق و اظافر,,,,الخ
الاجنبية صح تشوفيها نظيفة تعتني بلباسها و شعرها لكن في الافلام فقط وتبعت اشرطة بزاف على الناس في امريكا خاصة يشتكوا من قلة النظافة والله اعلم ,شخصيا ما خرجتش من محيط الجلفة واحيانا كي نحب نروح للخارج نحوس ندير قوقل ايرث و نقول يالله زنقة زنقة ,صح قوقل ايرث اندو نفس ميزة الحلم الطيران و التنقل بالصور بلاما تقدري تلمسي او تحسي,سبحان الله

ا

صح غير الشوارع و ينظفو رواحهم غير كي خرجو و خلاص

[nesrinwarda]

ما كاش خير من بنت بلادك في كل شيء حتى في الزين هذوك الشابات غير في الافلام البقية تاع البنات عاديات

[loubna 91]

المشاركة الأصلية كتبت بواسطة nesrinwarda

ما كاش خير من بنت بلادك في كل شيء حتى في الزين هذوك الشابات غير في الافلام البقية تاع البنات عاديات

تلقاهم حاطين كيلو مكياج هما عندهم الزين صح مي ماشي كيما العربيه

[chromato]

أولا يجب السؤال عن حكم الزواج بغير المسلمة ؟

[loubna 91]

المشاركة الأصلية كتبت بواسطة chromato

أولا يجب السؤال عن حكم الزواج بغير المسلمة ؟

خويا يقولك تقدر تتزوج بكتابية بصح هوما درك اغلبيه بلا دين مي الشباب تاعنا يقلك نديها و ندخلها فلاسلام بصح اني نعرف جزايرين هنا عندهم اولاد و نساهم مزال مدخلوش فلاسلام

[ghani stayfi]

"]موضوع ممتاز انا الان محتار عندي صديقة من كندا وافقت على الزواج معي لكن انا خائف من مشكل اللغة والعادات هي اعتنقت الاسلام حديثا وهي اكبر مني ب 5 سنوات الحقيقة اريد الهجرة من البلاد لا امل هنا

[loubna 91]

المشاركة الأصلية كتبت بواسطة ghani stayfi

"]موضوع ممتاز انا الان محتار عندي صديقة من كندا وافقت على الزواج معي لكن انا خائف من مشكل اللغة والعادات هي اعتنقت الاسلام حديثا وهي اكبر مني ب 5 سنوات الحقيقة اريد الهجرة من البلاد لا امل هنا

و الله يا خويا منقدرش نقولك واش دير بصح و الله راني نشوف عيشتهم صعيبه شويه و تقعد دايما تتمنى بنت بلادك و العادات ميشبهوش ان صراحه خويا منقبلوش يتزوج اجنبيه خاطرش تبانلك مليحه فلول و ممبعد تتصدم على العموم ربي يسهلك