مستعجل

[مشكلتي]

عمري 25 سنة ذات مستوى تعليمي عالي وعاملة في منصب مرموق لمدة يوم واحد فقط في الاسبوع
ملتزمة وحجابي شرعي، تقدم لي شاب يعمل معي موافقا على عملي لكن مؤخرا طالبني بالمكوث في البيت
رايكم احبتي في الله

[فراس2022]

اذا كان دين وخلق وخدام و مكون روحو.....انصحك تقبلي ........و يمكنلك تناقشيه في موضوع العمل خاصة ان تعملين ليوم واحد اي 4 ايام في الشهر

[الدالة على الخير]

الزواج خير مشروع في هذه الحياة خاصة إن من الله عليكم بالولد ..................لكن قبل ذلك لابد من مراعاة خلقه ودينه...................

[أم نرجس حياتي]

عليكي بالاستخارة أختي

[خوخة40]

صلي الاستخارة

[راضية بقدر الله]

اللهم لاحسد منصب مرموق وليوم واحد في الاسبوع وفي بلادنا واش يكون المنصب ؟ والله كرهت الخدمة و عييت منها كل يوم
اما فيما يخص موضوعك عليك بالاستخارة و ربي يجيب الخير
ان شاء الله

[hano.jimi]

متخليش خذمتك

[lalib40]

الزواج احسن مشروع

[نور الرحمة]

صلي صلاة الاستخارة واذا كانت احوال المادية ميسورة لابئس ان تبقي في المنزل

[oprah]

صلي صلاة الاستخارة و ادعي ربي يعاونك تاخدي القرار
كل واحد و عقليتو كاينه لي متقدرش تخلي الخدمه و كاين لي عندها نورمال
مي أنا لوكان في بلاصتك منقدرش نخلي خدمتي خاصة ادا يوم واحد فقط و خدمه مافيهاش خلطة الرجال
يعني يوم زاحد ليك كانسان استخسرو فيك؟ يروح يدي بطاله نحير في عباد يروحو لبنات الناس لي سهرو عليهم والديهم باش يلحقو هاد الزمان الصعيب و كي يحس تعلقت بيه يقولها بطلي
مخك في راسك تعرف خلاصك
ادا كان مقتدر و قادر يعيش ولادو و كنتي أنت من النوع لي ميحبش الخرجه أقبلي

[رندة نهاد]

الطفلة شاورتكم رجعتو تدابزو المهبول لي يشاوركم روحي صلي استخارة واستخيري رب العباد وليس العباد ربي يكملك بالفرح ان شاء الله

[اياد حياتي]

اقولها بصراحة اختي يوم واحد في الاسبوع ما دا ما جاب كانك خرجتي زيارة والله ما نسمح في خدمتي يروح ويسوف لي قاعدين فالدار راهم بزاف انا نعرف نسا يعانو من رجالتهم باه يمدولهم حتى 10 علاف

[زبدة ذايبة]

ماشاء الله والحمد لله

حافظي على وظيفتك وعلى زوجك

تعلمنا قاعدة في بلادنا ولازلنا نحملها أينما كنا

ماتطلقش وش في يدك وتبع مافي الغار.

استخيري أولا في هذا الخاطب

لاتتركي عملك

أصبح الآن الرجل الجزائري سريع الملل من زوجته ( إلا من رحم الله) ومع مايعرضه سوق النخاسة في بلادنا من نساء كاسيات عاريات فأنت لاتضمنين أن يبقى الرجل على حاله.

فلا قدر الله قد ينقطع المكتوب بينكما حتى قبل الدخول.(مارانيش نفاولك)

حافظي على دينك ثم وظيفتك.

لو كان يريد زوجة ماكثة في البيت لتوجه إلى البيوت.

لكنه خطبك وأنت موظفة فلماذا يريد أن يزج بك في البيت. وخاصة أن دوامك رائع وهذه حجة عليه

رب يوفقك

[blanche rose]

المشاركة الأصلية كتبت بواسطة زبدة ذايبة

ماشاء الله والحمد لله

حافظي على وظيفتك وعلى زوجك

تعلمنا قاعدة في بلادنا ولازلنا نحملها أينما كنا

ماتطلقش وش في يدك وتبع مافي الغار.

استخيري أولا في هذا الخاطب

لاتتركي عملك

أصبح الآن الرجل الجزائري سريع الملل من زوجته ( إلا من رحم الله) ومع مايعرضه سوق النخاسة في بلادنا من نساء كاسيات عاريات فأنت لاتضمنين أن يبقى الرجل على حاله.

فلا قدر الله قد ينقطع المكتوب بينكما حتى قبل الدخول.(مارانيش نفاولك)

حافظي على دينك ثم وظيفتك.

لو كان يريد زوجة ماكثة في البيت لتوجه إلى البيوت.

لكنه خطبك وأنت موظفة فلماذا يريد أن يزج بك في البيت. وخاصة أن دوامك رائع وهذه حجة عليه

رب يوفقك

كلام في الصميم.

[اغادير]

اختي رأيك هو السلطان.... خاصة في الامر هذا بالذات..... اذا رأيت أنك لست بحاجة الى العمل..... فالاستقرار والزواج هو الحل الامثل...خاصة اذا كان الزوج انسان صالح وقادر على مسؤوليته