رجاء من محترفات البقلاوة

[ام ورود]

والله عندى مشكل كبير في طياب البقلاوة مرة نحرقها ومرة منطيبهاش مليح ارجوا منكم النصيحة بخصوص طريقة الطهي في الفرن هل في رف الوسط او الرف العلوي
وكم درجة الفرن لازم تكون.....................ارجوكم ساعدوني بتجاربكم

[melissa lola]

انا نشعللها من التحت على 180 درجة نديرها في الوسط وكي تحمار من التحت نشعللها من الفوق دقيقة ولازوج تحمار فقط تاخذ واحد نص ساعة ويلا الفور انتاعك قاوي ديريها الفوق كامل هكاك ماتتحرقش

[fadilasor]

انا نديرها200 من بعد نقصلها 180 ونخليها في الوسط تاخد وقت كافي اكثر من نصف ساعة مادام ىكاين السمن مليح فيها ماراحش تتحرقلك الا اذا كان الفرن نتاعك قاوي ولا هو اصلا يحرق خليها تطيب بغرضها كي تشوفي الحمورية طلعت للفوق للحواشي اشعليلها من فوق والبقلاوة مش قاطو لي في الخمارة يعني تقدري تفتحي الفرن نتاعك وتتطمني عليها باش ماتتحرقلكش عادي

[ام ورود]

المشاركة الأصلية كتبت بواسطة melissa lola

انا نشعللها من التحت على 180 درجة نديرها في الوسط وكي تحمار من التحت نشعللها من الفوق دقيقة ولازوج تحمار فقط تاخذ واحد نص ساعة ويلا الفور انتاعك قاوي ديريها الفوق كامل هكاك ماتتحرقش

المشاركة الأصلية كتبت بواسطة fadilasor

انا نديرها200 من بعد نقصلها 180 ونخليها في الوسط تاخد وقت كافي اكثر من نصف ساعة مادام ىكاين السمن مليح فيها ماراحش تتحرقلك الا اذا كان الفرن نتاعك قاوي ولا هو اصلا يحرق خليها تطيب بغرضها كي تشوفي الحمورية طلعت للفوق للحواشي اشعليلها من فوق والبقلاوة مش قاطو لي في الخمارة يعني تقدري تفتحي الفرن نتاعك وتتطمني عليها باش ماتتحرقلكش عادي

جزاكم الله خيرا المرة الجاية لما نطيبها نتبع نصائحكم القيمة وشكرا مرة اخرى

[غزالة الصّحراء]

مساء الأنوار يا أختي.
أولا كلّ وحدة على حساب الفور أنتاعها. أنا عندي الفور أنتاعeniem لما أندخل صينيّة البقلاوة درجة الحرارة أتكون 160د. في الرّف ألي في الوسط. ممكن حتى بلا ماتكوني شاعل الفور من قبل. أنخلي البقلاوة أتطيب على راحتها. ولما أنشوف الحواشي أبتعدت عن الصينيّة وأصبحت تميل إلى البنّي الفاتح ، نشعل من الفوق. والنار أتكون ثاني أخفيفة باش الطبقات ايطيبوا . أي الطبقة العلويّة ماتبقاش عجينة.
وعلى كلّ حال البقلاوة لازم لها وقت طويل. واللّه في أغلب الأعراس أنشوف شكلها من الخارج ما أحلاه ، لكن لما أنذوقها نلقاها عجينة للأسف. ولهذا دائما لما نشعلوا للبقلاوة لازم نار خفيفة ووقت طويل. نتمنى أفدتك بالمعلومة.ونزيد لك إضافة أخرى عن البقلاوة، إذا حبيتي اتجيك هايلة . لازم لعجينة أتبيتيها. وماشي غير تجمعي لعجينة وتخليها ترتاح، لازم تعجينا وتزيد لها مقدار من الماء حتى تصبح طريّة .ومجرّد ماتخرجيها أتعسليها. وحتى لعسيلة مالازمش أتكون جاريّة بزاف. استعملي عسيلة المرجان راهي بزاف أمليحة حتى في المذاق. وإن شا اللّه تنجح معاك الطريقة.

