نطمع نشري خبز الدار من لبرا نطلق مرتي ....ماتخلعوش

ولد حمد الباتني · 2014-09-28, 20:02

السلام عليكم ورحمة الله وبركاته
واش راكم ان شاء الله بخير

في كل موسم عيد وقبل يومين تبدا تظهر لاشان والطوابير أمام المخبزات لأجل شراء خبز الدار ...

وكم اتعجب ونحير كيفاه في مناسبة ويوم في العام حتى خبز الدار يشريوه ؟؟؟؟؟ ثم نترحم على الوالدة بالخير الله يحفظها
ماكانش قد يطيب فالدار والريحة تاعو تضرب فالدار ويديوه يطيب فالبلاطو وو هاذي هيا بنة العيد وبنة خبز الدار ، ماوش تشريه طيبهولك سماعيل الكواش وتروح فرحان تكونجليه ....
حتى إسمو خبز الدار الدار الدار
ولكن هذا كامل ومازال المشكل المحير، وهي البعض يشريو الخبز العادي تاع ألف فرنك نهار العيد ؟؟؟؟
انا نحير والله، حتى نهار العيد تضربو الخبز ؟؟ ماكانش حجة مقنعة تشري الخبز نهار العيد، واليوم والأطم قالك راهم استوردو الخبز من الإمارات مكونجلي في حاويات لتفادي الندرة ؟؟
يعني عيد عيد ونشري خبز من الإمارات جاي في حاويات مكونجلي ؟؟ كاريثة مانتخيلهاش تصرا
لا أدري المشكل في الرجال ألي مايزيروش نساهم يطيبولهم خبز الدار ؟؟ ولا لمرا ألي ماتعرفش ؟؟؟؟، ولا تاع سماعيل المخبزة بنين ؟؟ ولا ماكانش الصوارد ؟؟؟

العام لي فات كان واحد مداير لاشان يشري خبز الدار وكي لقا الغاشي خرج من لاشان وقالي لوكان نطمع مرتي نشريلها خبز الدار من برا نطلقها ، قتلو صحيت صح كنت مداير لاشان تشري لحليب ....

اذا عندكم أجوبة وأراء اتفضلوا
ملاحظة:
المقصود من الموضوع ماوش على الكسرة ولا الرخساس كيفاه يسميوه البعض هذاك الحمد لله يومي يطيب فالدار
الموضوع على خبز الدار تاع المناسبات ولا رمضانات ولا مانعرف ...
صورة خبز الدار

الصديق قروف · 2014-09-28, 20:17

ربي يحفضلي يما
واحد الخبز مكانش كيفو
وكي نزوج لازم تعلم مرتي دير الخبز ادا متعرفش
الحوايج هادو ميصلحش يتشراو

ولد حمد الباتني · 2014-09-28, 20:34

اقتباس:

المشاركة الأصلية كتبت بواسطة seddik 3223

ربي يحفضلي يما
واحد الخبز مكانش كيفو
وكي نزوج لازم تعلم مرتي دير الخبز ادا متعرفش
الحوايج هادو ميصلحش يتشراو

أمين أمين
كيما قلت حوايج مايتشراوش

optimism · 2014-09-28, 21:52

السلام عليكم
بزاف علينا نصنعوا زليف ودوارا ووووو,,,,,,,,,,,نهار العيد
نزيدو تاني نخبزوا
صح عيدكم ,,,,,,,,,,ان شاء الله تكلوا خبز الدار

ولد حمد الباتني · 2014-09-28, 21:59

اقتباس:

المشاركة الأصلية كتبت بواسطة optimism

السلام عليكم
بزاف علينا نصنعوا زليف ودوارا ووووو,,,,,,,,,,,نهار العيد
نزيدو تاني نخبزوا
صح عيدكم ,,,,,,,,,,ان شاء الله تكلوا خبز الدار

أمين علينا وعليكم بالصحة والعافية
بصح خبز الدار يطيبوه يوم قبل ...

