كارثة عقود ماقبل التشغيل في قطاع التربية

[قلم حائر]

إلى كل من يعمل في قطاع التربية
لقد تيقنت أن عقود ماقبل التشغيل فيها مضيعه للوقت والجهد
أيعقل أن تقام مسابقات وعلى اساس الاختبار( معريفة) يعني انت تخدم وتتعب وفي الاخير يجيبولك واحد لا علاقة ويزيد يقولولك نعتلو هو مرسم وانت عقود العبودية
نصيحتي للكل أن من يعمل من أجل أنو يدمجوه ولا طامعة في مسابقة في القطاع ينسى
يدير في بالو أن يديباني كيما يقولوها بالعامية ولحب يخدم يروح يشوف مضرب اخر على الاقل يربح التقاعد تاعو
أنا حبست العقد تاعي في قطاع التربية وراني نخدم في مصنع محاسب مالي الحمد لله شهرية محترمة وزيد ضمان نلقاه في التقاعد
ربي يوفقكم
نصيحة ليا وليكم متطمعوش في قطاع التربية يديرلكم حاجة لقادر يبدل يبدل ولا الله غالب يديباني حتى يفرج ربي وخلاص

[amine eco]

عقود تضياع وقت في كافة مجالات وليس التربية فقط صديقي شارك في مسابقة داخلية في بلديات كان اغلب الناجحين من عمال مدارس الابتدائية التابعين للبلدية الذي لا يعملون سوى يوم في اسبوع ......على عكس عماال لبدية الذين يعاملون كعبيد

بنسبة لباقي قطاع التربية فأناث راضيين براتب 15000 دج حتى يجيها مكتوبها من حيث لا تدري


اما ذكور فمن افضل ممارسة عمل اخر + عقود وان رفض مدير يقدمو استقالتهم وتجه للقطاع الاقتصادي


مجرد رأي فقط

[سلمات مصطفى]

خويا العزير العبودي لله وحده لاشريك له . فلا يصح هذا الكلام خويا

[قلم حائر]

المشاركة الأصلية كتبت بواسطة سلمات مصطفى

خويا العزير العبودي لله وحده لاشريك له . فلا يصح هذا الكلام خويا

يا أخي نحن لا نقصد أنك تعبد فلا تتفلسف
يعني العبودية بمصطلح العبيد كما كان في الزمن البعيد تكون عبد لشخص يحرث عليك وكي تهدر يقولك نديرلك فصل
نزيد نقولك عندي صحبي قالو لمدير لازم تخدم مع المساعدين التربوين وجي كيما هوما يعني نفس المهام ولا نديرلك فصل
واش تسميه انت هذا عبودية ولا لا هوما يديو المردودية وانت تدي النشعات

[ana-jazayri]

chkon galek khoya chof ana fewet concour Khatra lifater ta3 pre emloi werbaht normal ostad ta3lim motawassit w3aytoli kemelt dosier mais la cart militaire ma3andich aya 3awdo 3aytoli galoli jibelna la cart militair madithach makanch donc gel3oni wkayen 10 yekhedmou m3aya fecieme rebhou wrahom khadamin lah ybarek ............rabi ysahel leljami3

[قلم حائر]

المشاركة الأصلية كتبت بواسطة ana-jazayri

chkon galek khoya chof ana fewet concour khatra lifater ta3 pre emloi werbaht normal ostad ta3lim motawassit w3aytoli kemelt dosier mais la cart militaire ma3andich aya 3awdo 3aytoli galoli jibelna la cart militair madithach makanch donc gel3oni wkayen 10 yekhedmou m3aya fecieme rebhou wrahom khadamin lah ybarek ............rabi ysahel leljami3

يا اخي العزيز نحن لا نتكلم على التعليم التعليم انت وشطارتك وسيفي تاعك مي دير في بال أن هد لعام مقبلوش شهادة العمل عقود ماقبل البطالة حكمو غير شهادة الاستخلاف يعني لكان تخدم عقود ورايح تشارك في المسابقة ميقبلوهلكش
أما في الجانب الاداري كانوا على الاقل يحصرو المسابقة لعمال عققود ماقبل البطالة ليخدمو في القطاع كيما دروها تاع البلديات ههكذا يكون حظ للجميع هوما فتحوها للجميع وعلى اساس الاختبار يعني انت تخدم 4 و5 سنوات يجي واحد مخدمش طول ينحج عليك كاينة منها ولا لا

[amine eco]

صح صح كاينة ......................