[ام ورود]

[QUOTE=غزالة الصّحراء;3992310519]مساء الأنوار يا أختي.
أولا كلّ وحدة على حساب الفور أنتاعها. أنا عندي الفور أنتاعeniem لما أندخل صينيّة البقلاوة درجة الحرارة أتكون 160د. في الرّف ألي في الوسط. ممكن حتى بلا ماتكوني شاعل الفور من قبل. أنخلي البقلاوة أتطيب على راحتها. ولما أنشوف الحواشي أبتعدت عن الصينيّة وأصبحت تميل إلى البنّي الفاتح ، نشعل من الفوق. والنار أتكون ثاني أخفيفة باش الطبقات ايطيبوا . أي الطبقة العلويّة ماتبقاش عجينة.
وعلى كلّ حال البقلاوة لازم لها وقت طويل. واللّه في أغلب الأعراس أنشوف شكلها من الخارج ما أحلاه ، لكن لما أنذوقها نلقاها عجينة للأسف. ولهذا دائما لما نشعلوا للبقلاوة لازم نار خفيفة ووقت طويل. نتمنى أفدتك بالمعلومة.ونزيد لك إضافة أخرى عن البقلاوة، إذا حبيتي اتجيك هايلة . لازم لعجينة أتبيتيها. وماشي غير تجمعي لعجينة وتخليها ترتاح، لازم تعجينا وتزيد لها مقدار من الماء حتى تصبح طريّة .ومجرّد ماتخرجيها أتعسليها. وحتى لعسيلة مالازمش أتكون جاريّة بزاف. استعملي عسيلة المرجان راهي بزاف أمليحة حتى في المذاق. وإن شا اللّه ر تنجح معاك الطريقة. [/QUOTE
مشكورة يا اختى على الرد انا عندى كوشة كوندور بالنسبة للبقلاوة انا ديما نريحا نهار كامل مشكلتى هي الفرن طريقتك مليحة ممكن نعرف شحال تدى الوقت تقريبا وجزاك الله خيرا

[غزالة الصّحراء]

[quote=ام ورود;3992312159]

المشاركة الأصلية كتبت بواسطة غزالة الصّحراء

مساء الأنوار يا أختي.
أولا كلّ وحدة على حساب الفور أنتاعها. أنا عندي الفور أنتاعeniem لما أندخل صينيّة البقلاوة درجة الحرارة أتكون 160د. في الرّف ألي في الوسط. ممكن حتى بلا ماتكوني شاعل الفور من قبل. أنخلي البقلاوة أتطيب على راحتها. ولما أنشوف الحواشي أبتعدت عن الصينيّة وأصبحت تميل إلى البنّي الفاتح ، نشعل من الفوق. والنار أتكون ثاني أخفيفة باش الطبقات ايطيبوا . أي الطبقة العلويّة ماتبقاش عجينة.
وعلى كلّ حال البقلاوة لازم لها وقت طويل. واللّه في أغلب الأعراس أنشوف شكلها من الخارج ما أحلاه ، لكن لما أنذوقها نلقاها عجينة للأسف. ولهذا دائما لما نشعلوا للبقلاوة لازم نار خفيفة ووقت طويل. نتمنى أفدتك بالمعلومة.ونزيد لك إضافة أخرى عن البقلاوة، إذا حبيتي اتجيك هايلة . لازم لعجينة أتبيتيها. وماشي غير تجمعي لعجينة وتخليها ترتاح، لازم تعجينا وتزيد لها مقدار من الماء حتى تصبح طريّة .ومجرّد ماتخرجيها أتعسليها. وحتى لعسيلة مالازمش أتكون جاريّة بزاف. استعملي عسيلة المرجان راهي بزاف أمليحة حتى في المذاق. وإن شا اللّه ر تنجح معاك الطريقة. [/quote
مشكورة يا اختى على الرد انا عندى كوشة كوندور بالنسبة للبقلاوة انا ديما نريحا نهار كامل مشكلتى هي الفرن طريقتك مليحة ممكن نعرف شحال تدى الوقت تقريبا وجزاك الله خيرا