مريم الصابرة · 2014-09-28, 22:06

السلام عليكم اخي
فعلا كلامك صح لانو رجع كل شي يتباع لكن هذا فالمدن الكبرى انا نظن الارياف مازالو يعجنو رحت لمنطقة فولاية الجلفة ونزلنا نشرو الخبز في بالنا كيما عندنا يتباع قالنا حنا الصباح بطري نصدقو منو اما نبيعوه خبز الدار عيب لالا يعني عجبوني فالمقولة هذي بزاف
الصراحة حنا فالعيد ما نعجنوش لانو من عادات امي وخلاتي وغيرو يوم العيد يكونو مع الكبش وامورو مش العجين الصباح بكري نديرو المسمن وكاين يقولولو المدلوك هذاك نديرو بكري ونخرجوه صدقة
لكن كيما قلت والله عيب إنو مرا فالدار ويروح الراجل يشري من برا عيب حتى لو ما تعرفش مرتو مش عيب اول ما تتزوج تبدا تتعلم من عجوزتها عادي جدا ومع الوقت تتعلم ماكانش اللي زاد متعلم
شكرا لك

ولد حمد الباتني · 2014-09-29, 12:39

اقتباس:

المشاركة الأصلية كتبت بواسطة مريم الصابرة

السلام عليكم اخي
فعلا كلامك صح لانو رجع كل شي يتباع لكن هذا فالمدن الكبرى انا نظن الارياف مازالو يعجنو رحت لمنطقة فولاية الجلفة ونزلنا نشرو الخبز في بالنا كيما عندنا يتباع قالنا حنا الصباح بطري نصدقو منو اما نبيعوه خبز الدار عيب لالا يعني عجبوني فالمقولة هذي بزاف
الصراحة حنا فالعيد ما نعجنوش لانو من عادات امي وخلاتي وغيرو يوم العيد يكونو مع الكبش وامورو مش العجين الصباح بكري نديرو المسمن وكاين يقولولو المدلوك هذاك نديرو بكري ونخرجوه صدقة
لكن كيما قلت والله عيب إنو مرا فالدار ويروح الراجل يشري من برا عيب حتى لو ما تعرفش مرتو مش عيب اول ما تتزوج تبدا تتعلم من عجوزتها عادي جدا ومع الوقت تتعلم ماكانش اللي زاد متعلم
شكرا لك

أهلا مريم صابرة شكرا على المشاركة الباهية
كيما قلتي فرق كبير بين المدينة لكبيرة والريف ن وبين بنت لمدينة وبنت الريف
وحتى خبز الدار يطيبوه ليلة قبل العيد ونهار العيد راهم مع لخروف ولغسيل والنظافة
مانعرف عرفو خبز الدار ولا تبالهم نقصد الكسرة ههه
وكيما قلتي لازم لمرا تتعلم بصح كي يكون الراجل راجل وحابها تتعلم ويزيرها اطيبلو ويشرط عليها تضطر تتعلم ...

زرقـآء اليمآمـة · 2014-09-28, 22:26

السام عليكم
اييييييييييه ...... لقد صار صنع الخبز من المواد التي في طريقها الى الانقراض .......... الا من البيوت التي فيها السبوعة ........
خبز الخباز يكون لذيذ وهو جديد وما ان يمر عليه الوقت يفقد لذته ويصبح كالمطاط ...... ولكن خبز الدار حتى ولو يمر عليه يوم يبقى بنين و له ذوق مميز ..................الامر في يد الرجل ان اراد تناول خبز الدار فليعمل على اجبار زوجته كي تحضره له يوميا ......... شكرا لك

ولد حمد الباتني · 2014-09-29, 12:45

اقتباس:

المشاركة الأصلية كتبت بواسطة زرقـآء اليمآمـة

السام عليكم
اييييييييييه ...... لقد صار صنع الخبز من المواد التي في طريقها الى الانقراض .......... الا من البيوت التي فيها السبوعة ........
خبز الخباز يكون لذيذ وهو جديد وما ان يمر عليه الوقت يفقد لذته ويصبح كالمطاط ...... ولكن خبز الدار حتى ولو يمر عليه يوم يبقى بنين و له ذوق مميز ..................الامر في يد الرجل ان اراد تناول خبز الدار فليعمل على اجبار زوجته كي تحضره له يوميا ......... شكرا لك

أهلا بيك زرقاء
كيما قلتي البيت ألي فيه السبوعة، او البيت ألي فيه الفحلات لحراير بنات الأصل ...
وكيما قلتي فرق كبير بين خبز الدار تاع لبرا وخبز الدار تاع الدار
أفهم من كلامك أن الراجل هو ألي يعاون مرتو على الكسل ولخيابة وهو ألي قادر يصلحها ؟؟؟

نقاء روح · 2014-09-30, 01:41

اقتباس:

المشاركة الأصلية كتبت بواسطة زرقـآء اليمآمـة

السام عليكم
اييييييييييه ...... لقد صار صنع الخبز من المواد التي في طريقها الى الانقراض .......... الا من البيوت التي فيها السبوعة ........
خبز الخباز يكون لذيذ وهو جديد وما ان يمر عليه الوقت يفقد لذته ويصبح كالمطاط ...... ولكن خبز الدار حتى ولو يمر عليه يوم يبقى بنين و له ذوق مميز ..................الامر في يد الرجل ان اراد تناول خبز الدار فليعمل على اجبار زوجته كي تحضره له يوميا ......... شكرا لك

