هل اذهب للرؤية الشرعية أم لا داعي؟؟؟

السي محمد · 2014-10-17, 18:24

السلام عليكم ورحمة الله و بركاته

حبيت نشاوركم ( رجال و نساء) كبار و صغار في موضوع

المهم و كما يعلم البعض فانا مازلت في مرحلة البحث عن زوجة

و لحد الآن لم اُوفّق في ذلك...كل مرة اجدها مغلوقة امامي او هناك مشكل

قبل ايام شخص يعمل معي قال لي انه يعرف فتاة و من عائلة محترمة وبنت فاميلا و ( ساجية) ووو

قلتلو سقسي عليها مليح

هو قبل ما يعطيني المعلومات تكلم مع والدها اللي هو جاره

الاسبوع الماضي التقينا و قاللي انهم موافقين على استقبالي للرؤية الشرعية هذا الاسبوع ممكن الاربعاء إن شاء الله

المشكل وينه؟؟؟

المشكل ان البنت هاذي عمرها 28 سنة حسب ما قال ...انا ما عندي مشكل مع العمر... و بصراحة ارتاح لها قلبي حتى من دون رؤيتها او الحديث معها

الوالدة ربي يحفظها ترى ان عمرها كبير جدا بحكم ان عمري 29 و يجب ان تكون زوجتي تحت 25 على الاقل

هي لا تُمانع ولكن لما فتحت معها الموضوع اول مرة .... رأيت هروبها و انزعاجها

لا اريد ازعاج الوالدة .... و هي لا تمانع ان تذهب معي ... لكنها شبه غير موافقة و كارهة المشوار اصلاً

انا الآن محتار ... هل اذهب للرؤية ؟؟؟أم اعتذر و اقول للوسيط الصراحة بان عمر الفتاة لا يناسبني

انا افكر في ( شعور ) تلك الفتاة التي ربما فرحت وتجهزت للرؤية و بنت آمال و احلام

لا اريد ان اكون سبب في اذية الناس ..حتى لو كان بغير قصد

شخصيا اتمنى ان نذهب للرؤية و ربما تعجب الفتاة امي و توافق لاني كرهت الخطوبات هاذي المرة التاسعة

لكن اخاف ان تبقى الوالدة على رأيها....ما يعني اني ساقول للفتاة و اهلها...ماكاش مكتوب

في رايكم ما هو الافضل؟؟؟

مراد سابقا6 · 2014-10-17, 18:34

وحدة كي تفوت 23 سنة

أنا بالنسبة لي شخصيا منقدرش نزوجها

نورة مروان · 2014-10-18, 15:41

اقتباس:

المشاركة الأصلية كتبت بواسطة مراد سابقا6

وحدة كي تفوت 23 سنة

أنا بالنسبة لي شخصيا منقدرش نزوجها

الله يهديك الله يهديك

السي محمد · 2014-10-17, 18:42

شكرا مراد....ربي يعطيك ما تتمنى

sarah_2008 · 2014-10-17, 18:43

انا على حسب رايي روح للرؤية لانك كما قلت ربما ان لن تدهب سوف يجرح دلك شعورها و لا تستبق الاحداث فربما تعجب الوالدة الكريمة
انت روح و ادى الوالدة وبعد الرؤية ادا كان هناك نصيب دوك كلشي يسهال وادا ماكانتش فى المكتوب قول المكتوب ماكتبش كيما حصل معى مند مدة اتى شخص مالغرى الوالدة عجبتها بزاف بصح هو ماعجبتوش وكى ردلنا الخبر قالنا مانديش وماقالش السبب و هى فالاول تجى صعيبة خصوصا ادا كنت تملك الصفات التى تتمناها و لكن يبقى كل شئ بالمكتوب
وقبل كل شئ صلى الاستخارة انت والوالدة ربى يحفظهالك
وربى يتمم فى الخير

السي محمد · 2014-10-17, 19:14

اقتباس:

المشاركة الأصلية كتبت بواسطة sarah_2008

انا على حسب رايي روح للرؤية لانك كما قلت ربما ان لن تدهب سوف يجرح دلك شعورها و لا تستبق الاحداث فربما تعجب الوالدة الكريمة
انت روح و ادى الوالدة وبعد الرؤية ادا كان هناك نصيب دوك كلشي يسهال وادا ماكانتش فى المكتوب قول المكتوب ماكتبش كيما حصل معى مند مدة اتى شخص مالغرى الوالدة عجبتها بزاف بصح هو ماعجبتوش وكى ردلنا الخبر قالنا مانديش وماقالش السبب و هى فالاول تجى صعيبة خصوصا ادا كنت تملك الصفات التى تتمناها و لكن يبقى كل شئ بالمكتوب
وقبل كل شئ صلى الاستخارة انت والوالدة ربى يحفظهالك
وربى يتمم فى الخير