العفو، واللّه غير قلتلك. ما عنديش الوقت بالتّحديد. الطريقة ألي نعتمدها، لما أنشوف الحواشي بعيدة عن الصينيّة ولون الحواشي أصبح يميل إلى البنيّ الفاتح، نشعل من الفوق. وإذا ماكيش مزروبة لما أنحضّرها مرّة أخرى رايح نعطيك الوقت بالتّحديد. .
أما ألي أنا نقصدو ب: أتخليها ترتاح نهار كامل. يعني أتخلي لعجينة أتبات ليلة كاملة في الثلاجة. ومع الصباح أتخرجيها اشويا بكري أتخليها ترتاح، ثم تبداي العمل، واكثري المايزينة باش أتجيك تتقرمش، وثاني اطياب لازم أتطيب أمليح.

[ام ورود]

[quote=غزالة الصّحراء;3992312452]

المشاركة الأصلية كتبت بواسطة ام ورود

العفو، واللّه غير قلتلك. ما عنديش الوقت بالتّحديد. الطريقة ألي نعتمدها، لما أنشوف الحواشي بعيدة عن الصينيّة ولون الحواشي أصبح يميل إلى البنيّ الفاتح، نشعل من الفوق. وإذا ماكيش مزروبة لما أنحضّرها مرّة أخرى رايح نعطيك الوقت بالتّحديد. .
أما ألي أنا نقصدو ب: أتخليها ترتاح نهار كامل. يعني أتخلي لعجينة أتبات ليلة كاملة في الثلاجة. ومع الصباح أتخرجيها اشويا بكري أتخليها ترتاح، ثم تبداي العمل، واكثري المايزينة باش أتجيك تتقرمش، وثاني اطياب لازم أتطيب أمليح.

شكرا على التوضيح اختى.لا مانيش مزروبة عندى 3 ايام ملي طيبت صينية وهده المرة جاتنى مش طايبة من الداخل .ممكن برك تقوليلي كيفاش تعرفي انو الحشو مشبع ماء الزهر.وسامحينى كثرت عليك

[غزالة الصّحراء]

[quote=ام ورود;3992317701]

المشاركة الأصلية كتبت بواسطة غزالة الصّحراء

شكرا على التوضيح اختى.لا مانيش مزروبة عندى 3 ايام ملي طيبت صينية وهده المرة جاتنى مش طايبة من الداخل .ممكن برك تقوليلي كيفاش تعرفي انو الحشو مشبع ماء الزهر.وسامحينى كثرت عليك

أهلا بيك مرّة أخرى. غير ماتقلقيش روحك. أطرحي الأسئلة على قد ماحبيتي رايح أنجاوبك.
رايح نعطيك طريقتي في صنع البقلاوة.
3كيلات فرينة
كيلة سمن . بصح ماتكونش معمّرة نقصيلها 2 أصباع. كلّ ماتكون اشويّا ناقصة ( كيلة السّمن ) لعجينة رايح أتكون أمليح. ماش لازم اتجي تتفتّت
خلطي الكلّ واجمعي بالماء الدّافئ. ولما تتجمع لعجينة زيدي كيلي كيلة أنتاع الماء وابداي تعجنيها. ملاحظة ممكن أتكملي كلّ كميّة الماء ممكن اتخلي اشويا . على حساب الفرينة. وعلى حساب الفصل. في الشتاء لعجينة رايح أتشد روحها . وأما في الصّيف لازم تاخذي فقط نصف كميّة الماء. . ثم بعد العجن تعملي قرصات. وإلى الثلاجة داخل أكياس. اتركيها أتبات ليلة كاملة. ومع الصباح خرجيها اشويا بكري باش ترتا ح ويسهل معها العمل. حطي المايزينة على طاوله العمل ورشي أيضا لعجينة. ولازم أتكثري أشوي. وتحليها بالحلال أولا ثمّ مباشرة إلى الرّقم الأخير من الآلة باش يسهل عليك العمل.
أمّا بالنّسبة للحشو. أنا مانديروش معجّن نعملو كيما شغل راني أنحضّر في الطعام. يعني أنرش ماء الزّهر بشويا اشويا . شغل راني نفتل.
وأنا البقلاوة أنتاعي أندير فيها 7 طبقات من التحت و7 من الفوق. لما نوصل للطبقة السابعة من الطابق الأول أندير السمن ثمّ الحشو . ثمّ الطبقات السّبعة العلويّة.
أتمنى أن أكون وضّحت لك الطّريقة . وإذا مازال مافهمتيش أسألي . فأسأقول لك: شُبِيكْ لُبِّيكْ أَنَا بِينْ إِيْدِيكْ.

