الزواج برجل في الجيش

["راجية الجنة"]

السلام عليكم

تحية طيبة للجميع

عندي موضوع للمناقشة يخص مايلي

هل زواج فتاة من رجل في الجيش (مgجي ) بقاولنا سبع سنوات و يكمل امر هين ؟

الي عندوا فكرة او واحد من اقارب هكة يفيدنا بالتجربة

اتمنى التفاعل

موفقين

[لحن الحياة.]

و كي يكمّل وش يقعد يدير ؟؟؟؟؟؟؟؟؟؟؟؟؟؟؟؟؟؟؟؟ هذا السؤال للآن محيرني
هل يقعد فالدار ؟ خاصة اذا كان لا يتقن اي صنعة و لا يملك ديبلوم جامعي
أنا أراها مغامرةة

["راجية الجنة"]

لما يقعد الفحل و الي خمم مليح مليح
يخمم في كاش بروجي بالاخص انهم بعد ما يكملوا يممدولهم مبلغ مالي
و ايضا لو كان فحل راح يخبي شويا دراهم للبروجي هذا
ان شاء الله تدحل وحدة مديا جدارمي اتفيدنا

[*نآدرة~]

شوفي نعرف واحد خرج من الجيش،،،قعد عام واحد برك في الدار وبدا يحوس في الخدمة خاطر كره من قعاد الدار وكرهت مرتو من التنقريش تاعو
كان داير حديقة قدام الدار يعتني بيها وضروك لقا 2 خدمات،،في النهار يخدم عادي عند الناسمع البنائين خدة غير خفيفة ميش يثقل على روحو وفالليل يعس
وزيديلو خلصتو صافي ولاو 3 خدمات

عانات مرتو شوية كي كان بعيد مرة تروح معاه ومرة لالا بالصح ضروك لاباس على كل حال،،،انا الصح ماعجبنيش كي راه يخدم في الليل،،،غير زوج خدمات بزاااف
وكل واحد ورايو وكل واحد وتفكيرو،،وكاين بزاف لي يبغو يتزوجو بالعسكريين،،حتى ولو قاع ما يخرجتشمن خدمتو

ربي يقدرلكم لي فيه الخير
بالتوفيق وحتى انا يفيدني هاذ الموضوع بانتظار بقية الآراء

[salim.salim]

انا شخصيا لو كان كنت فالجيش و نخرج تقاعد و االله ما نزيد نضرب فيها ضربة
نبقى نصرف بالشوية حتى يجيني عزرين.
اغلب المشاريع نسبة النجاح فيها 0.01 في المئة ( و خير دليل مشاريع ansej و anjem)

و بالعودة للموضوع فالمهم في القضية ان يكون الرجل " ولد فاميلة" كيما يقولوا و يخاف ربي و لا تهم وظيفته البتة فالكثير من الرجال يعملون بعيدا عن اماكن اقامتهم ( كعمال يوناطراك مثلا).

[aicha gatta]

المشاركة الأصلية كتبت بواسطة salim.salim

انا شخصيا لو كان كنت فالجيش و نخرج تقاعد و االله ما نزيد نضرب فيها ضربة
نبقى نصرف بالشوية حتى يجيني عزرين.
اغلب المشاريع نسبة النجاح فيها 0.01 في المئة ( و خير دليل مشاريع ansej و anjem)

و بالعودة للموضوع فالمهم في القضية ان يكون الرجل " ولد فاميلة" كيما يقولوا و يخاف ربي و لا تهم وظيفته البتة فالكثير من الرجال يعملون بعيدا عن اماكن اقامتهم ( كعمال يوناطراك مثلا).

والله عندك الحق بصح عجبتني تاع عزرين

[✿ همــس الزهـــور ✿ ツ]

السلام عليكم ورحمة الله وبركاته

العمل بالجيش أمر متعب من كل النواحي وخاصة لما يتم الزواج

فعمله في جهة وبيته في جهة وزوجته في جهات أخرى ههه

الامر له إيجابيات كثيرة وأيضا سلبيات

غاليتي أتحدث من تجربة شخصية

لكن ما يجب أن نضعه أمامنا أن لكل عمل متاعبه وضروفه

ولا يوجد شخص يعمل وهو مرتاح عمليا وأسريا

أظن القناعة والرضا وإستشعار السعادة في النعم الموجودة سيكون الحل الوحيد للجميع

أنصح كل من له هذه الوضعية أن يستخير الله و يستشير من لهم خبرة وأن يتفقا ويخططا لمستقبلهما بكل واقعية

أسأل الله التوفيق والسعادة لكل شباب المسلمين

[لحن الحياة.]

