زوجي انسان مستقل في حياته

[مشكلتي]

انا عندي مشكلة مع راجلي ما نعرفش اذا نقدر نقول عليها مشكلة هو يحبني ويحترمني بصح ما يحسسنيش اني مرتو هو كان عايش وحدو وموالف يقضي امورو وحدو فمثلا ينوض صباح ماينوضنيش يوجد فطورو وحدو و اذا ماطيبتش ما يقوليش جربتو مرة ما طيبتش يومين ما قالي والو راح وشرا من برا ومرة راح طيب وحدو وقشو ديما هو اللي يغسلو ويكويه وكي ندخل الكوزينة ديما يجي يساعدني يا اما يغسل لماعن يا اما يوجد السلاطة فلي ويكاند ديما يشتي يعاود يرتب الدار ويبدل الديكور ويدخل في امور الدار كانو عايش فيها وحدو وكي نقولو يقولي راهي داري انا ثاني
نتمني يقولي ولو لمرة روحي جيبي لي نشرب و لا طيبي لي حاجة ولا يقولي وعلاه مادرتيش الحاجة هذيك نتمني
حتى مرات نجرحو بالهدرة ويغيضني المشكل انو برا ديما يبان واعر و معقد والناس كامل حايرة كيفاه رايحة نعيش معاه

[مياسم الصمت]

السلام عليكم ورحمة الله وبركاته

زوجك أختي من النوع الذي يعتمد على نفسه وتعود على ذلك قبل زواجه

لكن استغرب منك حقا ان تجربيه وما تطيبي ليومين متتاليين

ألم تقدري ربما نظرته اليك و انه قد يظن انك غير مهتمة به فيبين لك بالمثل انه يمكن ان يدبر اموره بنفسه دون حاجتك

حاولي اختي ان تقومي بما يستوجب عليك ثم لا ضير ان تدخل وساعد فيبقى بيه كما قال

والرسول صلى الله عليه وسلم كان يخدم نفسه ايضا رغم تعدد زوجاته

ربي يصلح احوالكم

[pomaria_aindefla]

قولي الحمد لله على هذه النعمة و الله يتمم بالخير

[وردة الرمال1]

المشاركة الأصلية كتبت بواسطة مشكلتي

ا
نتمني يقولي ولو لمرة روحي جيبي لي نشرب و لا طيبي لي حاجة ولا يقولي وعلاه مادرتيش الحاجة هذيك نتمني

يا أختي قولي الحمد لله على النعمة هاذي مش مشكلة
ربي يهنيكم ان شاء الله

[امونة الشاوية]

ههههههههه هاتي نخلطو طبايع رجالتنا ونقسمو ا
انا راجلي كون يشوف عين تسيح في الارض ما يقفالهاش
كون تصلحلو يقولي هاكي لاكوموند بدليلي وانا نخير
و.و.و.و. خلي برك ما نقولكش تهنينيتي ديري خدمتك واقعدي
اكيد زوجك عسكري ولا جدارمي ولا استقل بحياتو بكري واعتاد خدمة نفسو
كي عدتي حابة تخدمي كي تشوفيه يديرحاجة نحيهالو من يدو

[oumtamime07]

المشكل فينا احنا النساء

[بيلسان91]

ربي يهديييك باينة فيك فارغة شغل
روحي شوفي المشاكل تاع النسا يدوخ راسك
ونتي جاية تقولي حكاية كما هادي
نسا بزاااف يتمناو يتزوجو براجل كما هادا

[سجل أنا جزائري]

نورمال راجل اللي موالف يعيش وحدو توليلو نورمال يخدم روحو في دار و ما يحبش يتكل على وحدوخر حتى ولو كانت مرتو

عادي اذا كان هذا يحب هكذا ما تحوليش تغيريه حاولي نتي توالفي طبايعو المهم مش يقلق فيك

[sunshine2013]

بصحتك أختي عندك راجل نادر الوجود حافظي عليه بلا ما تهملي دارك

[هبة3]

ياختي العزيزة الحمد لله هذه ليست مشكلة الحل عندك, كي تلقايه ايدير في حاجتو قوليلو حبيبي هات عليك انا نكمل عليك وبشوية يتعاود وتوالي تقولي اييييييييييييه وعلاه ومايروحش وحدو تقوليها في قلبك كيما انا,سلام

[جويرية الإيمان]

ما تحيريش روحك يا اختي

أنا راجلي هكذا

كي يكون في دارهم كاس الماء ما ينوضش يجيبو

بصح في دارنا حتى الفور ما نوضش ليه مع اني قتلو نوضني الصباح باش نطيبلك الفطر بصح قالي لالا

و كيما قلت يجي يعاوني في الكوزينة بدون طلب مني و يغسل الشلاطة و يقلي الفلفل و يدير السلطة

و الامر عادي جدا بل بالعكس ممتع جدا لنا و نحن في المطبخ نضحك و نمزح بل و حتى نتكلمو في مواضيع

متعددة لا تخطر لنا و نحن في جلوس امام التلفاز او الكمبيوتر .

أما لو كنت مريضة فهو يقوم بكل شيئ من طبخ و غسيل مواعين و غسيل الملابس طبعا في الغسالة

و كيما يقول المثل ""واش تشتي يا جْدَيْ من نوار"".

أن ما تعقديش الامر أبدا اقضي حوايجك كي يروح للخدمة و وقت فراغك تعلمي أشغال يدوية أو خياطة

و ما ديريش في بالك بلي راه مستغني عليك ابدا .

و اولا و اخيرا قولي الحمد لله

[fella111]

اقول لك شيئ واااااااااااااااحد اختي .............انت اشبه بالعصفور اللي يزن على خرااااااااااااااااااااب عشو
هذا الراجل من المفروض انك تقبلي راسه صباااح مساء .........زوجك لا يوجد الان ناااادر ........استحفظي به و بركاي من المشاكل
ثم اهنالك احلى من انك تحضري الفطور لزوجك في الصباح فاتتك اجمل اللحظات .............عندك المنبهات استيقضي قبله .........نحن في سنة 2014 بعد الميلاد و ليس قبله

[bellaluna]

هذا حلم كلّ النّساء و أنت تعتبرينها مشكلة !!!!

[naamane3]

تخيلي ان زوجك كل يوم يجي سكران ويضرب ويسب ويكسر
اوتخيلي ان زوجك كل يوم عندو علاقة مع امراة غيرك
او تخيلي ان زوجك مدمن مخدرات ويسهر حتى للفجر ويجي مخو مكانش
احمدي ربي واشكريه على هاذ النعمة
واعلمى ان زوال النعم تكون من عدم الشكر

[بنت لبحر]

اختي احمدي ربي على النعمة لي راكي فيها .راجلك ميحبش يتعبك و يحوس على راحتك استمتعي بالنعمة هادي كاين ناس نحوس على ربعها و ملقاتهاش

ربي يخليك راجلك