و هذا ما كنت اريد معرفته

كيف ستشعر الفتاة بعدما اذهب لرؤيتها ثم يجيها الرفض؟؟؟

شكرا لك اختي و ربي يعطيك ما تتمناي

سعاذ · 2014-10-17, 18:44

السلام عليكم
شوف خيا محمد انت انسان واعي
وتعرف يماك مليح وتعرف كيفاش تقدر تقنعا
سسور عند طرق خاصة
اذا طفلة مليحة مضيعهاش من يدك على جال هذي السبة
وشكون قالك بلاك هي قعدت لهذى العمر باش تكون من نصيبك
استخر و ربي يكون معاك
ربي يوفقك و ان شاء الله نسمعوا الاخبار لمليحة
دمتم في رعاية الله و حفظه

السي محمد · 2014-10-17, 19:07

اقتباس:

المشاركة الأصلية كتبت بواسطة سعاذ

السلام عليكم
شوف خيا محمد انت انسان واعي
وتعرف يماك مليح وتعرف كيفاش تقدر تقنعا
سسور عند طرق خاصة
اذا طفلة مليحة مضيعهاش من يدك على جال هذي السبة
وشكون قالك بلاك هي قعدت لهذى العمر باش تكون من نصيبك
استخر و ربي يكون معاك
ربي يوفقك و ان شاء الله نسمعوا الاخبار لمليحة
دمتم في رعاية الله و حفظه

شكرا لك اختي سعاد ربي يحفظك

================================
والله انا كرهت كل مرة نروح نخطب

و نطمّع بنات الناس

او انا نطمع

راني قريب نحطم الرقم القياسي في الخطوبات هههه

مريم الصابرة · 2014-10-17, 18:57

السلام عليكم خويا محمد
والله شوف نقولك بكل صراحة اللي نعرفو إنك إنسان تعرف كلام الله احق معرفة وتعرف إن الرسول عليه الصلاة والسلام تزوجنا السيدة خديجة رضي الله عنها وهي اكبر منه بكثير يعني الفارق بينك وبينها سنة وانت اكبر منها وين المشكل
امك كل امهاتنا والله لو تقولها راح نخطبها عندها 13 راح تشوف فيها الكنة وهي الحماة ههههههههه هذي واضحة وكل اللي خطبتهم ابدت نفس الإنزعاج وتروح معاك وعادي احقيقة امك كرهت منك ماشي من الطفلة هههههه كل مرة تكرها معاك وتخطب ويا محمد ممكن الطفلة تبان اصغر من سنها ممكن ترتاحولها لا خويا مديت كلمة روحو شوفوها كان ما عجبتكمش عادي ما تخسرو والو علاه تعتذز وتجرحها مسكينة قول ليماك نروحو برك ماراهيش موافقة اكيدة
إن شاء الله ال 9 ثابتة هههههه

السي محمد · 2014-10-17, 19:17

اقتباس:

المشاركة الأصلية كتبت بواسطة مريم الصابرة

السلام عليكم خويا محمد
والله شوف نقولك بكل صراحة اللي نعرفو إنك إنسان تعرف كلام الله احق معرفة وتعرف إن الرسول عليه الصلاة والسلام تزوجنا السيدة خديجة رضي الله عنها وهي اكبر منه بكثير يعني الفارق بينك وبينها سنة وانت اكبر منها وين المشكل
امك كل امهاتنا والله لو تقولها راح نخطبها عندها 13 راح تشوف فيها الكنة وهي الحماة ههههههههه هذي واضحة وكل اللي خطبتهم ابدت نفس الإنزعاج وتروح معاك وعادي احقيقة امك كرهت منك ماشي من الطفلة هههههه كل مرة تكرها معاك وتخطب ويا محمد ممكن الطفلة تبان اصغر من سنها ممكن ترتاحولها لا خويا مديت كلمة روحو شوفوها كان ما عجبتكمش عادي ما تخسرو والو علاه تعتذز وتجرحها مسكينة قول ليماك نروحو برك ماراهيش موافقة اكيدة
إن شاء الله ال 9 ثابتة هههههه