المشاركة الأصلية كتبت بواسطة "راجية الجنة"

لما يقعد الفحل و الي خمم مليح مليح
يخمم في كاش بروجي بالاخص انهم بعد ما يكملوا يممدولهم مبلغ مالي
و ايضا لو كان فحل راح يخبي شويا دراهم للبروجي هذا
ان شاء الله تدحل وحدة مديا جدارمي اتفيدنا

نظن الجادارمي يختلف عن الجيش يا اختي مش كيفكيف
وللناس حظوظ تختلف ماذا لو كان وحد ما يقراش و ما عندوش نيفو و الله حصلة

المشاركة الأصلية كتبت بواسطة راقية بإسلامي

السلام عليكم ورحمة الله وبركاته

العمل بالجيش أمر متعب من كل النواحي وخاصة لما يتم الزواج

فعمله في جهة وبيته في جهة وزوجته في جهات أخرى ههه

الامر له إيجابيات كثيرة وأيضا سلبيات

غاليتي أتحدث من تجربة شخصية

لكن ما يجب أن نضعه أمامنا أن لكل عمل متاعبه وضروفه

ولا يوجد شخص يعمل وهو مرتاح عمليا وأسريا

أظن القناعة والرضا وإستشعار السعادة في النعم الموجودة سيكون الحل الوحيد للجميع

أنصح كل من له هذه الوضعية أن يستخير الله و يستشير من لهم خبرة وأن يتفقا ويخططا لمستقبلهما بكل واقعية

أسأل الله التوفيق والسعادة لكل شباب المسلمين

وهذه تجربة من الواقع .......اظن أن الشخص لما يوالف عمل معين صعععععععععععب جدا باش يتأقلم مع عمل اخر مختلف

["راجية الجنة"]

واحد لما يكون مgاجي
يخدم 15 سنة و يخرج تقاعد مسبق
اكيد عندوا منحة التقاعد كاي وظيفة من الوظائف
و ايضا يمدولهم مبلغ بعد الخروج من التقاعد ممكن هذا الي به يدير مشروع

اما بخصوص الزوجة نتاعوا ممكن راح تسوفري في الاول بالاخص الي تخدم راح تبدى كلام القيل و القال وووو
ولكن اذا ارهم للزوج متفاهمين يقفلوا ودينهم راخ يعيشوا بالتفاهم

ننتظر راي الاخوة

[eBusiness]

لقيتو الرجال وراكم تتقلشو !!!!!!!!!!!!!!!!! أنا لست من الجيش لكن يعني على حساب كلامكم أفراد الجيش ممنوع عليهم الزواج أم ماذا ؟؟؟ ثم الله يرحم باباكم يا نساء المنتدى مواضيع مثل هذه تكره الرجال فيكن لهذا أنصحكن بأن تتطرحن أسئلة مثل هذه في قسم النساء فهناك نساء عايشن نفس الوضعية ستجدين عندهن الإجابة المفيدة أما نحن الرجال حينما نرى أسئلة مثل هذه أنا بعدا قلبي يطلع والسلام عليكم.

["راجية الجنة"]

المشاركة الأصلية كتبت بواسطة eBusiness

لقيتو الرجال وراكم تتقلشو !!!!!!!!!!!!!!!!! أنا لست من الجيش لكن يعني على حساب كلامكم أفراد الجيش ممنوع عليهم الزواج أم ماذا ؟؟؟ ثم الله يرحم باباكم يا نساء المنتدى مواضيع مثل هذه تكره الرجال فيكن لهذا أنصحكن بأن تتطرحن أسئلة مثل هذا في قسم النساء فهناك نساء عايشن نفس الوضعية ستجدين عندهن الإجابة المفيدة أما نحن الرجال حينما نرى أسئلة مثل هذه أنا بعدا قلبي يطلع والسلام عليكم.

سامحني ازعجتك
والله ما كان قصدي اني نتقلش او اجعل النساء يتقلشن و لكن قصدي اننا ننقاش هذي الوضعية و ملقتش قسم مناسب الا هذا القسم
وغرضي هو جدب اي وحدة متزوجة بواحد من الجيش مgجي
تعطينا فكرة عن سير الحياة الزوجية بسلبياتها و اجابياتها
واعتذر مرة اخرى

[eBusiness]

المشاركة الأصلية كتبت بواسطة "راجية الجنة"

سامحني ازعجتك
والله ما كان قصدي اني نتقلش او اجعل النساء يتقلشن و لكن قصدي اننا ننقاش هذي الوضعية و ملقتش قسم مناسب الا هذا القسم
وغرضي هو جدب اي وحدة متزوجة بواحد من الجيش مgجي
تعطينا فكرة عن سير الحياة الزوجية بسلبياتها و اجابياتها
واعتذر مرة اخرى