اخي صاحب الموضوع اسمح لي بتعليق بسيط

اختي زرقاء اليمامة والله المرا الحرة تفهم روحها بروحها وحتى وان كانت تخدم برا على الاقل في المناسبات كيما العيد ولا رمضان تخدم بيديها وما تخليش راجلها يحكم لاشان

والزوجة الفحلة ما تستناش راجلها حتان يفيقها ولا يجبرها ويقول لها راني وليت نحشم من لاشان برا يعني تفهم روحا وحدها وهذا واجب عليها

الا في حالات خاصة كالمرض هنا لا يكلف الله نفسا الا وسعها

المهم حبيت نبين انو الزوجة ما تستناش واحد يفيقها ويقول لها قومي بواجباتك المنزلية

نارينا · 2014-09-29, 00:30

يعني انت الكبش والضياف من جهة ونزيد نتسلفو الوقت من أستراليا أو أمريكا بش نخدمولكم خبز الدار يوم العيد ...فكرتني بش نشري الخبز ونكونجيليه للعيد ان شاء الله ....أما أنتم الرجال فمهمتكم هي الأكل والمطالبة بتحضير الطعام واستقبال الضيوف والغسل والتنظيف و خبز الدار كذلك ....بالمناسبة لقد قمت بتحضير نوعين من الحلوى أما خبز الدار لا والف لا يوم العيد الكبير

ولد حمد الباتني · 2014-09-29, 12:51

اقتباس:

المشاركة الأصلية كتبت بواسطة نارينا

يعني انت الكبش والضياف من جهة ونزيد نتسلفو الوقت من أستراليا أو أمريكا بش نخدمولكم خبز الدار يوم العيد ...فكرتني بش نشري الخبز ونكونجيليه للعيد ان شاء الله ....أما أنتم الرجال فمهمتكم هي الأكل والمطالبة بتحضير الطعام واستقبال الضيوف والغسل والتنظيف و خبز الدار كذلك ....بالمناسبة لقد قمت بتحضير نوعين من الحلوى أما خبز الدار لا والف لا يوم العيد الكبير

هذا هو خبز الدار المقصود

هذا أظن يطيب يومين قبل ولا يوم ويتكنوجلا ويبقى عادي جدا
علابالي صبحية العيد الفوضى تاعها وقضياتها وحدها
بصح مادام عملتوا الحلوى يعني ماتشتيوش خبز الدار برك
أما في الراجل همو كرشو فهذي عندك الحق ولكن حتى لمرا تفهم روحها
انا مستحيل نتخيل نهار العيد ناكل باقيطة خبز تاع ألف فرنك ........

مـــاهـــر · 2014-09-29, 00:37

خخخخخخخخخخ العااااااام اللي فاات شريت 20خبزة
الغاااااشي يشوف فياا يقولوو جاي من الصوماال الشقيقة
هههههههههههه
+
اما عن وقتنا دوووووووك .... قللللللللللللللليل جداااا جدااا تلقاها طيبلك خبز الدار ولا الكسرة
اووووووووووه تبدل الوقت كيما يقوولووو .. وحتى الرجلة مبقاتش كيما بكريييييييي
ربي يلطف

ولد حمد الباتني · 2014-09-29, 12:56

اقتباس:

المشاركة الأصلية كتبت بواسطة عَّآزٍّفٍّ آلِّقٍّيِّثٍّآرِةٍّ

خخخخخخخخخخ العااااااام اللي فاات شريت 20خبزة
الغاااااشي يشوف فياا يقولوو جاي من الصوماال الشقيقة
هههههههههههه
+
اما عن وقتنا دوووووووك .... قللللللللللللللليل جداااا جدااا تلقاها طيبلك خبز الدار ولا الكسرة
اووووووووووه تبدل الوقت كيما يقوولووو .. وحتى الرجلة مبقاتش كيما بكريييييييي
ربي يلطف

20 باقيطة وروحت فرحان بيها هههه
الوقت تبدل بصح عيد عيد تضرب خبز تاع ألف فرنك ؟؟؟ تعيف شوي

*سندوسة* · 2014-09-29, 08:16

الحمد لله انا صباح نتاع لعيد قبل مانضحيو لخبز يكون واااااااااااااااااجد"المطلوع"

وربي يحفظلي الام لي علمتني اني مانستناش حتى يشرولي من برا

المطلوع سخون مع الملفوف حاجة روعة

ذوقو البنة ورجعولي لخبر

وعيد سعيد للجميع