حائرة جدا

[مشكلتي]

السلام عليكم اخواني
لدي اخت تتكلم بالهاتف مع رجل لانعرف عليه اية معلومة المهم انه من خارج الوطن مع انها ليست بمخطوبة او متزوجة و انها محافظة على صلاتها و ملتزمة
و هذا ما اثار غضبي الشديد و اصبحت احس انها منافقة و و و مع انها لا تكلمه داخل المنزل و ان ظروفنا لا تسمح بزواجها به خلال العامين القادمين حتى يعني مازاااال 0 بسبب ظروفنا--
انا حائرة هل اخبر امي و كيف ستكلمها ؟؟
ماذا افعل ؟؟
شكراا

[مراد سابقا]

يا اختي في مثل هذه الأمور

السكوت ليس حلا يجب ان تواجهوها

بالأمر ولتوضح هي القضة كاملة

والغريب الناس ينظرون انها ملتزمة

والله كرهوتنا في الزواج

[~ دروب الخير ~]

نشكلة عويــــصة ،،
ليس لدي ما اقوله ،، اترك الرد للبقيةةةةةة

[nassima dz]

انا في رأيي صارحيها و خليها تحكيلك و نصحيها بلا ما تخبري يماك انا صراتلي تمنيت كن حكات معايا قبل ما تخبر يما

[عبد الله 34]

الهدرة تلفتلي

[salem1985]

لازم تخبري ماماك والا الساكت عن الحق شيطان اخرس

[mimimouni]

الساكت عن الحق شيطان اخرص
حاولي تكلميها قبل قوليلها لي يبغيك يجي للدار اولا
يخطب و من بعد الهاتف
اذا ماحبستش لازم تقولي لماماك اكيييييد

[khawlita.dz]

تكلمى معها اولا وخليها تحكيلك القصة من غير عصبية حتى تثق فيك وتحكيلك وانصحيها واعطيها فرصة
وان لم تستجب خبرى اهلك
لكن لا تتسرعى فى الحكم عليها واتهامها وتجريحها بالكلام حتى لا تاخ موقفا عكسيا وتتعنت
بالتوفيق

[mohamed.mabrek]

حاولي ان تكزني صديقتها وتحكيلك كل شيئ وتم تقدري تنصحيها وااذا شفتيها رح تغلط خبري يماك

[ام نهوله]

انصحيها بالتي هي احسن حتى لا تتمرد فان ابت فعليك اخبار الوالده

[conductrice]

خبري امك يا أختي الوقت لي رانا فيه صعيب وما يرحمش

[jiji17]

كلميها انت وناقشيها وعلاه تروحي تقوليها لمامك راها رايحة تكرهك وتحقد عليك أهديها بالتي هي احسن
واذا جيتها بالعكس واجباري رايحة نصر ومدامك قلتي رهي ملتزمة راح تقتنع بسهولة راه الشيطان غواها الله ينعل وهذي الدنيا فتن والانسان ايمان مرة يطلع ومرة يهبط ربي يهدينا

[nilly]

وواش فيها اد يامك عرفت وبابك عرف ؟ وشراح يديرولها زعم ؟ يااختاه انتي اكيد صغيرة واختك كبيرة اد تكلمت. مع رجل ماشي معنتها منافقة كيفاه جبيتها تتزوج لاسلكي ولا بمجرد تمني
باه تتزوج لازم يكون هناك رجل وباه يكون داك راجل لازم يكون عارفهت وعرفته ومكنش واحد يدي سمك من البحر ومكنش ليجي يخطب ديركت هادي في عهد امك وبابك عندهم الحق كل واحدلازم يعرف واش يدي باه ميكونش طلاق ومشاكل بعد دلك وانتي كي تكبري راح تديري كيما هي وراح تعرفي بلي اختك ماشي غالطة هي فقط تسعى لاسعاد نفسها

ويامك خليها هي لتخبرها وتخبر بابك ماشي انتيا واد عندكم عيب ولا راح يضربوها فيدار فالاحسن تقول لهدا شاب انو يجي يخطب ولا يهز قشه اما انها تدير حاجة واهلها ماشي موافقين ماشي مليح لانه باباها لازم يعرف بانها على علاقة بشاب

[naamane3]

المشاركة الأصلية كتبت بواسطة jiji17

كلميها انت وناقشيها وعلاه تروحي تقوليها لمامك راها رايحة تكرهك وتحقد عليك أهديها بالتي هي احسن
واذا جيتها بالعكس واجباري رايحة نصر ومدامك قلتي رهي ملتزمة راح تقتنع بسهولة راه الشيطان غواها الله ينعل وهذي الدنيا فتن والانسان ايمان مرة يطلع ومرة يهبط ربي يهدينا

كلام صواب بارك الله فيك
طبقي ما قالته الاخت حرفيا
والله المستعان

[jiji17]

المشاركة الأصلية كتبت بواسطة naamane3

كلام صواب بارك الله فيك
طبقي ما قالته الاخت حرفيا
والله المستعان

وفيك برك أخي وشكرا لك