ههههه خطبت وحدة عمرها 17 قاللك صغيرة

خطبت وحدة في عمرها 28 قاللك كبيرة

خطبت مولات 22 سنة قالت لك حابة نخدم

خطبت مولات 26 سنة...راكي عارفة القصة بلاما نزيد نحكي

و زيد وزيد ههه

انا نعرف الثالثة ثابتة..بالصح التاسعة؟؟؟

ربي يحفظك اختي مريم

biti · 2014-10-17, 19:10

حيرتني
خصك وحدة متدينة ولا صغيرة
امك حاول تقنعها
اولا صلي استخارة الله يوفق

السي محمد · 2014-10-17, 19:21

اقتباس:

المشاركة الأصلية كتبت بواسطة biti

حيرتني
خصك وحدة متدينة ولا صغيرة
امك حاول تقنعها
اولا صلي استخارة الله يوفق

خصني وحدة متدينة و صغيرة و ماكثة

biti · 2014-10-17, 19:34

اقتباس:

المشاركة الأصلية كتبت بواسطة السي محمد

خصني وحدة متدينة و صغيرة و ماكثة

عدرا اخي
لكن هل هدا يعني السعادة
صغيرة تكون تلعب
كبيرة شاربة عقلها حابة تكون اسرة و تستقر
اما تاع تربيها على يدك كانت بكري اليوم مكاش تربيها على يدك ممكن تقنعها و هدا بالحب و السياسة
اهم حاجة الاخلاق امك ممكن ملت الروحات و الجيات
صلي استخارة و سقسي على اخلاقها ادا كانت مليحة تقدم و متشوفش وراك راهم قلال
ومفهمتش وعلاه تحوسو على الصغيرة زوخ و مظاهر ولا واش ولا زعما مدارتش العلاقات ابدا مش صحيح راهم بنات 14 ودايرين علاقات الموضوع موضوع اخلاق مش سن
وزيد علاه مديتلها موعد قبل ما تشاور امك ’’’’’’’’’’’’’’’’’ مشاعر البنت متهمش
ربي يرزقك بالبنت لي تستاهلك و تستاهلها و يهنيكم
وافينا بالجديد

محمد جديدي التبسي · 2014-10-18, 12:24

وعليكم السلام ورحمة الله وبركاته
أخي ياسين يبدو أنك أنت أيضا لست مقتنعا بمسألة السن ولا تريد هاته الفتاة وتبحث عن ذريعة وقد قلت:

اقتباس:

المشاركة الأصلية كتبت بواسطة السي محمد

خصني وحدة متدينة و صغيرة و ماكثة

لذلك أخي اعتذر عن الذهاب وأخبر الوسيط بأن رفض الوالدة هو السبب ولا داعي لذكر مسألة العمر
أما إن كنت تريد راحة البال فاذهب للرؤية وما راك خاسر اي شيء كلش بالمكتوب ممكن تعجبكم هاذي الفتاة أنت والوالدة
لأن مسألة الاعجاب بشخص ما تتعلق بأشياء نفسية ليس لنا دخل فيها ربما تحبها والدتك من نظرة واحدة إليها من يدري
مسأة العمر ليست مهمة المهم تكون متخلقة ومطيعة وتقبل بشروطك والسعادة عمرها ما كانت في الزواج من صغيرة العقلية أهم والعشرة هي التي تديم المودة ما رأيك فيمن يتزوج من تكبره سنا وعايش سعيد ومتهني؟!! ربي يفتح عليك
ربما العاشرة ثابتة ... لا تقلق من مسألة الخطبة هي مكاتيب أعرف من خطب أكثر من عشر مرات وداها في الاخير بنت 18 لكن هل هو سعيد الله أعلم...

Dinho · 2014-10-17, 19:15

بصراحة أخي 28 سنة بزاف يا خويا والله راني نهدر معاك كي خويا

خدها في العشرينيات ومادام انا والدتك غير مرتاحة فانصحك ان لا تدهب

يا اخي كل شيء هين ويمكن تداركه ولكن رضى الوالدين فوق كل شيء

ولو كنت مكانك والله امي فوق كل شيء

وبيني وبينك نتكلم كلام رجال

28 سنة هادي فاتها القطار ولن تعيش معها في هناء

لذلك انصحك اخي بواحدة صغيرة تربيها على يديك و تعلمها امور الحياة الزوجية

لان بنت العشرين تكون كالوردة في ريعانها ويمكنك تعهدها بالرعاية والحنان فتكون لك زوجة رائعة

اما ما فاتتت ال 25 سنة تكون اكتر جرئة وتكون قد تاقلمت على امور كتيرة لا يمكنك بعدها ان تغير من تلك الامور

فحدر هده نصيحة من اخوك