[نسرين22]

لازم حرب كيما تونس ولا مصر الرجال

[farid_2004]

المشاركة الأصلية كتبت بواسطة نسرين22

لازم حرب كيما تونس ولا مصر الرجال

علاش تونس ولا مصر واش ربحو بعد الحرب ؟

[خثير01]

المشاركة الأصلية كتبت بواسطة farid_2004

علاش تونس ولا مصر واش ربحو بعد الحرب ؟

مصر و تونس رجال تاع الصح
دافعو على رواحهم و كل ظالم اما تم قتله او تم اخراجه من عمله
مثلا انا عندي ليسانس و مانيش موظف و نشوف بعيني من ليس له مستوى و يعمل في ادارة
نتمنى تنحرق البلاد باه نولو في نفس المستوى
رئيس تاع النسا راك فاهم

[aminaskikda]

المشاركة الأصلية كتبت بواسطة خثير01

مصر و تونس رجال تاع الصح
دافعو على رواحهم و كل ظالم اما تم قتله او تم اخراجه من عمله
مثلا انا عندي ليسانس و مانيش موظف و نشوف بعيني من ليس له مستوى و يعمل في ادارة
نتمنى تنحرق البلاد باه نولو في نفس المستوى
رئيس تاع النسا راك فاهم

ح تاع مصر رجالة خرجو مبارك برائة و مرسى مسكين يخلص صصصصصصصصصصصصصصصصصصصصصح رجالة .........................لى مافهمش واش قاعد يصرى ماكالاه يهدر

[نجمة 17]

المشاركة الأصلية كتبت بواسطة خثير01

مصر و تونس رجال تاع الصح
دافعو على رواحهم و كل ظالم اما تم قتله او تم اخراجه من عمله
مثلا انا عندي ليسانس و مانيش موظف و نشوف بعيني من ليس له مستوى و يعمل في ادارة
نتمنى تنحرق البلاد باه نولو في نفس المستوى
رئيس تاع النسا راك فاهم

ربي يلطف بنا من ههذا التفكير احمد ربي على الامن والصحة لراك فيها عاجباتك الحروب والموت انتاع النساء والاطفال كل يوم عاى جال خدمتك راح تحرق البلاد اعطوني خدمة في الدولة ولا نحارب ونقتل ......كون راجل وكسل ذراعك كاين لخدمة ليتكل على رحو ويخدم بايدو واش معناها الصنيين لقاو الخدمة عندن وانتم لا لا واش بيها خدمة الفلاح الماصو البناء الدهن اتعلم وهز ميتي مش عيب طلب الرزق في الحلال حتى يفرج ربي ولا راقد ومتوسد الديبلوم وراح ادير الحرب اخدم واش جا وجيب رزقك ولا اعطاك ربي من جهة الدولة مذا بنا

[عابدين زينو]

قطاع التربية أضعف قطاع في مصداقية التوظيف لا ادماج لا والو ماتحلموش ياك شهادة العمل نتاعنا في المؤسسات التربية و ماقبلوهاش في مسابقات التربية هههههه ويقولك الاولوية لعقود الادماج ماتحلموش كما يقولون الاخو غيرو مكان عملكم

[خيرالدين أبو انس]

اخي انا راني في الصحة وكامل كيف كيف فمي الله غالب مالقيناش عليها وين

[عاشقة السكـون]

أوافقك الرأي
للأسف كثير قطاعات دمجوهم لكن قطاع التربية لم يدمج اي احد في القطاع الاداري حتى المسابقات وهمية بشروط خيالية ولا تجد لي يوقف معاك .المفروض مديري المؤسسات يضربوا على حق العاملين عندهم والمفروض ايضا انه لما ماكانش ادماج لاداس ولانام تبطل تبعث ناس لمديريات التربية