[*أم جابر*]

السلام عليكم ورخمة الله و بركاته
اختي انا ندير طاجين ثقيل في الاسفل
يمتص الحرارة و هكذا تطيب بعقلها و تجي رووووعة

[عبير الحـب]

السلام عليكم ورحمة الله تعالى وبركاته

أولا تعملي طاجين ثقيل مثل ماقالت الأخت ام اسيد1 والصينية نتاع البقلاوة الا مكانتش ثقيلة حطيها في صنية اخرى كبيرة وتسخني الفرن من قبل على درجة 160 وإذا الفرن ديالك كان فيه أرقام ويحرق بسرعة خليه تحت الرقم 1 أي على نار هادئة وتخليها تنضج لمدة ساعة حتى لساعة وشوية دائما على حسب نوعية الفرن وايضا نوع العجينة اللي استعملتيها الا حطيتي السمن راح تأخد اللون الذهبي





هادي عجينة مختلفة عن الأولى خبزتها عند الفران لان الصينية كبيرة جدا وكان قريب يحرقهالي

[ام ورود]

المشاركة الأصلية كتبت بواسطة عبير الحـب

السلام عليكم ورحمة الله تعالى وبركاته

أولا تعملي طاجين ثقيل مثل ماقالت الأخت ام اسيد1 والصينية نتاع البقلاوة الا مكانتش ثقيلة حطيها في صنية اخرى كبيرة وتسخني الفرن من قبل على درجة 160 وإذا الفرن ديالك كان فيه أرقام ويحرق بسرعة خليه تحت الرقم 1 أي على نار هادئة وتخليها تنضج لمدة ساعة حتى لساعة وشوية دائما على حسب نوعية الفرن وايضا نوع العجينة اللي استعملتيها الا حطيتي السمن راح تأخد اللون الذهبي





هادي عجينة مختلفة عن الأولى خبزتها عند الفران لان الصينية كبيرة جدا وكان قريب يحرقهالي

مشكورة اختي عبير شابة البقلاوة ديالك الله يبارك .انا نستعمل عجينة 4 كيلات فرينة بكيلة سمن ونلم بالماء وماء الزهر
مادا تقصدين بنوع العجينة
وماهو المشكل ادا تحصلت على الحشو جاري بعد الطياب

[عبير الحـب]

تسلمي أختي وأنا أقصد بنوع العجينة بالمقادير المختلفة لعجينة البقلاوة كاين اللي فيها البيض واللي فيها المايزينةواللي فيها السمن أو المارغرين والزيت الخ كل واحد واش يستعمل

بالنسبة لطريقة الوالدة نتاع زمان واللي أنا نعملها كل عيد هي 4 كيلات فرينة كيلة مرغرين من الأحسن لابال رشة ملح ونلمها بالماء فقط

الوصفة الثانية واللي نعلمها للمتربصات هي

3 كيلات فرينة
كيلة مايزينة
بيضة
نصف كيلة مارغرين
ماء الزهر = ماء دافئ تلميها طرية نوعا ما
وعند التوريق تدهني بخليط السمن والمرغرين

أما بالنسة للحشو استعملي كأس شاي من ماء الزهر فقط وكأس شاي من المارغرين أوالسمن في كيلو لوز

[عبير الحـب]

وان شاء الله سأزودك بوصفات اخرى لعجينة البقلاوة رائعة جداااا

[ziha24]

السلام عليكم أشري مول نتاع الزجاج موجود بكل الاحجام أنا عندي مول يدير من 45 الي 50حبة
تقدري تشوفي طيابو يجي كيما تحبي