لا عليك أختي أنا لست فرد من أفراد الجيش لكن تخيلي مسكين جندي يقرأ مثل هذه المواضيع وهو عائد من ساحة المعركة مثلا على الحدود مع ليبيا أو مالي ويرى نظرة الجزائرية بخصوص الجندي والله المسكين تكرهولو حياتو... أختي هناك عناصر من الجيش أتحدث بالأخص عن صف الجنود الذين دوما يكونوا في الصف الأول لمواجهة العدو فهم يضحون بأنفسهم من أجل الجزائر يعني من أجلك أنت وأنا والكل فتأتي الجزائرية بسلامتها تتقلش وحدة تقول ماشي مليح وما نعرف واش... الرجل مطالب بالتضحية والمرأة مطالبة بمساندته في تضحيته... لست أتحدث هنا عن الظباط السامون الذين أكلوا الأخضر واليابس بل عن الجنود المساكين لهذا وجب عليكن كنساء مراعاة التضحيات الجسام التي يقوم بها الجندي في سبيل الوطن وأولا في سبيلكن أنتن كنساء لأنه إن هجم علينا العدو ستكن أنتن النساء أكبر الضحايا... ثم السؤال هذا يخص النساء بالدرجة الأولى لهذا كان يكون أولى أن تطرحيه في قيم دردشة النساء أين لا يمكن للرجال قراءة الردود... القليل من المسؤولية يا قوم
أتمنى أن تفهمي قصدي يا بنت الأكابر ورب يوفقك كلشي بالمكتوب

["راجية الجنة"]

المشاركة الأصلية كتبت بواسطة ebusiness

لا عليك أختي أنا لست فرد من أفراد الجيش لكن تخيلي مسكين جندي يقرأ مثل هذه المواضيع وهو عائد من ساحة المعركة مثلا على الحدود مع ليبيا أو مالي ويرى نظرة الجزائرية بخصوص الجندي والله المسكين تكرهولو حياتو... أختي هناك عناصر من الجيش أتحدث بالأخص عن صف الجنود الذين دوما يكونوا في الصف الأول لمواجهة العدو فهم يضحون بأنفسهم من أجل الجزائر يعني من أجلك أنت وأنا والكل فتأتي الجزائرية بسلامتها تتقلش وحدة تقول ماشي مليح وما نعرف واش... الرجل مطالب بالتضحية والمرأة مطالبة بمساندته في تضحيته... لست أتحدث هنا عن الظباط السامون الذين أكلوا الأخضر واليابس بل عن الجنود المساكين لهذا وجب عليكن كنساء مراعاة التضحيات الجسام التي يقوم بها الجندي في سبيل الوطن وأولا في سبيلكن أنتن كنساء لأنه إن هجم علينا العدو ستكن أنتن النساء أكبر الضحايا... ثم السؤال هذا يخص النساء بالدرجة الأولى لهذا كان يكون أولى أن تطرحيه في قيم دردشة النساء أين لا يمكن للرجال قراءة الردود... القليل من المسؤولية يا قوم
أتمنى أن تفهمي قصدي يا بنت الأكابر ورب يوفقك كلشي بالمكتوب

عمبالي بلي راهم يضحيو على جالنا يا ولدي منيش غبية للهذي الدرجة

انا برك طرحتوا بصفة عامة برك ممكن معرفت نضيغ الموضوع وبانلك كلي نصتصغر فيهم
بالعكس اختك في دوامة و حابة تخرج منها
بصح بسلاتك اك فهمتي العفسة
المهم هذي تحية كبيرة للابطال نتع الصف الاول
ربي يحفظهم و يحميهم من كل شر ان شاء الله

[eBusiness]

المشاركة الأصلية كتبت بواسطة "راجية الجنة"

عمبالي بلي راهم يضحيو على جالنا يا ولدي منيش غبية للهذي الدرجة

انا برك طرحتوا بصفة عامة برك ممكن معرفت نضيغ الموضوع وبانلك كلي نصتصغر فيهم
بالعكس اختك في دوامة و حابة تخرج منها
بصح بسلاتك اك فهمتي العفسة
المهم هذي تحية كبيرة للابطال نتع الصف الاول
ربي يحفظهم و يحميهم من كل شر ان شاء الله

أولا أنا لست ولدك بل عمك لا علينا أختي الفاضلة لم يكن لي إلا أن أنبه القوم بمسألة هامة هذا كل ما في الأمر... أنا لدي معارف من الجيش صح كاين اللي عايشين هانيين لكن كاين هناك من هم في الصفوف الأولى للمواجهة وهناك حتى من مات ومن سيموت أيضا لهذا على الأقل القليل من المراعاة لهذا حبذا أختي أن تتحدثوا بخصوص هذه المسألة بين النساء فكما قلت لك لو إطلع جندي على مثل تلك الردود سيكره حياتو المسكين ثم أغلبهم راهم يخاطرون بحياتهم من أجل الوطن ومن أجل لقمة العيش أيضا لهذا لنراعي تضحياتهم والله يرحم الشهداء.
رب يسترك أختي ويعطيك ما راكي تتمني

[رندة نهاد]

ديتيه وزوجتوا وحرتو فيه كي يخلص وش يدير ربي يهديكم اطلبيلو الصحة والهنا ء وربي ورحمتوا كون تسمعك امه تديرك مشرملة خخخخخخخخخخخ منعرف علاه يغيضوني نتع الجيش يعانيو بزاف والله العظيم عند قريبي في الجيش ومتزوج عندو عامين والله مرض كي يروح لخدمتو زوجته ترجع لاهلها دوك الفالات يالطيف موش قاعدة مع اهلو الام تكبر وتربي والغاشي يدي وفي la fin ما هيش مليحة خليني لا نخرج على الموضوع الصحة والستر برك
تحياتي